Вспомогательные услуги при транспортировке по земле, воде и воздуху (Грузия - Тендер #68786867)

სსიპ- სახელმწიფო ქონების ეროვნული სააგენტოს საკუთრებაში არსებული ავტომანქანების საგზაო მოძრაობის მონიტორინგის მომსახურება (GPS მომსახურება).

• მიმწოდებელმა უნდა უზრუნველყოს სსიპ - სახელმწიფო ქონების ეროვნული სააგენტოს საკუთრებაში არსებული არაუმეტეს 80 ერთეული ავტომანქანისათვის ნავიგაციის სისტემის დამონტაჟება მონიტორინგის მომსახურების განხორციელების მიზნით.
• მომსახურება სათანადო მონიტორინგის ცენტრის საშუალებით უნდა განხორციელდეს ყოველდღიურად 24 საათის განმავლობაში (24/7);
• მონიტორინგის სისტემაში წვდომა შესაძლებელი უნდა იყოს ნებისმიერ ინტერნეტში ჩართული მოწყობილობიდან Google Chrome, Mozilla Firefox, Internet Explorer, Safari ინტერნეტ ბრაუზერების გამოყენებით, მხოლოდ შესაბამისი პაროლისა და მომხმარებლის სახელის გამოყენებით;
• უნდა გააჩნდეს Google Streets/Satellite, OpenStreetMap, Microsoft Bing , არანაკლებ ორთო 2014 რუკების მხარდაჭერა;
• დამკვეთს უნდა გააჩნდეს საშუალება ადმინისტრატორის მომხმარებლიდან შექმნას მომხმარებლების ულიმიტო რაოდენობა უფლებების და სერვისებზე წვდომის მითითებით;
• მონიტორინგის სისტემა საშუალებას უნდა იძლეოდეს შემსყიდველის ავტოსატრანსპორტო საშუალებების მდებარეობის შესახებ ინფორმაციის მიწოდება ხდებოდეს ,,ონლაინ“ რეჟიმში, ამასთან მანქანის პიქტოგრამაზე კურსორის მიტანისას უნდა ისახებოდეს მონაცემები ა/მანქანის მიმდინარე სიჩქარეზე, კოორდინატებზე, ადგილმდებარეობის მისამართზე, ძრავის მდგომარეობაზე (ჩართული/გამორთული), სატრანსპორტო საშუალების მიმდინარე დღის განვლილ მანძილზე; ასევე უნდა იყოს შესაძლებელი ავტომობილების სორტირება მინიმუმ შემდეგი პარამეტრების მიხედვით: დღის განმავლობაში განვლილი მანძილის, სიჩქარის, სახელის და ბოლო განახლების მიხედვით.
• შესაძლებელი უნდა იყოს სატრანსპორტო საშუალების შესახებ სხვადასხვა ინფორმაციის მიწოდება:
 პერიოდის მიხედვით მოძრაობის ისტორია ვიზუალურად რუკაზე, მოძრაობის ტრაექტორიაზე გაჩერებების მითითებით;
 მითითებული პერიოდის, კვირის დღეების მიხედვით ან საათობრივად განვლილი მანძილის, მოძრაობის დროის და მაქსიმალური სიჩქარის შესახებ ინფორომაციის მიღება;
 პერიოდის მიხედვით მარშრუტზე ინფორმაციის მიღება: მოძრაობის დაწყების დრო და მისამართი, მოძრაობის დასრულების დრო და მისამართი, მოძრაობის ხანგრძლივობა, ძრავის მუშაობის ხანგრძლივობა, განვლილი მანძილი, დაფიქსირებული მაქსიმალური სიჩქარე და საშუალო სიჩქარე;
 პერიოდის მიხედვით ჩართული ძრავით გაჩერების შესახებ ინფორმაციის მიღება, გაჩერების დროის და მისამართის მითითებით;
• მონიტორინგის სისტემას უნდა გააჩნდეს რუკაზე ნებისმიერი ფორმის და ფერის ზონების დამატება, რომლის მეშვეობითაც მოხდება მითითებულ ზონაში გავლილი მანძილის და შესული/გამოსული სატრანსპორტო საშუალებების გაკონტროლება, ამასთან შესვლა/გამოსვლა კონტროლდებოდეს, როგორც „ლაივ“ რეჟიმში შეტყობინების სახით, ისე სტატისტიკურ მონაცემებში ასახვით;
• მონიტორინგის სისტემაში უნდა იყოს შესაძლებლობა, რუკაზე მისამართის და კონკრეტული პერიოდის არჩევით - ძებნა, იმყოფებოდა თუ არა რომელიმე ავტომობილი არჩეულ პერიოდში.
• მონიტორინგის სისტემაში შესაძლებელი უნდა იყოს თითოეულ სატრანსპორტო საშუალებაზე მომხმარებელმა მიუთითოს მარკა/მოდელი, შეცვალოს ვიზუალური ხატულა, მიუთითოს მძღოლის/მძღოლების მონაცემები, მაქსიმალური დასაშვები სიჩქარე ( ქუჩების მიხევდით ან ფიქსირებული ), მიუთითოს სატრანსპორტო საშუალებათა ჯგუფი. მაქსიმალური დასაშვები სიჩქარის გადაჭარბების შემთხვევაში, მიიღოს შეტყობინება, როგორც „ლაივ“ რეჟიმში, ისე ასახვა სტატისტიკურ მონაცემებში;
• მონიტორინგის სისტემაში უნდა იყოს გამოყოფილი შეტყობინებების ცალკე მენიუ, სადაც შესაძლებელი იქნება ნებისმიერი შემოსული შეტყობინების სიის სახით ნახვა.

• შესაძლებელი იყოს ყველა ზემოაღნიშნული სტატისტიკური მონაცემების რეპორტების გენერირება და ექსპორტი Excel, PDF ფორმატში;
• მონიტორინგის სისტემა უნდა უზრუნველყოფდეს შეტყობინებების ელ.ფოსტაზე ავტომატურად გადაგზავნას, მითითებული პერიოდის მიხედვით;
• ხელშეკრულების გაფორმების შემდგომ შემსყიდველს საკუთრებაში უნდა გადაეცეს პროგრამული უზრუნველყოფა, რომლის საშუალებით შემსყიდველს ექნება საშუალება მომსახურების პერიოდის გასვლის შემდგომ, ნახოს საკუთრებაში არსებული ავტომობილების გადაადგილების ისტორია.

მონიტორინგის სისტემას უნდა გააჩნდეს შემდეგი დამატებითი ფუნქციები:

• მარშრუტის დაგეგმვის ფუნქცია;
• დასახლებული პუნქტებში რუკაზე იძებნებოდეს ქუჩები და შენობები დასახელებისა და ნომრების მიხედვით;
• GPS მოწყობილობას უნდა გააჩნდეს ავტონომიური კვების ელემენტი, რომელიც უზრუნველყოფს მონაცემების გადმოგზავნას მაშინაც, როდესაც დარღვეულია სატრანსპორტო საშუალებასთან კვების წრედი, რის შესახებაც მონიტორინგის სისტემაში „ლაივ“ რეჟიმში ფიქსირდება შეტყობინება და აისახება სტატისტიკურ მონაცემებშიც; შიდა კვების წყარო უნდა იყოს არანაკლებ 850 mAh or 210 mAh (optional), რისი საშუალებითაც მთავარი კვების შეწყვეტის დროს შესაძლებელი იქნება მონაცემების გადაგზავნა მინიმუმ 4 საათის განმავლობაში.;
• მოწყობილობას უნდა გააჩნდეს ასევე აქსელომეტრი, რომლის საშუალებითაც შესაძლებელი იქნება მოწყობილობიდან ინფორმაციის მიღება იმ შემთხვევაში თუ მოხდა მანქანის დაქოქვის გარეშე გადაადგილება, ასევე მკვეთრი აჩქარება-შენელების პარამეტრების დაფიქსირებისთვის;
• GPS მოწყობილობას უნდა გააჩნდეს ადგილსამყოფლის უმალვე გადმოგზავნა ავტომობილის მდებარეობის მაქსიმალური სიზუსტით;
• GPS მოწყობილობა გამართულად უნდა მუშაობდეს -20 C - +55 C ტემპერატურის ფარგლებში;
• მოწყობილობას უნდა ჰქონდეს საშუალება GSM/GPRS სიგნალის დაფარვის ზონიდან გასვლის შემთხვევაში ჩანაწერების შენახვის ფუნქცია;
• მხარდაჭერილი უნდა იყოს თავისუფლად ჩამოსატვირთი აპლიკაცია სმარტფონებისთვის, რომლის საშუალებითაც უფლებამოსილ პირს ეძლევა საშუალება განახორციელოს მონიტორინგი სმარტფონების გამოყენებით. აპლიკაცია უნდა წარმოადგენდეს მონიტორინგის განხორციელების სრულფასოვან საშუალებას და მასში უნდა ჩანდეს შემდეგი ინფორმაცია: მანქანის მოძრაობა და ინფორმაცია პირდაპირ ეთერში, ისტორია, სტატისტიკა და შეტყობინებები. აპლიკაცია უნდა მუშაობდეს Android და iOS ოპერაციულ სისტემებზე.
• მონიტორინგის სისტემაში მუშაობასთან დაკავშირებით შემსყიდველის თანამშრომლებს (საჭიროების შემთხვევაში) უსასყიდლოდ უნდა ჩაუტარდეს ტრენინგი;
• მიმწოდებელი ვალდებულია, შემსყიდველის მითითების შესაბამისად, უსასყიდლოდ მოახდინოს GPS
მოწყობილობის გადაადგილება ერთი სატრანსპორტო საშუალებიდან მეორეზე - ულიმიტოდ.

- მომსახურების გაწევის ადგილია - საქართველოს ტერიტორია;
- მომსახურების გაწევის დრო: მოწყობილობის ავტომანქანაზე მონტაჟიდან ყოველდღიურად 24 საათიან რეჟიმში;
- GPS მოწყობილობების ა/მანქანებზე მონტაჟი უნდა განხორციელდეს შემდეგ ქალაქებში: ქ. თბილისი, ქ.თელავი, ქ.რუსთავი, ქ. გორი, ქ. ქუთაისი, ქ.სამტრედია, ქ.ბათუმი ან/და ქ.ფოთი, ქ.ახალციხე.

2026 წლის 1 იანვრიდან 2026 წლის 31 დეკემბრის ჩათვლით.

1 მომსახურების გაწევის ადგილია - საქართველოს ტერიტორია;
2 მომსახურების გაწევის დრო: მოწყობილობის ავტომანქანაზე მონტაჟიდან ყოველდღიურად 24 საათიან რეჟიმში;
3 GPS მოწყობილობების ა/მანქანებზე მონტაჟი უნდა განხორციელდეს შემდეგ ქალაქებში: ქ. თბილისი, ქ.თელავი, ქ.რუსთავი, ქ. გორი, ქ. ქუთაისი, ქ.სამტრედია, ქ.ბათუმი ან/და ქ.ფოთი, ქ.ახალციხე.

1. პრეტენდეტს უკანასკნელი 3 (სამი) წლის (2022-2025 წწ) განმავლობაში უნდა გააჩნდეს ანალოგიური/მსგავსი მომსახურების მიწოდების გამოცდილება, რაზედაც ელექტრონულ სისტემაში უნდა წარმოადგინოს შესაბამისი გამოცდილების დამადასტურებელი დოკუმენტაცია (დასრულებული ხელშეკრულების/ხელშეკრულებების ფარგლებში);

შენიშვნა: უკანასკნელი 3 (სამი) წლის (2022-2025 წწ) განმავლობაში ანალოგიური საქმიანობის შესრულება არ გულისხმობს აღნიშნული საქმიანობის უწყვეტად განხორციელებას.

2. სახელმწიფო შესყიდვის განხორციელების შემთხვევაში პრეტენდნტმა, უნდა წარმოადგინოს SPA/CMR/NAT ნომერი/ნომრები და ამ შემთხვევაში გამოცდილების დამადასტურებელი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. პრეტენდენტმა უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში;
2. დანართი №1 ფასების ცხრილი (პუნქტი 1.3);
3. პრეტენდენტის გამოცდილებასთან დაკავშირებული დოკუმენტაცია (პუნქტი 2.2.1).

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე:
1. ფასწარმოქმნის ადევაკვატურობის დამადასტურებელი დოკუმენტი, წარმოდგენილი უნდა იქნას საქართველოს კანონმდებლობით განსაზღვრული აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნის სახით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების / აკრედიტაციის დამადასტურებელი დოკუმენტი).
2. პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
3. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

1. ანგარიშსწორება მოხდება უნაღდო ანგარიშსწორებით ლარში, ფაქტობრივად მიწოდებული შესყიდვის ობიექტის ღირებულების შესაბამისად.
2. ანგარიშსწორება მიმწოდებელთან განხორციელდება მიღება–ჩაბარების აქტის გაფორმებისა და მიმწოდებლის მიერ სასაქონლო ზედდებულის და ანგარიშფაქტურის წარდგენის საფუძველზე.

7.2. პუნქტში მოცემული დოკუმენტების სრულად წარდგენიდან არაუგვიანეს 10 (ათი) სამუშაო დღის ვადაში.

მარიამ სამსონია, 599455556, msamsonia@nasp.gov.ge

1. სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის ჩათვლით, დღგ-ს ჩათვლით;
2. პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. პრეტენდენტი ვალდებულია, მის მიერ შექმნილი, წინადადების სახით წარსადგენ დოკუმენტებზე (მაგ., ფასების ცხრილი, ინფორმაცია საკუთარი გამოცდილების შესახებ და ა.შ.) შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). აღნიშნულისთვის პრეტენდენტს აქვს ორი შესაძლო გზა:
2.1 ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
2.2 გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით (GEO Signing CA) ან/და კვალიფიციური შტამპით (GEO Eseal CA).
3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. არაქართულენოვანი დოკუმენტაცია არ განიხილება. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით, შესრულებული თარგმანები ქართულ ენაზე, ნოტარიულად დამოწმებული. დოკუმენტთან დაკავშირებული სადავო საკითხ (ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
4. პრეტენდენტმა უნდა უზრუნველყოს განფასება დ.ღ.გ-ს ჩათვლით დანართის ფასების ცხრილის მიხედვით;
5. სხვადასხვა ვალუტაში გამოსახული სატენდერო წინადადება არ განიხილება;
6. ნავაჭრის დაზუსტების შემთხვევაში, პრეტენდენტმა ფასის კლება პოზიციებზე უნდა განახორციელოს პროპორციულობის პრინციპით, ასევე, კლება პრეტენდენტმა უნდა განახორციელოს სატენდერო წინადადებაში დაფიქსირებული ფასიდან გამომდინარე;
7. პრეტენდენტს არა აქვს უფლება წარმოადგინოს ალტერნატიული სატენდერო წინადადება.