Услуги по обработке и хранению грузов (Грузия - Тендер #68786865)

ევაკუატორის საშუალებით ტვირთის გადაზიდვის მომსახურება.

შემსყიდველის მოთხოვნის (მოთხოვნა განხორციელდება ელექტრონული ფოსტის საშუალებით) შესაბამისად, მომსახურების მიწოდება უნდა განხორციელდეს ოპერატიულად, დღე-ღამის ნებისმიერ მონაკვეთში, 24 საათიან რეჟიმში, საქართველოს მთელს ტერიტორიაზე (შესაძლებელია არასამუშაო დღეებშიც):

ა) ერთადგილიანი ევაკუატორით გადაზიდვის სავარაუდო კილომეტრაჟი 9000 კმ;
ბ) ამწე ევაკუატორით (ობობა) გადაზიდვის სავარაუდო კილომეტრაჟი 3000 კმ;
გ) სატვირთო ავტომანქანის (უნაგირა საწევარი) გადაზიდვის სავარაუდო კილომეტრაჟი 500 კმ;
დ) სატვირთო ავტომანქანის მისაბმელის (ე.წ ტრაილერის მისაბმელი) გადაზიდვის სავარაუდო
კილომეტრაჟი 500 კმ-ზე.


1. ევაკუატორი აღჭურვილი უნდა იყოს ჯალამბარით (ე.წ ლიბიოტკა);
2. ამწე ევაკუატორს უნდა ჰქონდეს შესაძლებლობა დამოუკიდებლად, დაუზიანებლად აიღოს მანქანა, დადოს ევაკუატორზე და განახორციელოს ტრანსპორტირება;
3. მიმწოდებელმა უნდა უზრუნველყოს ჩატვირთვა–გადაზიდვა–გადმოტვირთვისას უსაფრთხოების ნორმების დაცვა;
4. მიმწოდებელი პასუხისმგებელია ტვირთის დაუზიანებლად გადაადგილებაზე, ხოლო დაზიანების შემთხვევაში პასუხისმგებლობა ეკისრება მიმწოდებელს;
5. მიმწოდებელმა უნდა უზრუნველყოს დროული და ხარისხიანი მომსახურება;
6. მიმწოდებელმა ერთადგილიანი და ობობა ევაკუატორის წარმოდგენა უნდა უზრუნველყოს შეტყობინების მიღებიდან არაუმეტეს 2 საათის განმავლობაში;
7. მიმწოდებელმა სატვირთო ავტომანქანის და სატვირთო ავტომანქანის მისაბმელის ტრანსპორტირებისთვის ევაკუატორის წარმოდგენა უნდა უზრუნველყოს შეტყობინების მიღებიდან არაუმეტეს 24 საათის განმავლობაში;
7. მიმწოდებელი ვალდებულია შემსყიდველის მოთხოვნის შემთხვევაში ერთდროულად წარმოადგინოს არანაკლებ 4 ერთეული ევაკუატორი მსუბუქი ავტომანქანისთვის (ერთადგილიანი/ობობა).

შენიშვნა #1 - გადასაზიდ ტვირთს წარმოადგენს ავტო-მოტო სატრანსპორტო საშუალებები ან/და სატვირთო ავტომანქანები და მისაბმელები. მიმწოდებელი ვალდებულია სატელეფონო ან/და ელექტრონული ფოსტის საშუალებით შეტყობინების (შეკვეთის) მიღების მომენტიდან მომსახურების გაწევა დაიწყოს დროულად, შემსყიდველის მიერ მოთხოვნილი ვადის/პირობის შესაბამისად. გაწეული მომსახურების კილომეტრაჟი იანგარიშება ტვირთის დადების ადგილიდან გადაზიდვის დასრულების ადგილამდე.

შენიშვნა #2 - დანართი №1-ში მოცემულია მომსახურების სავარაუდო მოცულობა, რომელიც შეიძლება სრულად არ იქნეს ათვისებული. ასევე, თუ მომსახურების გაწევისას აღმოჩნდა, რომ მომსახურების ჩამონათვალიდან რომელიმე პოზიციაზე მომსახურების მოცულობა (რაოდენობა) ამოიწურა და აღნიშნული მომსახურების გაწევა დამატებით გახდა აუცილებელი, შემსყიდველის შეხედულებისამებრ მხარეთა შეთანხმების საფუძველზე შესაძლებელია ხელშეკრულების ფარგლებში განხორციელდეს ცვლილება სხვა მომსახურების მოცულობის (რაოდენობის) შემცირებით, ხელშეკრულების საერთო ღირებულების შეუცვლელად.

შესყიდვის ობიექტის მიწოდება უნდა განხორციელდეს, ეტაპობრივად, შემსყიდველის მოთხოვნის (მოთხოვნა განხორციელდება მეილის საშუალებით) შესაბამისად, ოპერატიულად, შესაძლებელია არასამუშაო დღეებშიც, დღე-ღამის ნებისმიერ მონაკვეთში 24 საათიან რეჟიმში. მოთხოვნის შესაბამისად, ეტაპობრივად - ხელშეკრულების გაფორმებიდან, მაგრამ არაუადრეს 2026 წლის 1 იანვრიდან, 2026 წლის 25 დეკემბრის ჩათვლით.

შესყიდვის ობიექტის მიწოდების ადგილია: შემსყიდველის მოთხოვნის შესაბამისად, საქართველოს მთელ ტერიტორიაზე.
ხელშეკრულების მოქმედების პერიოდში ნებისმიერი სირთულის ტვირთის გადაზიდვა განხორციელდება.

1. პრეტენდენტს უნდა გააჩნდეს 2018 წლიდან - წინამდებარე ტენდერში სატენდერო წინადადებების მიღების ვადის დასრულებამდე, ანალოგიური მომსახურების გაწევის არანაკლებ ერთწლიანი უწყვეტი გამოცდილება;
2. უწყვეტობა გულისხმობს მომსახურების გაწევას უწყვეტად არანაკლებ 12 კალენდარული თვის განმავლობაში;
3. გამოცდილების დასადასტურებლად, წარმოდგენილი უნდა იქნას შესრულებული ხელშეკრულებები, წარმოდგენილი ხელშეკრულების მიღება-ჩაბარების აქტები და ამ ხელშეკრულებებთან დაკავშირებული დადასტურებული ანგარიშ-ფაქტურები (ასეთის არსებობის შემთხვევაში) სრულად;
4. სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT/ CON ან სხვა ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი, დადასტურებული ანგარიშ-ფაქტურები) წარმოდგენა სავალდებულო არ არის.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. პრეტენდენტმა უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში;
2. დანართი №1 (ფასთა ცხრილი, პუნქტი 1.3);
3. პრეტენდენტის გამოცდილების დამადასტურებელი დოკუმენტაცია (პუნქტი 2.2.1).

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე:
1. შემსყიდველი ორგანიზაციის წერილობითი მოთხოვნის შემდგომ, პრეტენდენტმა უნდა უზრუნველყოს ფასწარმოქმნის ადეკვატურობის დასაბუთების წარმოდგენა ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/ აკრედიტაციის დამადასტურებელი დოკუმენტი).
2. პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
3. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

1.ანგარიშსწორება მოხდება უნაღდო ანგარიშსწორებით ლარში, ეტაპობრივად, ფაქტობრივად მიწოდებული მომსახურების შესაბამისად.
2. ანგარიშსწორება მოხდება მიღება–ჩაბარების აქტის გაფორმების და ანგარიშფაქტურის (ასეთის არსებობის შემთხვევაში) წარმოდგენის შემდგომ.

წინამდებარე სატენდერო პირობების 7.2 ველის მე-2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშო დღის განმავლობაში.

გიორგიბასილაია, 599801177, gbasilaia@nasp.gov.ge

1. სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის ჩათვლით, დღგ-ს ჩათვლით;
2. პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. პრეტენდენტი ვალდებულია, მის მიერ შექმნილი, წინადადების სახით წარსადგენ დოკუმენტებზე (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.) შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). აღნიშნულისთვის პრეტენდენტს აქვს ორი შესაძლო გზა:
2.1 ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
2.2 გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით (GEO Signing CA) ან/და კვალიფიციური შტამპით (GEO Eseal CA).
3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. არაქართულენოვანი დოკუმენტაცია არ განიხილება. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით, შესრულებული თარგმანები ქართულ ენაზე, ნოტარიულად დამოწმებული. დოკუმენტთან დაკავშირებული სადავო საკითხ (ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
4. პრეტენდენტმა უნდა უზრუნველყოს განფასება დ.ღ.გ-ს ჩათვლით დანართი №1-ის მიხედვით;
5. სხვადასხვა ვალუტაში გამოსახული სატენდერო წინადადება არ განიხილება;
6. ნავაჭრის დაზუსტების შემთხვევაში, პრეტენდენტმა ფასის კლება პოზიციებზე უნდა განახორციელოს პროპორციულობის პრინციპით, ასევე, კლება პრეტენდენტმა უნდა განახორციელოს სატენდერო წინადადებაში დაფიქსირებული ფასიდან გამომდინარე;
7. პრეტენდენტს არა აქვს უფლება წარმოადგინოს ალტერნატიული სატენდერო წინადადება.