Услуги по очистке и санации (Грузия - Тендер #68673264)

ისნის რაიონის გამგეობისა და გამგეობის საუბნო განყოფილებების (მუნიციპალიტეტების) შენობების დასუფთავება მოვლა-პატრონობის სახელმწიფო შესყიდვა.

1.2.1 მიმწოდებელმა უნდა განახორციელოს ქ. თბილისის მუნიციპალიტეტის ისნის რაიონის გამგეობის სარგებლობაში არსებული ადმინისტრაციული შენობის და გამგეობის საუბნო განყოფილებების საოფისე ფართების მოვლა-პატრონობა, დალაგება-დასუფთავება და საჭიროების შემთხვევაში ობიექტებზე სადეზინფექციო, სადეზინსექციო, სადერატიზაციო მომსახურების ჩატარება, მომსახურების გაწევა უნდა განხორციელდეს შემდეგ მისამართებზე:
1. გამგეობის ადმინისტრაციულ შენობა
შენობის დასასუფთავებელი საერთო ფართი - 1440 მ2
ფანჯრები და ვიტრაჟები -132 მ2.
სველი წერტილი - 9 ერთეული
დამლაგებელი - არანაკლებ 3, პერსონალის შერჩევა შემსყიდველთან შეათანხმებით.

2. ნავთლუღის საუბნო განყოფილება
შენობის დასასუფთავებელი საერთო ფართი - 115 მ2 ფანჯრები და ვიტრაჟები - 25 მ2;
სველი წერტილი - 2 ერთეული
დამლაგებელი - არანაკლებ 1, პერსონალის შერჩევა შემსყიდველთან შეათანხმებით.

3. ავლაბარი, მეტრომშენის საუბნო განყოფილება
შენობის დასასუფთავებელი საერთო ფართი - 90 მ2 ფანჯრები და ვიტრაჟები - 65 მ2
სველი წერტილი - 2 ერთეული
დამლაგებელი - არანაკლებ 1, პერსონალის შერჩევა შემსყიდველთან შეათანხმებით.

4. ვაზისუბნის საუბნო განყოფილება
შენობის დასასუფთავებელი საერთო ფართი - 85 მ2 ფასადის შუშები და ფანჯრები - 43 მ2;
სველი წერტილი - 2 ერთეული
დამლაგებელი - არანაკლებ 1, პერსონალის შერჩევა შემსყიდველთან შეათანხმებით.
1.2.2 მომსახურება უნდა განხორციელდეს ამ სფეროში არსებული სტანდარტებისა და ნორმების სრული დაცვით, საქართველოს კანონმდებლობით დადგენილი წესით.
1.2.3 მიმწოდებელი ვალდებულია მომსახურე პერსონალი უზრუნველყოს: ერთნაირი ახალი უნიფორმით, მანიშნებელი ლოგოტიპით, შესაბამისი ინსტრუმენტებით, საჭირო ინვენტარით და სხვა საშუალებებით, რომელიც საჭირო იქნება მომსახურების გაწევის პროცესში (ხერხი, ელექტრო ან ბენზინიანი ცელი და სხვა);
1.2.4 მიმწოდებელმა, საზოგადოებრივი ტრანსპორტის გადაადგილების შეზღუდვის/აკრძალვის შემთხვევაში, საკუთარი ხარჯით უნდა უზრუნველყოს მომსახურე პერსონალის ტრანსპორტირება, რათა მათ დაუბრკოლებლად შეძლონ თავისი უფლებამოსილების განხორციელება.
1.2.5 მიღება-ჩაბარების აქტი გაფორმდება და ანაზღაურება მოხდება ეტაპობრივად, ყველა ობიექტზე ერთობლივად.
1.2.6 შესასყიდი ობიექტის ტექნიკური მახასიათებლები და რაოდენობა მოცემულია შესყიდვის ობიექტის ტექნიკურ დავალებაში.

მომსახურების გაწევის ვადა: ეტაპობრივად, 2026 წლის 01 იანვრიდან 2026 წლის 31 დეკემბრის ჩათვლით

მომსახურების გაწევის ადგილი:
- ნავთლუღის ქუჩა N8_1;
- ქ.წამებულის გამზირი N61;
- ვაზისუბნის მე-3 მ/რ მე-2 კვ. კ-16;
- ბ/ხმელნიცკის 153ა.

1. პრეტენდენტს 2023 წლის 1 იანვრიდან ტენდერის გამოცხადებამდე უნდა გააჩნდეს შენობების დასუფთავება-მოვლა-პატრონობის მომსახურების შესრულების გამოცდილება, ჯამური ღირებულებით მინიმუმ შესყიდვის ობიექტის სავარაუდო ღირებულების არანაკლებ 100%-ის ოდენობის. საკმარისია ერთი წელიც. აღნიშნულის დასადასტურებლად პრეტენდენტი ვალდებულია ერთიან ელექტრონულ სისტემაში წარმოადგინოს დამადასტურებელი დოკუმენტაცია-ხელშეკრულებ(ები)ა და ამ ხელშეკრულების საფუძველზე გაფორმებული: 1. მიღება-ჩაბარების აქტები; 2. ფორმა N2 (არსებობის შემთხვევაში) და 3. გადახდის დამადასტურებელი დოკუმენტი, რომლითაც გარკვევით დადასტურდება პრეტენდენტის მიერ შესრულებული სამუშაო. პრეტენდენტს თუ არ ექნება განხორციელებული ანალოგიური სამუშაოები, მოთხოვნილი ღირებულების ოდენობის, მოხდება პრეტენდენტის დისკვალიფიკაცია;
2. იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, SPA/NAT/CMR... ნომრ(ებ)ი-ს მითითების შემთხვევაში შესრულების დამადასტურებელი დოკუმენტ(ებ)ი-ს წარმოდგენა სავალდებულო არ არის.

შენიშვნა: ინფორმაცია წარმოდგენილი უნდა იყოს დანართი N2-ის მიხედვით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველ ორგანიზაცია პრეტენდენტს მოსთხოვს ფასწარმოქმნის ადეკვატურობის დასაბუთებას (ტენდერისათვის სტატუსის „გამარჯვებული გამოვლენია“ მინიჭებამდე). ფასწარმოქმნის ადეკვატურობა შესაძლებელია დასაბუთდეს ექსპერტიზის ან/და აუდიტის დასკვნით (დასკვნასთან ერთად წარმოდგენილი უნდა იქნეს დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასის და ჯამური ღირებულების ადეკვატურობა. ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული მომსახურების გაწევის შესაძლებლობა.
ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

1. ანგარიშსწორება მოხდება ეტაპობრივად, უნაღდო ანაგარიშსწორებით ეროვნულ ვალუტაში, საქონლის მიღება-ჩაბარების აქტის საფუძველზე. 2026 წლის ადგილობრივი ბიუჯეტის სახსრებით.
2. სატენდერო წინადადების ფასი წარმოდგენილი უნდა იქნას დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული). გამარჯვებულთან ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა, თუ ხელშეკრულების დადების მომენტისათვის გამარჯვებული არის დღგ-ს გადამხდელად რეგისტრირებული საქართველოს კანონმდებლობის მოთხოვნათა შესაბამისად-თანახმად „ელექტრონული ტენდერის ჩატარების წესის“ 21-ე მუხლის მე-5 პუნქტისა;

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 (ათი) სამუშაო დღის განმავლობაში.

გია ბულაშვილი, 577158615, g.bulashvili@tbilisi.gov.ge ტექნიკურ საკითხებზე - თამარ ნავროზაშვილი 599 54 85 87

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა;
10.1.4 სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის ან სხვა პრეტენდენტის მიერ სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.5 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. ფასების ცხრილი დანართი №1–ის მიხედვით (ხარჯთაღრიცხვის წარმოუდგენლობა ან განუფასებელი ხარჯთაღრიცხვის წარმოდგენა ან წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას);
2. ინფორმაცია გამოცდილების შესახებ - დანართი №2–ის შესაბამისად.