Строительно-монтажные работы (Грузия - Тендер #68673259)

ბიუროს სამედიცინო ექსპერტიზის დეპარტამენტის გარანტირებული წყლის მიწოდების სამტუმბოიანი სატუმბი სადგურის დემონტაჟის და ახალი სატუმბი სადგურის მოწყობის სამუშაოების შესყიდვა

1. მიმწოდებელმა უნდა უზრუნველყოს ადგილზე საჭიროების შემთხვევაში დამცავი გამაფრთხილებელი ნიშნების დაყენება. სამუშაო სივრცეში დაცული უნდა იყოს უსაფრთხოების წესები;

2. მიმწოდებელმა უნდა უზრუნველყოს, სამუშაოს შესრულების პროცესში, საკუთარი მიზეზით (მათ შორის გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით;

3. მიმწოდებელმა სამუშაოების მიმდინარეობის პერიოდში და დასრულების შემდეგ ტერიტორია უნდა გაათავისუფლოს სამშენებლო ნარჩენებისაგან და გაიტანოს ნაგავსაყრელზე;

4. მიმწოდებელი ვალდებულია სამუშაოს შესრულება განახორციელოს საქართველოში მოქმედი ნორმატიულ-ტექნიკური დოკუმენტაციისა და უსაფრთხოების ნორმების მკაცრი დაცვით;

5. მიმწოდებელი ვალდებული არის სამუშაოების შესრულების ეტაპზე შესმსყიდველთან შეთანხმებულ დროს, შესაბამისი ორგანოდან მიღებული თანხმობის შემდგომ, განახორციელოს ელექტრო მომარაგების გათაიშვა ქსელიდან.

სამუშაოების შესრულება უნდა განხორციელდეს ხელშეკრულების გაფორმებიდან არაუმეტეს 10 კალენდარული დღის ვადაში

სამუშაოების შესრულება უნდა განხორციელდეს - ქ. თბილისი, ნოდარ ბოხუას 23/25.

პრეტენდენტის მიერ შესრულებულ სამუშაოებზე და დამონტაჟებულ დანადგარებზე უნდა ვრცელდებოდეს მხარეთა მიერ გაფორმებული მიღება-ჩაბარების აქტიდან არანაკლებ 2 (ორი) წლიანი საგარანტიო ვადა.

2.1.1.1. პრეტენდენტმა ხარჯთაღრიცხვაში უნდა მიუთითოს შემოთავაზებული საქონლის (წყლის ტუმბო) მწარმოებელი, მწარმოებელი ქვეყანა და მოდელი, წინააღმდეგ შემთხვევაში პრეტენდენტი მიიღებს დისკვალიფიკაციას.

2.1.1.2. პრეტენდენტი ვალდებულია შესყიდვების ერთიან ელექტრონულ სისტემაში ატვირთოს ხარჯთაღრიცხვით (დანართი N1) შემოთავაზებული წყლის ტუმბოს შესახებ სრული ინფორმაცია, კერძოდ მწარმოებლის ოფიციალური ვებ-გვერდის ბმული ,,ლინკი” ან/და შემოთავაზებული საქონლის ბროშურა/კატალოგი (ქართულად ნათარგმნი და ნოტარიულად დამოწმებული), რომლის მიხედვითაც შემსყიდველს ექნება საშუალება მოიძიოს ინფორმაცია შემოთავაზებული საქონლის ხარჯთაღრიცხვით გათვალისწინებულ მონაცემებთან შესაბამისობის დადგენის მიზნით. იმ შემთხვევაში თუ, შემოთავაზებული საქონლის მწარმოებლის ოფიციალურ ვებ გვერდზე ან ბროშურა/კატალოგში არ ფიქსირდება სატენდერო დოკუმენტაციით მოთხოვნილი საქონლის ყველა ტექნიკურ პარამეტრი ან/და შეუსაბამობა აღმოჩნდება პრეტენდენტის მიერ სატენდერო წინადადებაში დაფიქსირებულ საქონლის პარამეტრებსა და მწარმოებლის ოფიციალურ ვებ გვერდზე ან ბროშურა/კატალოგში არსებულ საქონლის პარამეტრებს შორის, პრეტენდენტმა უნდა წარმოადგინოს მწარმოებლის მიერ გაცემული და დადასტურებული საქონლის ტექნიკური მონაცემები - რომელსაც უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.

პრეტენდენტმა უნდა წამოადგინოს:

2.9.1. ხარჯთაღრიცხვა ატვირთული უნდა იყოს როგორც Excel-ის ფორმატის ფაილის სახით დანართი N1–ის მიხედვით. (პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ხარჯთაღრიცხვა (სატენდერო დოკუმენტაციის დანართი N1) ან წარმოდგენილი იქნება განფასების გარეშე ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს).

2.9.2. ინფორმაცია სამუშაოების შესრულების საგარანტიო ვადის შესახებ;


შენიშვნა:

„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

7.2.1. იმ შემთხვევაში თუ მიმწოდებელი მიმდინარე წლის 23 დეკემბრამდე უზრუნველყოფს შესყიდვის ობიექტის მოწოდებას და ექსპლუატაციაში გაშვებას, მიღება-ჩაბარების აქტის გაფორმებას, მიმწოდებელთან ანგარიშსწორება განხორციელდება არაუგვიანეს 2025 წლის 30 დეწკემბრისა;

7.2.2. იმ შემთხვევაში თუ მიმწოდებელი ვერ უზრუნველყო შესყიდვის ობიექტის სრულად მოწოდებას და ექსპლუატაციაში გაშვებას, მიღება-ჩაბარების აქტის გაფორმებას 2025 წლის 23 დეკემბრამდე, მიმწოდებელმა არაუგვიანეს 2025 წლის 25 დეკემბრისა უნდა წარმოადგინოს 100% წინასწარი საავანსო საბანკო გარანტია (გარანტია წარმოდგენილი უნდა იქნას საქართველოში მოქმედი საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, საავანსო საბანკო/სადაზღვევო გარანტიის მოქმედების ვადა უნდა აღემატებოდეს ხელშეკრულებით გათვალისწინებული სამუშაოს შესრულების საბოლოო ვადას არანაკლებ 60 (სამოცი) კალენდარული დღით.).

სატენდერო დოკუმენტაციის 7.2.1 და 7.2.2. პუნქტის თანახმად, მიმწოდებელთან ანგარიშსწორება განხორციელდება არაუგვიანეს 2025 წლის 30 დეკემბრისა;

ეთერ ალთუნაშვილი, 577078007, ealtunashvili@expertiza.gov.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.

10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

10.1.4 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, ლევან სამხარაულის სახელობის სასამართლო ექსპერტიზის ეროვნული ბიუროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.