Образовательные услуги (Грузия - Тендер #68673257)

პროექტის „საჯარო გამოსვლის ხელოვნება 2025“ ფარგლებში, აფხაზეთიდან იძულებით გადაადგილებულ მოზარდთა სატრენინგო მომსახურება.

1.2.1. მომსახურება გაწეული უნდა იქნას სამცხე-ჯავახეთის რეგიონის ზამთრის კურორტზე აფხაზეთის ოკუპირებულ ტერიტორიაზე ლეგიტიმურად მცხოვრები და აფხაზეთიდან დევნილის სტატუსის მქონე 13-17 წლის 30 მონაწილისთვის (მონაწილეთა სიას მიმწოდებელს მიაწვდის შემსყიდველი). პრეტენდენტისთვის სრულად დაკომპლექტებული სიის გადაცემის შემდეგ, თუ რომელიმე მონაწილე წასვლამდე ერთი დღით ადრე გამოაკლდა და ვერ მოხერხდა მისი ჩანაცვლება სარეზერვო სიიდან, ანაზღაურება მოხდება მონაწილეთა ფაქტიური რაოდენობის მიხედვით.
1.2.2. მიმწოდებელმა უნდა უზრუნველყოს მონაწილეების (30 მონაწილე) და მონიტორინგის მიზნით მივლინებული სამინისტროს 2 თანამშრომლის ტრანსპორტირება შესაბამისი ტექნიკურად გამართული (მათ შორის გამართული გათბობა-გაგრილების სისტემით) ტრანსპორტით ქ. თბილისიდან და საჭიროების შემთხვევაში ქ. ზუგდიდან სამცხე-ჯავახეთის რეგიონში სასტუმრომდე და უკან. ტრანსპორტირების კონკრეტულ დროსა და ადგილს, აგრეთვე მონაწილეთა რაოდენობას (სია) მიმწოდებელს გადასცემს შემსყიდველი. მგზავრობისას ორივე გზაზე (სასტუმრომდე და უკან) ჯგუფს აუცილებლად უნდა ახლდეს მინიმუმ ერთი ლიდერი. მიმწოდებელმა უნდა უზრუნველყოს 6 დღიანი (5 ღამე, 6 დღე, დისლოკაციის ადგილზე ჩასვლისა და რეგიონებში გამომგზავრების დღეების ჩათვლით) მომსახურება სასტუმროში 32 პერსონისთვის (30 მოზარდი და მონიტორინგის მიზნით გაგზავნილი სამინისტროს 2 წარმომადგენელი). პროექტის თითოეული მონაწილე უნდა განთავსდეს მაქსიმუმ 2-3 ადგილიან ოთახებში, სამინისტროს წარმომადგენლები უნდა განთავსდნენ არასაზიარო ოთახებში. პროექტის კოორდინატორის, მონაწილეების, ჯგუფის ლიდერების, სამინისტროს წარმომადგენლების განთავსება უნდა განხორციელდეს ერთ კომპლექსში, იმავე სასტუმროში, რომელშიც ჩატარდება პროექტის აქტივობები.

1.2.3. სასტუმრო არ უნდა იყოს „საოჯახო ტიპის“, არ უნდა იყოს განთავსებული საცხოვრებელი სახლის ნაწილში ან მიწის ქვეშ. სასტუმრო უნდა იყოს თანამედროვე სტანდარტების შესაბამისი (მიმწოდებელმა განაცხადის შევსებისას უნდა წარადგინოს სასტუმროს დასახელება, სასტუმროს შესაბამისი, მიმდინარე წელს გადაღებული ფოტოები (ოთახები, სველი წერტილი, სასადილო, საკონფერენციო დარბაზი და სხვა). სასტუმროს ნომრები განთავსებული უნდა იყოს ერთ შენობაში; ნომრებში უნდა იდგეს ცალ-ცალკე საწოლები (გასაშლელი და ორსართულიანი საწოლები არ მოიაზრება). სასტუმროს ნომრები აღჭურვილი უნდა იყოს ინდივიდუალური სველი წერტილებით, ტელევიზორით, ტექნიკურად გამართული გათბობა-გაგრილების სისტემით, სწრაფი ინტერნეტით (WIFI); სასტუმროს ნომრებში უნდა იყოს მუდმივი წყალმომარაგება (ცხელი და ცივი წყალი) და უწყვეტი ელექტრომომარაგება; ოთახების სველ წერტილებში სტუმრებს უნდა დახვდეთ ჰიგიენური საშუალებები: პირსახოცი, ხალათი, თმის საშრობი, საპონი, შამპუნი, დუშგელი, თეთრეული, ოთახის ერთჯერადი ფეხსაცმელი და სხვა; სასტუმროში დაცული უნდა იყოს სისუფთავე, სასტუმროს პირსახოცები უნდა იცვლებოდეს ყოველდღიურად; სასტუმროში ყოფნის პერიოდში, სასტუმროს პერსონალმა უნდა უზრუნველყოს მონაწილეების პირადი ნივთების უსაფრთხოება. ნომრებში თითოეულ მონაწილისთვის უნდა იყოს არანაკლებ 0,5 ლიტრი სასმელი წყალი დღეში. სასურველია პროექტის მონაწილეების ერთ სართულზე განთავსება. სასტუმროს უნდა ჰქონდეს კეთილმოწყობილი მიმდებარე ტერიტორია (სამანქანო გზიდან მოშორებით), სადაც შესაძლებელი იქნება გარე აქტივობის ჩატარება.

შენიშვნა: რამდენიმეადგილიან ნომერში ერთი ადამიანის განთავსების ღირებულება არ უნდა აღემატებოდეს ერთ ადგილიან ნომერში განთავსების ღირებულებას.

1.2.4. ტრენინგების ჩასატარებლად სასტუმროს უნდა ჰქონდეს საკონფერენციო დარბაზი (არანაკლებ 40 პერსონაზე). მიმწოდებელმა საკონფერენციო დარბაზი უნდა უზრუნველყოს არანაკლებ 1 პროექტორით, ერთი დინამიკით, არანაკლებ 2 მიკროფონით, არანაკლებ 1 ცალი ფლიფჩარტის დაფით, შესაბამისი ფურცლებით, ლეპტოპით და ტრენინგისთვის სხვა საჭირო შესაბამისი რაოდენობის საკანცელარიო ნივთებით (იხილეთ დანართი). საკონფერენციო დარბაზი აღჭურვილი უნდა იყოს სწრაფი მიწოდების ინტერნეტით (WIFI), გააჩნდეს შესაბამისი საჰაერო ვენტილაცია და გათბობა-გაგრილების სისტემა. ტრენინგების მიმდინარეობის პერიოდში, საკონფერენციო სივრცეში თითოეული მონაწილისთვის უნდა იყოს 0,5 ლიტრი სასმელი წყლი.

1.2.5. სასტუმროს უნდა ჰყავდეს 24 საათიანი დაცვის სამსახური, დაცული უნდა იყოს უსაფრთხოების ნორმები, სასტუმროში უნდა ხორციელდებოდეს ვიდეოკონტროლი.

1.2.6. მიმწოდებელმა უნდა უზრუნველყოს მონაწილეთა (32) სრულფასოვანი კვებით მომსახურება (შვედური მაგიდა): სამჯერადი კვება, შემოთავაზებული მენიუ უნდა იყოს მრავალფეროვანი რაციონის და ცვალებადი. მონაწილეთ კვებისთვის გამოყოფილი დრო არ უნდა ემთხვეოდეს სასტუმროს სხვა სტუმრების კვების დროს.

• საუზმე: არანაკლებ სამი სახის ცხელი კერძი, სამი სახის ძეხვეული, სამი სახის გარნირი, სამი სახის რძის ნაწარმი, ორი სახის დესერტი და ორი სახის ცომეული, ასევე სასმელი - ყავა, ჩაი, წვენი, წყალი (წყალი, ჩაი და ყავა უნდა იყოს შეუზღუდავი რაოდენობით).

• სადილი: არანაკლებ სამი სახის ცხელი კერძი (მათ შორის ერთი წვნიანი, მათ შორის სულ მცირე ერთი ხორცით), სამი სახის ცივი კერძი (მათ შორის სულ მცირე ერთი ხორცით), სულ მცირე ორი სახის ბოსტნეულის სალათი, სულ მცირე 2 სახის სეზონური ხილის ასორტი, ორი სახის ცომეული და დესერტი. ასევე სასმელები ყავა, ჩაი, წვენი, გაზიანი სასმელი, მინერალური წყალი (წყალი, ჩაი და ყავა უნდა იყოს შეუზღუდავი რაოდენობით).

• ვახშამი: არანაკლებ სამი სახის ცხელი კერძი (მათ შორის ერთი წვნიანი), სამი სახის ცივი კერძი (მათ შორის სულ მცირე ერთი ხორცით), სულ მცირე ორი სახის ბოსტნეულის სალათი, სამი სახის გარნირი, სამი სახის ძეხვეული, სამი სახის რძის ნაწარმი, სამი სახის დესერტი და ორი სახის ცომეული. ასევე სასმელი - ყავა, ჩაი, წვენი, წყალი (წყალი, ჩაი და ყავა უნდა იყოს შეუზღუდავი რაოდენობით).

მისაწოდებელი კერძები და კვების პროდუქტები თავისი საგემოვნო თვისებებით უნდა შეესაბამებოდეს შესაბამის სტანდარტებს და უნდა იყოს საკვებად ვარგისი, ჯანმრთელობისთვის უვნებელი. კვების რაციონის მენიუ წინასწარ უნდა იყოს გადმოგზავნილი და შეთანხმებული.

სასადილო ოთახი უნდა იყოს აღჭურვილი გამართული სავენტილაციო სისტემით და გათბობა-გაგრილების სისტემით და დაცული უნდა იყოს სანიტარული ნორმები. კვებითი მომსახურების გაწევა უნდა მოხდეს იმავე შენობაში, სადაც განთავსებულია საცხოვრებელი ფართები (ნომრები).

შენიშვნა: შემსყიდველის მიერ შერჩევა-შეფასების ეტაპზე, ტექნიკური დოკუმენტაციის დაზუსტებამდე, სასტუმროს გადამოწმების შედეგად, თუ დადგინდა რომ სასტუმრო არ აკმაყოფილებს ზემოთჩამოთვლილი კრიტერიუმებიდან ერთ-ერთს მაინც, შემსყიდველი უფლებამოსილია მისცეს პრეტენდენტს გონივრული ვადა გამოასწოროს აღნიშნული ხარვეზი, ან მოიძიოს შესაბამისი სასტუმრო, წინააღმდეგ შემთხვევაში მოხდება პრეტენდენტის დისკვალიფიკაცია.

1.2.7. საჭიროების შემთხვევაში სასტუმროს ტერიტორიაზე მიმწოდებელმა უნდა უზრუნველყოს პირველადი სამედიცინო დახმარების აღმოჩენა. პროექტის მიმდინარეობისას ადგილზე უნდა ჰყავდეს შესაბამისი კვალიფიკაციის მქონე მედიცინის მუშაკი (მედდა ან ექიმი).

1.2.8. მიმწოდებელმა, სამცხე-ჯავახეთის რეგიონში გამგზავრებამდე პროექტში მონაწილეთა მშობლებს/მეურვეებს უნდა შეავსებინოს ე.წ. მშობლის თანხმობის ფორმა (თანხმობის ფორმას მიმწოდებელს მიაწვდის შემსყიდველი). შევსებული ფორმები კვირეულის დასრულების შემდეგ უნდა ჩაბარდეს შემსყიდველს.

1.2.9. მიმწოდებელმა საკუთარი ხარჯებით უნდა უზრუნველყოს მონაწილეთა ტრანსპორტირება შესაბამისი ტექნიკურად გამართული ტრანსპორტით ქ. თბილისიდან და საჭიროების შემთხვევაში ქ. ზუგდიდან დისლოკაციის ადგილამდე და მათი უკან დაბრუნება პროექტის დასრულების შემდეგ. ტრანსპორტირების კონკრეტულ დროსა და ადგილს, აგრეთვე მონაწილეთა რაოდენობას (სია) მიმწოდებელს გადასცემს შემსყიდველი. ტრანსპორტი უზრუნველყოფილი უნდა იყოს გამართული გათბობა-გაგრილების სისტემით.

1.2.10. მიმწოდებელს ადგილზე უნდა ჰყავდეს პროექტის 1 კოორდინატორი, მინიმუმ 2 ტრენერი და მინიმუმ 4 ლიდერი, რომლებიც უხელმძღვანელებენ პროექტის აქტივობებს. ჯგუფის ლიდერები ვალდებულები არიან ტრენინგებისგან თავისუფალ დროს უზრუნველყონ მონაწილეების მობილიზება, კოორდინირება, ზედამხედველობა. მიმწოდებელმა უნდა წარადგინოს პროექტის დღის წესრიგი შესაბამისი საგანმანათლებლო-შემეცნებითი აქტივობებითა და ტრენინგ- პროგრამით.

პროექტის ტრენინგ-პროგრამა უნდა მოიცავდეს შემდეგ თემატიკას:
• საკუთარი თავის წარმოჩენა
• აუდიტორიასთან ურთიერთობა
• ხმის ტემბრი, სხეულის ენა
• სტრესის მართვა
• დამაჯერებელი კომუნიკაცია
• იდეის სტრუქტურირება და მისი ეფექტური გადმოცემა
• ვიზუალური მასალების გამოყენება
• გუნდური მუშაობა და თანამშრომლობა
• პრაქტიკული სავარჯიშოები და უკუკავშირი
• ფინალური პრეზენტაციები
შენიშვნა: დახურვის ღონისძიების დღისთვის რამდენიმე მონაწილის მომზადება, რომლებიც სტუმრებს გაუზიარებენ საკუთარ შთაბეჭდილებებს პროექტთან დაკავშირებით.
პროექტი, მონაწილეების ინტეგრაციისა და სოციალიზაციის ხელშეწყობისთვის, ასევე, უნდა მოიცავდეს შემდეგ აქტივობებს:

• ქართულ-აფხაზური ურთირთობების შესახებ მნოკლე ინფორმაცია
• საგანმანათლებლო-სახალისო აქტივობები
• შემეცნებითი აქტივობები
• შენობის გარეთ აქტივობები

მიმწოდებელმა პროექტის მსვლელობისას შემსყიდველს ეტაპობრივად უნდა მიაწოდოს აქტივობების ამსახველი ფოტო და ვიდეომასალა, ხოლი პროექტის დასრულების შემდეგ 1 კვირის ვადაში მაღალი ხარისხის (4K) ვიდეორგოლი (ხანგრძლივობა არ უნდა აღემატებოდეს 3 წუთს), რომელიც ასახავს პირველივე დღიდან განხორციელებული აქტივობების ძირითად ეტაპებს, მონაწილეთა ჩართულობასა და მიღწეულ შედეგებს. ვიდეორგოლი განთავსდება სამინისტროს ოფიციალურ ფეისბუქ გვერდზე.

პროექტის ბოლო დღეს, ან პროექტის დასრულებამდე ერთი დღით ადრე, მიმწოდებელმა უნდა დააორგანიზოს პროექტის დახურვის ღონისძიება, რომელიც უნდა მოიცავდეს: მოწვეული სტუმრების მისასალმებელ სიტყვას, განხორციელებული პროექტის შესახებ პრეზენტაციას კოორდინატორის/ტრენერის მიერ პროექტის შესახებ მონაწილეთა მხრიდან შთაბეჭდილებების გაზიარებას, სერტიფიკატების და საჩუქრების საზეიმოდ გადაცემას და 40 პერსონაზე ფურშეტს სადღესასწაულო ტორტით.

1.2.11. მიმწოდებელმა უნდა დაამზადოს შესაბამისი რაოდენობის სერტიფიკატები, ფორმატი A-4. (სერტიფიკატების დიზაინი უნდა შეთანხმდეს შემსყიდველთან). შემსრულებელმა უნდა უზრუნველყოს სერთიფიკატების მოწოდება პროექტის დახურვის ღონისძიების ჩატარებამდე მინიმუმ 1 დღით ადრე. რაოდენობა 30 ცალი.

მომსახურების გაწევის სავარაუდო პერიოდია მიმდინარე წლის 15-25 დეკემბრის შუალედი. ღონისძიების ჩატარების კონკრეტული თარიღები დადგინდება შემსყიდველთან შეთანხმებით.

მომსახურება გაწეული უნდა იქნას სამცხე-ჯავახეთის რეგიონის ზამთრის კურორტზე.

პრეტენდენტს 2023 წლის 01 იანვრიდან უნდა გააჩნდეს არანაკლებ 50000 (ორმოცდაათი ათასი) ლარის ღირებულების სატრენინგო მომსახურების მიწოდების ან/და ორგანიზების გამოცდილება, მათ შორის ერთი ხელშეკრულების ფარლებში პრეტენდენტს უნდა გააჩნდეს მინიმუმ 9000 (ცხრა ათასი) ლარის ღირებულების სატრენინგო მომსახურების მიწოდების ან/და ორგანიზების გამოცდილება რაზეც უნდა წარმოადგინოს შესაბამისი მიწოდების დამადასტურებელი ხელშეკრულებები და მიღება-ჩაბარების აქტები ან/და სხვა დამადასტურებელი დოკუმენტები.

სატენდერო დოკუმენტაციის დანართი №2–ში CMR/SPA/NAT... ნომრ(ებ)ი-ს მითითების შემთხვევაში დამატებითი დოკუმენტ(ებ)ი-ს (ხელშეკრულებები, მიღება–ჩაბარების აქტები, ან სხვა მიწოდების დამადასტურებელი დოკუმენტები) წარმოდგენა სავალდებულო არ არის.

პრეტენდენტს სამცხე-ჯავახეთის რეგიონის ზამთრის კურორტზე საკუთრებაში ან სარგებლობაში უნდა გააჩნდეს სატრენინგო მომსახურების გასაწევად საჭირო სასტუმრო სატენდერო დოკუმენტაციის 1.2.2., 1.2.3. 1.2.4., 1.2.5. და 1.2.6. პუნქტების მოთხოვნების გათვალისწინებით. აღნიშნული ინფორმაციის დასადასტურებლად პრეტენდენტის მიერ წარმოდგენილ უნდა იქნეს სატენდერო დოკუმენტაციის დანართი №3 (მითითებული მოთხოვნებისა და ინფორმაციის შესაბამისად) და სასტუმროს საკუთრების ან/და სარგებლობის უფლების დამადასტურებელი დოკუმენტ(ებ)ი. სასტუმროს საკუთრების შემთხვევაში წარმოდგენილი უნდა იქნას საკუთრების დამადასტურებელი დოკუმენტები, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა არანაკლებ ერთი თვით უნდა აღემატებოდეს ხელშეკრულებით გათვალისწინებული მომსახურების ვადას, ამასთან, ატვირთული უნდა იქნას სასტუმროს მესაკუთრის საკუთრების დამადასტურებელი დოკუმენტაცია. ასევე, პრეტენდენტმა უნდა მიუთითოს სასტუმროს ვებ-გვერდი ან booking.com-ზე სასტუმროს განთავსების შემთხვევაში შესაბამისი ლინკი. აღნიშნულის არარსებობის შემთხვევაში დოკუმენტაციას თან უნდა დაერთოს სადემონსტრაციო მასალა, სასტუმროს ადგილმდებარეობისა და ინფრასტრუქტურის ამსახველი ფოტომასალა (ოთახები, სველი წერტილი, სასადილო, საკონფერენციო დარბაზი), საიდანაც გაირკვევა სასტუმროს ადგილმდებარეობა და ინფრასტრუქტურა.

1. პროექტის კოორდინატორი (1 პერსონა) - უნდა გააჩნდეს ახალგაზრდებთან მუშაობის გამოცდილება (მინიმუმ 3 პროექტში), რაც უნდა დასტურდებოდეს შესაბამისი დოკუმენტით/ცნობით. აღნიშნული დოკუმენტი არ უნდა იყოს გაცემული თავად მიმწოდებელი ორგანიზაციის მიერ.

2. ტრენერი (2 პერსონა) - უნდა ჰქონდეს მინიმუმ ბაკალავრის ხარისხი, უნდა გააჩნდეს ახალგაზრდებთან მუშაობის გამოცდილება, ტრენერობის დამადასტურებელი სერტიფიკატი/ცნობა და პროექტის თემატიკის შესაბამისი კვალიფიკაციის დამადასტურებელი დოკუმენტები. აღნიშნული დოკუმენტები არ უნდა იყოს გაცემული მიმწოდებელი ორგანიზაციის მიერ. ამასთანავე, წარმოდგენილი უნდა იყოს შესაბამისი გამოცდილების მქონე სათადარიგო ერთი ტრენერის დოკუმენტაცია.

3. ჯგუფის ლიდერი (მინიმუმ 4 პერსონა) - უნდა ჰქონდეს ახალგაზრდული პროექტების მიმართულებით (ახალგაზრდული აქტივობების დაგეგმვა, განხორციელება და სხვ.) მუშაობის გამოცდილება. აუცილებელია ახალგაზრდული მიმართულებით რაიმე სახის კვალიფიკაციის დამადასტურებელი სერტიფიკატი. აღნიშნული დოკუმენტები არ უნდა იყოს გაცემული მიმწოდებელი ორგანიზაციის მიერ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის/აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული მომსახურების გაწევის შესაძლებლობა.
ექსპერტიზის/აუდიტის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება განხორციელდება ფაქტიურად გაწეული მომსახურების დასრულების შემდეგ, მიღება–ჩაბარების აქტის გაფორმებიდან 10 სამუშაო დღის განმავლობაში.

გოჩა ხარაიშვილი, 593584559, gkharaishvili.justice@gmail.com ტექნიკურ საკითხებთან დაკავშირებით საკონტაქტო პირი მერაბ გურჩიანი, ტელეფონის ნომერი 500 50 57 11.

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. სახელმწიფო შესყიდვების ერთიან ელექტრონულ სისტემაში (შემდგომში - სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს უფლებამოსილი პირის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით.
10.1.4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5. პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.2. პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1. ფასების ცხრილი (დანართი №1), ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
10.2.2. ინფორმაცია პრეტენდენტის გამოცდილების შესახებ სატენდერო დოკუმენტაციის 2.2.1. პუნქტის შესაბამისად.
10.2.3. ინფორმაცია პრეტენდენტის მატერიალურ-ტექნიკური ბაზის შესახებ სატენდერო დოკუმენტაციის 2.3.1 პუნქტის შესაბამისად.
10.2.4. ინფორმაცია პრეტენდენტის პერსონალის კვალიფიკაციის შესახებ სატენდერო დოკუმენტაციის 2.4.1 პუნქტის შესაბამისად.