Медицинские услуги (Грузия - Тендер #68673191)

შპს აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის 2026 წლის საკუთარი შემოსავლების დაფინანსების ფარგლებში სხვადასხვა ტიპის სამედიცინო ლაბორატორიული მომსახურების სახელმწიფო შესყიდვა

1.2.1 ტენდერში გამარჯვებულ პრეტენდენტთან ხელშეკრულება გაფორმდება 120000.00 ლარზე,
1.2.2 მიმწოდებელმა მოთხოვნის შესაბამისად უნდა უზრუნველყოს დანართი N1-ით განსაზღვრული სამედიცინო ლაბორატორიული მომსახურებები/კვლევები.
1.2.3 შესყიდვის სპეციფიკიდან გამომდინარე დანართი N1 არ საჭიროებს პრეტენდენტის მხრიდან კორექტირებას, მან მხოოლოდ უნდა მიუთითოს მომსახურების ერთეულისა და პრეისკურანტის ჯამური ღირებულება.
1.2.4. პრედენტენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს შემსყიდველი ორგანიზაციის მიერ მომსახურების პრეისკურანტში შესაბამის პოზიციებზე დაფიქსირებულ სავარაუდო ღირებულებებს, თუ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0“.
1.2.5. პრეტენდენტის მიერ ერთიან ელექტრონულს სიტემაში დაფიქსირებულ საბოლოო ფასსა და პრეისკურანტის საწყის ფასს (შემსყიდველის მიერ დაფიქსირებული პრეისკურანტის სავარაუდო ღირებულება) შორის სხვაობა შემსყიდველის მიერ გამოანგარიშდება პროცენტულად, რომლის მიხედვითაც დაევალება პრეტენდენტს, წარმოადგინოს კორექტირებული დანართი N1, ფასების ცხრილი ზემოაღნიშნული პროცენტული მაჩვენებლის პროპორციულად, კლებადობის პრინციპით, თითოეული მომსახურებისათვის(პოზიციისთვის). რომელიც დამრგვალებული უნდა იყოს მეასედის სიზუსტით.
1.2.6 მიმწოდებელთან ხელშეკრულების გაფორმების შემდეგ, პრეისკურანტში მომსახურების/საქონლის რომელიმე პოზიციის არარსებობისას (მისი შესყიდვის აუცილებლობისას), ერთეულის ფასი დადგინდება შემსყიდველი ორგანიზაციის და მიმწოდებლის ერთობლივი შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.8.7. შემსყიდველი იტოვებს უფლებას სრულად არ აითვისოს სახელშეკრულებო ღირებულება.


მომსახურება უნდა განხორციელდეს აღნიშნულ სფეროში საქართველოში მოქმედი კანონმდებლობის მოთხოვნების შესაბამისად.

მომსახურების გაწევა უნდა მოხდეს ხელშეკრულების გაფორმებიდან (მაგრამ არანაკლებ 2026 წლის 1 იანვრისა) 2026 წლის 31 დეკემბრის ჩათვლით, შემსყიდველის მოთხოვნის შესაბამისად ამასთან, მომსახურების ვადა თითოეულ შემთხვევაში არ უნდა აღემატებოდეს დანართი N1-ის შესაბამის გრაფაში განსაზღვრული მიწოდების ვადებს.

სამედიცინო/ლაბორატორიული კვლევები უნდა განხორციელდეს მიმწოდებლის ლაბორატორიაში, ხოლო კვლევის შედეგები შემსყიდველს უნდა გადაეცეს ელექტრონული ფოსტის საშუალებით, ამასთან მოთხოვნის შემთხვევაში კვლევის შედეგების მიწოდება უნდა განხორციელდეს მატერიალური სახითაც შემსყიდველის მისამართზე: ქ. თბილისი, ვაჟა-ფშაველას გამზ. N29. პასუხისმგებელი პირის ხელმოწერით.

1.7.1.1. მომსახურება უნდა განხორციელდეს აღნიშნულ სფეროში საქართველოში მოქმედი კანონმდებლობისა და რეგულაციების სეული დაცვით
1.7.1.2. ლაბორატორიის მოწყობა უნდა შეესაბამებოდეს კანონმდებლობით დადგენილ ნორმებს, ამასთან კვლევის შედეგებბის მომზადებაში ჩართული პერსონალი უნდა იყოს მაღალკვალიფიციური.
1.7.1.3. შემსყიდველი უფლებამოსილია ნებისმიერ დროს (მათ შორის შერჩევა შეფასებიის ეტაპზე) ადგილზე მისვლით შეამოწმოს მიმწოდებლის ლაბორატორიის შესაბამისობა სატენდერო დოკუმენტაციისა და კანონმდებლობით დადგენილ სტანდარტებთან, ასევე გამოითხოვოს პერსონალის კავალიფიკაციის დამადასტურებელი დოკუმენტაცია.
1.7.1.4 მიმწოდებელი იღებს პასუხისმგებლობას მის მიერ ჩატარებული კვლევის შედეგების სისწორესა და სიზუსტეზე.
1.7.1.5 მიმწოდებელი იღებს პასუხისმგებლობას მისი დაუდევრობით ან გაუფრთხილებლობით გამოწვეულ შედეგებზე.
1.7.1.6 მიმწოდებელი პასუხისმგებელია ინსპექტირებისა და ვალდებულებების შესრულების პროცესის კონტროლის მიზნით შემსყიდველისათვის მიწოდებული ინფორმაციისა და ანგარიშების სისწორეზე და ნამდვილობაზე.
1.7.1.7 მიმწოდებლის მიერ აღებული ვალდებულებების ჯეროვნად შესრულების მიზნით ხელშეკრულების მიმდინარეობის ნებისმიერ ეტაპზე შემსყიდველი უფლებამოსილია განახორციელოს ხელშეკრულების შესრულების კონტროლი.

2.2.1.1 პრეტენდენტს უნდა გააჩნდეს ანალოგიური ტიპის, ხასიათის, სირთულის და შინაარსის მომსახურების გაწევის გამოცდილება ბოლო სამი წლის განმავლობაში, მოცემულ ტენდერში წინადადებების მიღების დასრულების დღემდე(წელიწადში არანაკლებ 1 ხელშეკრულება) , არანაკლებ 60000 ლარის ღირებულების (ჯამურად). აღნიშნული გამოცდილების დასადასტურებლად ერთიანი ელექტრონული სისტემის საშუალებით წარმოდგენილი უნდა იქნეს: დამკვეთთან გაფორმებული ხელშეკრულებები და მიღება-ჩაბარების აქტები, შესაძლებელია წარმოდგენილი იქნას დადასტურებული ანგარიშფაქტურები.
2.2.1.2 იმ შემთხვევაში, თუ სატენდერო დოკუმენტაციის 2.2.1.1 მუხლით მოთხოვნილი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ "დანართში N2-გამოცდილება"-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს 2.2.1.1 პუნქტით მოთხოვნილი დოკუმენტაცია.
2.2.1.3 პრეტენდენტმა ასევე უნდა წარმოადგინოს ბოლო სამი წლის განმავლობაში გაწეულ მომსახურებაზე გაცემული მინიმუმ 1 (ერთი) სარეკომენდაციო წერილი.(სადაც უნდა იკითხებოდეს მომსახურების გაწევის პერიოდი მომსახურების ტიპი და გამცემი ორგანიზაციის დასახელება (ს/კ))

2.2.1.1. მიმწოდებელი ვალდებულია წარმოადგინოს ხარისხის გარე კონტროლის პროგრამაში ჩართულობის დამადასტურებელი დოკუმენტაცია. კერძოდ უკანასკნელი 12 თვის განმავლობაში ჩატარებული გარელაბორატორიული კონტროლის შედეგები.
2.2.1.2.პრეტენდენტმა უნდა წარმოადგინოს ლაბორატორიული მომსახურების გაწევის სფეროში, საქართველოს მოქმედი კანონმდებლობით განსაზღვრული, უფლებამოსილი ორგანოს მიერ გაცემული სამედიცინო ლაბორატორიული საქმიანობის განხორციელების დამადასტურებელი დოკუმენტაცია კერძოდ სამედიცინო დაწესებულების სახელზე გაცემული სალიცენზიო/სანებართვო მოწმობა შესაბამისი დანართით ან/და შეტყობინების ფორმა ან/და სამედიცინო ლაბორატორიის აკრედიტაციის დამადასტურებელი დოკუმენტი (ISO 15189:2012) (რომელიც გაცემული უნდა იყოს აკრედიტირებული ორგანოს მიერ) ან/და შესაბამისი სახელმწიფო ორგანოს მიერ გაცემული წერილობითი ინფორმაცია/ნებართვა საქმიანობის განხორციელების უფლების შესახებ. (დოკუმენტი დამოწმებული უნდა იყოს ელექტრონული ხელმოწერით ან და შტამპით გამცემი ორგანის მიერ)

2.8.1 პრეტენდენტი ვალდებულია ქვეკონტრაქტორის არსებობის შემთხვევაში წარმოადგინოს შესაბამისი ინფორმაცია.
2.8.2 ქვეკონტრაქტორ(ებ)ის არსებობის შემთხვევში მიმწოდებელმა უნდა წარმოადგინოს კანონმდებლობით დადგენილი წესით ქვეკონტრაქტორთან გაფორმებული დამადასტურებელი დოკუმენტი.
2.83 „შემსყიდველის“ მოთხოვნის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.
2.8.4 ქვეკონტრაქტორ(ებ)ი არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“.
2.8.5 იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამ შესახებ წერილობით უნდა აცნობოს „შემსყიდველს“.
2.8.6 პრეტენდენტმა უნდა წარმოადგინოს ქვეკონტრაქტორის სახელზე გაცემული სატენდერო დოკუმენტაციით მოთხოვნილი შესაბამისი დოკუმენტაცია

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება მიმწოდებელსა და შემსყიდველს შორის განხორციელდება ეტაპობრივად, თუმცა არაუმეტეს თვეში ერთხელ — უნაღდო ანგარიშსწორებით, ეროვნულ ვალუტაში, ფაქტობრივად მოწოდებული შესყიდვის ობიექტის შესაბამისად, მიმწოდებლის მიერ გამოწერილი, საქართველოს კანონმდებლობით გათვალისწინებული შესაბამისი საგადახდო დოკუმენტაციის (სასაქონლო ზედნადების და/ან საგადასახადო ანგარიშ-ფაქტურის) და ინსპექტირების დადებითი დასკვნის საფუძველზე მომზადებული მიღება-ჩაბარების აქტით

ანგარიშსწორება იწარმოებს „შემსყიდველსა“ და „მიმწოდებელს“ შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში

სალომე ბერიძე, 555626767, procurementrespublikuri@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევებში) უნდა მიუთითოს დღგ-ს გათვალისწინებით.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც