Молочные продукты (Грузия - Тендер #68673157)

კარაქი; მოჭიქული ხაჭო და შესქელებული რძე.

1. კარაქი_4432 კგ. - დამზადებული ძროხის რძის ნაღებისაგან, მცენარეული ცხიმის გარეშე, ქარხნული წესით. ფერი, სუნი და გემო დამახასიათებელი შესაბამისი პროდუქტისათვის. დაჭრის დროს არ უნდა იფშვნებოდეს. რძის ცხიმის შემცველობა არანაკლებ 82%, წყლის შემცველობა არაუმეტეს 16%,ხოლო გაუცხიმოებული (მოხდილი) რძის მშრალი ნაშთის შემცველობა არაუმეტეს 2%. არ უნდა შეიცავდეს მავნე ქიმიურ ელემენტებს. შეფუთული და სათანადოდ ეტიკეტირებული 0,2-1,0 კგ-იან შეფუთვაში. ეტიკეტზე მითითებულ უნდა იქნეს წარწერა - „ნაღების კარაქი“. მიწოდებული საქონლის დარჩენილი ვარგისიანობის ვადა არანაკლებ 30 (ოცდაათი) დღე. ვადიანობა მითითებული უნდა იყოს ნაბეჭდი სახით, გარკვევით და მხოლოდ ორი თარიღით, ერთი დამზადება და ერთი მოხმარების ბოლო ვადა.

2. მოჭიქული ხაჭო_40250 ცალი - ვანილის არომატით, დაფარული შოკოლადის მინანქრით. ერთი ცალის წონა არანაკლებ 40 გრამი. გაუმჭვირვალე, ილუსტრირებული ქარხნული შეფუთვით. არ უნდა შეიცავდეს ბავშვებისათვის საშიშ ქიმიურ დანამატებს. ვარგისიანობის დარჩენილი ვადა არანაკლებ 60 დღე.

3. შესქელებული რძე_ 35 კგ. - მოუხარშავი, დამზადებული პასტერიზებული, ნორმალიზირებული ძროხის რძისაგან, ქარხნული წესით, მცენარეული ცხიმის გარეშე. კონსისტენცია ერთგვაროვანი, ცხიმის მასიური წილი 8,5%. არადამახასიათებელი სუნისა და გემოს გარეშე, არ უნდა შეიცავდეს მავნექიმიურ ელემენტებს. შეფუთული და სათანადოდ ეტიკეტირებული არაუმეტეს 0,5 კგ. ჰერმეტულად დახურულ შეფუთვაში. მიწოდებული საქონლის დარჩენილი ვარგისიანობის ვადა არანაკლებ 6 (ექვსი) თვე. ვადიანობა მითითებული უნდა იყოს გარკვევით.

4. ტრანსპორტირება უნდა განხორციელდეს, სპეციალიზირებული მანქანა-რეფრეჟერატორით (მაცივარი) სადაც, დაცული უნდა იყოს-ტემპერატურული რეჟიმი, სანიტარულ–ჰიგიენური ნორმები და პირობები.

5. სურსათი უნდა აკმაყოფილებდეს, საქართველოს კანონმდებლობით დადგენილ მოთხოვნებს, მათ შორის:
5.1 - სურსათის უვნებლობა, ეტიკეტირება, შეფუთვისა და ტრანსპორტირების პირობები, უნდა აკმაყოფილებდეს, საქართველოს კანონმდებლობით დადგენილ მოთხოვნებს და მოქმედ სტანდარტებს.
5.2 - უნდა იყოს ქარხნული წარმოების, სათანადოდ შეფუთული და ეტიკეტირებული, საქართველოს მთავრობის, 2016 წლის პირველი ივლისის №301 დადგენილებით დამტკიცებული, "მომხმარებლისათვის სურსათის შესახებ ინფორმაციის მიწოდების თაობაზე" ტექნიკური რეგლამენტის შესაბამისად.
5.3 - უნდა აკმაყოფილებდეს, საქართველოს მთავრობის, 2015 წლის 10 ნოემბრის №581 დადგენილებით დამტკიცებული, „სურსათის მიკრობიოლოგიური მაჩვენებლების შესახებ“ ტექნიკური რეგლამენტით დადგენილ მოთხოვნებს, ადამიანის სიცოცხლისა და ჯანმრთელობის უზრუნველყოფის მიზნით, სურსათის უვნებლობასთან და მიკრობიოლოგიურ რისკებთან მიმართებაში.
5.4 - უნდა აკმაყოფილებდეს, საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს №301/ნ ბრძანებით დამტკიცებული, „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ განსაზღვრულ სანიტარულ მოთხოვნებს, საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში–საკვები პროდუქციის მიმოქცევისას).
5.5 - უნდა აკმაყოფილებდეს, საქართველოს მთავრობის, 2014 წლის 15 იანვრის №72 დადგენილებით დამტკიცებული, "სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს, სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის.
5.6 - უნდა აკმაყოფილებდეს, საქართველოს მთავრობის, 2012 წლის 7 მარტის №90 დადგენილებთ დამტკიცებული, ცხოველური წარმოშობის სურსათის ჰიგიენის სპეციალური წესით დადგენილ მოთხოვნებს ბიზნესოპერატორისათვის, რომელიც ეწევა ცხოველური წარმოშობის სურსათის წარმოებას, გადამუშავებასა და დისტრიბუციას.
5.7 - უნდა აკმაყოფილებდეს, საქართველოს მთავრობის, 2015 წლის 3 აპრილის №152 დადგენილებით დამტკიცებული, რძისა და რძის ნაწარმის შესახებ, ტექნიკური რეგლამენტით დადგენილ მოთხოვნებს, რომელიც აწესრიგებს ბიზნესოპერატორის მიერ რძის, რძის ნაწარმისა და რძის შემცველი პროდუქტის წარმოებისა და ბაზარზე განთავსების პირობებს.
5.8 - უნდა აკმაყოფილებდეს საქართველოს მთავრობის 2010 წლის 25 ივნისის №173 დადგენილებით დამტკიცებული "სურსათის/ცხოველის საკვების ჰიგიენის ზოგადი წესისა“ და "სურსათის/ცხოველის საკვები ჰიგიენის გამარტივებული წესის“ შესახებ ტექნიკური რეგლამენტით დადგენილ მოთხოვნებს, სურსათის/ცხოველის საკვების წარმოების მათ შორის პირველადი წარმოების, გადამუშავებისა და დისტრიბუციის ყველა ეტაპზე.
5.9 - უნდა აკმაყოფილებდეს საქართველოს მთავრობის 2020 წლის 13 აგვისტოს №497 დადგენილებით დამტკიცებულ "სურსათში/სურსათზე გამოსაყენებელი არომატიზატორებისა და არომატიზატორის თვისებ(ებ)ის მქონე სურსათის ინგრედიენტების შესახებ" ტექნიკური რეგლამენტით დადგენილ მოთხოვნებს.
5.10 - უნდა შეესაბამებოდეს, პროდუქტის უსაფრთხოებისა და თავისუფალი მიმოქცევის კოდექსით განსაზღვრულ მოთხოვნებს.
5.11 - პროდუქტი, პოტენციურად საშიში ქიმიური ნაერთებისა და ბიოლოგიური ობიექტების შემცველობით, უნდა შეესაბამებოდეს კანონმდებლობით დასაშვებ და პროდუქტისათვის დამახასიათებელ მაჩვენებლებს.

6. მისაწოდებელი საქონლის რაოდენობები წარმოადგენს საორიენტაციო ციფრს, რომლის ფარგლებშიც და საჭიროების მიხედვით მოხდება შემსყიდველის მიერ მიმწოდებლისათვის შეკვეთის წარდგენა. შესაბამისად, შემსყიდველი ვალდებული არ არის სრულად აითვისოს ტენდერით გათვალისწინებული საქონლის რაოდენობა.

ეტაპობრივად, 2026 წლის იანვრიდან - 2026 წლის ივნისის ჩათვლით

1. წერილობითი მოთხოვნა დასარიგებელი საქონლის რაოდენობაზე მიმწოდებელს გაეგზავნება ელექტრონულად, არაუგვიანეს დარიგების წინა დღის 13:00 საათისა.

2. საქონლის დარიგება, ცალკეულ ლოკაციებზე, მიმწოდებელმა უნდა უზრუნველყოს კვირაში ერთხელ ან ორჯერ, შემსყიდველის მოთხოვნის შესაბამისად - 09:00 სთ-დან 17:00 სთ-მდე.

3. მიმწოდებელი ვალდებულია, როგორც საქონლის მიწოდებისას, ასევე, მიღებული საქონლის მოხმარებისას გამოვლენილი ხარვეზების და ნაკლოვანებების გამოსწორება (წუნდებული საქონლის შეცვლა და სხვა) უზრუნველყოს საკუთარი ხარჯებით, სამუშაო საათებში, არაუგვიანეს მეორე დღის 13:00 საათისა.

4. საქონლის მიწოდება განხორციელდება გაერთიანების 22 (ოცდაორი) ფილიალში, დანართი №3-ის შესაბამისად და ა(ა)იპ სარეაბილიტაციო-განმავითარებელი ცენტრში „კესანე“-მის: ქ. რუსთავი, მესხიშვილის II გასასვლელი №4ა.

5. თვის განმავლობაში, ცალკეულ ლოკაციებზე, ეტაპობრივად მიწოდებული საქონლის მიღება განხორციელდება სასაქონლო ზედნადებისა და მხარეთა შორის გაფორმებული მიღება-ჩაბარების აქტის საფუძველზე. ასევე, არაუგვიანეს საანგარიშო თვის მომდევნო თვის 10 (ათი) რიცხვისა, აღნიშნული დოკუმენტაციის (მიღება-ჩაბარების აქტები და სასაქონლო ზედნადებები მ. შ. კორექტირებული) და მხარეთა შორის ურთიერთშედარების აქტის (რომელსაც ადგენს და გზავნის მიმწოდებელი Excel ფორმატში) საფუძველზე, ფორმდება ნაერთი მიღება-ჩაბარების აქტი.

შესყიდვის ობიექტის წარმოშობის წყაროსთან და მწარმოებელთან დაკავშირებით ინფორმაცია წარმოდგენილი უნდა იყოს დანართი №2-ის შესაბამისად.

ასევე, პრეტენდენტმა, კარაქის შემთხვევაში, უნდა მიუთითოს ინფორმაცია დამფასოებლის შესახებაც. თუ დაფასოებას ახორციელებს მწარმოებელი, პრეტენდენტმა უნდა მიუთითოს ინფორმაცია აღნიშნულის შესახებ, წინააღმდეგ შემთხვევაში, პრეტენდენტი დაზუსტების გარეშე დაექვემდებარება დისკვალიფიკაციას.

1. პრეტენდენტი, ასევე, მისაწოდებელი პროდუქტის მწარმოებელი და დამფასოებელი, რეგისტრირებული უნდა იყოს ეკონომიკურ საქმიანობათა რეესტრში, ან განაცხადი უნდა ჰქონდეს გაკეთებული აღნიშნულ რეესტრში რეგისტრაციის ან/და რეგისტრაციის ვადის გაგრძელების მიზნით, საქართველოს კანონმდებლობით დადგენილი წესით. სადაც, „გამოყენებული ეკონომიკური საქმიანობის სახეების ცნობარში"/საქმიანობის აღწერაში მითითებული იქნება შესყიდვის ობიექტის შესაბამისი საქმიანობის სახე/სახეები. აღნიშნული გადამოწმებული იქნება სატენდერო კომისიის მიერ საჯარო რეესტრის ეროვნული სააგენტოს ვებ-გვერდზე.

2. თუ შემოთავაზებული პროდუქტი იმპორტირებულია მაშინ პირველი პუნქტის მოთხოვნები არ ვრცელდება მისაწოდებელი პროდუქტის მწარმოებელზე.

3. თუ შემოთავაზებული საქონელი იწარმოება საქართველოში, პრეტენდენტმა სატენდერო წინადადებასთან ერთად უნდა წარმოადგინოს მისაწოდებელი პროდუქტის მწარმოებელზე საქართველოს მთავრობის 2014 წლის 26 დეკემბრის №722 დადგენილებით დამტკიცებული „ბიზნესოპერატორის აღიარების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ მინიჭებული აღიარების/პირობითი აღიარების დამადასტურებელი დოკუმენტი.

4. თუ შემოთავაზებული საქონლის (კარაქის) დამფასოებელი არ არის მწარმოებელი, პრეტენდენტმა სატენდერო წინადადებასთან ერთად უნდა წარმოადგინოს შემოთავაზებული პროდუქტის დამფასოებელზე საქართველოს მთავრობის 2014 წლის 26 დეკემბრის №722 დადგენილებით დამტკიცებული „ბიზნესოპერატორის აღიარების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ მინიჭებული აღიარების/პირობითი აღიარების დამადასტურებელი დოკუმენტი.

1. პრეტენდენტმა უნდა წარმოადგინოს, დანართში №2 მითითებული შესყიდვის ობიექტების შესაბამისი ნიმუშები.

2. ნიმუშებთან ერთად, პრეტენდენტმა (ერთიანი ელექტრონული სისტემის საშუალებით) უნდა წარმოადგინოს:
2.1. ყველა შესყიდვის ობიექტის ხარისხის სერტიფიკატი ან/და შესაბამისობის დეკლარაცია;
2.2. ყველა შესყიდვის ობიექტზე, სსიპ „ლევან სამხარაულის სახელობის სასამართლო ექსპერტიზის ეროვნული ბიუროს" ან სხვა, შესაბამის სფეროში აკრედიტირებული ორგანიზაციის მიერ, პრეტენდენტის დაკვეთით გაცემული დასკვნა (გამოცდის/კვლევის ოქმი) შემდეგ მაჩვენებლებზე:
2.2.1. ორგანოლეპტიკური მაჩვენებლები;
2.2.2. სინესტის მასური წილი;
2.2.3. ცხიმის მასური წილი;
2.2.4. მჟავიანობა;
2.2.5. მცენარეული ცხრიმის შემცველობა, თვისობრივი რეაქციით;
2.2.6. პესტიციდები;
2.2.7. აფლატოქსინები;
2.2.8. ტოქსიკური ელემენტები;
2.2.9. მიკრობიოლოგიური მაჩვენებლები.
დასკვნა (გამოცდის/კვლევის ოქმი) გაცემული უნდა იყოს ელექტრონული ტენდერისთვის ტენდერის სტატუსის - "გამოცხადებულია"- მინიჭების შემდეგ.

ქ. რუსთავი, მ. კოსტავას გამზ. №20

ფასწარმოქმნის ადეკვატურობა დასაბუთებული უნდა იყოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის რეესტრში რეგისტრირებული პირის (აუდიტორის/აუდიტორული ფირმის) მიერ გაცემული შესაბამისი დასკვნით.

3 Процентов

6 Процентов

გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების ვადას.

1- წარმოდგენილი უნდა იყოს საბანკო ან სადაზღვეო კომპანიის მიერ გაცემული ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი გარანტია.

2- გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარი.

3- თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს.

4- პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

ანგარიშსწორება განხორციელდება ნაერთი მიღება-ჩაბარების აქტის და საგადასახადო ანგარიშფაქტურის (კანონმდებლობით გათვალისწინებულ შემთხვევაში) საფუძველზე

ანგარიშსწორებისთვის განსაზღვრული დოკუმენტაციის გაფორმებიდან/წარმოდგენიდან 10 (ათი) სამუშაო დღე.

კახაბერ გოშაძე, 577139919, kakhabergoshadze0107@gmail.com

პრეტენდენტმა უნდა გაითვალისწინოს, რომ ხელშეკრულებების გაფორმების შემდეგ:

1. ტენდერის მიმდინარეობის ეტაპზე წარმოდგენილი ხარისხის სერტიფიკატის ან/და შესაბამისობის დეკლარაციის მოქმედების ვადის გასვლის ან/და პარტიის შეცვლის შემთხვევაში, წინასწარ, საქონლის მიწოდებამდე 5 (ხუთი) სამუშაო დღით ადრე, წარმოადგინოს განახლებული სერტიფიკატები/დეკლარაციები;

2. სამ თვეში ერთხელ (ტენდერის მიმდინარეობის ეტაპზე წარმოდგენილი დასკვნის (გამოცდის/კვლევის ოქმი) გათვალისწინებით) და პარტიის შეცვლის შემთხვევაში, საქონლის მიწოდებამდე 5 (ხუთი) სამუშაო დღით ადრე წარმოადგინოს, სსიპ „ლევან სამხარაულის სახელობის სასამართლო ექსპერტიზის ეროვნული ბიუროს" ან სხვა, შესაბამის სფეროში აკრედიტირებული ორგანიზაციის მიერ, მიმწოდებლის დაკვეთით გაცემული ახალი დასკვნა (გამოცდის/კვლევის ოქმი);

3. ადგილობრივი წარმოების პროდუქტის შემთხვევაში, მოწოდებულ საქონელს (ყველა ჯერზე) უნდა ახლდეს მწარმოებლის მიერ გაცემული შიდა ლაბორატორიული გამოცდის/კვლევის ოქმი, რომელიც კარაქის შემთხვევაში გაცემული უნდა იყოს შემდეგ მაჩვენებლებზე:
3.1. ცხიმი;
3.2. მჟავიანობა;
3.3. ნ.ჩ.ჯ. ბაქტერიები;
3.4. კოლიფორმები;
3.5. ობის და საფუარის საერთო რაოდენობა;
3.6. დაბინძურების დონე.
4. ზემოაღნიშნული დოკუმენტაციის წარმოუდგენლობის შემთხვევაში, შემსყიდველი უფლებამოსილია, უარი განაცხადოს, საქონლის მიღებასა და ანაზღაურებაზე.