Ремонт и техническое обслуживание строительных сооружений (Грузия - Тендер #68617109)

სახელმწიფო აუდიტის სამსახურის ადმინისტრაციულ შენობაში (მის.: ქ. თბილისი, წმ. ქეთევან დედოფლის გამზ. N96) განთავსებული 3 (სამი) ერთეული სამგზავრო ლიფტის შეკეთების და ტექნიკური მომსახურების გაწევა.

ტექნიკური დავალება მოცემულია თანდართულ ფაილში (დანართი N1).

მომსახურების გაწევა უნდა განხორციელდეს 2026 წლის 1 იანვრიდან 2026 წლის 31 დეკემბრის ჩათვლით.

მომსახურების გაწევა უნდა განხორციელდეს შემდეგ მისამართზე: ქ. თბილისი, წმ. ქეთევან დედოფლის გამზ. N96.

შეცვლილ ნაწილებსა და აგრეგატებზე უნდა ვრცელდებოდეს გარანტია არანაკლებ 12 თვე.

პრეტენდენტი უნდა ფლობდეს და საჭიროებისამებრ შემსყიდველს უნდა წარუდგინოს სამგზავრო ლიფტების ელ.მართვის სისტემის სიხშირული გარდამქნელის მიკროპროცესორული მართვის ხელსაწყო ე.წ (სერვის თულს);

1. პრეტენდენტს უნდა ჰყავდეს MASPERO ELEVATOR- ის მიერ გაცემული სერთიფიცირებული კვალიფიციური ტექნიკურ-საექსპლუატაციო პერსონალი, აღნიშნულის შესახებ ელექტრონულ სისტემაში უნდა აიტვირთოს ქართულ ენაზე ნათარგმნი და ნოტარიულად დადასტურებული დოკუმენტი;
2. პრეტენდენტის ტექნიკურ პერსონალს უნდა გააჩნდეს შესაბამისი თანრიგის წოდება ლიფტებისა და ამწე მოწყობილობების მონტაჟის, მართვის და შრომითი უსაფრთხოების დაცვის კუთხით დადასტურებული შესაბამისი დოკუმენტებით და მოწმობებით;

1. პრეტენდეტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
2. პრეისკურანტის შესაბამისად პრეტენდენტის მიერ პოზიციების მიხედვით წარმოდგენილ უნდა იქნას გასაწევი მომსახურების ერთეულის ღირებულებები (რიგ პოზიციებზე დეტალების გათვალისწინებით), ამასთან აღნიშნული ღირებულებები არ უნდა აღემატებოდეს ამავე პრეისკურანტში პოზიციების მიხედვით გათვალისწინებულ სავარაუდო ერთეულის ღირებულებებს.
3. პრეტენდენტის მიერ პრეისკურანტის სავარაუდო ღირებულების შემცირების/კლების შემთხვევაში პრეისკურანტით გათვალისწინებული ერთეულის ღირებულებები დაკლებულ უნდა იქნეს პროპორციულად ყველა პოზიციაზე, პრეისკურანტის სავარაუდო ღირებულებასა და სისტემაში პრეტენდენტის მიერ დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად.
4. ამასთან, თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც, აღნიშნული პრეისკურანტი პრეტენდენტის მიერ წარმოდგენილ უნდა იქნას შემსყიდველთან მისივე მოთხოვნის შესაბამისად.
5. გამარჯვებულ პრეტენდენტთან სახელმწიფო შესყიდვის შესახებ ხელშეკრულება გაფორმდება სატენდერო განცხადებაში მითითებული ღირებულების ფარგლებში და იგი მოიცავს ხელშეკრულების მოქმედების პერიოდში შემსყიდველის საჭიროებისამებრ მიმწოდებლის მიერ გაწეულ მომსახურების ღირებულებათა ჯამს. შესაბამისად, შესმყიდველი ვალდებულებას იხსნის განახორციელოს სახელშეკრულებო თანხის სრულად ათვისება.
6. ტექნიკური დოკუმენტაცია დაზუსტებას არ დაექვემდებარება, თუ ხარჯთაღრიცხვა (პრეისკურანტი) არ იქნება წარმოდგენილი, ან იქნება წარმოდგენილი განუფასებლად, ან თუ განუფასებელი პოზიცი(ებ)ის რაოდენობა აღემატება განფასებულის - 5 %, ან იქნება არსებითად შეუსაბამო (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
7. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, გარდა Excel-ის ცხრილის სახით წარსადგენი დოკუმენტისა, კანონმდებლობის მოთხოვნათა შესაბამისად, იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
8. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
9. პრეტენდენტს არ აქვს უფლება წარმოადგინოს ალტერნატიული წინადადება;
10. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
11. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების უპირობოდ შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება ეტაპობრივად, ყოველ კონკრეტულ შემთხვევაში ფაქტიურად გაწეული მომსახურების ღირებულების მიხედვით, შესაბამისი მიღება-ჩაბარების აქტის გაფორმებისა და საგადასახადო ანგარიშ-ფაქტურის წარდგენის საფუძველზე.

ანგარიშსწორება განხორციელდება შესაბამისი მიღება-ჩაბარების აქტის გაფორმებისა და ხელშეკრულებით გათვალისწინებული დოკუმენტაციის წარმოდგენიდან 10 (ათი) სამუშაო დღის განმავლობაში.

ლანა ვარდოსანიძე, 571944441, Lvardosanidze@sao.ge დავით გოგოლაძე, 595595753, dgogoladze@sao.ge

პრეტენდენტმა უნდა წარმოადგინოს:
1. მომსახურების პრეისკურანტი დანართი N2–ის მიხედვით;
2. თანხმობა შესყიდვის ობიექტის ტექნიკური დავალების შესახებ დანართი N1–ის მიხედვით;
3. MASPERO ELEVATOR-ის მიერ გაცემული დოკუმენტი სერტიფიცირებული კვალიფიციური ტექნიკურ-საექსპლუატაციო პერსონალის შესახებ (ელექტრონულ სისტემაში უნდა აიტვირთოს ქართულ ენაზე ნათარგმნი და ნოტარიულად დადასტურებული);
4. პრეტენდენტის ტექნიკური პერსონალის შესახებ, შესაბამისი თანრიგის, წოდების, ლიფტებისა და ამწე მოწყობილობების მონტაჟის, მართვის და შრომითი უსაფრთხოების დაცვის კუთხით, დამადასტურებული შესაბამისი დოკუმენტები/მოწმობები;
5. სამგზავრო ლიფტების ელ. მართვის სისტემის სიხშირული გარდამქნელი მიკროპროცესორული მართვის ხელსაწყო ე.წ (სერვის თულს).