Гостиничные услуги (Грузия - Тендер #68555997)

სსიპ საქართველოს სტატისტიკის ეროვნული სამსახურის მიერ ორგანიზებული სემინარის მონაწილეთათვის სასტუმრო და საკონფერენციო დარბაზით მომსახურების გაწევა, ტრანსპორტირებითა და სამჯერადი კვების გათვალისწინებით.

1.2.1 მომსახურების გაწევა უნდა განხორციელდეს:

2025 წლის 10 დეკემბრის 15:00 საათიდან 12 დეკემბრის 15:00 საათამდე პერიოდში (10 პერსონა).
2025 წლის 11 დეკემბრის 13:00 საათიდან 12 დეკემბრის 15:00 საათამდე პერიოდში (20 პერსონა).


სასტუმრო უნდა მდებარეობდეს ქ. ბათუმში, ერთ ლოკაციაზე.

1.2.2 ღამისთევის რაოდენობა:
10 პერსონა - 2 ღამე.
20 პერსონა - 1 ღამე.


1.2.3 სასტუმროს უნდა გააჩნდეს არანაკლებ 30 (ოცდაათი) ერთეული ნომერი, სადაც შესაძლებელი იქნება ერთდროულად 30 (ოცდაათი) პერსონის ინდივიდუალური სახით განთავსება.

1.2.4 სასტუმროს თითოეული ნომერი აღჭურვილი უნდა იყოს:

ა) ინდივიდუალური სველი წერტილით (ხელსაბანი, ტუალეტი, საშხაპე), ცივი და ცხელი წყლით.
ბ) გათბობა-კონდიცირების სისტემით.
გ) მაგიდით, სკამით, ტანსაცმლის კარადით, ჰიგიენური საშუალებებით, მაცივრით, ტელევიზორით.
დ) ხელმისაწვდომი უფასო უსადენო ინტერნეტით.

1.2.5 პრეტენდენტი ვალდებულია 30 (ოცდაათი) პერსონა სასტუმროში ცხოვრების პერიოდში უზრუნველყოს საუზმით, 34 (ოცდათოთხმეტი) პერსონა სადილითა და ვახშამით;

1.2.6 კვება უნდა იყოს მრავალფეროვანი და უნდა მოიცავდეს:
საუზმე:
ა) არანაკლებ 3 სახის ცივი კერძი.
ბ)არანაკლებ 2 სახის ცხელი კერძი
გ) რძის პროდუქტები (არანაკლებ - ყველი, კარაქი, არაჟანი),
დ) არანაკლებ 2 სახეობის ჯემი, თაფლი, არანაკლებ 2 სახეობის ნამცხვარი.
ე) არანაკლებ 2 სახეობის სასმელ წვენს,
ვ) ჩაი, ყავა და შაქარი შეუზღუდავი ოდენობით;

სადილი:
ა) არანაკლებ 3 სახის ცხელი კერძი (მათ შორის 1 წვნიანი)
ბ) არანაკლებ 5 სახის ცივი კერძი.
გ) არანაკლებ 2 სახის ცომეული და დესერტი.
დ) სასმელები - ყავა, ჩაი, წვენი, წყალი (ჩაი და ყავა შეუზღუდავი რაოდენობით).

ვახშამი:
ა) არანაკლებ 4 სახის ცხელი კერძი.
ბ) არანაკლებ 6 სახის ცივი კერძი.
გ) არანაკლებ 2 სახის რძის ნაწარმი.
დ) არანაკლებ 2 სახის დესერტი და 2 სახის ცომეული.
ე) ასევე სასმელები - ყავა, ჩაი, წვენი, წყალი (ჩაი და ყავა შეუზღუდავი რაოდენობით).
ვ) ხილის ასორტი.

ყავის შესვენება:
ა) ყავა, ჩაი.
ბ) არანაკლებ 2 სახეობის ორცხობილა/ნამცხვარი.

1.2.7 მიმწოდებელმა უნდა უზრუნველყოს საკონფერენციო დარბაზით მომსახურება. საკონფერენციო დარბაზი უნდა იყოს გათვლილი მინიმუმ 34 (ოცდათოთხმეტი) პერსონაზე, წყობა U - ტიპის განლაგების პრინციპით, აღჭურვილი უნდა იყოს ინტერნეტით, პროექტორით, ეკრანით, ლეპტოპით, 34 (ოცდათოთხმეტი) ცალი მაგიდის მიკროფონი (თითოეულ პერსონაზე ინდივიდუალური), არანაკლებ 1 დისტანციური მიკროფონით, ბლოკნოტებით და საწერკალმებით თითოეული მონაწილისთვის, აგრეთვე თითოეული პერსონისთვის არანაკლებ 0.5 ლ წყლით.

1.2.8 სასტუმროს უნდა გააჩნდეს:
ა) ალტერნატიული ელ. ენერგიის კვების წყარო;
ბ) ალტერნატიული წყლით მომარაგების სისტემა (ავზი);
გ) სახანძრო უსაფრთხოების საშუალებები (ცეცხლმაქრი, სახანძრო დეტექტორები, საევაკუაციო გეგმა), საევაკუაციო გასასვლელი.

1.2.9 სემინარი ჩატარდება შემდეგი გრაფიკით:
ა) 10 დეკემბერი:
- სასტუმროში დაბინავება (10 პერსონა)
- 19:00-21:00 საათის შუალედში ვახშამი

ბ) 11 დეკემბერი:
- 08:00 – 09:00 საათის შუალედში საუზმე (10 პერსონა);
- 13:00 საათისთვის სასტუმროში მისვლა/ დაბინავება (20 პერსონა);
- 13:00-14:00 საათის შუალედში სადილი (34 პერსონა);
- 14:00-18:00 სემინარი (34 პერსონა);
- 15:30-16:00 საათის შუალედში ერთი ყავის შესვენება (34 პერსონა);
- 19:00-21:00 საათის შუალედში ვახშამი (34 პერსონა);

გ) 12 დეკემბერი:
- 08:00 – 09:00 საათის შუალედში საუზმე; (30 პერსონა);
- 09:00 – 13:00 სემინარი (34 პერსონა);
- 10:45 – 11:00 საათის შუალედში ერთი ყავის შესვენება. (34 პერსონა);
- 13:00 - 14:00 საათის შუალედში სადილი; (34 პერსონა);
- 14:00 – 15:00 სემინარი (34 პერსონა);
- 15:00 - გასვლა სასტუმროდან (30 პერსონა);


1.2.10 მიმწოდებელმა უნდა უზრუნველყოს 20 პერსონის 2025 წლის 11 დეკემბერს ქ. ზუგდიდიდან სასტუმროში და უკან 12 დეკემბერს (მეორე დღეს) სასტუმროდან ქ. ზუგდიდში ტრანსპორტირება.

1.2.11 პრეტენტენტმა უნდა უზრუნველყოს:
1. შრომის უსაფრთხოების კანონმდებლობით დადგენილი პირობებისა და მოთხოვნების ზედმიწევნით შესრულება;
2. სახანძრო უსაფრთხოების წესები დაცვა (საევაკუაციო გეგმა, ხანძარსაწინააღმდეგო მოწყობილობები და სხვა).
3. სასტუმრო და მისი ნომრები, საკონფერენციო სივრცე და სასადილო უნდა იყოს შეზღუდული შესაძლებლობების მქონე პირებზე (მათ შორის ეტლით მოსარგებლეებზე) ადაპტირებული, სადაც უნდა განთავსდეს არანაკლებ ერთი შშმ პირი. (საჭიროების შემთხვევაში, შშმ პირთან ერთად უნდა განთავსდეს მისი თანმხლები პირი).
4. ტრენინგის მიმდინარეობის სრულ პერიოდში დარბაზის (სივრცის) შეუფერხებელი გათბობა/გაგრილება-კონდიცირება.
5. დაუშვებელია ვადაგასული და საკვებად უვარგისი პროდუქტების მიწოდება. ყველა კერძი უნდა იყოს ახლად მომზადებული. საკვები დამზადებული უნდა იყოს სურსათის ეროვნული სააგენტოს და ბავშვთა კვებაში გამოყენებული სტანდარტების გათვალისწინებით.
6. ჭურჭელი უნდა იყოს ერთნაირი, დაუზიანებელი, საუკეთესო სანიტარულ მდგომარეობაში, დაუშვებელია გატეხილი, გაბზარული ან სხვა მიზეზით არასათანადო ვიზუალურ და ჰიგიენურ მდგომარეობაში მყოფი ჭურჭლის გამოყენება.
7. შესყიდვის ობიექტის ღირებულება შეიძლება შემცირდეს ფაქტობრივად გაწეული მომსახურების მიხედვით.
8. ტენდერში შუამავალი (ქვეკონტრაქტორი) კომპანიის მონაწილეობა არ განიხილება.
9. „შემსყიდველი“ იტოვებს უფლებას საჭიროების შემთხვევაში შესყიდვის სტატუსის - შერჩევა/შეფასების ეტაპზე ადგილზე შეამოწმოს “მიმწოდებელი“-ს მიერ შეთავაზებული პირობები.
10. „შემსყიდველი“ იტოვებს უფლებას განახორციელოს არსებული მდგომარეობის (კვების, სამუშაო პირობების) კონტროლი.
11. პრეტენდენტმა სატენდერო წინადადებასთნ ერთად უნდა წარმოადგინოს სათანადო წესით შედგენილი და ხელმოწერით დადასტურებული დოკუმენტი - დანართიN1 (ტექნიკური დავალება).

მომსახურების გაწევა უნდა განხორციელდეს 2025 წლის 10 დეკემბრის 15:00 საათიდან 12 დეკემბრის 15:00 საათამდე პერიოდში.

სასტუმრო უნდა მდებარეობდეს - ქ. ბათუმში, ერთ ლოკაციაზე.

2.9.1 ქვეკონტრაქტორები არ განიხილება.

2.9.2. პრეტენდენტმა უნდა წარმოადგინოს:
2.9.2.1. დანართი N1 ტექნიკური დავალება მისი სტრუქტურის დაცვით, რომელიც დადასტურებული უნდა იყოს კვალიფიციური ელექტრონული ხელმოწერით ან/და ელექტრონული შტამპით, უფლებამოსილი პირის მიერ.
2.9.2.2. დანართი N2 ფასების ცხრილი მისი სტრუქტურის დაცვით.
2.9.2.3. ალტერნატიული ელ. ენერგიის კვების წყარო, ალტერნატიული წყლით მომარაგების სისტემის (ავზის), სახანძრო უსაფრთხოების საშუალებების (ცეცხლმაქრის, სახანძრო დეტექტორების, საევაკუაციო გეგმის), საევაკუაციო გასასვლელის და შშპ პირისთვის განკუთვნილი ოთახის შესახებ ინფორმაცია (ფოტო სურათების სახით).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტმა უნდა წარმოადგინოს შესაბამის სფეროში საქართველოს კანონმდებლობით განსაზღვრული უფლებამოსილების ან/და აკრედიტაციის მქონე პირის მიერ გაცემული საექსპერტო ან/და აუდიტორული დასკვნა (დასკვნასთან ერთად წარმოსადგენია დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების გაწევის შესაძლებლობა.

ანგარიშსწორება განხორციელდება, ფაქტიურად გაწეული მომსახურების მიხედვით, უნაღდო ანგარიშსწორებით ლარში, შესაბამისი მიღება-ჩაბარების აქტის გაფორმებისა და საანგარიშსწორებო დოკუმენტაციის წარმოდგენის საფუძველზე.

ანგარიშსწორება განხორციელდება შესაბამისი მიღება-ჩაბარების აქტის გაფორმებისა და საანგარიშსწორებო დოკუმენტაციის წარმოდგენიდან 10 (ათი) სამუშაო დღის ვადაში.

გვანცა ჟღენტი, 599156117, gzhghenti@geostat.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით, დღგ-ს გარეშე;
10.1.2 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და ინფორმაცია დადასტურებული უნდა იყოს კვალიფიციური ელექტრონული ხელმოწერით ან/და ელექტრონული შტამპით, უფლებამოსილი პირის მიერ, გარდა ფასების ცხრილისა (დანართი N2);
10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
10.1.8 სატენდერო წინადადებასთან ერთად, რეკვიზიტების სახით (მათ შორის საბანკო) წარმოდგენილი უნდა იყოს ისეთი ინფორმაცია, რომელიც არ არის შევსებული ელექტრონულ სისტემაში არსებულ მიმწოდებლის პროფილში.
10.1.9 შესყიდვა განხორციელდება საქართველოს სტატისტიკის ეროვნულ სამსახურსა (საქსტატი) და გაეროს ქალთა ორგანიზაციის წარმომადგენლობა საქართველოს (UN Women) შორის, 2024 წლის 12 მარტს გაფორმებული N1/გრ/24 საგრანტო ხელშეკრულების ბიუჯეტი ფარგლებში. აღნიშნული, პროექტი დარეგისტრირებულია საგადასახადო შეღავათით მოსარგებლეთა რეესტრში https://www.rs.ge/TaxPrivileges და შესაბამისად, ღირებულება წარმოდგენილი უნდა იყოს დღგ-ს გარეშე.