Услуги по очистке и санации (Грузия - Тендер #68555991)

შპს „საქართველოს ფოსტის“ ადმინისტრაციულ შენობაში, ტერმინალებში, ავტოფარეხში და ს/ც-ებში (საქართველოს მთელს ტერიტორიაზე) სადეზინფექციო მომსახურების შესყიდვა - CPV 90920000.

მომსახურების გაწევის ტექნიკური პირობები:

1. დერატიზაცია - სადერატიზაციო სამუშაოები (თაგვისებური მღრღნელების განადგურება ან უკუქცევა) უნდა ჩატარდეს „შემსყიდველის“ ობიექტებზე არსებულ შენობა-ნაგებობებში (სარდაფები, სხვენები, კიბის უჯრედები, კორიდორები, ჰოლი, სველი წერტილები, სამუშაო ოთახები, სასაწყობო ნაგებობები და დამხმარე ფართები, გარე მიმდებარე ტერიტორიები) „შემსყიდველის“ წარმომადგენელთან ერთად.

2. დეზინსექცია - სადეზინსექციო სამუშაოები (საყოფაცხოვრებო მავნე მწერების მოსპობა - მათ შორის ეპიდემიოლოგიური და სანიტარულ-ჰიგიენური მნიშვნელობის მქონე ფეხსახსრიანების განადგურება (ბუზი და მათი ნაჩეკები, ტარაკანა, ბაღლინჯო, კოღო, ჭიანჭველა, ტკიპი, რწყილი და ა.შ.)) უნდა ჩატარდეს „შემსყიდველის“ ობიექტებზე არსებულ შენობა-ნაგებობებში და ტერიტორიებზე (ოფისებში, სასაწყობო მეურნეობებში, დამხმარე შენობა ნაგებობებში და „შემსყიდველის“ კუთვნილ გარე ტერიტორიებზე), სადაც უნდა დამუშავდეს სარდაფები, სხვენები, კიბის უჯრედები, კორიდორები, ჰოლი, სველი წერტილები, სამუშაო ოთახები, სასაწყობო ნაგებობები და დამხმარე ფართები მწერებისა და პარაზიტების განადგურებისათვის ან უკუქცევისათვის. აღნიშნული სამუშაოები უნდა განხორციელდეს „შემსყიდველის“ წარმომადგენელთან ერთად.

3. დეზინფექცია - სადეზინფექციო სამუშაოები (პათოგენური მიკროორგანიზმების განადგურება) უნდა ჩატარდეს „შემსყიდველის“ ობიექტებზე არსებულ სველ წერტილებში (საპირფარეშოებში, ხელსაბან ოთახებში და სააბაზანოებში, საჭიროების შემთხვევაში ოფისის ოთახებში) ბაქტერიების, ვირუსების და სხვა მავნე მიკროორგანიზმების განადგურებისათვის. აღნიშნული სამუშაოები უნდა განხორციელდეს „შემსყიდველის“ წარმომადგენელთან ერთად.

4. ქვეწარმავლების დამაფრთხობელი ღონისძიების ჩატარება.

* „მიმწოდებელი“ ვალდებულია გაწიოს მომსახურება უსაფრთხოების ზომების სრული დაცვით, „მიმწოდებლის“ მიერ გამოყენებული პრეპარატები უნდა შეესაბამებოდეს საქართველოს მოქმედი კანონმდებლობით დადგენილ მოთხოვნებს, აკმაყოფილებდეს საერთაშორისო სტანდარტებს და არ უნდა უქმნიდეს საფრთხეს ადამიანის სიცოცხლეს და ჯანმრთელობას. „მიმწოდებელმა“ არ უნდა გამოიყენოს მწვავე, მძაფრი სუნის ან ადამიანისათვის სხვა უარყოფითი რეაქციის გამომწვევი საშუალებები, ასევე პრეპარატები, გამოყენების დროს არ უნდა იყოს ვადაგასული.

შესყიდვის ობიექტის მიწოდება (მომსახურების გაწევა) განხორციელდება ეტაპობრივად 2026 წლის 01 იანვრიდან (აღნიშნულ ვადამდე ტენდერის პროცედურების დაუსრულებლობის შემთხვევაში - ხელშეკრულების გაფორმებიდან) 2026 წლის 31 დეკემბრის ჩათვლით, საქართველოს მთელ ტერიტორიაზე, შემსყიდველის მოთხოვნის შესაბამისად, რისთვისაც შემსყიდველი ორგანიზაცია მიმწოდებელს წინასწარ განუსაზღვრავს მომსახურების გაწევის ადგილს. მიმწოდებელი ვალდებულია შემსყიდველი ორგანიზაციის შეტყობინების მიღებიდან უმოკლეს ვადაში, როგორც თბილისის ასევე რეგიონის მასშტაბით 1 (ერთი) კალენდარულ დღეში მოახდინოს რეაგირება და გასწიოს შესაბამისი მომსახურება.

შესყიდვის ობიექტის მიწოდება (მომსახურების გაწევა) უნდა განხორციელდეს მიმწოდებლის ხარჯით, საქართველოს მთელს ტერიტორიაზე.

მიმწოდებელს 2 (ორი) წლის განმავლობაში უნდა გააჩნდეს ანალოგიური მომსახურების (დეზინფექცია, დეზინსექცია, დერატიზაცია, ქვეწარმავლების საწინააღმდეგო ღონისძიება) შესახებ არსებითად და წარმატებით დასრულებული არანაკლებ 2 (ორი) ხელშეკრულება, თითოეული არანაკლებ 5 000,00 (ხუთიათასი) ლარის ღირებულების შესაბამისი მიღება-ჩაბარებების აქტებით.

იმ შემთხვევაში თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, (ხელშეკრულებისა და მიღება-ჩაბარების აქტების წარმოდგენა არ არის სავალდებულო) მითითებული უნდა იქნას სისტემის მიერ მინიჭებული SPA/CMR/NAT ნომერი.

მიმწოდებელმა გამოცდილების დამადასტურებელი დოკუმენტაცია უნდა წარმოადგინოს (ატვირთოს) სისტემის საშუალებით.

შესყიდვის ობიექტის თავისებურებიდან გამომდინარე მოცემული სავარაუდო მოცულობა შეიძლება სრულად არ იქნეს ათვისებული.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორების საფუძველია მხარეების უფლებამოსილი პირების მიერ მიწოდებულ საქონელზე გაფორმებული მიღება-ჩაბარების აქტის საფუძველზე.

ანგარიშსწორება განხორციელდება მხარეთა შორის მიღება–ჩაბარების აქტის გაფორმებიდან 10 (ათი) სამუშაო დღის ვადაში.

ირინა ციხელაშვილი, 595915042, i.tsikhelashvili@gpost.ge