Компьютерное оборудование и принадлежности (Грузия - Тендер #68469159)

მრავალფუნქციური ფერადი პრინტერი

მრავალფუნქციური ფერადი პრინტერი - 2 ცალი:

• ბეჭდვის ტექნოლოგია - ლაზერული
• ბეჭდვის მაქსიმალური ფორმატი - A3
• რეკომენდირებული დატვირთვა თვეში - არანაკლებ 40000 გვერდი
• ოპერატიული მეხსირების მოცულობა - არანაკლებ 1 GB
• ქსელთან კავშირი - 10BASE-T/100BASE-TX/1000BASE-T
• ფურცლის ავტომატური მიმწოდებელი - ADF
• ორმხრივი ბეჭდვა - დიახ
• სკანერის ტიპი - FLATBED, ADF
• ორმხრივი სკანირება - დიახ
• ორმხრივი ასლის გადაღება - დიახ
• კავშირის საშუალებები - USB, LAN RJ45
• უნდა მოყვებოდეს 1 კომპლექტი შესაბამისი (ორიგინალი) კარტრიჯი/ტონერი
• კარტრიჯის/ტონერის ბეჭვდვის რესურსი:
- შავი - არანაკლებ 17500 გვერდი 5% დაფარვით;
- ფერადი - არანაკლებ 11,000 გვერდი 5% დაფარვით

შემოთავაზებული საქონელი დამზადებული უნდა იყოს ქარხნული წესით, ამავდროულად უნდა იყოს ახალი, ორიგინალი, საწარმოო დეფექტის გარეშე და ტრანსპორტირებისთვის უსაფრთხო შეფუთვით.


შენიშვნა:
იმ შემთხვევაში, როცა სატენდერო დოკუმენტაციის ტექნიკური დავალებით შემსყიდველის მიერ განსაზღვრულია საქონლის ტექნიკური პარამეტრები „არანაკლებ“, „არაუმეტეს“ სახით, პრეტენდენტმა წარმოსადგენ დანართი №1 -ში უნდა მიუთითოს კონკრეტული ტექნიკური პარამეტრები, გარდა იმ შემთხვევისა, როცა შემოთავაზებული საქონლის მწარმოებლის ტექნიკურ დოკუმენტაციაშიც დაფიქსირებულია პარამეტრები „არანაკლებ“ და „არაუმეტეს“ სახით. ასეთ შემთხვევაში, აღნიშნულის დამადასტურებლად პრეტენდენტის მიერ დამატებით უნდა იქნას წარმოდგენილი მწარმოებლის ტექნიკური დოკუმენტაცია.

საქონლის მიწოდების ვადა: ხელშეკრულების გაფორმებიდან ეტაპობრივად არაუგვიანეს მიმდინარე წლის 20 (ოცი) დეკემბრისა.

საქონლის მიწოდების ადგილი: ქ. თბილისი, ბერი გაბრიელ სალოსის გამზირი №191დ.

1. მიწოდებულ საქონელზე უნდა ვრცელდებოდეს საგარანტიო ვადა მიღება-ჩაბარების აქტის გაფორმებიდან არანაკლებ 1 (ერთი) წელი, სწორი ექსპლუატაციის პირობებში. პრეტენდენტი ვალდებულია ფასების ცხრილში (დანართი N1) მიუთითოს ინფორმაცია საგარანტიო ვადის შესახებ, ყოველგვარი არანაკლების მითითების გარეშე.

2. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა;

3. მოწოდებულ საქონელზე აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია 10 (ათი) სამუშაო დღის ვადაში გამოასწოროს იგი ან არაუგვიანეს 15 (თხუთმეტი) სამუშაო დღისა შეცვალოს ახალი შესყიდვის ობიექტით, შემსყიდველის მხრიდან დამატებითი დანახარჯების გაწევის გარეშე. შეტყობინება შესაძლებელია განხორციელდეს სატელეფონო ან/და ელექტრონულ ფოსტაზე შეტყობინების გზით.

4. საქონლის წუნში იგულისხმება უფლებრივი ან/და ნივთობრივი ნაკლი, ქარხნული წუნი, ნორმალური ექსპლუატაციის ან/და შენახვის პირობებში ხელშეკრულებით განსაზღვრული მახასიათებლების ან სხვა საექსპლუატაციო თვისებების დაკარგვა და ა.შ.

პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის წარმოშობის ქვეყანა, მწარმოებელი კომპანია და მოდელი/ბრენდი.

1. ტენდერში მონაწილე პრეტენდენტს უნდა გააჩნდეს ანალოგიური საქონლის (პრინტერების) მიწოდების გამოცდილება 2023 წლის 1 იანვრიდან ტენდერის გამოცხადების თარიღამდე, ჯამში არანაკლებს 30 000.00 (ოცდაათი ათასი) ლარის ოდენობით.

2. გამოცდილების დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს ხელშეკრულებ(ები)ის, შესაბამისი მიღება-ჩაბარების აქტ(ებ)ის, დადასტურებული ანგარიშ-ფაქტურების ან/და ნებისმიერი დოკუმენტ(ებ)ის დედნები ან/და ასლები ან/და წერილი შემსყიდველი/დამკვეთი ორგანიზაციიდან, რითიც დასტურდება პრეტენდენტის მიერ ანალოგიური მომსახურების გაწევის გამოცდილება ან იმ შემთხვევაში, თუ მიწოდება განხორციელებულია სახელმწიფო შესყიდვების ერთიანი ელექტრონული სისტემის (https://tenders.procurement.gov.ge) გამოყენებით და ხელშეკრულების შესაბამის ველში ასახულია გადახდები ან/და ატვირთულია შესრულების დამადასტურებელი დოკუმენტები, ან ხელშეკრულებას მინიჭებული აქვს სტატუსი "შესრულებული ხელშეკრულება", გამოცდილების დასადასტურებლად საკმარისი იქნება შესაბამისი განცხადების ნომრ(ებ)ის (CMR, SPA, NAT და ა. შ.) წარმოდგენა.

პრეტენდენტმა უნდა წარმოადგინოს შემოთავაზებული საქონლის მწარმოებლის მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან ან კატალოგიდან, რომელიც დაადასტურებს ტექნიკური დავალების შესაბამისად შემოთავაზებული საქონლის შესაბამისობას სატენდერო დოკუმენტაციით განსაზღვრულ მოთხოვნებთან ან აღნიშნული ინფორმაცია ქართულად უნდა იქნას დატანილი შემოთავაზებულ საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები).

(თუ წარმოდგენილი დოკუმენტი (მათ შორის ვებ-ბმული მწარმოებლის ოფიციალური ვებ-გვერდიდან) უცხო ენოვანია, მას თან უნდა დაერთოს ნოტარიულად დამოწმებული ქართულენოვანი თარგმანი).

პრეტენდენტის მიერ Excel-ის ცხრილის სახით წარმოდგენილი დოკუმენტი არ საჭიროებს ხელმოწერას ან/და ბეჭედს (მათ შორის ელექტრონულ ხელმოწერას ან/და ელექტრონულ შტამპს).

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
2. დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში.
ანგარიშსწორება განხორციელდება 2025 წლის საბიუჯეტო სახსრებით.
ანგარიშსწორება შემსყიდველის მიერ მოხდება მოწოდებული შესყიდვის ობიექტის შესაბამისი მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონით დადგენილ შემთხვევაში) გამოწერისა და წარმოდგენის შემდეგ.

ანგარიშსწორება მოხდება მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღის ვადაში.

ქეთევან ლორია, 551888113, kloria@delta.gov.ge

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნეს მოქმედი კანონმდებლობის შესაბამისად.
2. ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ სსსტც "დელტა"-ს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის“.