Ремонт и техническое обслуживание транспортных средств и оборудования и сопутствующие услуги (Грузия - Тендер #68469154)

ა(ა)იპ ,, თბილისის მუნიციპალური ლაბორატორია-ს საკუთრებაში არსებული ავტოსატრანსპორტო საშუალებების ტექ. მომსახურება

შესყიდვის ობიექტია ააიპ ,,თბილისის მუნიციპალური ლაბორატორია’’–ს ბალანსზე რიცხული ავტოსატრანსპორტო საშუალების ავტოტექმომსახურება (სერვისი–სათადარიგო ნაწილებით) იხილეთ პრეისკურანტის ფასების ცხრილი.
ავტომანქანების დაზიანებული ნაწილები უნდა შეიცვალოს ახალი სათადარიგო ნაწილებით და უნდა შეესაბამებოდეს პრეტენდენტის მიერ წარმოდგენილ პრეისკურანტში მითითებულ შესაბამისი საქონლის მდგომარეობას, დასახელებას და ფასს.
ავტოტრანსპორტის მომსახურება უნდა განხორციელდეს მიმწოდებლისა და შემსყიდველის წარმომადგენლობის მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების აქტის შედგენის შემდეგ.
მომსახურების პრეისკურანტის ფასების ცხრილები იხ. სატენდერო დოკუმენტაციის კითხვარის 1,3 პუნქტში

მომსახურება უნდა განხორციელდეს ეტაპობრივად, ხელშეკრულების გაფორმებიდან, მაგრამ არაუადრეს 2026 წლის 01 იანვრიდან 2026 წლის 31 დეკემბრის ჩათვლით

მომსახურების გაწევა უნდა განხორციელდეს ეტაპობრივად, ქ. თბილისში, მიმწოდებლის სერვის ცენტრ(ებ)ში.

1.7.1.1 მიმწოდებელმა შეცვლილ და/ან აღდგენილ დეტალებზე უნდა გასცეს გარანტია:

1. სავალ ნაწილებზე არანაკლებ 6 თვე.
2. ძრავზე, გადაცემათა კოლოფზე და ხიდებზე არანაკლებ 1 წელი ან 25 000 კმ.
3. ელექტრულ მოწყობილობებზე (გარდა ელ. მცველებისა და ნათურებისა) არანაკლებ 1 წელი.
4. XENON-ის ტიპის ნათურებზე (ქარხნულად აღჭურვილ ავტომობილებზე) არანაკლებ 6 თვე.
5. გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე არანაკლებ 2 000 კმ.

1.7.1.2 საგარანტიო ვადის განმავლობაში, ექსპლუატაციის პროცესში რაიმე წუნის (ნაკლოვანებები, დეფექტი) აღმოჩენის შემთხვევაში მიმწოდებელი ვალდებულია შეტყობინების მიღებიდან, შემსყიდველის მიერ განსაზღვრულ გონივრულ ვადაში, გამოასწოროს წარმოქმნილი ნაკლოვანება/დეფექტი საკუთარი ხარჯებით.

2.2.1.1 პრეტენდენტს 2023 წლის 01 იანვრიდან ტენდერის დასრულების დღემდე უნდა გააჩნდეს არანაკლებ 375 000.00 (სამასსამოცდათხუთმეტი ათასი) ლარის გამოცდილება ანალოგიურ სფეროში (მანქანების ტექნიკური მომსახურება), რის დამადასტურებლადაც უნდა წარმოადგინოს შესაბამისი შესყიდვის პროცედურის SPA/NAT/CMR და ა.შ.... ნომრები ან ხელშეკრულებები და შესაბამისი მიღება–ჩაბარების აქტები ან/და ანგარიშფაქტურები.

2.2.1.2 პრეტენდენტმა უნდა წარმოადგინოს 2024-2025 წელს გაცემული არანაკლებ 2 დადებითი რეკომენდაცია შემსყიდველი ორგანიზაციებიდან, მის მიერ 2023 წლის 01 იანვრიდან ტენდერის დასრულების დღემდე ხელშეკრულებით ნაკისრი ვალდებულებების შესრულების შესახებ.

მიმწოდებელს ქ. თბილისში, უნდა გააჩნდეს საკუთრებაში ან/და სარგებლობაში მინიმუმ 2 (ორი) ცალი მოქმედი სერვისცენტრი, ერთდროულად არანაკლებ 30 (ოცდაათი) ავტომანქანის მომსახურების საშუალებით.

პრეტენდენტის ავტოსერვისცენტრები დაკომპლექტებული უნდა იყოს მაღალკვალიფიციური სპეციალისტებით და აღჭურვილი იყოს თანამედროვე აპარატურითა და დანადგარებით, კერძოდ:

– ჯამში არანაკლებ 30 (ოცდაათი) ბოქსი. ავტომობილების სხვადასხვა სახის რემონტისთვის განკუთვნილი.
– ამწე მექანიზმი ჯამში არანაკლებ 15 ერთეული;
– თვლების შეყრის (დახრილობის) კომპიუტერული დიაგნოსტიკის ამწე (რაზვალი +სხაჟდენია) არანაკლებ 1 ცალი.
– საყრდენი დისკის გასაჩარხი აპარატი - არანაკლებ 1 ცალი;
– ელექტრო სისტემის კომპიუტერული დიაგნოსტიკის აპარატი - არანაკლებ 1 ცალი.
– მანქანის გაჭიმვის რობოტი - არანაკლებ 1 ცალი.
– წინა მაშუქების რეგულირების აპარატი - არანაკლებ 1 ცალი
– ვულკანიზაცია, ბალანსირება და დისკების გასწორება - არანაკლებ 1 ცალი.
– კონდიციონერების სისტემის ფრეონით დატენვა - არანაკლებ 1 ცალი.
- ელექტრო მომარაგების სარეზერვო წყარო (გენერატორი).
ავტოსერვისცენტრების ტერიტორიაზე შესაძლებელი უნდა იყოს ა/მანქანების დაცულად გაჩერება.

აღნიშნული ინფორმაციის დასადასტურებლად პრეტენდენტმა ერთიან ელექტრონულ სისტემაში უნდა წარმოადგინოს საკუთრების ან/და სარგებლობის უფლების დამადასტურებელი დოკუმენტები. საკუთრების შემთხვევაში წარმოდგენილ უნდა იქნას საკუთრების დამადასტურებელი დოკუმენტი, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს სატენდერო დოკუმენტაციით გათვალისწინებული მომსახურების გაწევის ვადას.

მიმწოდებელი ვალდებულია მოახდინოს ავტომობილის შეკეთება შემდეგ ვადებში:

2.5.1.1 სავალი ნაწილების შეცვლა/აღდგენა მოთხოვნიდან არაუმეტეს 1 სამუშაო დღე.;
2.5.1.2 ელექტრული დეტალების შეცვლა/აღდგენა მოთხოვნიდან არაუმეტეს 1 სამუშაო დღე.
2.5.1.3 ძრავის, გადაცემათა კოლოფის და ხიდების ძირეული შეკეთება მოთხოვნიდან არაუმეტეს 5 სამუშაო დღე.
2.5.1.4 თუ ავტომობილს დასჭირდება ისეთი დეტალ(ებ)ი, რომლ(ებ)იც არ აღმოაჩნდება მიმწოდებელს და არ არის გაყიდვაში ადგილობრივ ბაზარზე, მიმწოდებელი ვალდებულია შეიძინოს/შეაკეთოს გონივრულ ვადაში, მაგრამ არაუმეტეს 40 დღისა.

პრეტენდენტმა ერთიან ელექტრონულ სისტემაში უნდა წარმოადგინოს:
2.9.1. მომსახურების პრეისკურანტის ფასების ცხრილები, სატენდერო დოკუმენტაციის 1.3 პუნქტის (პრეისკურანტის ფასების ცხრილების) შესაბამისად;
2.9.2. ინფორმაცია საგარანტიო ვადების შესახებ - სატენდერო დოკუმენტაციის კითხვარის 1.7.1 პუნქტის შესაბამისად;
2.9.3. ინფორმაცია ანალოგიურ სფეროში გამოცდილების შესახებ - სატენდერო დოკუმენტაციის კითხვარის 2.2.1.1 პუნქტის შესაბამისად;
2.9.4 დადებითი რეკომენდაცია შემსყიდველი ორგანიზაციებიდან - სატენდერო დოკუმენტაციის 2,2,1.2 პუნქტის მოთხოვნის შესაბამისად.
2.9.5. ინფორმაცია მატერიალურ-ტექნიკური ბაზის შესახებ - სატენდერო დოკუმენტაციის კითხვარის 2.3.1 პუნქტის შესაბამისად;
2.9.6. ინფორმაცია მომსახურების გაწევის ვადების შესახებ - სატენდერო დოკუმენტაციის კითხვარის 2.5.1 პუნქტის შესაბამისად:

4.1.1.1 მ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ექსპერტის შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1 ანგარიშსწორება მოხდება უნაღდო ანგარიშსწორებით – ლარში.
7.2.2 ანგარიშსწორება მოხდება ეტაპობრივად, ფაქტიურად გაწეული მომსახურების გაწევის შემდეგ, შესაბამისი მიღება-ჩაბარების აქტის/საგადახდო დოკუმენტაციის გაფორმების შესაბამისად.

7.3.1 ანგარიშსწორება მოხდება ეტაპობრივად, ფაქტიურად გაწეული მომსახურების გაწევის შემდეგ, მიღება-ჩაბარების აქტის/შესაბამისი საგადახდო დოკუმენტაციის გაფორმებიდან არაუგვიანეს 10 სამუშაო დღის განმავლობაში.

მიხეილი გიგაური, 577953310, m.gigauri@tmlaboratory.ge

ტენდერში მონაწილე პრეტენდენტმა უნდა გაითვალისწინოს შემდეგი:
10.1.1. ტენდერში გამარჯვებულ პრეტენდენტთან ხელშეკრულება გაფორმდება 180000.00 (ასოთხოცი ათასი) ლარზე, ელექტრონული ვაჭრობა გაიმართება პრეისკურანტში მოცემული საქონლისა და მომსახურების ერთეულის ფასების ჯამურ ღირებულებაზე.
10.1.2. პრეტენდენტი ფასის კლებას ახორციელებს პრეისკურანტის სავარაუდო ღირებულებასთან მიმართებაში. პრეისკურანტის სავარაუდო ღირებულება შეადგენს 421246.75 (ოთხასოცდაერთი ათას ორასორმოცდაექვსი ლარი და 75 თეთრი) ლარს. შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ ერთიან ელექტრონულ სისტემაში დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს ყველა დასახელების საქონელსა და მომსახურებაზე.
10.1.3 პრეტენდენტი ვალდებულია წარმოადგინოს მომსახურების პრეისკურანტის ფასები ცხრილი PDF და Excel ფორმატში. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული მომსახურების პრეისკურანტის ფასების ცხრილები (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს ან პრეისკურანტში პოზიციაზე დაფიქსირებული ერთეულის ფასი გადააჭარბებს აღნიშნულ პოზიციაზე სატენდერო პირობებით განსაზღვრულ ერთეულის სავარაუდო ფასს.
10.1.4 პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.
10.1.5 პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო
პირობები და ა.შ.). დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით.

აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს
კვალიფიციური ელექტრონული ხელმოწერით ან/და კვალიფიციური ელექტრონული შტამპით.