Отделочные строительные работы (Грузия - Тендер #68348306)

მცხეთის მუნიციპალიტეტის სოფელ წეროვნის N1 საჯარო სკოლის სარეაბილიტაციო სამუშაოების შესყიდვა

(1) ამ ტენდერით მოთხოვნილი სარეაბილიტაციო სამუშაოები უნდა შესრულდეს სატენდერო დოკუმენტაციით განსაზღვრული ხარჯთაღრიცხვის (დეფექტური აქტის) მიხედვით;

იმ შემთხვევაში, თუ დეფექტური აქტით სამუშაოების შესრულებისას გამოსაყენებელ საქონელზე (მასალებზე) მითითებულია კონკრეტული სასაქონლო ნიშანი, მოდელი, წარმოშობის წყარო ან მწარმოებელი იგულისხმება „მსგავსი“ ან ექვივალენტური“;

(2) სამუშაოების შესრულების პროცესში ჩართული იქნება სკოლის მიერ საამისოდ გამოყოფილი ზედამხედველობის განმახორციელებელი პირი, რომელიც კონტროლს გაუწევს მიმწოდებლის მიერ ჩატარებულ სამუშაოებს;

(3) სამუშაოები უნდა შესრულდეს მოქმედი სამშენებლო ნორმების მიხედვით;

(4) სამუშაოების წარმოების პროცესში დაცული უნდა იყოს საქართველოს კანონმდებლობით განსაზღვრული შრომის უსაფრთხოების პირობები, რაზედაც სრული პასუხისმგებლობა ენიჭება მიმწოდებელს.

(5) სამუშაოების შესრულების პროცესში მიმწოდებელმა უნდა უზრუნველყოს სამშენებლო ადგილის შემოსაზღვრა და დამცავი გამაფრთხილებელი ნიშნების დაყენება, ასევე სანიტარულ-ჰიგიენური ნორმების დაცვა;

(6) შესრულებული სამუშაოების მაღალი ხარისხის უზრუნველსაყოფად, სამუშაოების პროცესში გამოყენებული ყველა მასალა და მოწყობილობა უნდა შეესაბამებოდეს ამ სფეროში აღიარებულ სტანდარტებს. საჭიროების შემთხვევაში შემსყიდველი ორგანიზაცია მოითხოვს შესაბამის სერტიფიკატებს მშენებლობის პროცესში გამოყენებულ მასალებსა და მოწყობილობებზე;

(7) სამუშაოების შესრულების პროცესში გამოყენებული მასალების და მოწყობილობების ტიპი და ვიზუალურ-ტექნიკური მახასიათებლები (ფაქტურა, ფერი და სხვა) უნდა შეთანხმდეს შემსყიდველთან. იმ შემთხვევაში, თუ მიმწოდებლის მიერ წარმოდგენილი მასალა, ან/და მოწყობილობა არ შეესაბამება აღიარებულ სტანდარტებს ან/და შემსყიდველის მოთხოვნებს, მიმწოდებელი ვალდებულია, წარმოადგინოს სხვა, შემსყიდველისთვის მისაღები მასალა ან/და მოწყობილობა;

(8) მიმწოდებელმა სამუშაოების წარმოების პარალელურად საკუთარი ხარჯებით უნდა უზრუნველყოს ტერიტორიიდან სამშენებლო ნარჩენების და ნაგვის მოგროვება და გატანა , ხოლო სამუშაოების დასრულებისთანავე სრულად გაათავისუფლოს სამუშაო ადგილი სხვადასხვა სამშენებლო ნარჩენებისა და მოწყობილობა-დანადგარებისგან;

(9) მიმწოდებელი ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციის და მტვერის გავლენა შემსყიდველი ორგანიზაციის სამუშაო პროცესზე;

(10) მიმწოდებელი ვალდებულია სამუშაოების მიმდინარეობის პროცესი უზრუნველყოს შესაბამისი რესურსით (მათ შორის: ადამიანური რესურსით, მოწყობილობებით და მასალით);

(11) მიმწოდებელი ვალდებულია აღადგინოს სამუშაოების წარმოების პროცესში მისი მიზეზით დაზიანებული ინფრასტრუქტურა.

ხელშეკრულების გაფორმების დღიდან არაუგვიანეს 20 კალენდარულ დღეში

სატენდერო დოკუმენტაციით გათვალისწინებული სამუშაოები უნდა შესრულდეს მცხეთის მუნიციპალიტეტის სოფელ წეროვნის N1 საჯარო სკოლის ტერიტორიაზე

მიმწოდებლის მიერ შესრულებულ სამუშაოებზე უნდა გავრცელდეს დეფექტებზე პასუხისმგებლობის პერიოდი (გარანტია) არანაკლებ 1 (ერთი) წლის ვადით. ამ პერიოდში შემსყიდველის მიერ გამოვლენილი ნებისმიერი ნაკლი ან უხარისხობა (გარდა ისეთი ნაკლისა, რაც გამოწვეულია შემსყიდველის მხრიდან მიყენებული მექანიკური დაზიანებებით) აღმოფხვრილი უნდა იყოს მიმწოდებლის მიერ საკუთარი ხარჯებით.

პრეტენდენტს, 2022 წლიდან ამ ტენდერში წინადადების წარდგენის დღემდე პერიოდში, საქართველოს ტერიტორიაზე შესრულებული უნდა ჰქონდეს ანალოგიური ხასიათის, სირთულისა და შინაარსის (შენობის მშენებლობა, შენობის რეაბილიტაცია (შენობაში არ იგულისხმება გზა, ხიდი, გვირაბი) არანაკლებ 20 000,00 (ოცი ათასი) ლარის ღირებულების სამუშაო, რისი დადასტურების მიზნით სახელმწიფო შესყიდვების ერთიანი ელექტრონული სისტემის მეშვეობით წარმოდგენილი უნდა იქნეს:

(1) ინფორმაცია ანალოგიური სამუშაოების შესრულების შესახებ (თანდართული დოკუმენტის მიხედვით);

(2) ანალოგიური სამუშაოების შესრულების დამადასტურებელი დოკუმენტაციაა: ხელშეკრულება შესასრულებელი სამუშაოების უწყისთან (ხარჯთაღრიცხვასთან) ერთად და საბოლოო/შუალედური მიღება-ჩაბარების აქტები შესრულებული სამუშაოების უწყისებთან (ე.წ. ფორმა №2-სთან) ერთად);

შენიშვნა:
- იმ შემთხვევაში თუ ანალოგიური სამუშაოების დადასტურების მიზნით წარმოდგენილი იქნა შესყიდვის რეკვიზიტები (SPA/NAT/MEP/DAP/CMR/GEO ნომერი), შესრულების დამადასტურებელი დოკუმენტაციის (ხელშეკრულება და საბოლოო/შუალედური მიღება-ჩაბარების აქტები) წარმოდგენა არ არის სავალდებულო;
- იმ შემთხვევაში თუ სამუშაოები შესრულებულია კერძო ორგანიზაციის (არა სახელმწიფო შესყიდვების ფარგლებში) დაკვეთით, ანალოგიური სამუშაოების შესრულების დამადასტურებელ დოკუმენტაციასთან (ხელშეკრულება და საბოლოო/შუალედური მიღება-ჩაბარების აქტები) ერთად წარმოდგენილი უნდა იქნეს დადასტურებული საგადასახადო ანგარიშ-ფაქტურები (ასეთის არსებობის შემთხვევაში), რომელიც უნდა ედრებოდეს შესაბამის საბოლოო/შუალედურ მიღება-ჩაბარების აქტებში დაფიქსირებულ შესრულებული სამუშაოების ღირებულებას.

ფასწარმოქმნის ადეკვატურობა შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი). პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

1) ანგარიშსწორება განხორციელდება ერთ ეტაპად, ფაქტობრივად შესრულებული სამუშაოს შესაბამისად, ეროვნულ ვალუტაში, მიღება ჩაბარების აქტის, წარმოდგენილი (ფორმა №2)-ის და ფაქტობრივად შესრულებული სამუშაოების მოცულობის დამადასტურებელი დოკუმენტის ექსპერტიზის დასკვნის საფუძველზე.

(2) ფაქტობრივად შესრულებული სამუშაოების მოცულობის დამადასტურებელი დოკუმენტი გაცემული უნდა იყოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული ან საქართველოს კანონმდელობით მინიჭებული, შესაბამისი საქმიანობის უფლების მქონე პირის მიერ (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი, გარდა სსიპ ლევან სამხარაულის სახელობის სასამართლო ექსპერტიზის ეროვნული ბიუროსი).

(3) დასკვნის წარმოდგენის ვალდებულება ეკისრება მიმწოდებელს, საკუთარი ხარჯით.

ანგარიშსწორება განხორციელდება მხარეებს შორის მიღება-ჩაბარების აქტის გაფორმებისა და მიმწოდებლის მხრიდან შესაბამისი დოკუმენტაციის წარმოდგენიდან 10 (ათი) სამუშაო დღის განმავლობაში.

ხათუნა მელაძე, 577544806, werovnis1sajaroskola@gmail.com კომისიის აპარატის წევრი - თეიმურაზ მელაძე 577625935

10.1.1. პრეტენდენტის მიერ სისტემაში ატვირთული სატენდერო წინადადება უნდა შეიცავდეს შემდეგ ინფორმაციას:

- შესასრულებელი სამუშაოების ხარჯთაღრიცხვა (დეფექტური აქტი);
- ინფორმაცია მიწოდების ვადის და გარანტიის შესახებ, სატენდერო კითხვარის 1.2 პუნქტში წარმოდგენილი დოკუმენტის შესაბამისად;
- პრეტენდენტის გამოცდილება, სატენდერო კითხვარის 2.2.1 პუნქტის გათვალისწინებით;


10.1.2. პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.1.3. ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.4. სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-8 მუხლით დადგენილი წესის შესაბამისად;
10.1.6. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა და სატენდერო განცხადების ყველა პირობას;
10.1.7. პრეტენდენტს არ აქვს უფლება წარმოადგინოს ალტერნატიული წინადადება.