Интернет-услуги (Грузия - Тендер #68348279)

პერსონალურ მონაცემთა დაცვის სამსახურის ვებ-გვერდების და მონაცემთა ბაზების გლობალურ ქსელში ჩართულ ვირტუალურ სერვერებზე განთავსებისა და ელ. ფოსტის სერვისის უზრუნველყოფის მომსახურება

მიმწოდებელმა უნდა უზრუნველყოს ვებ-გვერდების და მონაცემთა ბაზების განთავსება გლობალურ ქსელში ჩართულ ვირტუალურ სერვერებზე და ელ ფოსტის სერვისის უზრუნველყოფა შემდეგი პარამეტრებით:

ვირტუალური სერვერები:

• ვირტუალური სერვერი VPS1 - პროცესორი - 4 ბირთვი, ოპერატიული მეხსიერება - 4 GB, მყარი დისკი - 50 GB, IP (გლობალური) მისამართი - 1
• ვირტუალური სერვერი VPS2 - პროცესორი - 4 ბირთვი, ოპერატიული მეხსიერება - 6 GB, მყარი დისკი - 50 GB, IP (გლობალური) მისამართი - 2
• ვირტუალური სერვერი VPS3 - პროცესორი 2 ბირთვი, ოპერატიული მეხსიერება 4 GB, მყარი დისკი - 40 GB, IP (გლობალური) მისამართი - არანაკლებ 1;
• ვირტუალური სერვერი VPS4 - პროცესორი - 2 ბირთვი, ოპერატიული მეხსიერება - 3 GB, მყარი დისკი - 50 GB, IP (გლობალური) მისამართი - 1

აღნიშნულ ვირტუალურ სერვერებზე VPN-კავშირების შესაძლებლობა შემდეგი მეთოდებით: Cisco VPN, OpenVPN, IPSec, L2TP. ვირტუალური დაცული ქსელის VPN IPSEC tunnel მხარდაჭერა, არანაკლებ 2 შეერთება.

აღნიშნული სერვერები განთავსებული უნდა იყოს მომწოდებლის საკუთარ სერვერების ცენტრში და
უზრუნველყოფილი უნდა იყოს უსაფრთხოების მაღალი ხარისხით, უწყვეტი დუბლირებული კვების წყაროებით (UPS და გენერატორი) და გაგრილების სისტემით.

1. ვებ ჰოსტინგი : ვებ ჰოსტინგის გამოყოფა 6 საიტისთვის, ჯამური სივრცე : 5 GB (Mod Security-ის მხარდაჭერით)
2. ელ-ფოსტის სერვისი: ელექტრონული ფოსტის სერვისი 2 დომენისთვის - smtp gateway spam/virus ფილტრაციის და mail forwarder ფუნქციით

დამატებითი მოთხოვნები:

VPS4 სერვერის ადმინისტრირების სერვისი: მიმწოდებელი პასუხისმგებელია სერვერის გამართულ ფუნქციონირებაზე და პროგრამულ განახლებებზე, ასევე მომწოდებელმა უნდა განახორციელოს ვირტუალური სერვერზე Linux ოპერაციული სისტემის ინსტალირება, ვებ სერვერის აწყობა/კონფიგურირება, მონაცემთა ბაზის გამართვა. სერვერზე განთავსებული საიტი უზრუნველყოფილი უნდა იყოს Web Applciation Firewall-ით.

მიმწოდებელმა უნდა უზრუნველყოს DNS ჩანაწერები საკუთარ NS სერვერებზე (მინიმუმ ორ სერვერზე რომლებიც განთავსებულია სხვადასხვა ფიზიკურ ადგილას და აქვთ IPv4 დამისამართება სხვადასხვა ქსელიდან).

გარანტირებული აფ-თაიმი (სერვისის წვდომის დრო) – 99,9%, დასაშვები სერვისის მიუწვდომლობის დრო არ აღემატება ორ საათს ერთ ჯერზე.
ინტერნეტ შეერთება: გლობალურ ქსელთან დაშვების სიჩქარე 10 მეგაბიტი წამში, ლოკალურ (საქართველოს ოპერატორებიდან) დაშვების სიჩქარე 100 მეგაბიტი წამში, ტრაფიკი - შეუზღუდავი, 4 გარე IP მისამართის გამოყოფა.
სერვერების ცენტრს უნდა გააჩნდეს ორი დამოუკიდებელი ინტერნეტ კავშირი სხვადასხვა ოპერატორთან საქართველოში.

სარეზერვო ასლი: სერვერების ყოველკვირეული ავტომატური სარეზერვო ასლის შენახვის უზრუნველყოფა სარეზერვო ასლების შენახვის ვადა: არანაკლებ 1 კვირა.

კიბერ უსაფრთხოება: მიმწოდებელს უნდა გააჩნდეს კიბერ უსაფრთხოების აპარატურული დაცვის სისტემა, რათა უზრუნველყოს სერვერზე და საიტებზე არასანქცირებული შეღწევის ალბათობის მინიმუმამდე შემცირება, სისტემას უნდა გააჩნდეს შემდეგი კომპონენტები: Network Security - Firewall, Intrusion Prevention, Dos Protection.

შემსყიდველმა უნდა მიიღოს ჰოსტინგთან დაკავშირებულ სატელეფონო კონსულტაცია და ტექნიკური დახმარება 24 საათის განმავლობაში, კვირაში 7 დღე.

საჭიროების შემთხვევაში უნდა განხორციელდეს მიმწოდებლის ხარჯებით შემსყიდველის სარგებლობაში არსებული ვირტუალური სერვერების, ვებ ჰოსტინგის და ელ-ფოსტის სერვისის გადატანა სერვისის მომწოდებლის სერვერებზე, სერვისების არაუმეტეს 1 საათიანი წყვეტისა (არასამუშაო დროს).

მიმწოდებელმა ხელშეკრულების გაფორმების შემდეგ უნდა წარმოადგინოს დეტალური ინფორმაცია თითოეული სერვისის შესახებ.

2026 წლის 1 იანვრიდან 2026 წლის 31 დეკემბრის ჩათვლით

ქ. თბილისი, ვაჩნაძის ქ. N7. შემსყიდველის ადმინისტრაციული ოფისი.

2.2.1.1 პრეტენდენტს 2023, 2024 და 2025 წლებში (ყოველწლიურად) უნდა გააჩნდეს ანალოგიური მომსახურების გაწევის გამოცდილება არანაკლებ ერთი ხელშეკრულების ფარგლებში. ზემოაღნიშნულის დასტურად პრეტენდენტის მიერ წარმოდგენილი უნდა იქნეს თითოეული წლის შესაბამისად არანაკლებ ერთი ხელშეკრულება და აღნიშნული ხელშეკრულების ფარგლებში გაფორმებული მიღება-ჩაბარების აქტები ან/და ფორმა N2 ან/და ექსპერტიზის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული სამუშაოების შესრულების შინაარსს და ღირებულებას.

2.2.1.2 იმ შემთხვევაში, თუ დამკვეთს წარმოადგენს კერძო სამართლის იურიდიული პირი ან ფიზიკური პირი (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს მომსახურების გაწევის ამსახველი დადასტურებული საგადასახადო ანგარიშ-ფაქტურები, ხოლო აღნიშნულის არარსებობის შემთხვევაში, ამონაწერი საბანკო ანგარიშიდან ან/და ჩეკი ან/და ჩეკთან გათანაბრებული სხვა დოკუმენტი.

2.2.1.3 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT და ა.შ. ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

მიმწოდებელს უნდა გააჩნდეს საკუთარი კომპიუტერული ქსელის უსაფრთხოების სერვისი CERT - შემსყიდველის ვირტუალურ სერვერზე მომხდარ სხვადასხვა კიბერ ინციდენტების პროტოკოლირება, კიბერშეტევების აღმოჩენა და შესაბამისი რეაგირება, მომხდარ ინციდენტზე დეტალური ინფორმაციის მიწოდება, სერვერის ტრაფიკის დეტალური პროტოკოლირება . ინციდენტზე სწაფი რეაგირებისთვის მომწოდებლის CERT ჯგუფი უნდა იყოს საერთაშორისო CERT-ების გაერთიანების წევრი, CERT ჯგუფს უნდა ჰქონდეს მინიმუმ ბოლო 2 წლიანი გამოცდილება. პრეტენდენტმა უნდა წარმოადგინოს ინფორმაცია CERT ჯგუფის დასახელების, გაერთიანების წევრობის და სტატუსის შესახებ

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნეს ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში (შესაბამისი ტენდერის უნიკალური ნომრის მითითებით) პრეტენდენტის მიერ ატვირთულ საბოლოო ხარჯთაღრიცხვაში დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება ეტაპობრივად, უნაღდო ანგარიშსწორებით, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე (არსებობის შემთხვევაში).

ყოველთვიურად, ფაქტობრივად გაწეული მომსახურების შესაბამისად, მიღება–ჩაბარების აქტის გაფორმებიდან და შესაბამისი საგადასახადო დოკუმენტაციის (არსებობის შემთხვევაში) წარმოდგენიდან 10 სამუშაო დღის განმავლობაში.

გვანცა სისოშვილი, 595331403, gsisoshvili@pdps.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ ფასების ცხრილზე სავალდებულოა უფლებამოსილი პირის კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა (საჭიროების შემთხვევაში ატვირთულ უნდა იქნეს მინდობილობა ან რწმუნებულება). ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად. ამასთან, აღნიშნულ ხელშეკრულებასთან ერთად გაფორმდება შეთანხმება უფლებამოსილ პირთან, რომელიც უზრუნველყოფს მონაცემთა დამუშავებისთვის პასუხისმგებელ პირსა და დამუშავებაზე უფლებამოსილ პირს შორის ურთიერთობის შესაბამისობას "პერსონალურ მონაცემთა დაცვის შესახებ" კანონთან.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება, წარმოადგინოს ალტერნატიული სატენდერო წინადადება.
10.1.8 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - "კითხვა/პასუხის" მეშვეობით ან/და სატენდერო კომისიის აპარატში, ქ. თბილისი, ნ.ვაჩნაძის N7.