Инструменты для контроля физических характеристик (Грузия - Тендер #68249469)

ალკოტესტერები და ერთჯერადი მილაკები (მუშტუკი)

1.2.1. ალკოტესტერი - 10 ცალი;

1. ალკოტესტერის ზომა: 208მმx90მმx37მმ/ +- 20%;
2. წონა: არაუმეტეს 440 გრ;
3. სენსორული ეკრანი: არანაკლებ 3,5 ინჩი;
4. ეკრანის ტიპი: თხევად-კრისტალური TFT ან LCD
5. გაზომვის დიაპაზონი: მინიმალური - არაუმეტეს 0.0‰ BAC, მაქსიმალური - არანაკლებ 4.0‰ BAC/საშ (სისხლში ალკოჰოლის შემცველობა);
6. გაზომვის ცდომილება: არაუმეტეს 5 %;
7. მრავალჯერადი დამუხტვადი ბატარეა: არანაკლებ 3.7 ვ. სიმძლავრის, მრავალჯერადი Li-ion ელემენტი
8. SD ბარათი: არანაკლებ 4 GB
9. ალტერნატიული პროგრამული უზრუნველყოფა: მონაცემების კომპიუტერზე ჩატვირთვა-გადაცემის ფუნქციით;
10. ალკოტესტერში შესაძლებელი უნდა იყოს შემდეგი ინფორმაციის შეყვანა: საკვლევი პირის საპასპორტო მონაცემების (სახელი, გვარი), კვლევის ჩამტარებელი პირის საპასპორტო მონაცემების (სახელი, გვარი), ტესტის ჩატარების თარიღის (კონკრეტული დროის მითითებით), ადგილმდებარეობის შესახებ ინფორმაციის შეყვანა;
11. არსებული მონაცემების ამობეჭდვა ამავე ალკომეტრში ჩაშენებული თერმული პრინტერით.
12. ჩაშენებული პრინტერის თავსებადობა თერმულ ქაღალდთან: ქაღალდის სიგანე: არანაკლებ 54 მმ და არაუმეტეს 56 მმ;
13. ალკოტესტერს უნდა გააჩნდეს აპარატში ჩაშენებული, ერთჯერადი ჩიბუხის დასამაგრებელი მილაკი, რომლის მოხსნა და მასზე ფიზიკური ზემოქმედება შეუძლებელი იქნება აპარატის გახსნის გარეშე.
14. კომპლექტში უნდა მოყვებოდეს: მრავალჯერადი გამოყენების ყუთი ან ჩანთა, 1ც საავტომობილო დასამუხტი მოწყობილობა, 1 ც ოთახის დამტენი, 1 ც შალითა და ერთჯერადი მილაკი - 5 ცალი, პრინტერის ქაღალდი - 4ც , პროგრამული უზრუნველყოფის CD.
15. ალკოტესტერის ფერი: შავი, თეთრი, რუხი ან მათი კომბინირებული.
16. ალკოტესტერს უნდა მოყვებოდეს პირველადი კალიბრაციის დამადასტურებელი დოკუმენტი.
17. ალკოტესტერს ეკრანზე დაკრული უნდა ჰქონდეს ეკრანის ზომის შესაბამისი, ბრონირებული შუშის დამცავი ფირი, სისქით - არაუმეტეს 0.4მმ.


1.2.2. ალკოტესტის ერთჯერადი მილაკი (მუშტუკი) 3000 ცალი;

ერთჯერადი მილაკი (მუშტუკი) თავსებადი უნდა იყოს ალკოტესტთან;
დაფასოებული უნდა იყოს პოლიეთილენის ტომარაში 500
ცალად;
თითოეული დამატებით უნდა იყოს შეფუთული
პოლიმერული მასალის პაკეტში;
პოლიმერული პაკეტის გახსნისას უნდა მოხდეს პაკეტის
დაზიანება;
ერთჯერადი მილაკი დამზადებული უნდა იყოს
ინერტული პოლიმერული მასალისგან
დამზადებისას არ უნდა იქნას გამოყენებული ადამიანისთვის მავნე ნივთიერებები.


შენიშვნა:
*შემოთავაზებული ალკოტესტერი თავსებადი უნდა იყოს შესაბამისი ალკოტესტის ერთჯერად მილაკებთან ;
*შემოთავაზებულ საქონელს უნდა მოყვებოდეს პირველადი კალიბრაციის დამადასტურებელი დოკუმენტი;
*ტექნიკური დავალების მე-9, მე-11, მე-13, მე-14, მე-15 და მე-16 პუნქტებით განსაზღვრული ტექნიკური მახასიათებლები შემსყიდველის მხრიდან გადამოწმებულ იქნება შემოთავაზებული საქონლის ნიმუშის წარმოდგენის ეტაპზე;

1.4.1. ხელშეკრულების გაფორმებიდან 45 (ორმოცდახუთი) კალენდარული დღის განმავლობაში, მაგრამ არაუადრეს 2026 წლის 05 იანვრისა

1.5.1. სსიპ დაცვის პოლიციის დეპარტამენტი ც/საწყობი, ქ. თბილისი, ლ ფირცხელიანის ქ.N1.
მომწოდებელმა საქონლის მოწოდება და ჩამოტვირთვა უნდა უზრუნველყოს საკუთარი მუშა ხელითა და ტრანსპორტირებით.

• შემოთავაზებული საქონლის საგარანტიო ვადის ათვლა იწყება მიღება-ჩაბარების აქტის გაფორმების დღიდან და მიუხედავად ხელშეკრულების მოქმედების ვადისა მოქმედებს არანაკლებ 1 წელი;
• საგარანტიო პირობები: საგარანტიო პერიოდში გამოვლენილი დეფექტის აღმოფხვრა უნდა განხორციელდეს შეკეთების ან ახლით შეცვლის პირობით;
• დეფექტის აღმოფხვრის ოპერატიულობა: შეკეთების შემთხვევაში, შემსყიდველის მხრიდან შეტყობინების მიღებიდან 5 სამუშაო დღის განმავლობაში, ხოლო ახლით შეცვლის შემთხვევაში, შემსყიდველის მხრიდან შეტყობინების მიღებიდან 30 კალენდარული დღის განმავლობაში.
• შეტყობინება შესაძლებელია განხროციელდეს როგორც წერილობითი და სატელეფონო შეტყობინების, ისე ელექტრონული ფოსტის საშულებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე. შეტყობინება ასევე შესაძლებელია განხორციელდეს მხარეთა მიერ შეთანხმებული სხვა ნებისმიერი ფორმით.

• ერთჯერადი მილაკების შემთხვევაში - ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის გამოვლენის შემთხვევაში მიმწოდებელი ვალდებულია 5 (ხუთი) სამუშაო დღის ვადაში შეცვალოს ახლით, შემსყიდველის მხრიდან დამატებითი დანახარჯების გაწევის გარეშე. მოთხოვნა/შეტყობინება შესაძლებელია განხორციელდეს ელ-ფოსტის ან/და ოფიციალური წერილის საშუალებით.

2.1.1.1. პრეტენდენტმა უნდა წარმოადგინოს შესყიდვის ობიექტის წარმოშობის ქვეყანა, მწარმოებელი/ბრენდი და მოდელი/დასახელება.

2.1.1.2. პრედენდენტის მიერ 2.1.1.1.პუნქტით მოთხოვნილი ინფორმაციის წარმოუდგენლობა დაზუსტებას არ ექვემდებარება და გამოიწვევს პრეტენდენტის დისკვალიფიკაციას.

• პრეტენდენტს ქ.თბილისში საკუთრებაში ან/და სარგებლობაში უნდა გააჩნდეს მინიმუმ 1 (ერთი) სერვის-ცენტრი, სადაც განახორციელებს საგარანტიო პერიოდში ალკოტესტერების ტექნიკურ მომსახურებას.

• აღნიშნულის დამადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნეს საკუთრების/ფლობის დამადასტურებელი დოკუმენტაცია, კერძოდ:
ა) იმ შემთხვევაში, თუ სერვის-ცენტრი წარმოადგენს პრეტენდენტის საკუთრებას პრეტენდენტმა უნდა წარმოადგინოს საკუთრების დამადასტურებელი შესაბამისი დოკუმენტაცია (განახლებული ამონაწერ(ებ)ი საჯარო რეესტრიდან);
ბ) იმ შემთხვევაში, თუ სერვის-ცენტრი პრეტენდენტს აქვს სარგებლობის უფლებით, ატვირთულ უნდა იქნეს იჯარის ხელშეკრულება, რომლის მიხედვითაც იჯარის ვადა უნდა იყოს არაუადრეს 2026 წლის 31 დეკემბრისა. ასევე, ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე.
საიჯარო ხელშეკრულებას თან უნდა ახლდეს მეიჯარე(ები)ს სახელზე განახლებული ამონაწერ(ებ)ი საჯარო რეესტრიდან.

შენიშვნა: მიმწოდებელმა უნდა წარმოადგინოს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი.

• პრეტენდენტის მიერ წარმოდგენილი უნდა იქნეს შემოთავაზებული საქონლის ინფორმაცია/დოკუმენტი მწარმოებლის ოფიციალური ვებ-გვერდიდან (მათ შორის ვებ ბმული), ან კატალოგიდან ან/და მწარმოებლის მიერ გაცემული ინფორმაცია/დოკუმენტი რომელიც დაადასტურებს შემოთავაზებული საქონლის შესაბამისობას სატენდერო პირობების 1.2 პუნქტში ატვირთული ტექნიკური დავალების 1-ლი, მე-2, მე-3, მე-4, მე-5, მე-6, მე-7, მე-8, მე-10, მე-12 და მე-17 პუნქტებით განსაზღვრულ მოთხოვნებთან, ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები), ხოლო მე-9, მე-11, მე-13, მე-14, მე-15 და მე-16 პუნქტებით განსაზღვრული ტექნიკური მახასიათებლები შემსყიდველის მხრიდან გადამოწმებულ იქნება ნიმუშის წარმოდგენის ეტაპზე.

შ ე ნ ი შ ვ ნ ა: იმ შემთხვევაში, თუ პრეტენდენტის მიერ წარმოდგენილ, დოკუმენტებში, მწარმოებლის ოფიციალური ვებ-გვერდზე, ეტიკეტის ფოტო-სურათზე ან/და საქონლს ფოტო-სურათზე ინფორმაცია იქნება უცხო ენაზე პრეტენდენტი ვალდებულია მოქმედი კანონმდებლობის შესაბამისად წარმოადგინოს ნოტარიულად დამოწმებული ქართული თარგმანი".

• თუ, ალკოტეტერი არ არის დარეგისტრირებული სახელმწიფო რეესტრში, მომწოდებელმა საქონლის მოწოდებამდე, არაუგვიანეს ხელშეკრულების ძალაში შესვლის დღიდან 30 კალენდარული დღის განმავლობაში უნდა უზრუნველყოს ალკოტესტერის ტიპის დამტკიცება და მისი რეგისტრირება დაკანონებული გაზომვის საშუალებების ტიპების სახელმწიფო რეესტრში საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსის“ 82-ე და 86-ე მუხლების შესაბამისად და წარმოადგინოს შესაბამისი დოკუმენტ(ებ)ი.“ - წინააღმდეგ შემთხვევაში შემსყიდველი არ მოახდენს საქონლის მიღებას, შეწყვეტს ხელშეკრულებას, ხოლო მიმწოდებლის მიმართ გატარდება კანონმდებლობით განსაზღვრული ღონისძიებები.

• პრეტენდენტის მიერ წარმოდგენილი უნდა იქნას შემოთავაზებული საქონლის ნიმუში;
• შემოთავაზებული საქონლის ნიმუში უნდა შეესაბამებოდეს ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში ასახულ მოთხოვნებსა და პრეტენდენტის მიერ ერთიან ელექტრონულ სისტემაში ატვირთულ ფასების ცხრილში განსაზღვრულ მოთხოვნებს;
• ტენდერში მონაწილე „დისკვალიფიცირბულ" პრეტენდენტს ნიმუშების დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე;
• შემოთავაზებული საქონლის ნიმუში დაზუსტებას არ ექვემდებარება.

სსიპ დაცვის პოლიციის დეპარტამენტი ც/საწყობი, ქ. თბილისი, ლ ფირცხელიანის ქ.N1

4.1.1.1. ,,იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2. ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები“.

7.2.1. ანგარიშსწორება განხორცილდება ეტაპობრივად უნაღდო ანგარიშსწორებით, ლარებში, მიმწოდებლის საბანკო ანგარიშზე, მიღება-ჩაბარების აქტის და საგადასახადო ანგარიშ-ფაქტურის (კანონმდებლობით გათვალისწინებულ შემთხვევაში).
7.2.2. ანგარიშსწორება შემსყიდველის მიერ განხორციელდება ფაქტობრივად მიწოდებული შესყიდვის ობიექტის მიხედვით, უნაღდო ანგარიშსწორებით ლარში.

7.3.1. ანგარიშსწორება განხორციელდება 7,2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშაო დღის ვადაში.

გოჩა გოგოლაური, 577025250, gogolauri@spd.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტი წარმოდგენილი უნდა იყოს მოქმედი კანონმდებლობის შესაბამისად. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა სატენდერო დოკუმენტაციის 2.3.1, 2.7.1 და 4.1.1 პუნქტებით მოთხოვნილი დოკუმენტ(ებ)ისა) შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით (იხ. ინსტრუქცია შემდეგ ბმულზე: (http://procurement.gov.ge/getattachment/News/news-(50)/eSignature_25-Dec-18.pdf.aspx).
თუ აღნიშნული ვალდებულება დროებით/მუდმივად შეჩერებულ/გაუქმებულ იქნა სხვა ნორმატიული აქტით, პრეტენდენტი თავისუფლდება მოცემული პირობისგან. ასეთ შემთხვევაში დოკუმენტზე შესრულებულ უნდა იქნეს ხელმძღვანელის ან სხვა უფლებამოსილი პირის მიერ სველი ხელმოწერა (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში, ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).
10.1.3. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, შსს სსიპ დაცვის პოლიციის დეპარტამენტის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.