Полные или частичные строительные работы и публичные работы (Грузия - Тендер #67831424)

1.1.1 დროებითი შენობა-ნაგებობის (ლითონის კონსტრუქციის) აწყობა;

1.2.1 შესასრულებელი სამუშაოების სახეობები და მოცულობები მოცემულია ხარჯთაღრიცხვაში (იხ. დანართი N1), რომელიც მომავალში წარმოადგენს სამუშაოების შესყიდვაზე გაფორმებული სახელმწიფო შესყიდვის ხელშეკრულების განუყოფელ ნაწილს;
1.2.2 სამუშაოები უნდა განხორციელდეს შემსყიდველის მიერ წარმოდგენილი საპროექტო დოკუმენტაციის შესაბამისად;
1.2.3 მიმწოდებელმა უნდა უზრუნველყოს სამშენებლო სამუშაოების შესრულება ხარჯთაღრიცხვაში მითითებული სახეობებისა და მოცულობების შესაბამისად მშენებლობის უსაფრთხოების წესებისა და საქართველოში მოქმედი სამშენებლო ნორმების მოთხოვნათა სრული დაცვით;
1.2.4 სამუშაოებში გამოყენებული მასალები უნდა იყოს ახალი, ექსპლოატაციაში არნამყოფი. ,,შემსყიდველს“ უფლება აქვს, მოითხოვოს გამოყენებული მასალების შესაბამისობის სერტიფიკატი;
1.2.5 მიმწოდებელმა სამუშაოების შესასრულებლად გამოსაყენებელი მასალების ფერი და ფაქტურა უნდა შეათანხმოს შემსყიდველთან;
1.2.6 გაუთვალისწინებელი სამუშაოების ხარჯების ანაზღაურება განხორციელდება მხოლოდ ასეთი ხარჯების არსებობის შემთხვევაში. გაუთვალისწინებელი ხარჯების არსებობისას მიმწოდებელმა უნდა უზრუნველყოს ასეთი ხარჯების დეტალური გაშიფვრა და დასაბუთება, რომლის საფუძველზეც განხორციელდება ფორმა #2 -ის გაფორმება. გაუთვალისწინებლი სამუშაოების გაწევის უფლება მიმწოდებელს ეძლევა შემსყიდველის თანხმობის შემთხვევაში;
1.2.7 ,,მიმწოდებელი“ ვალდებულია, სამუშაოების მიმდინარეობის პროცესში დაიცვას უსაფრთხოების წესები „შრომის უსაფრთხოების შესახებ“ საქართველოს ორგანული კანონის მოთხოვნათა შესაბამისად, მინიმუმამდე დაიყვანოს ხმაურის დონე და მტვრის რაოდენობა, ყოველი სამუშაო დღის ბოლოს მაქსიმალურად დაასუფთაოს სამუშაოს ჩატარების ადგილი და გაიტანოს სამშენებლო ნარჩენები ეზოში გამოყოფილ ადგილზე, ხოლო სამუშაოების დასრულების შემდეგ გაათავისუფლოს სამუშაო ადგილი და მიმდებარე ტერიტორია სამშენებლო ნარჩენებისგან;
1.2.8 მიმწოდებელმა უნდა უზრუნველყოს, სამუშაოს შესრულების პროცესში, საკუთარი მიზეზით (მათ შორის გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი სახსრებით;

1.4.1 სამშენებლო სამუშაოები უნდა დაიწყოს ხელშეკრულების გაფორმებიდან არაუგვიანეს 3(სამი) კალენდარულ დღეში და უნდა დასრულდეს ხელშეკრულების გაფორმებიდან არაუმეტეს 20(ოცი) კალენდარული დღის ვადაში.
1.4.2 იმ შემთხვევაში, თუ სამუშაოების მიწოდების ვადა ემთხვევა არასამუშაო დღეს, მიწოდების ვადა გრძელდება შემდეგი პირველი სამუშაო დღის დამთავრებამდე.

1.5.1 სამუშაოების მიწოდება უნდა განხორციელდეს მისამართზე: ქ. თბილისი, ვასო გოძიაშვილის ქუჩა N49 (საკადასტრო კოდი 01.10.10.015.052) შესასრულებელ სამუშაოთა მოცულობათა უწყისი - დანართი №1-ის შესაბამისად.
1.5.2 გამარჯვებული პრეტენდენტი ვალდებულია, სრულად უზრუნველყოს სატენდერო დოკუმენტაციით, საპროექტო დოკუმენტაციითა და მოქმედი კანონმდებლობით გათვალისწინებული უსაფრთხოების ნორმებისა და სტანდარტების დაცვა.

1.6.1 შესრულებული სამუშაოებზე და გამოყებენულ მასალებზე მიმწოდებლის მხრიდან უნდა ვრცელდებოდეს გარანტია მიღება-ჩაბარების აქტის გაფორმების თარიღიდან არანაკლებ 2(ორი) წელი.
1.6.2 საგარანტიო პერიოდის განმავლობაში, ექსპლუატაციის პირობების დაცვის შემთხვევაში, დეფექტის ან ხარვეზის აღმოჩენისას მიმწოდებელი ვალდებულია გამოვლენილი დეფექტი გამოასწოროს ასეთი ნაკლის შესახებ შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) შემსყიდველთან შეთანხმებულ გონივრულ ვადაში, მაგრამ არაუგვიანეს 7 (შვიდი) სამუშაო დღისა, თავისი ხარჯებით, შემსყიდველის მხრიდან რაიმე დანახარჯის გაწევის გარეშე.

2.2.1.1 პრეტენდენტს 2023 წლის 01 იანვრიდან ტენდერის გამოცხადების დღემდე, არაუმეტეს ოთხი დასრულებული ხელშეკრულების ფარგლებში შესრულებული უნდა ჰქონდეს არანაკლებ 60000(სამოცი ათასი) ლარის მსგავსი ან/და ანალოგიური სამუშაოები. მათ შორის, ერთი დასრულებული ხელშეკრულების ფარგლებში მსგავსი ან/და ანალოგიური სამუშაოები საერთო ღირებულებით არანაკლებ 15000(თხუთმეტი ათასი) ლარი. შესრულებულ მსგავს, ან/და ანოლოგიურ სამუშაოებში იგულისხმება ძირითადად ყველა ის სამშენებლო-სარემონტო სამუშაოს სახეობა (CPV45200000; 45300000; 45400000), რომელიც მოცემულია სატენდერო პირობებით გათვალისწინებული შესასრულებელი სამუშაოების ხარჯთაღრიცხვაში (იხ. დანართი N1).
2.2.1.2 თუ სამუშაოების შესრულების დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, საკმარისია, პრეტენდენტმა მიუთითოს შესყიდვის SPA/NAT/CMR/ CNT ნომრები. ხოლო, სხვა შემთხვევაში დანართი N2-თან ერთად წარმოდგენილ უნდა იქნას ხელშეკრულებ(ები)ა შესაბამისი ფორმა N2-ებით და მიღება-ჩაბარების აქტ(ებ)ით.

2.9.1 ვაჭრობის ძირითად დროში ხარჯთაღრიცხვის წარმოუდგენლობა იწვევს პრეტენდენტის დისკვალიფიკაციას.
2.9.2 სატენდერო წინადადებაში ერთეულის ფასები ცალკეულ პოზიციებზე და საერთო ფასი გამოსახული უნდა იყოს ეროვნულ ვალუტაში, ლარში, არანაკლებ მეასედი სიზუსტით.
2.9.3 სატენდერო წინადადებაში საერთო ფასი გამოსახული უნდა იყოს ეროვნულ ვალუტაში, ლარში საქართველოს კანონმდებლობით გათვალისწინებული ყველა გადასახადის, მოსაკრებელისა და შესყიდვის ობიექტის მიწოდებასთან დაკავშირებული ხარჯების გათვალისწინებით.
2.9.4 პრეტენდენტის მიერ ხარჯთაღრიცხვაში პოზიციების ნუმერაციის და თანმიმდევრობის შეცვლა დაუშვებელია. აღნიშნული ქმედება გამოიწვევს პრეტენდენტის დისკვალიფიკაციას.
2.9.5 პრეტენდენტის მიერ ხარჯთაღრიცხვის შედგენისას ზედნადები ხარჯებისა და გეგმიური მოგების ზღვრული პროცენტული მაჩვენებლები უნდა განისაზღვროს „სამშენებლო სამუშაოების სახელმწიფო შესყიდვისას ზედნადები ხარჯებისა და გეგმიური მოგების განსაზღვრის წესის დამტკიცების შესახებ“ საქართველოს მთავრობის 2014 წლის 14 იანვრის #55 დადგენილების შესაბამისად.
2.9.6 პრეტენდენტის მიერ ხარჯთაღრიცხვა წარმოდგენილ უნდა იქნას როგორც Excel, ისე PDF ფაილის სახით(PDF ფაილი დამოწმებული უნდა იყოს პრეტენდენტის უფლებამოსილი პირის ელ ხელმოწერით ან/და ელშტამპით).

4.1.1.1 თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით და მეტით დაბალია შესყიდვის ობიექტის სავარაუდო ღირებულებაზე, მაშინ პრეტენდენტმა უნდა დაასაბუთოს ფასწარმოქმნის ადეკვატურობა სსიპ ლევან სამხარაულის სახელობის სასამართლო ექსპერტიზის ეროვნული ბიუროს, ან სსიპ “აკრედიტაციის ერთიანი ეროვნული ორგანოს – აკრედიტაციის ცენტრი”-ს მიერ შესაბამის სფეროში აკრედიტებული საექსპერტო დაწესებულების/ექსპერტის მიერ გაცემული დასკვნით, რითაც დადასტურდება მის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა.
სსიპ “აკრედიტაციის ერთიანი ეროვნული ორგანო – აკრედიტაციის ცენტრი”-ს მიერ აღნიშნულ სფეროში საექსპერტო დაწესებულების/ექსპერტის მიერ გაცემული ექსპერტიზის დასკვნის წარმოდგენის შემთხვევაში, დასვნასთან ერთად წარმოდგენილი უნდა იქნას აღნიშნულ საექსპერტო დაწესებულებაზე/ექსპერტზე სსიპ “აკრერდიტაციის ერთიანი ეროვნული ორგანო – აკრედიტაციის ცენტრი”-ს მიერ გაცემული აკრედიტაციის მოწმობის ქსეროასლ(ებ)ი.
4.1.1.2 ექსპერტიზის ღირებულებას ანაზღაურებს პრეტენდენტი.

7.2.1 ანგარიშსწორება განხორციელდება უნაღდო ანგარიშსწორების წესით ეროვნულ ვალუტაში, ლარში მიმწოდებლის მიერ ფაქტიურად შესრულებულ სამუშაოთა მოცულობების შესაბამისად შედგენილი ფორმა #2-ის და მხარეთა უფლებამოსილი წარმომადგენლების მიერ შედგენილი და ხელმოწერილი მიღება-ჩაბარების აქტის საფუძველზე.
7.2.2 მიმწოდებელმა უნდა უზრუნველყოს მის მიერ წარმოდგენილი თითოეული ფორმა #2-ის ექსპერტიზა სსიპ ,,ლევან სამხარაულის სახელობის სასამართლო ექსპერტიზის ეროვნული ბიურო“-ში ან სხვა აკრედიტირებული ექსპერტის/ექსპერტიზის დაწესებულების მიერ.
7.2.3 სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული ექსპერტის/ექსპერტიზის დაწესებულების დასკვნ(ებ)ის მოპოვება არის მიმწოდებლის ვალდებულება და აღნიშნული მომსახურების ღირებულების ანაზღაურებას უზრუნველყოფს მიმწოდებელი.

7.3.1ანგარიშსწორება განხორციელდება სამუშაოების შესრულების შესაბამისი მიღება-ჩაბარების აქტის გაფორმების თარიღიდან 10 (ათი) საბანკო დღის ვადაში;

გიორგი კოკაია, 577615600, giorgi.kokaia@sla.gov.ge შესასრულებელ სამუშაოებთან დაკავშირებით რევაზ სიჭინავა, ტელ: 595 222218;

10.1.1პრეტენდენტმა ელექტრონული სისტემის საშუალებით უნდა წარმოადგინოს:
10.1.1.1 შესასრულებელ სამუშაოთა მოცულობათა უწყისი, ხარჯთაღრიცხვა (ფასების ცხრილი) დანართი №1-ის მიხედვით როგორც PDF, ისე Excel ფაილების სახით;
10.1.1.2 ინფორმაცია ანალოგიური ან მსგავსი სამუშაოების შესრულების გამოცდილების შესახებ სატენდერო დოკუმენტაციის 2.2.1 პუნქტისა და დანართი N2-ის შესაბამისად;
10.1.2 ტენდერში მონაწილეობით პრეტენდენტი ავტომატურად გამოხატავს თანხმობას სატენდერო პირობებზე.