Ремонт и техническое обслуживание строительных сооружений (Грузия - Тендер #67601419)

სსიპ საქართველოს მუნიციპალური განვითარების ფონდის ოფისის შენობის მოწყობილობების შეკეთება და ტექნიკური მომსახურება.

მიმწოდებელმა უნდა უზრუნველყოს დანართი N2-ით (პრეისკურანტი) განსაზღვრული მომსახურების განხორციელება დანართი N1-ის (ტექნიკური დავალება) მიხედვით.

სატენდერო დოკუმენტაციის დანართი N1 (ტექნიკური დავალება) და სატენდერო დოკუმენტაციის დანართი N2 (პრეისკურანტი) ატვირთულია სატენდერო დოკუმენტაციის 1.2 და 1.3 პუნქტებში - შესაბამისად.

დანართი N1 (ტექნიკური დავალება) და დანართი N2 (პრეისკურანტი) შემდგომში განისაზღვრება როგორც სახელმწიფო შესყიდვის შესახებ ხელშეკრულების განუყოფელი ნაწილი.

სსიპ საქართველოს მუნიციპალური განვითარების ფონდის ოფისის შენობის მოწყობილობების შეკეთებისა და ტექნიკური მომსახურების გაწევის ვადაა სახელმწიფო შესყიდვის შესახებ ხელშეკრულების გაფორმებიდან 2025 წლის 31 დეკემბრის ჩათვლით, შემსყიდველის მოთხოვნის შესაბამისად.

მიმწოდებელმა შესყიდვის ობიექტის მიწოდება/მომსახურების გაწევა უნდა დაიწყოს შემსყიდველის წარმომადგენლის (უფლებამოსილი პირის) მხრიდან სატელეფონო კომუნიკაციით და/ან ელექტრონული ფოსტით მიღებული შეტყობინებიდან მომდევნო დღეს, ან შემსყიდველის წარმომადგენლის (უფლებამოსილი პირის) მიერ განსაზღვრულ დღეს, რაზედაც მიმწოდებელს 1 (ერთი) სამუშაო დღით ადრე ეცნობება, შემსყიდველის წარმომადგენლის (უფლებამოსილი პირის) მიერ, სატელეფონო კომუნიკაციის და/ან ელექტრონული ფოსტის მეშვეობით.
გადაუდებელი აუცილებლობით გამოწვეულ შემთხვევებში, მიმწოდებელმა შესყიდვის ობიექტის მიწოდება/მომსახურების გაწევა უნდა დაიწყოს შემსყიდველის წარმომადგენლის (უფლებამოსილი პირის) მხრიდან სატელეფონო კომუნიკაციით მიღებული შეტყობინებიდან იმავე დღეს, უმოკლეს გონივრულ ვადაში.

მიმწოდებელმა უნდა უზრუნველყოს დანართი N2-ით (პრეისკურანტი) განსაზღვრული მომსახურების განხორციელება დანართი N1-ის (ტექნიკური დავალება) მიხედვით, შემსყიდველის ოფისის შენობაში (მის.: დავით აღმაშენებლის გამზირი N150).

მიმწოდებელი იღებს ვალდებულებას, რომ მის მიერ შემოთავაზებული საქონელი და გაწეული მომსახურება არ გამოავლენს დეფექტს (წუნი, ნაკლი) შესაბამისი მიღება-ჩაბარების აქტის გაფორმებიდან არანაკლებ 6 (ექვსი) კალენდარული თვის განმავლობაში, ხოლო შესაბამისი მიღება-ჩაბარების აქტის გაფორმებიდან 6 (ექვსი) კალენდარული თვის განმავლობაში (შემსყიდველის მიერ ექსპლუატაციის ნორმების დაცვის შემთხვევაში) დეფექტის (წუნი, ნაკლი) დაფიქსირების შემთხვევაში, მიმწოდებელი ვალდებულია საკუთარი სახსრებით აღმოფხვრას აღნიშნული დეფექტი.

პრეტენდენტის გამოცდილებასთან დაკავშირებული მოთხოვნები განისაზღვრა შესყიდვის ობიექტის თავისებურების, სირთულის, მოცულობისა და ღირებულების გათვალისწინებით:
პრეტენდენტს, 2022 წლის 01 იანვრიდან, ტენდერისათვის „წინადადებების მიღება დასრულებულია“ სტატუსის მინიჭებამდე პერიოდში, გაწეული უნდა ჰქონდეს სხვადასხვა დანიშნულების შენობებისათვის (მაგ.: სამოქალაქო, ან სამრეწველო, ან სამეურნეო დანიშნულების შენობები) მოწყობილობების შეკეთება და ტექნიკური მომსახურება. გაწეული მომსახურების ჯამური ღირებულება, არაუმეტეს 3 (სამი) დასრულებული ხელშეკრულების ფარგლებში უნდა შეადგენდეს არანაკლებ 15,000.00 ლარს. მოწყობილობების შეკეთება და ტექნიკური მომსახურება სავალდებულოდ უნდა მოიცავდეს შენობის ცენტრალური გათბობის შეკეთებას და/ან ტექნიკურ მომსახურებას და შენობის ელექტრო და მექანიკური მოწყობილობების შეკეთებას და/ან ტექნიკურ მომსახურებას.

პრეტენდენტის მიერ სისტემის მეშვეობით წარმოსადგენი, გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
1. იმ შემთხვევაში, თუ მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და მომსახურების შესყიდვისა და მომსახურების გაწევის დამადასტურებელი დოკუმენტები ატვირთულია სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, NAT, CMR) შესახებ.
2. იმ შემთხვევაში, თუ მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს: მომსახურების გაწევის შესახებ გაფორმებული ხელშეკრულებები და შესაბამისი მიღება-ჩაბარების აქტები ან მომსახურების გაწევის შესახებ დამკვეთის (შემსყიდველი) მიერ დადასტურებული წერილობითი ინფორმაცია დამკვეთისა და შემსრულებლის, შესყიდვის საგნის, მომსახურების დაწყებისა და დასრულების თარიღებისა და გაწეული მომსახურების ღირებულების მითითებით (აღნიშნული წერილობითი ინფორმაციის წარმოდგენა შესაძლებელია მხოლოდ მიღება-ჩაბარების აქტების ნაცვლად, ხოლო მომსახურების გაწევაზე გაფორმებული ხელშეკრულებების წარმოდგენა სავალდებულოა).

სავალდებულოდ გასათვალისწინებელი შენიშვნები:
1. პრეტენდენტის მიერ გამოცდილების დასადასტურებლად წარმოდგენილი დოკუმენტაციით შესაძლებელი უნდა იყოს პრეტენდენტის გამოცდილების სატენდერო დოკუმენტაციის 2.2.1 პუნქტის მოთხოვნებთან თანხვედრის დადგენა. იმ შემთხვევაში, თუ პრეტენდენტის მიერ წარმოდგენილი ინფორმაცია/დოკუმენტები ფორმალურად შეესაბამება შემსყიდველის მიერ მოთხოვნილს, მაგრამ მათი შინაარსიდან ან წარმოდგენის ფორმიდან გამომდინარე, მათი მეშვეობით მკაფიოდ ვერ დგინდება ის მონაცემები, რომელთა დადგენის მიზნითაც იყო ისინი მოთხოვნილი, სატენდერო კომისია უფლებამოსილია, მოსთხოვოს პრეტენდენტს დამატებითი ინფორმაციის, ან/და დოკუმენტების წარმოდგენა.
2. დასრულებული ხელშეკრულების განმარტება: ხელშეკრულება ჩაითვლება დასრულებულად, თუ კი შემსრულებლის მიერ, ხელშეკრულებით ნაკისრი ვალდებულებები სრულად შესრულებულია; სახელმწიფო შესყიდვის შესახებ ხელშეკრულების ფარგლებში ნაკისრი ვალდებულებების შემთხვევაში, ხელშეკრულება ჩაითვლება დასრულებულად, თუ კი სახელმწიფო შესყიდვების ერთიან ელექტრონულ სისტემაში ფიქსირდება შემსრულებლის მიერ ნაკისრი ვალდებულებების სრულად შესრულების დამადასტურებელი ინფორმაცია, მიუხედავად იმისა ხელშეკრულებას მინიჭებული აქვს სტატუსი: „შესრულებული ხელშეკრულება“, თუ არა.
3. საზღვარგარეთ გაწეული მომსახურების გამოცდილების დამადასტურებელი დოკუმენტების წარმოდგენის შემთხვევაში, აღნიშნული დოკუმენტები დამოწმებული უნდა იყოს სათანადო წესით (ლეგალიზებული, ან აპოსტილით დამოწმებული).

პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:

ა) სატენდერო დოკუმენტაციის დანართი N2 (პრეისკურანტი).
სავალდებულოდ გასათვალისწინებელი შენიშვნები:
1. სავალდებულოა პრეისკურანტით მოცემული ზღვრული ფასების შემდეგი, მარჯვენა სვეტის - "შემოთავაზებული ფასი" განფასებულად წარმოდგენა. პრეტენდენტის მიერ განსაფასებელი სვეტის განუფასებლად წარმოდგენის შემთხვევაში, მოხდება პრეტენდენტის დისკვალიფიკაცია შესყიდვის პროცედურიდან. იმ შემთხვევაში, თუ დანართი N2 (პრეისკურანტი) არ იქნება წარმოდგენილი, ან განუფასებლად იქნება წარმოდგენილი, ან წარმოდგენილ პრეისკურანტში, განუფასებელი პოზიცი(ებ)ის რაოდენობა მეტი იქნება განსაფასებელი პოზიციების 5 (ხუთი) პროცენტისა, პრეისკურანტის დაზუსტების მოთხოვნა არ გამოიყენება, შესაბამისად განხორციელდება პრეტენდენტის დისკვალიფიკაცია შესყიდვის პროცედურებიდან.
2. პრეტენდენტის მიერ შემოთავაზებული ფასები არ უნდა აღემატებოდეს პრეისკურანტის ზღვრულ ფასებს, ხოლო პრეტენდენტის მიერ შემოთავაზებული ჯამური ფასი არ უნდა აღემატებოდეს პრეისკურანტის სავარაუდო ღირებულებას. იმ შემთხვევაში თუ პრეტენდენტი, პრეისკურანტის სავარაუდო ღირებულებასთან მიმართებით, არანაკლებ ერთი ბიჯის ოდენობით შეამცირებს სატენდერო წინადადების ფასს, აღნიშნული სხვაობა უნდა გადანაწილდეს პრეისკურანტით მოცემულ პოზიციებზე თანაბრად და ყველა პოზიციას დააკლდეს თანაბარი პროპორციით.
3. განფასებული დანართი N2-ის (პრეისკურანტი) წარმოდგენილი უნდა იყოს როგორც Excel-ის, ასევე PDF დოკუმენტის სახით. იმ შემთვევაში, თუ პრეტენდენტი არის რეზიდენტი პირი, PDF დოკუმენტი სავალდებულოდ დამოწმებული უნდა იყოს პრეტენდენტის უფლებამოსილი პირის კვალიფიციური ელექტრონული ხელმოწერით, ან ორგანიზაციის კვალიფიციური ელექტრონული შტამპით; იმ შემთვევაში, თუ პრეტენდენტი არ არის რეზიდენტი პირი, PDF დოკუმენტი სავალდებულოდ დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.
4. დანართი N2-ის (პრეისკურანტი) საერთო და ერთეულის ფასებში გათვალისწინებული უნდა იყოს დამატებული ღირებულების გადასახადი (დღგ) და შესყიდვის ობიექტის მიწოდებასთან დაკავშირებული ყველა ხარჯი, რომელთა გათვალისწინებაც აუცილებელია შესყიდვის ობიექტის სრულფასოვანი მიწოდებისათვის.

ბ) სატენდერო დოკუმენტაციის 2.2.1 პუნქტით განსაზღვრული, პრეტენდენტის გამოცდილების დამადასტურებელი დოკუმენტები.

სავალდებულოდ გასათვალისწინებელი შენიშვნები:
1. ელექტრონულ ტენდერთან დაკავშირებული ყველა დოკუმენტი, ან/და ინფორმაცია წარმოდგენილი უნდა იყოს ქართულ ენაზე. დოკუმენტების, ან/და ინფორმაციის უცხო ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
2. პრეტენდენტმა სატენდერო წინადადების ფასი (დღგ-ს გათვალისწინებით) უნდა დააფიქსიროს სახელმწიფო შესყიდვების ერთიანი ელექტრონული სისტემის მეშვეობით და წარმოადგინოს სატენდერო დოკუმენტაციის დანართი N2-ის (პრეისკურანტი) მიხედვით.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება გამარჯვებული პრეტენდენტის სატენდერო წინადადების შესაბამისად.
4. პრედენდენტს არ აქვს უფლება წარმოადგინოს ალტერნატიული სატენდერო წინადადება.

1. პრეტენდენტის მიერ სახელმწიფო შესყიდვების ერთიან ელექტრონულ სისტემაში დაფიქსირებულ სატენდერო წინადადების საბოლოო ფასსა და წინამდებარე ელექტრონული ტენდერით გათვალისიწინებულ პრეისკურანტის სავარაუდო ღირებულებას შორის 20%-ით, ან მეტი ოდენობით სხვაობის შემთხვევაში, პრეტენდენტი ვალდებულია, საკუთარი ხარჯებით უზრუნველყოს ფასწარმოქმნის ადეკვატურობის, კერძოდ შემოთავაზებულ ფასად ელექტრონული ტენდერით გათვალისწინებული მომსახურების გაწევის შესაძლებლობის დადასტურება.
2. ფასწარმოქმნის ადეკვატურობის დადასტურება უნდა განხორციელდეს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს, ან შესაბამის სფეროში სხვა აკრედიტებული პირის მიერ გაცემული დასკვნის საფუძველზე.
3. ფასწარმოქმნის ადეკვატურობის დასადასტურებლად წარმოდგენილი დოკუმენტით, ელექტრონული ტენდერით გათვალისწინებული მომსახურების გაწევის შესაძლებლობა უნდა დასტურდებოდეს როგორც პრეტენდენტის მიერ დაფიქსირებულ წინადადების საბოლოო ფასთან (პრეისკურანტის ჯამურ ღირებულებასთან), ასევე პრეისკურანტის ერთეულ ფასებთან მიმართებით.
4. პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება მიმწოდებელთან განხორციელდება ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით, ხელშეკრულების პირობების შესაბამისად გაფორმებული მიღება-ჩაბარების აქტისა და მიმწოდებლის მიერ, დადგენილი წესით ელექტრონული საგადასახადო ანგარიშფაქტურის წარმოდგენის (თუ მიმწოდებელი არის დღგ-ს გადამხდელი) საფუძველზე.

ანგარიშსწორება განხორციელდება შესაბამისი მიღება-ჩაბარების აქტის გაფორმებიდან და მიმწოდებლის მიერ, დადგენილი წესით ელექტრონული საგადასახადო ანგარიშფაქტურის წარმოდგენიდან (თუ მიმწოდებელი არის დღგ-ს გადამხდელი) 15 (თხუთმეტი) სამუშაო დღის განმავლობაში.

ნინო გოგია, 599133412, ngogia@mdf.org.ge

1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს შესაბამისად.
2. სატენდერო პირობების კონკრეტული ჩანაწერის და სატენდერო კომისიის გადაწყვეტილების/ქმედების თაობაზე განმარტების მიღების საკითხი რეგულირდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს მე-8 მუხლის შესაბამისად.