Отделочные строительные работы (Грузия - Тендер #67601417)

ა(ა)იპ "ბათუმის საბავშვო ბაღების გაერთიანების" დაქვემდებარებაში არსებული N4 საბავშვო ბაღის (ს.კ. 05.23.17.013) ლოკალური რემონტების სამუშაოების შესყიდვა.

1. ტექნიკური პირობები

1.1 ნორმატიული დოკუმენტები:
1.1.1 მუშაობის პროცესში შემსრულებელი ვალდებულია იხელმძღვანელოს საქართველოში მოქმედი სამშენებლო ნორმებისა და წესების შესაბამისად.

1.2. გამოყენებული მასალები:
1.2.1 ყველა გამოყენებული მასალა უნდა იყოს მაღალხარისხიანი და უნდა აკმაყოფილებდეს საქართველოში მოქმედ ყველა სამშენებლო ნორმებსა და სტანდარტებს. ყველა მასალა, მოწყობილობა, საკომპლექტო ნაწილი, სამარაგო საგანი, მოწოდებული კონტრაქტის ფარგლებში, უნდა იყოს ახალი, გამოუყენებელი, სტანდარტული, მაღალი ხარისხის, საუკეთესო დონეზე დაპროექტებული და დამზადებული. უხარისხო ან დაბალი ხარისხის მასალები, მოწყობილობები და საკომპლექტო ნაწილების გამოყენება დაუშვებელია.
1.2.2 მიმწოდებელი ვალდებულია ყველა ის მასალა, რომელსაც გამოიყენებს სამუშაოების პროცესში შეათანხმოს შემსყიდველთან, შემსყიდველის მიერ მასალების დაწუნების შემთხვევაში წუნდებული მასალის გამოყენება დაუშვებელია.
1.2.3 მიმწოდებელი ვალდებულია სამუშაოების წარმოების პროცესში შემსყიდველის მიერ მოთხოვნილ სამშენებლო მასალებზე წარმოადგინოს სტანდარტებთან შესაბამისობის დამადასტურებელი სერთიფიკატი ან ხარისხის დამადასტურებელი სხვა დოკუმენტი (დოკუმენტაციის უცხო ენაზე წარმოდგენის შემთხვევაში თან უნდა დაერთოს ნოტარიულად დამოწმებული თარგმანი ქართულ ენაზე).

1.3 მიმწოდებელი ვალდებულია უზრუნველყოს სამუშაოების წარმოების პროცესში სამუშაო ადგილის ავეჯისა და სხვა არსებული ინვენტარისაგან დაუზიანებლად გათავისუფლება (გადაადგილება) და სამუშაოების დასრულების შემდეგ მისი განთავსება შესაბამის ადგილებზე.

1.4 შემსყიდველი უფლებამოსილია საჭიროების შემთხვევაში არ აითვისოს სამუშაოების მუცულობა სრულად.

1.5 სამუშაოები უნდა განხორციელდეს სააღმზრდელო პრეცესის მიმდინარეობის პარალელურად და ხელს არ უნდა უშლიდეს სააღმზრდელო პროცესს, შესაბამისად მიმწოდებელმა სამუშაოები უნდა განახორციელოს შაბათს, კვირას და სხვა უქმე და არასამუშაო დღეებშიც.

1.4.1 სამუშაოები უნდა შესრულდეს ხელშეკრულების დადებიდან 40 (ორმოცი) კალენდარული დღის ვადაში, ექსპერტიზის დასკვნის წარმოდგენის ვადის გათვალისწინებით (სამუშაოების შესრულების ვადა მოიცავს ექპერტიზის წარმოდგენის ვადას. სამუშაოები შესრულებულად ჩაითვლება ექსპერტიზის წარმოდგენის დღისთვის).

1.5.1 მიმწოდებელი ვალდებულია სამუშაოები შეასრულოს საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების დაცვით, საპროექტო-სახარჯთაღრიცხვო დოკუმენტაციის შესაბამისად;
1.5.2. სამუშაოების შესრულების ადგილია ქ. ბათუმი, პ. მელიქიშვილის ქ. N8.

1.6.1. შესრულებულ სამუშაოებსა და შეცვლილ საქონელზე საგარანტიო ვადა შეადგენს მიღება-ჩაბარების აქტის გაფორმებიდან 1 (ერთი) წელს;
1.6.2 კოლონურ კონდენციონერზე შიდა და გარე ბლოკით საგარანტიო ვადა შეადგენს მიღება-ჩაბარების აქტის გაფორმებიდან 3 (სამი) წელს;
1.6.3. საგარანტიო ვადის განმავლობაში შესრულებულ სამუშაოებზე (საქონელზე) დეფექტის/წუნის/ხარვეზის აღმოჩენის შემთხვევაში იგი უნდა შეკეთდეს ან შეიცვალოს ახლით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით, შემსყიდველის წერილობითი მოთხოვნის შესაბამისად დადგენილ ვადაში;
1.6.4. თუკი ხელშეკრულების საგარანტიო პერიოდის ვადის გასვლამდე გამოვლენილი ხარვეზების შედეგად შემსყიდველს მიადგა ზარალი აღნიშნული გარანტიით განსაზღვრულ ღირებულებაზე მეტი ოდენობით, მიმწოდებელი იღებს ვალდებულებას გადაუხადოს შემსყიდველს შესაბამისი ნარჩენი ღირებულება ან აღმოფხვრას წუნი საკუთარი ხარჯებით.

2.2.1. ტენდერში მონაწილე პრეტენდენტს 2023 წლის პირველი იანვრიდან - ტენდერში "წინადადების მიღება დასრულებულია" სტატუსის მინიჭებამდე პერიოდში შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის სამუშაო, საერთო ღირებულებით არანაკლებ 255 000 ლარი;

2.2.2. პრეტენდენტმა უნდა წარმოადგინოს ტენდერით გათვალისწინებული სამუშაოების ანალოგიური სამუშაოების შესრულების დამადასტურებელი დოკუმენტები, კერძოდ:
ა) ხელშეკრულებები;
ბ) წარმოდგენილი ხელშეკრულებების შესრულების დამადასტურებელი დოკუმენტები:
- სამუშაოს შესრულების მიღება-ჩაბარების აქტები;
- სამუშაოს შესრულების მიღება-ჩაბარების აქტების შესაბამისი ანგარიშფაქტურები (ანგარიშფაქტურის წარმოდგენა სავალდებულოა იმ პრეტენდენტებისთვის, ვინც სამუშაოების შესრულების მომენტში იყო რეგისტრირებული დღგ-ს გადამხდელად);

შენიშვნა: თუ წარმოდგენილი იქნება ხელშეკრულება და არ იქნება წარმოდგენილი ხელშეკრულების შესრულების დამადასტურებელი დოკუმენტი - მიღება ჩაბარების აქტი, წარმოდგენილი ხელშეკრულება არ ჩაითვლება გამოცდილების დამადასტურებელ დოკუმენტად, ასევე თუ წარმოდგენილი იქნება ხელშეკრულება და მიღება ჩაბარების აქტი და პრეტენდენტი არის დღგ-ს გადამხდელი, მაგრამ არ იქნება წარმოდგენილი შესაბმისი ანგარიშფაქტურა, წარმოდგენილი ხელშეკრულება და მიღება-ჩაბარების აქტი არ ჩაითვლება გამოცდილების დამადასტურებელ დოკუმენტებად, ასევე თუ წარმოდგენილი იქნება ხელშეკრულება და ანგარიშფაქტურა, მაგრამ არ იქნება წარმოდგენილი მიღება-ჩაბარების აქტი, წარმოდგენილი ხელშეკრულება და ანგარიშფაქტურა არ ჩაითვლება გამოცდილების დამადასტურებელ დოკუმენტებად;

2.2.3. გამოცდილების დასადასტურებლად წარმოდგენილი ხელშეკრულება გაფორმებული უნდა იყოს 2022 წლის 31 დეკემბრის შემდეგ.

თუ მიმწოდებელს მომსახურების სამუშაოები შესრულებული აქვს სახელმწიფო შესყიდვის ფარგლებში გამოცდილების დამადასტურებელი დოკუმენტების წარმოდგენა სავალდებულო არ არის. ამ შემთხვევაში მიმწოდებელი ვალდებულია წარმოადგინოს მხოლოდ სახელმწიფო შესყიდვის ნომერი NAT, CMR და სხვა.

2.9.1. ფარული სამუშაოების წარმოების შემთხვევაში, მიმწოდებელი ვალდებულია შეადგინოს ფარული სამუშაოების დამადასტურებელი წერილობითი აქტები, ამასთან ფარული სამუშაოები აწარმოოს შემსყიდველის მიერ შესაბამისად უფლებამოსილი პირის უშუალო ზედამხედველობის ქვეშ. მიმწოდებელი ვალდებულია ფარული სამუშაოების დაწყების თარიღი ორი სამუშაო დღით ადრე აცნობოს შემსყიდველს;
2.9.2. მიმწოდებელი ვალდებულია განახორციელოს სამუშაოს შესრულება ტექნიკური დავალებით დადგენილი პირობებისა და წესების, ასევე მოქმედი სამშენებლო სტანდარტების დაცვით;
2.9.3. სამუშაოს შესრულების პროცესში გამოყენებული ყველა ტექნიკური აღჭურვილობა და ინსტრუმენტი უნდა იყოს მუშა მდგომარეობაში, მათი ექსპლუატაცია უნდა ხდებოდეს მწარმოებლის მიერ განსაზღვრული წესით. ტექნიკური აღჭურვილობის და ინსტრუმენტის ექსპლუატაციისას დაუშვებელია არაქარხნული (კუსტარული) წესით დამზადებული დეტალის ან/და სათადარიგო ნაწილის გამოყენება;
2.9.4. სამუშაოს შესრულების პროცესში, მიმწოდებელმა უნდა უზრუნველყოს ხარისხისა და სამუშაოების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება;
2.9.5. მიმწოდებელმა უნდა უზრუნველყოს, სამშენებლო სამუშაოების პროცესში, მიმწოდებლის მიზეზით (მ/შ გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით;
2.9.6. სამუშაოების დასრულების შემდეგ მიმწოდებელი ვალდებულია თავისი ძალებით და სახსრებით დაუყოვნებლივ გაათავისუფლოს სამუშაო ადგილი მანქანა-მექანიზმებისაგან, მოწყობილობა-დანადგარებისაგან, მასალებისაგან 5 (ხუთი) სამუშაო დღის ვადაში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

7.2.1 ანგარიშსწორება განხორციელდება, ერთიანად, უნაღდო ანგარიშსწორებით ლარში, სსიპ „ლევან სამხარაულის სახელობის ექსპერტიზის ეროვნული ბიუროს" ან/და სხვა აკრედიტირებული პირის მიერ დადასტურებული ფორმა N2-ისა და შემსყიდველსა და მიმწოდებელს შორის გაფორმებული მიღება-ჩაბარების აქტის საფუძველზე დოკუმენტაციის წარმოდგენიდან 10 (ათი) სამუშაო დღის განმავლობაში.

7.2.2 ხელშეკრულების საგნის საბოლოო მიღება-ჩაბარების აქტის გაფორმებამდე შესრულებული სამუშაოების ხარისხი, მოცულობა, რაოდენობა, ღირებულება და მათი შესაბამისობა საპროექტო-სახარჯთაღრიცხვო დოკუმენტაციასთან, მიმწოდებლის მიერ წარმოდგენილი აქტების (ფორმა N2) გათვალისწინებით უნდა დადასტურდეს სსიპ ,,ლევან სამხარაულის სახელობის ექსპერტიზის ეროვნული ბიურო“-ს საექსპერტო დასკვნით ან სხვა აკრედიტებული პირის დასკვნით.

ანგარიშსწორება განხორციელდება, 2025 წლის ადგილობრივი თვითმმართველი ერთეულის ბიუჯეტის სახსრებით, მიღება–ჩაბარების აქტის გაფორმებიდან 10 (ათი) სამუშაო დღის ვადაში.

თამარ გორგილაძე, 558562698, t.gorgiladze01@gmail.com ზურაბ მალაზონია, 558466400, malazoniaspa@gmail.com