Инженерные услуги (Грузия - Тендер #67463665)

ქალაქ თბილისში, ვაკის რაიონში, ი. უჩანეიშვილის ქუჩა #47-ის მიმდებარედ არსებული საყრდენი კედლის დემონტაჟისა და ახალი საყრდენი კედლის მშენებლობის სამუშაოების საპროექტო-სახარჯთაღრიცხვო დოკუმენტაციის შედგენის მომსახურების სახელმწიფო შესყიდვა.

საკვლევი ობიექტის მდებარეობა, მოკლე აღწერა და დავალების მიზანი:
საპროექტო უბანი მდებარეობს ქალაქ თბილისში, ვაკის რაიონში, ი. უჩანეიშვილის ქუჩა #47-ში, მრავალბინიანი საცხოვრებელი სახლის (ს/კ: 01.14.08.009.029) მიმდებარედ. არსებული საყრდენი კედელი მოწყობილია ტეხილი გეომეტრიული ფორმით, რომელიც დაყოფილია უბნებად (უბანი 1; უბანი 2 და უბანი 3).
პირველი უბანი მოწყობილია მონოლითური რკინაბეტონით, ხოლო მეორე და მესამე უბანი აშენებულია ანაკრები ბეტონის ბლოკებით. საყრდენ კედლებს მოწყობილი აქვთ ლენტური ტიპის ბეტონის საძირკველი, გრუნტში გარკვეული ჩაღრმავებით, მეორე და მესამე უბანზე კედლის დაბოლოვებაზე მოწყობილია ცვალებადი განივკვეთის შემკრავი რკინაბეტონის სარტყელი.
საყრდენი კედლის პირველი და მეორე უბანი (უბანი 1 და უბანი 2) დაზიანებულია, შეინიშნება ვერტიკალური სიმეტრიის ღერძის მიმართ გადახრა და სხვადასხვა მიმართულების და ხასიათის გამჭოლი ვერტიკალური მიმართულების ბზარები. ასევე, კედლის არმირება ზედაპირულად კოროზირებულია, ბეტონის ზედაპირები განშრევებულია, ბათქაშის ფენა აშრევებულია, კედლების ტანში აღმოცენებულია ხე-მცენარეები.
საყრდენი კედელი (უბანი 3) მოწყობილია ქარხნულად დამზადებული მსხვილი საკედლე ბეტონის ბლოკებით. ატმოსფერული ნალექის ზემოქმედების შედეგად ბეტონის ზედაპირები განშრევებულია, დაზიანებული ზედაპირები მცირე მექანიკური ზემოქმედებით იშლება. კედელს მოწყობილი აქვს ბეტონის ლენტური საძირკველი, გრუნტში გარკვეული ჩამაგრებით. საყრდენი კედლის (უბანი 3) სარტყელის არმირებას კავშირი არ აქვს მეორე უბის სარტყელის არმირებასთან, რითაც დარღვეულია სამშენებლო ნორმები და წესები. კედელს მიღებული აქვს დეფორმაცია. დაზიანებულ კედელს ვერტიკალური სიმეტრიის ღერძის მიმართ აქვს გადახრა.
საყრდენ კედელზე დაფიქსირებული მნიშვნელოვანი დაზიანებების გათვალისწინებით, კედელი საფრთხის შემცველია, არსებობს კედლის გადმოვარდნის საშიშროება, აღნიშნული გათვალისწინებით, ვინაიდან კედელი განლაგებულია ქანობიან რელიეფზე და კონტრფორსების მოწყობა შეუძლებელია.
ზემოაღნიშნული პრობლემის გადასაჭრელად საჭიროა დეტალური კველევების ჩატარება, რომელზე დაყრდნობით და ქვეყანაში მოქმედი სტანდარტების შესაბამისად განისაზღვრება დაზიანებული საყრდენის კედლის დემონტაჟის და მის ნაცვლად ახალი საყრდენი კედლის მოწყობის სამუშაოების ჩატარების საპროექტო-სახარჯთაღრიცხვო დოკუმენტაციის მომზადება. შემსრულებელმა მუშა პროექტის შედგენამდე უნდა წარმოადგინოს და დამკვეთთან შეათანხმოს, საპროექტო გადაწყვეტის ვარიანტ(ებ)ი, შესაბამისი ანალიზით. მიმწოდებელი ვალდებულია:
• საყრდენი კედლის საპროექტო მომსახურება შეასრულოს საქართველოში მოქმედი ტექნიკური რეგლამენტების, სტანდარტებისა და დეტალური ტექნიკური დავალებით გათვალისწინებული პირობების შესაბამისად;
• საკვლევაძიებო და საპროექტო სამუშაოების დროულად და ხარისხიანად შესრულებისათვის მოახდინოს საქართველოს კანონმდებლობით განსაზღვრულ სტრუქტურებთან და პირებთან პროექტების საჭირო წინასწარი შეთანხმებები;
• მიმწოდებელმა საპროექტო დოკუმენტაციის უნდა წარმოადგინოს ექსპერტიზის დადებითი დასკვნით, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.

შენიშვნა: ტექნიკური დავალება და მომსახურების ხარჯთაღრიცხვა ატვირთულია სატენდერო დოკუმენტაციასთან ერთად.

1.4.1 მიწოდების ვადა: ხელშეკრულების ძალაში შესვლიდან 60 (სამოცი) კალენდარული დღე (ექსპერტიზის მომსახურების ვადის ჩათვლით).

1.5.1 საპროექტო დოკუმენტაციის მიწოდების ადგილი: ქ. თბილისი, ჟ. შარტავას ქ. №7, ქ. თბილისის მუნიციპალიტეტის მერიის ინფრასტრუქტურის განვითარების საქალაქო სამსახური.

პრეტენდენტს 2022 წლის 01 იანვრიდან უნდა გააჩნდეს არანაკლებ შესყიდვის სავარაუდო ღირებულების 150%-ის ღირებულების საინჟინრო-გეოლოგიური კვლევ(ებ)ის ან/და პრევენციული ღონისძიებ(ებ)ის სამუშაოების (მათ შორის, ფერდობ(ებ)ის გამაგრების ან/და საყრდენი კედლ(ებ)ის მოწყობის) საპროექტო დოკუმენტაციის შედგენის გამოცდილება, რომელიც ინფორმაციის სახით მოცემული უნდა იყოს დანართი №2-ით გათვალისწინებულ ცხრილში (წარმოდგენილ იქნას დამადასტურებელი დოკუმენტაცია - ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი ან სხვა))(დანართი №2).

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი №2-ის შესაბამისად.

2.7.1 მიღება-ჩაბარების აქტი გაფორმდება საინჟინრო-გეოლოგიური ანგარიშის და სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.
2.7.2 წარმოდგენილ ექსპერტიზის დასკვნას უნდა ახლდეს სამშენებლო სამუშაოების სახარჯთაღრიცხვო დოკუმენტაცია, რომელსაც ჩაუტარდა ექსპერტიზა და მიეცა შესაბამისი ექსპერტის დადებითი დასკვნა/რეკომენდაცია.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება 2025 წლის ქ. თბილისის ბიუჯეტის სახსრებით, მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ირაკლი ბრეგვაძე, 599729939, bregvadze.irakli@yahoo.com ტელ: +99532 237 85 72. ტექნიკურ საკითხებთან დაკავშირებით საკონტაქტო პირი: ბ-ნი შალვა ზარიძე, ტელეფონის ნომერი: 595 28 28 22, ელ. ფოსტა: infrastructure@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი (არ ვრცელდება სატენდერო დოკუმენტაციის №1 და №2 დანართებზე) ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება). სავალდებულოა პრეტენდენტის მიერ მომსახურების ხარჯთაღრიცხვა ატვირთული იქნას MS Excel-ის ფორმატის ფაილის სახით, დანართი N1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა წარმოდგენილ უნდა იქნას MS Excel-ის ფორმატის ფაილის სახით, დანართი №1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ წარმოდგენილ უნდა იქნას დანართი №2-ის შესაბამისად.

შენიშვნა: სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.