Ремонт и техническое обслуживание транспортных средств и оборудования и сопутствующие услуги (Грузия - Тендер #67413979)

მარნეულის მუნიციპალიტეტის ბალანსზე რიცხული ავტომანქანების შეკეთების და ტექნიკური მომსახურების შესყიდვა

პრეტენდენტმა ავტომობილებს უნდა გაუწიოს შემდეგი სახის ტექნიკური მომსახურება:
- პროფილაქტიკური და დიაგნოსტიკური მომსახურება;
- შეკეთებასთან დაკავშირებული ყველა ტიპის მომსახურება.

აღნიშნული მომსახურება მოიცავს შემდეგს:
• სათადარიგო ნაწილების შეკეთება ან/და შეცვლა;
• საცხებ-საპოხი მასალების შეცვლა;
• კომპიუტერული დიაგნოსტიკა;
• დიაგნოსტიკა (სავალი ნაწილი, ძრავი, ძალოვანი აგრეგატები, ძარა);
• საბურავების დაშლა-აწყობა, შეკეთება-ბალანსირება;
• განშლა, ნახარის გასწორება;
• ალუმინისა და რკინის მასალის დისკების შეკეთება;
• სალონის შეკეთება (ტორპედო, კარებები, საბარგული, ჭერი და სხვა);
• ელ. სამუშაოები.
მომსახურება გაწეული უნდა იქნას დაუყოვნებლივ, რიგგარეშე.
პრეტენდენტი ვალდებულია შემსყიდველის მიმართვიდან არაუგვიანეს 1 (ერთი) დღის ვადაში, ჩაატაროს ავტოსატრანსპორტო საშუალების დათვალიერება და დათვალიერებიდან 1 (ერთი) დღის ვადაში წარუდგინოს შემსყიდველს დეფექტური აქტი (რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო სათადარიგო ნაწილების დეტალური აღწერა, მოცულობა, შესრულების ვადები და ფასი) ხელმოსაწერად. ავტოსატრანსპორტო საშუალების ყველანაირი ტიპის დიაგნოსტიკა უნდა იყოს უფასო.
ავტოსატრანსპორტო საშუალების დაზიანებული ნაწილი უნდა შეიცვალოს ახალი, ქარხნული ნაწილით. შემსყიდველთან შეთანხმების საფუძველზე შესაძლებელია დაყენდეს მეორადი სათადარიგო ნაწილი ან მოხდეს მისი აღდგენა (ამ შემთხვევაში ფასი დგინდება მხარეთა შორის შეთანხმებით, საბაზრო ფასის გათვალისწინებით).
• პრეტენდენტს სერვის ცენტრ(ებ)ში უნდა შეეძლოს არანაკლებ 3 (სამი) ავტოსატრანსპორტო საშუალების ერთდროულად მომსახურება.

1.4.1.ავტომობილების მიმდინარე შეკეთების მომსახურება უნდა განხორციელდეს ეტაპობრივად, შემსყიდველის მოთხოვნის შესაბამისად ხელშეკრულების გაფორმებიდან მაგრამ არაუგვიანეს 2025 წლის 31 დეკემბრის ჩათვლით, უქმე დღეების გათვალისწინებით.
1.4.2 მიმწოდებელი ვალდებულია:
- შემსყიდველის მიმართვიდან არაუგვიანეს 1 (ერთი) დღის ვადაში, ჩაატაროს ავტოსატრანსპორტო საშუალების დათვალიერება და დათვალიერებიდან 1 (ერთი) დღის ვადაში წარუდგინოს შემსყიდველს დეფექტური აქტი (რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო სათადარიგო ნაწილების დეტალური აღწერა, მოცულობა, შესრულების ვადები და ფასი) ხელმოსაწერად. ავტოსატრანსპორტო საშუალების ყველანაირი ტიპის დიაგნოსტიკა უნდა იყოს უფასო.
- უზრუნველყოს დეფექტურ აქტში მითითებული მომსახურების განხორციელება ხელშეკრულებასა და დეფექტურ აქტში გათვალისწინებული პირობების შესაბამისად, არაუგვიანეს დეფექტური აქტის გაფორმებიდან:
• ზეთის, ზეთის ფილტრის, წინა და უკანა ხუნდების შეცვლა და სხვა მსგავსი მომსახურება უნდა მოხდეს სერვის–ცენტრში მანქანის მიყვანიდან არაუგვიანეს 5 საათისა;
• სავალ ნაწილებზე - არაუგვიანეს ორი კალენდარული დღის ვადაში;
• ელ. სამუშაოებზე - არაუგვიანეს ერთი კალენდარული დღის ვადაში;
• აგრეგატებზე - არაუგვიანეს სამი კალენდარული დღის ვადაში;
• ხანგრძლივი მომსახურების (ძრავის, სიჩქარეთა კოლოფის შეკეთება) შემთხვევაში - არაუგვიანეს თხუთმეტი კალენდარული დღის ვადაში;
• თუ ტექნიკური სირთულის გამო ვერ ხერხდება მომსახურების დასრულება ან/და სათადარიგო ნაწილი შესაკვეთია - მხარეთა მიერ შეთანხმებულ გონივრულ ვადაში, მაგრამ არაუგვიანეს თხუთმეტი კალენდარული დღისა.
- მომსახურების გაწევა უზრუნველყოს დაუყოვნებლივ, რიგგარეშე.

• პრეტენდენტმა უნდა განახორცელოს მარნეულის მუნიციპალიტეტის ბალანსზე მყოფი მანქანების შეკეთება და ტექნიკური მომსახურება
• შესყიდვაში მონაწილეობის მსურველ პირს ტენდერით გათვალისწინებული მომსახურების გასაწევად უნდა გააჩნდეს საკუთარი ან საქართველოს სამოქალაქო კოდექსით ნებადართული ან აუკრძალავი ნებისმიერი ფორმით (ქირა, თხოვება და ა.შ.), მინიმუმ ერთი სერვის–ცენტრი ქ. მარნეულში.

* მიმწოდებლის მიერ გაწეულ მომსახურებაზე, მათ შორის შეცვლილ ან/და შეკეთებულ სათადარიგო ნაწილებზე, გარანტია უნდა ვრცელდებოდეს მინიმუმ 6 (ექვსი) თვე.
* გარანტია არ ვრცელდება სწრაფად ცვეთად სათადარიგო ნაწილებზე (ნათურები, დამცველები, სამუხრუჭე ხუნდები (სამუხრუჭე ხუნდები უნდა იყოს მაღალი ხარისხის, არ უნდა ცვდებოდეს მალე, არ აზიანებდეს საყრდენ დისკებს და არ უნდა კარგავდეს თვისებებს გაცხელების შემთხვევაში), ზეთის, კონდიციონერის და ჰაერის ფილტრები). რაც შეეხება აკუმულატორს, მასზე ვრცელდება გარანტია მინიმუმ 12 (თორმეტი) თვის განმავლობაში. აკუმულატორის საგარანტიო პირობა არ უნდა შეიცავდეს 6 თვეზე ნაკლები ინტერვალით გეგმიურ შემოწმებას.
* თუ საგარანტიო პერიოდში აღმოჩნდება დეფექტები, რომლებიც გამორიცხავენ ავტოსატრანსპორტო საშუალების უსაფრთხო ექსპლუატაციას, მიმწოდებელი ვალდებულია, შემსყიდველის შეტყობინების მიღების დღიდან შემსყიდველთან შეთანხმებულ გონივრულ ვადაში (მაგრამ არაუმეტეს სატენდერო დოკუმენტაციის 1.4.2 ქვეპუნქტით განსაზღვრული შესაბამისი ვადისა) საკუთარი ხარჯით გამოასწოროს დეფექტი.
* მიმწოდებლის მიზეზით გამოწვეულ ნებისმიერ დაზიანებაზე (სამუშაო პროცესში მიმწოდებლის მიერ გამოწვეული სხვა დაზიანებები) პასუხისმგებლობა ეკისრება მიმწოდებელს. მიმწოდებელი ვალდებულია საკუთარი ხარჯით აღმოფხვრას აღნიშნული დაზიანება შემსყიდველის მიმართვიდან სატენდერო დოკუმენტაციის 1.4.2 ქვეპუნქტით

1. შესყიდვაში მონაწილეობის მსურველ პირს 2021 წლის 1 იანვრიდან, მოცემული ტენდერის გამოცხადების დღემდე უნდა გააჩნდეს ანალოგიური (ავტომანქანების შეკეთებისა და ტექნიკური მომსახურების) სახის გამოცდილება ჯამში მინიმუმ 100 000 (ასიათასი ათასი) ლარის ოდენობით,ანალოგიური ხასიათის მომსახურების გამოცდილების შესახებ წარმოდგენილ უნდა იქნეს შესაბამისი მომსახურების დამადასტურებელი დოკუმენტაცია ხელშეკრულებები და საბოლოო მიღება-ჩაბარების აქტ(ებ)ი.
2. იმ შემთხვევაში თუ, პრეტენდენტის მიერ შესრულებული მომსახურება განეკუთვნება (განხორციელებულია) სახელმწიფო შესყიდვებს და აღნიშნული ინფორმაცია სრულად (ხელშეკრულებ(ებ)ი; შესრულების/მიღება-ჩაბარების აქტები და სხვა) იძებნება სახელმწიფო შესყიდვების ერთიან ელექტრონულ სისტემაში (ვებ-გვერდზე --www. procurement.gov.ge). ასეთ შემთხვევაში, პრეტენდენტი თავისუფლდება 1-ელ პუნქტში მოთხოვნილი დოკუმენტაციის წარმოდგენის ვალდებულებისაგან და მოეთხოვება მხოლოდ დანართი N2-ის სრულყოფილად შევსებული ფორმა (ასეთ შემთხვევაში დანართი N2-ის ცხრილის მე-3 სვეტში კონკრეტული ტენდერის SPA ან/და NAT ან/და CMR და სხვა ნომრის მითითება სავალდებულოა).

შესყიდვაში მონაწილეობის მსურველ პირს ტენდერით გათვალისწინებული მომსახურების გასაწევად უნდა გააჩნდეს საკუთარი ან საქართველოს სამოქალაქო კოდექსით ნებადართული ან აუკრძალავი ნებისმიერი ფორმით (ქირა, თხოვება და ა.შ.), მინიმუმ ერთი სერვის–ცენტრი ქ. მარნეულში და მომსახურების გაწევისათვის უნდა გააჩნდეს სატენდერო დოკუმენტაციის 1.2 პუნქტში ჩამოთვლილი ყველა მომსახურების ჯეროვნად გაწევისათვის აუცილებელი ძირითადი და სათადარიგო მანქანა-დანადგარები გამართულ მუშა მდგომარეობაში.
მომსახურების გაწევისთვის საჭირო მინიმალური ძირითადი მანქანა დანადგარები: 1. ელექტრო სისტემის კომპიუტერული დიაგნოსტიკის აპარატი 2. ამწე მექანიზმი ; 3. საყრდენი დისკის გასაჩარხი აპარატი 4. ვულკანიზაციის, ბალანსირების და დისკების გასასწორებელი აპარატი 5. თვლების შეყრის (დახრილობის), კომპიუტერული დიაგნოსტიკის ამწე (,,რაზვალი+სხაჟდენია“) 6. კონდენციონერის სისტემის ფრეონით დატუმბვის აპარატი, რაზეც წარმოდგენილი უნდა იქნეს შესაბამისი აუდიტორული დასკვნა;
• აუდიტის დასკვნა უნდა მოიცავდეს შემდეგ ინფორმაცია/დოკუმენტაციას: სერვის–ცენტრის მისამართს, სერვის ცენტრის საკუთრების/სარგებლობის დადასტურებას, 2.3.1 პუნქტით ჩამოთვლილ საჭირო მანქანა დანადგარების საკუთრებას/სარგებლობას, გამართულობაზე ინფორმაციას, შესაბამისი დანართებით, ფოტომასალით, სარგებლობის/საკუთრების დამადასტურებელი დოკუმენტებით.
• საიჯარო ხელშეკრულების წარმოდგენის (დანართად ატვირთვის) შემთხვევაში მათი მოქმედების ვადა უნდა იყოს მინიმუმ 2025 წლის 31 დეკემბრის ჩათვლით.
• წარმოდგენილი უნდა იყოს ავტოტექმომსახურების სერვის–ცენტრის მისამართი.
შენიშვნა: შემსყიდველი, პრეტენდენტის ტექნიკური დოკუმენტაციის შერჩევა-შეფასების ეტაპზე, იტოვებს უფლებას, ადგილზე გადაამოწმოს პრეტენდენტის სერვის-ცენტრ(ებ)ის შესაბამისობა წინამდებარე სატენდერო დოკუმენტაციის ამავე პუნქტით განსაზღვრულ მოთხოვნებთან და შეუსაბამობის აღმოჩენის შემთხვევაში, მოქმედი კანონმდებლობის შესაბამისად, განახორციელოს მისი დისკვალიფიკაცია დაზუსტების მექანიზმის გარეშე.

დამატებითი ტექნიკური მოთხოვნები
სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე
• დანართი №1 (პრეისკურანტი) (პუნქტი 1.3); პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), დაზუსტების მექანიზმის გამოყენების გარეშე გამოიწვევს პრეტენდენტის დისკვალიფიკაციას;
• სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტთან დაკავშირებული ყველა ხარჯისა და კანონმდებლობით გათვალისწინებული ყველა გადასახადის გათვალისწინებით.
• პრეტენდენტმა უნდა წარმოადგინოს განფასებული დანართი №1 (პრეისკურანტები) შემსყიდველის მიერ განასზღვრული ნაწილებისა და მომსახურების ყველა პოზიციაზე (ფასები დაფაიქსირებული უნდა იყოს არაუმეტეს მეასედების სიზუსტით). წარმოდგენილი ფასი არ უნდა აღემატებოდეს შემსყიდველის მიერ პრეისკურანტებში მითითებულ თითოეულ პოზიციაზე სავარაუდო მაქსიმალურ ღირებულებებს. განსაფასებელ დანართი №1 (პრეისკურანტებში) მითითებული მომსახურების ფასი უნდა მოიცავდეს კონკრეტული მომსახურების გაწევასთან დაკავშირებულ ყველა თანმდევი მომსახურების ღირებულებას.
• ელექტრონული ვაჭრობა გაიმართება დანართი №1-ით განსაზღვრული პრეისკურანტების ჯამურ სავარაუდო ღირებულებაზე. პრეტენდენტის მიერ სისტემაში ატვირთულ დანართი №1 _პრეისკურანტების ჯამურ ღირებულებასა და მის მიერ ელექტრონული ვაჭრობის შედეგად სისტემაში დაფიქსირებულ ფასებს შორის სხვაობის შემთხვევაში, ფასთა კლება პროცენტულად და პროპორციულად უნდა აისახოს მის მიერ სისტემაში ატვირთული დანართი №1 _პრეისკურანტების თითოეული პოზიციის ერთეულის ფასებზე. თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დააფიქსიროს მეასედამდე (დამრგვალების გარეშე), შესაბამისად შეამციროს პრეისკურანტის ჯამური ღირებულებაც;
• ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
• თუ ხელშეკრულების მოქმედების პერიოდში აღმოჩნდება, რომ გასაწევი მომსახურების ან რომელიმე ნაწილის ფასი არ არის გათვალისწინებული დანართი №1 _პრეისკურანტებში, მაშინ მხარეები, მომსახურების დაწყებამდე, ადგენენ აღნიშნული მომსახურების (ნაწილის) ფასს საბაზრო ფასის გათვალისწინებით. ასეთ შემთხვევაში, პრეისკურანტში მომსახურების (ნაწილის) რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
• თუ ხელშეკრულების მოქმედების პერიოდში აღმოჩნდა, რომ პრეისკურანტში არ არის მოცემული ავტომანქანისთვის საჭირო მომსახურება ან/და სათადარიგო ნაწილი, ასეთი სათადარიგო ნაწილის ან/და მომსახურების ფასი დგინდება მხარეთა შორის შეთანხმებით საბაზრო ფასის გათვალისწინებით. იმ შემთხვევაში თუ მიმწოდებელმა აღნიშნულ სათადარიგო ნაწილზე ან მომსახურებაზე წარადგინა შეუსაბამოდ მაღალი ფასი, შემსყიდველი უფლებამოსილია ჩაატაროს ბაზრის კვლევა და ფასთა შეუსაბამობის დადასტურების შემთხვევაში მიმწოდებელი დააჯარიმოს ხელშეკრულების ღირებულების 1%–ით.

იმ შემთხვევაში, თუ წინამდებარე ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

• ანგარიშსწორება განხორციელდება ეტაპობრივად, მომსახურების გაწევის შესახებ მიღება–ჩაბარებისა და დეფექტური აქტების საფუძველზე.

• ანგარიშსწორება განხორციელდება შესაბამისი მიღება-ჩაბარების აქტის გაფორმებიდან ან/და შუალედური დამადასტურებელი დოკუმენტაციის წარმოდგენიდან 10 სამუშაო დღის განმავლობაში.

შოთა ფუტკარაძე, 577165237, putkara913@gmail.com

სახელმწიფო შესყიდვების ერთიან ელექტრონულ სისტემაში (შემდგომში–სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესი“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
• დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი.
• ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
• შემსყიდველ ორგანიზაციაში წარმოსადგენი ყველა დოკუმენტი ან/და ინფორმაცია ხელმოწერილი ან/და ბეჭედ დასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა ანრწმუნებულობა).
• სატენდერო წინადადების შესახებ ხელშეკრულების ფორმა და პირობები ატვირთულია სისტემაში, რომელიც ხელშეკრულების დადების მომენტისთვის დაზუსტდება სატენდერო წინადადების შესაბამისად.
• სატენდერო დოკუმენტაციასთან დაკავშირებით განმარტების მიღება პრეტენდენტს შეუძლია სისტემის მოდულის „კითხვა/პასუხის“ მეშვეობით.
პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.