Полные или частичные строительные работы и публичные работы (Грузия - Тендер #67295622)

აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებულ პირთა - დევნილთა განსახლების 4 (ოთხი) ობიექტში (მისამართები: 1. ქ. ფოთი, გაგრის ქ. N 6; 2. ქ. ფოთი, გაგრის ქ. კორპუსი N10ა; 3. ქ. ფოთი, გაგრის ქ. N16; 4. ქ. ფოთი, აფხაზეთის ქ. N11) სარემონტო სამუშაოები (კერძოდ, სახურავების შეკეთება)

1.2.1 შესასრულებელი სამუშაოების ტექნიკური პარამეტრები, სრული აღწერილობა, ჩამონათვალი და მოცულობა განსაზღვრულია სატენდერო დოკუმენტაციის დანართი N1-1-ში, დანართი N1-2-ში, დანართი N1-3-ში, და დანართი N1-4-ში (სატენდერო დოკუმენტაციის კითხვარის პუნქტი 1.3).

1.2.2 პრეტენდენტის მიერ წარმოდგენილი სატენდერო წინადადების ფასი უნდა დაანგარიშდეს სატენდერო დოკუმენტაციის დანართი N1-1-ში, დანართი N1-2-ში, დანართი N1-3-ში, და დანართი N1-4-ში მოცემული ხარჯთაღრიცხვის ფორმების შესაბამისად, მიმწოდებლის მიერ შედგენილი ხარჯთაღრიცხვით.

1.2.3 ხარჯთაღრიცხვა წარმოდგენილ უნდა იქნას დანართი N1-1–ის, დანართი N1-2–ის, დანართი N1-3–ის,და დანართი N1-4–ის მიხედვით (ხარჯთაღრიცხვის განსაფასებელი პოზიციების რაოდენობის 1%-ზე მეტის განუფასებლად წარმოდგენა ან/და ხარჯთაღრიცხვის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

1.2.4 ხარჯთაღრიცხვის ექსელის ფორმატის ფაილები ატვირთულია სატენდერო დოკუმენტაციასთან ერთად.

1.2.5 თუ კი სამუშაოების უსაფრთხო წარმოებისთვის საჭიროა შესაბამის სამსახურებთან შეთანხმებული, უსაფრთხოების სქემით სამუშაოების წარმოება, მიმწოდებელი ვალდებულია სრულად დაიცვას შეთანხმებული სქემით განსაზღვრული პერიმეტრი შესაბამისი მარეგულირებელი ნიშნებით;

1.2.6 მიმწოდებელი ვალდებულია სამუშაო დაიწყოს ხელშეკრულების გაფორმებიდან;

1.2.7 სამუშაოების შესრულების პროცესში ყველა გამოყენებული მასალა უნდა იყოს ხარისხიანი და უნდა შეესაბამებოდეს ამ სფეროში აღიარებულ სტანდარტებს;

1.2.8 მიმწოდებელი ვალდებულია სამუშაოების შესრულებისას წარმოქმნილი ნარჩენები (ინერტული) განათავსოს შემსყიდველის მიერ მითითებულ ადგილზე;

1.2.9 მიმწოდებელი ვალდებულია სამუშაოები შეასრულოს სამშენებლო ნორმებითა და წესებით გათვალისწინებული მოთხოვნებისა და სტანდარტების შესაბამისად, სამშენებლო ნორმებისა და წესების სრული დაცვით უნდა მოხდეს სამუშაოთა ხარისხიანად შესრულება და მათი დამთავრება დადგენილ ვადებში; სამუშაოების წარმოების დროს დაცული უნდა იყოს ტექნიკური და შრომის უსაფრთხოების ყველა ნორმა: (მ. შ. სამშენებლო პერსონალის სპეც ჩასაცმელით აღჭურვა);

*პრეტენდენტის მიერ წარმოდგენილ ხარჯთაღრიცხვაში ერთნაირი დასახელების სამუშაოზე გათვალისწინებული უნდა იყოს ერთნაირი ფასი.

* სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარებში.

*გაუთვალისწინებელი ხარჯებისათვის განსაზღვრული პროცენტული მაჩვენებლის შეცვლა დაუშვებელია.

* პრეტენდენტმა ხარჯთაღრიცხვა უნდა შეადგინოს და მასში მოცემული პუნქტები განაფასოს საქართველოს ეკონომიკისა და მდგრადი განვითარების მინისტრის 2011 წლის 18 თებერვლის N11/251 ბრძანებით დამტკიცებული ,,საქართველოს ტერიტორიაზე ტექნიკური ზედამხედველობისა და სამშენებლო სფეროში 1992 წლამდე მოქმედი ნორმების წესების და ტექნიკური რეგულირების სხვა დოკუმენტების გამოყენების შესახებ’’ და საქართველოს მთავრობის 2014 წლის 14 იანვრის N55 დადგენილებით დამტკიცებული ,,ტექნიკური რეგლამენტის ,,სამშენებლო სამუშაოების სახელმწიფო შესყიდვისას ზედნადები ხარჯებისა და გეგმიური მოგების განსაზღვრის წესის’’ შესაბამისად.

შენიშვნა 1: იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება/სამუშაო.

შენიშვნა 2: დანართებში მოცემული სამუშაოების მოცულობები არის სავარაუდო. ხელშეკრულების მოქმედების პერიოდში ფაქტიურად შესრულებული სამუშაოების მიხედვით მოხდება მათი დაზუსტება-შემცირება ან გაზრდა, ერთეულის ფასისა და ხელშეკრულების საერთო ღირებულების შეუცვლელად.

შენიშვნა 3: პრეტენდენტის მიერ ერთიანი ელექტრონული სისტემის მეშვეობით (ტენდერის სტატუსი - ,,წინადადებების მიღება დაწყებულია’’ - ეტაპზე) ხარჯთაღრიცხვის წარმოუდგენლობა ან განუფასებლად წარმოდგენა გამოიწვევს მის დისკვალიფიკაციას.

სამუშაოების შესრულების სავალდებულო ვადა: ხელშეკრულების გაფორმებიდან არაუგვიანეს 35 (ოცდათხუთმეტი) კალენდარული დღე

1.5.1. მიმწოდებელმა სამუშაოები უნდა განახორციელოს შემდეგ მისამართებზე:
1. ქ. ფოთი, გაგრის ქ. N 6;
2. ქ. ფოთი, გაგრის ქ. კორპუსი N10ა;
3. ქ. ფოთი, გაგრის ქ. N16;
4. ქ. ფოთი, აფხაზეთის ქ. N11.

1.5.2. მიმწოდებელი ვალდებულია შესრულებული სამუშაოს მიღება-ჩაბარების აქტის გაფორმებამდე და აღნიშნულ სფეროში სსიპ “აკრედიტაციის ერთიანი ეროვნული ორგანოს – აკრედიტაციის ცენტრი”-ს აკრედიტებული საექსპერტო დაწესებულების ან ექსპერტის მიერ შედგენილი დასკვნის წარმოდგენამდე შემსყიდველს წერილობით წარმოუდგინოს შესრულებული სამუშაოს აქტი და ფორმა #2 დამოწმებული უფლებამოსილი პირის მიერ;

1.5.3. დასრულებული სარემონტო სამუშაოების მიღება-ჩაბარება ფორმდება აღნიშნულ სფეროში სსიპ “აკრედიტაციის ერთიანი ეროვნული ორგანოს – აკრედიტაციის ცენტრი”-ს აკრედიტებული საექსპერტო დაწესებულების ან ექსპერტის მიერ შესრულებული სამუშაოების ფორმა #2-ზე გაცემული დასკვნის საფუძველზე, რომლის წარმოდგენის ვალდებულება და ფინანსური ხარჯის გაწევა ეკისრება მიმწოდებელს;

1.5.4. ექსპერტიზის დასკვნის წარმოუდგენლობის (დასკვნა წარმოდგენილი უნდა იქნას სამუშაოების დასრულებიდან არაუგვიანეს 15 (თხუთმეტი) კალენდარული დღის განმავლობაში) შემთხვევაში შემსყიდველი უფლებამოსილია ხელშეკრულების პირობების არაჯეროვანი შესრულებისათვის მიმწოდებელი ყოველ ვადაგადაცილებულ დღეზე დააჯარიმოს ხელშეკრულების ღირებულების 0,02 %-ის ოდენობით;

1.5.5. ხელშეკრულების შესრულების მთელ პერიოდში, მიმწოდებელმა უნდა უზრუნველყოს საქართველოში მოქმედი სამშენებლო და გარემოსდაცვითი ნორმების განუხრელი შესრულება;

1.5.6. მიმწოდებელი ვალდებულია სამუშაოების შესრულების დროს შეათანხმოს შემსყიდველთან და გამოიყენოს მხოლოდ ის მასალები, რომელთა ხარისხი შეესაბამება საქართველოში აღიარებულ სტანდარტებსა და ნორმებს, წინააღმდეგ შემთხვევაში შემსყიდველი უფლებამოსილია არ ჩაიბაროს ჩატარებული სამუშაოები;

1.5.7. მიმწოდებელი ვალდებულია სამუშაოს დასრულებისთანავე გაათავისუფლოს სამუშაო ადგილი სამშენებლო მოწყობილობა-დანადგარებისაგან და სამუშაოების წარმოების პროცესში წარმოქმნილი ნარჩენებისაგან;

1.5.8. მიმწოდებელი ვალდებულია აღადგინოს სამუშაოების წარმოების პროცესში მისი მიზეზით დაზიანებული ინფრასტრუქტურა.

1.6.1 შესრულებული სამუშაოს ხარისხის საგარანტიო ვადად განისაზღვროს საბოლოო მიღება-ჩაბარების აქტის გაფორმებიდან 3 (სამი) წელი.

1.6.2 სამუშაოების დასრულების შემდეგ საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით 20 კალენდარული დღის განმავლობაში.

ტენდერში მონაწილეობის მისაღებად პრეტენდენტს 2022 წლის 1 იანვრიდან მოცემულ ტენდერში წინადადებების მიღების დასრულების დღემდე შესრულებული უნდა ჰქონდეს შემსყიდველის სატენდერო დოკუმენტაციით გათვალისწინებული ანალოგიური ხასიათის, სირთულისა და შინაარსის სარემონტო სამუშაოები (იხ. დანართი 1-1, დანართი 1-2, დანართი 1-3, დანართი 1-4) მოცულობით არანაკლებ 50000,00 (ორმოცდაათი ათასი) ლარის ოდენობისა.

აღნიშნულის დასტურად პრეტენდენტმა ერთიან ელექტრონულ სისტემაში ტექნიკურ დოკუმენტაციასთან ერთად უნდა ატვირთოს თითოეულ შესრულებულ სამუშაოზე დამკვეთთან გაფორმებული ხელშეკრულებების და ამ სამუშაოების დასრულების დამადასტურებელი დოკუმენტების ასლები (შესრულებული სამუშაოების მიღება-ჩაბარების აქტი, სამუშაოს შესრულების აქტი-ფორმა #2 და/ან ,,დეფექტური აქტები, საგადასახადო ანგარიშფაქტურ(ები)ა (არსებობის შემთხვევაში)).

სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის SPA/NAT/DAP/CMR წარმოდგენა.

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი N2–ის შესაბამისად

2.9.1.პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.

2.9.2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება და დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა. აღნიშნულის თაობაზე პრეტენდენტი ვალდებულია შემსყიდველის მიერ განსაზღვრულ გონივრულ ვადაში უზრუნველყოს შესაბამისი დასკვნის წარმოდგენა, რომელიც გაცემული უნდა იყოს აღნიშნულ სფეროში სსიპ “აკრედიტაციის ერთიანი ეროვნული ორგანოს – აკრედიტაციის ცენტრი”-ს აკრედიტებული საექსპერტო დაწესებულების ან ექსპერტის მიერ ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს მიერ.
სსიპ “აკრედიატაციის ერთიანი ეროვნული ორგანო – აკრედიტაციის ცენტრი”-ს მიერ აღნიშნულ სფეროში საექსპერტო დაწესებულების ან ექსპერტის მიერ გაცემული ექსპერტიზის დასკვნის წარმოდგენის შემთხვევაში, დასკვნასთან ერთად წარმოდგენილი უნდა იქნას აღნიშნულ საექსპერტო დაწესებულებაზე/ექსპერტზე სსიპ “აკრედიტაციის ერთიანი ეროვნული ორგანო – აკრედიტაციის ცენტრი”-ს მიერ გაცემული აკრედიტაციის მოწმობა.

ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1. ანგარიშსწორება მოხდება უნაღდო ანგარიშსწორებით ლარებში;

7.2.2. ანგარიშსწორება შესაძლებელია განხორციელდეს ეტაპობრივად, ყოველ მოცემულ ობიექტზე ფაქტიურად შესრულებული სამუშაოების შემდეგ შესაბამის ექსპერტულ დასკვნაზე დაყრდნობით გაფორმებული მიღება-ჩაბარების აქტის საფუძველზე.

ანგარიშსწორება მოხდება შესაბამისი მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში

თეიმურაზ გოგოხია, 595504235, idpchancellery@gmail.com გიზო თორდია, ტ. - 595 881393