Гостиничные услуги (Грузия - Тендер #67230199)

პირველადი სამედიცინო დახმარებისა და სახანძრო უსაფრთხოების უზრუნველსაყოფად დასაქმებულთათვის სწავლების (ტრენინგების) და ინსტრუქტაჟების ჩატარების საჭიროებისათვის სასტუმროს მომსახურება

გასაწევი მომსახურების დეტალური აღწერილობა იხილეთ №2 დანართში.

პრეტენდენტმა უნდა წარმოადგინოს ხელმოწერით დადასტურებული დანართი №2 (ტექნიკური დავალება).

მომსახურების გაწევა უნდა განხორციელდეს, მიმდინარე წლის 31 ოქტომბრიდან 2 ნოემბრის ჩათვლით, დანართი N1 - ფასების ცხრილისა და დანართი N2 - ტექნიკური დავალების შესაბამისად.

მომსახურების გაწევის ადგილი: სასტუმრო უნდა მდებარეობდეს ქალაქ ბორჯომში ერთ ლოკაციაზე, (დეტალური ინფრომაცია მოცემულია დანართი N1 ფასების ცხრილში და დანართი N2 - ტექნიკურ დავალებაში).

ტენდერში მონაწილე პრეტენდენტს ბოლო სამი წლის განმავლობაში (ტენდერის გამოცხადების დღემდე) უნდა გააჩნდეს მსგავსი მომსახურების გაწევის გამოცდილება და ამ პერიოდის განმავლობაში გაწეული მომსახურების ღირებულება არ უნდა იყოს 40000 ლარზე ნაკლები.

აღნიშნულის დამადასტურებლად, პრეტენდენტმა, ერთიან ელექტრონულ სისტემაში უნდა ატვირთოს SPA ან/და NAT ან/და CMR ნომრები ან მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული მომსახურების ამსახველი მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

სასტუმრო უნდა აკმაყოფილებდეს შემდეგ კრიტერიუმებს:
1. სასტუმრო და მისი მიმდებარე ტერიტორია, საკონფერენციო დარბაზი, ასევე სასტუმროს ნომრები უნდა იყოს შეზღუდული შესაძლებლობების მქონე პირებზე ადაპტირებული, სადაც უნდა განთავსდეს არანაკლებ სამი შშმ პირი. (საჭიროების შემთხვევაში, შშმ პირთან ერთად უნდა განთავსდეს მისი თანმხლები პირი).
2. სასტუმროს უნდა ჰქონდეს სამი საკონფერენციო დარბაზი ერთი დარბაზი გათვალისწინებული უნდა იყოს არანაკლებ 60 პირისთვის და ორი დარბაზი არანაკლებ 40 პირისთვის, ასევე საკონფერნციო დარბაზთან ახლოს სივრცე ყავით შესვენებისთვის სამივე საკონფერენციო სივრცე უნდა იყოს კარგად განათებული, ოთახებს უნდა ჰქონდეს დღის ბუნებრივი განათება და უნდა ნიავდებოდეს. საკონფერენციო სივრცე უნდა იყოს იზოლირებული და არ უნდა იყოს სარდაფში ან ნახევრად სარდაფში. საკონფერენციო დარბაზში უნდა იყოს მშვიდი სასიამოვნო სამუშო გარემო.
3. უნდა მოხდეს შეზღუდული შესაძლებლობების მქონე პირების სათანადო ტრანსპორტირება შესაბამისი წესებისა და ნორმების დაცვით.
4. სანიტარული ნორმების დაცვა და გამოყოფილი სივრცის ყოველდღიური დეზინფექცია (შესასვლელში განთავსებული უნდა იყოს სადეზინფექციო საშუალებები, სადაც შესაძლებელი იქნება ხელების დეზინფექციის ჩატარება);
5. შრომის უსაფრთხოების კანონმდებლობით დადგენილი პირობებისა და მოთხოვნების ზედმიწევნით შესრულება;
6. სახანძრო უსაფრთხოების წესების დაცვა (საევაკუაციო გეგმა, ხანძარსაწინააღმდეგო მოწყობილობები და სხვა);
7. პრეტენდენტი ვალდებულია გარე სივრცეში გამოჰყოს პრაკქტიკული სწავლების ადგილი.
8. სასტუმროს უნდა გააჩნდეს გამართული გათბობის სისტემა ნომრებში და საკონფერენციო დარბაზში, ასევე ალტერნატიული ელ. ენერგიის კვების წყარო და ალტერნატიული წყლით მომარაგების სისტემა (ავზი);
9. დაუშვებელია ვადაგასული და საკვებად უვარგისი პროდუქტების მიწოდება. ყველა კერძი უნდა იყოს ახლად მომზადებული. საკვები დამზადებული უნდა იყოს სურსათის ეროვნული სააგენტოს სტანდარტების გათვალისწინებით;
10. ჭურჭელი უნდა იყოს ერთნაირი, დაუზიანებელი, საუკეთესო სანიტარულ მდგომარეობაში, დაუშვებელია გატეხილი, გაბზარული ან სხვა მიზეზით არასათანადო ვიზუალურ და ჰიგიენურ მდგომარეობაში მყოფი ჭურჭლის გამოყენება;
11. სასტუმროს მთელ ტერიტორიაზე უნდა იყოს უფასო ინტერნეტი;
12. საუზმე, სადილი და ვახშამი უნდა იყოს მრავალფეროვანი. უნდა მოიცავდეს ძირითად ცივ და ცხელ კერძებს, სალათებს, დესერტს, უალკოჰოლო სასმელებს, ჩაის, ყავას და წყალს, ასევე ვეგეტარიანულ და სამარხვო კერძებს. ყოველდღიური უნდა იცვლებოდეს და არ მეორდებოდეს ზედიზედ რამოდენიმე დღის განმავლობაში.
13. სასტუმრომ უნდა უზრუნველყოს სამუშაო შეხვედრის მონაწილეთა სასტუმროში დაბინავების მომსახურება, სამუშაო შეხვედრის მიმდინარეობისათვის საჭირო კოორდინაციის მომსახურება, კვებით მომსახურება;
14. მიმწოდებელთან ანგარიშსწორება განხორციელდება ფაქტიურად გაწეული მომსახურების ღირებულების შესაბამისად;
15. სასტუმროს ნომრებში ყოველდღიურად განთავსებული უნდა იყოს მინერალური წყალი.
16. პროგრამის სპეციფიკიდან გამომდინარე, იმ შემთხვევაში თუ სასტუმროს აქვს 50-ზე მეტი ნომერი ან და რამდენიმე ფლიგელი, სტუმრების განთავსება უნდა მოხდეს ერთ ფლიგელში, ასევე სასტუმროს უნდა ჰქონდეს კეთილმოწყობილი (შემოღობილი) ეზო ფიზიკური დატვირთვის აქტივობების ჩასატარებლად.

17. შემსყიდველი იტოვებს უფლებას საჭიროების შემთხვევაში შესყიდვის სტატუსის - შერჩევა/შეფასების ეტაპზე ადგილზე შეამოწმოს მიმწოდებლის მიერ შეთავაზებული პირობები;
18. შემსყიდველი იტოვებს უფლებას განახორციელოს არსებული მდგომარეობის (კვების, განთავსების, ჰიგიენური ნორმების, სამუშაო პირობების) კონტროლი.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების გაწევის შესაძლებლობა.

ანგარიშსწორება განხორციელდება უნაღდო ანგარისწორების ფორმით ლარში, ფაქტიურად გაწეული მომსახურების ღირებულების შესაბამისად.

ანგარიშსწორება განხორციელდება უნაღდო ანგარიშსწორების ფორმით ლარში, ფაქტიურად გაწეული მომსახურების ღირებულების შესაბამისად გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადახდო დოკუმენტაციის წარდგენიდან 10 (ათი) სამუშაო დღის ვადაში.

ნიკა ყველაშვილი, 595113312, nika.kvelashvili@eiec.gov.ge