Обувные изделия (Грузия - Тендер #67230192)

შესყიდვის ობიექტია სსიპ "გარემოს ეროვნული სააგენტო"-ს თანამშრომლებისათვის სპეციალური საველე/წყალშეუღწევადი ფეხსაცმლის და წყალშეუღწევადი ჩექმა/ბოტის შესყიდვა

1. დაბალყელიანი ფეხსაცმელი: - 60 (სამოცი) წყვილი;

აღწერილობა:

- ფერი - ყავისფერი ან შავი;
- ყელის სიმაღლე - არანაკლებ 15 არაუმეტეს 18 სმ (იზომება ძირიდან);
- ზედაპირის ქსოვილი: ნუბუკის ტყავი, ჰიდროფობური, სუნთქვადი, სისქით არანაკლებ 1.9 არაუმეტეს 2.1 მმ;
- შიდა სარჩული - ოთხ შრიანი GORE-TEX -ის მემბრანა, რომელიც უზრუნველყოფს წყალგაუმტარობას და სუნთქვადობას, უნდა იყოს ცვეთამედეგი და უზრუნველყოფს კლიმატკონტროლს წელიწადის ყველა სეზონზე ხშირი გამოყენებისას;
- დამზადების მეთოდი: - უნაკერო წარმოება;
- ფეხსაცმლის ცხვირი - თერმოპლასტიური მასალა, სისქე: არანაკლებ 1.20 არაუმეტეს 1.40მმ;
- ჩასაფენი: - უქსოვადი, ანატომიური ფორმის, რომელიც უზრუნველყოფს სტაბილურობას და კომფორტს, იცავს ფეხს ზეწოლისაგან, უნდა იყოს რეცხვადი, ნესტგამძლე და სწრაფად შრობადი, სავენტილაციო არხებით, სუნქვადი და ცვეთამედეგი;
- ძირი: - რეზინის, ცვეთამედეგი და მოცურებისადმი მედეგი, თვითწმენდადი, მოხრის კომფორტით, დარტყმისადმი მედეგი, უნდა უზრუნველყოფდეს იზოლაციას სიცხისა და სიცივისაგან;
შესაბამისობა: EN ISO 20347 სტანდარტს. ცვეთამედეგობა: ≤100 მმ³ გლეჯვამედეგობა: ≥15 ნ/მმ.
- ფეხსაცმილს შესაბამისობა: CE EN ISO 20347 სტანდარტთან.



2. წყალშეუღწევადი ჩექმა: - 67 (სამოცდაშვიდი) წყვილი;

აღწერილობა:

- მასალა: პოლიურეთანი;
- ფერი: - შავი ან მუქი მწვანე;
- სიმაღლე: - არანაკლებ 35სმ - არაუმეტეს 37 სმ;
- ძირი: PU;
- შიდა ძირი: მთლიან სიგრძეზე გადაჭიმული ტექსტილით დაფარული პოლიურეთანი (PU);
- ჩასაფენი: TPU;
- შიდა საფარი: პოლიურეთანით დაფარული პოლიესტერის ქსოვილი;
- მდგრადობა: გამძლე დარტყმისადმი და გარემოში - 30°C - მდე;
- მოცურებისადმი მედეგი;
- ჩექმის ცხვირი: უნდა გააჩნდეს ფოლადის ცხვირის საფარი, რომელიც უძლებს არანაკლებ 1500 კგ ზეწოლას და 200 ჯ დარტყმის ძალას;
- დარტყმის მშთანთქმელი ძირის ტექნოლოგია;
- შესაბამისობა: EN ISO 20347.

შესყიდვის ობიექტის მიწოდება შესაძლებელია განხორციელდეს, როგორც ეტაპობრივად ისე ერთიანად არაუგვიანეს ხელშეკრულების გაფორმებიდან 40 კალენდარული დღის ვადაში

შესყიდვის ობიექტის მიწოდების ადგილი: ქ. თბილისი, დავით აღმაშენებლის გამზირი №150 - სსიპ "გარემოს ეროვნული სააგენტო"-ს ადმინისტრაციული შენობის მე-9 სართული.

მიწოდებული შესყიდვის ობიექტი უნდა იყოს ხარისხიანი და შეესაბამებოდეს შემსყიდველის მოთხოვნებს.
შესყიდული საქონლის საგარანტიო ვადა: დაბალყელიან ფეხსაცმელზე განისაზღვრება არანაკლებ 2 (ორი) წელი, ხოლო რეზინის ჩექმაზე არანაკლებ 1 (ერთი) წელი, მიღება-ჩაბარების აქტის გაფორმებიდან. თუ მიწოდებული საქონლის საგარანტიო ვადის ამოწურვამდე აღმოჩნდება ან გამოვლინდება ნაკლი ან/და დეფექტი (მათ შორის რღვევა და სხვა) მიმწოდებელი ვალდებულია შემსყიდველის შეტყობინებიდან 10 (ათი) კალენდარულ დღეში უზრუნველყოს ნაკლის აღმოფხვრა ან/და ნაკლიანი საქონლის ახლით შეცვლა.

2.1.1.1. პრეტენდენტმა ფასების ცხრილში (დანართი N1) უნდა მიუთითოს შემოთავაზებული საქონლის მწარმოებელი ქვეყნის, მწარმოებლის და მოდელის (ასეთის არსებობის შემთვევაში) დასახელება.

2,1.1.2. ფასების ცხრილის (დანართი N1) წარმოუდგენლობა, ან მასში შემოთავაზებული საქონლის მწარმოებელი ქვეყნის, მწარმოებლის ან მოდელის (ასეთის არსებობის შემთხვევაში) მიუთითებლობა, ასევე განუფასებლად წარმოდგენილი ფასების ცხრილი, დაზუსტებას არ ექვემდებარება და გამოიწვევს პრეტენდენტის დისკვალიფიკაციას.

2.1.1.3. პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის წარმოშობის ქვეყნის, მწარმოებლის და მოდელის დასახელების ცვლილება გამოიწვევს პრეტენდენტის დისკვალიფიკაციას.

2.1.1.4. იმ შემთხვევაში, თუ შემოთავაზებულ პროდუქციას არ გააჩნია მოდელი, ფასების ცხრილის (დანართი N1) შესაბამის გრაფაში უნდა გაკეთდეს ჩანაწერი, რომ მოდელი არ გააჩნია. წინააღმდეგ შემთხვევაში, პრეტენდენტი დაზუსტების გარეშე დაექვემდებარება დისკვალიფიკაციას წინამდებარე ელექტრონული ტენდერიდან.

2.7.1.1. შემოთავაზებული ფეხსაცმლის მოდელს უნდა გააჩნდეს EN ISO 20347 (მოქმედი) სერტიფიკატი, რომელიც პრეტენდენტმა უნდა წარმოადგინოს სატენდერო წინადადებასთან ერთად.

2.7.1.2. პრეტენდენტმა სატენდერო წინადადებასთან ერთად უნდა წარმოადგინოს შემოთავაზებული საქონლის ტექნიკური დოკუმენტაცია, რომლითაც დადასტურდება შემსყიდველის მიერ მოთხოვნილი პარამეტრების შესაბამისობა შემოთავაზებულ პროდუქციასთან (მაგ: data sheet); ან/და პრეტენდენტმა სატენდერო წინადადებაში უნდა მიუთითოს ელექტრონული მისამართი - მწარმოებლის ოფიციალური ვებ-გვერდის ბმული ,,ლინკი”, რომლის მიხედვითაც შემსყიდველს ექნება საშუალება მოიძიოს ინფორმაცია შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის მიზნით; ან/და პრეტენდენტმა უნდა წარმოადგინოს მწარმოებლის მიერ ხელმოწერით დადასტურებული შემოთავაზებული საქონლის ტექნიკური დოკუმენტაცია, რომლის მიხედვითაც შემსყიდველს საშუალება ექნება შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის.

შენიშვნა: ვებ-გვერდის ბმულის ,,ლინკი”-ის წარმოდგენის შემთხვევაში თარგმანი სავალდებულო არ არის.

3.1.1.1. ყველაზე დაბალი ფასის მქონე პრეტენდენტი ვალდებულია შემსყიდველი ორგანიზაციის მოთხოვნის შემთხვევაში შემსყიდველ ორგანიზაციაში წარმოადგინოს შემოთავაზებული საქონლის ნიმუში მოთხოვნიდან არაუგვიანეს 3 (სამი) სამუშაო დღის ვადაში,
3.1.1.2. ნიმუშის წარმოუდგენლობა ან/და წარდგენილი ნიმუშის შეუსაბამობა ტექნიკური დავალების მოთხოვნებთან გამოიწვევს პრეტენდენტის დისკვალიფიკაციას.
3.1.1.3. წარმოდგენილი ნიმუში დაზუსტებას არ ექვემდებარება.
3.1.1.4. შემსყიდველი იტოვებს უფლებამოსილებას წარმოდგენილი ნიმუში დაიტოვოს შემოთავაზებული საქონლის სრულ მოწოდებამდე.
3.1.1.5. შემსყიდველ ორგანიზაციას უფლება აქვს მის მიერ შერჩეული ნებისმიერი მეთოდით (ექსპერტიზაზე გაგზავნით, მწარმოებლის ვებ გვერდზე გადამოწმებით, ასევე, მწარმოებელთან წერილობითი მიმოწერის საშუალებით) შეამოწმოს წარმოდგენილი ნიმუშის შესაბამისობა სატენდერო დოკუმენტაციით გათვალისწინებულ მოთხოვნებთან.

ქ. თბილისი, დავით აღმაშენებლის გამზირი №150 - სსიპ "გარემოს ეროვნული სააგენტო"-ს ადმინისტრაციული შენობის მე-9 სართული.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას.
ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერტიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

7.1.1.1. იმ შემთხვევაში თუ შესყიდვის ობიექტის მიწოდების ვადა გადავიდა მომდევნო 2026 წელში, შემსყიდველის მოთხოვნის შემთხვევაში, მიმწოდებელი ვალდებულია არაუგვიანეს 2025 წლის 20 დეკემბრისა შემსყიდველს წარუდგინოს სახელშეკრულებო ღირებულების ფარგლებში აუთვისებელი თანხის (საავანსო ანაზღაურების გათვალისწინებით) 100%-ის ოდენობის უპირობო/გამოუთხოვადი საავანსო ანგარიშსწორების გარანტია მის მიერ მოთხოვნილ თანხაზე ლარში, რომლის თანახმადაც გარანტიის გამცემი თანახმაა პირველივე მოთხოვნისთანავე, შემსყიდველის მხრიდან ყოველგვარი დასაბუთებისა და დოკუმენტაციის წარდგენის გარეშე არაუგვიანეს 10 (ათი) საბანკო დღის ვადაში აანაზღაუროს შემსყიდველის მიერ მოთხოვნილი თანხა, გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

7.1.1.2. ამავე მუხლის 7.1.1.1. პუნქტით წარმოდგენილი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ ,,საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან. გარანტია წარმოდგენილი უნდა იყოს საქართველოს კანონმდებლობის შესაბამისად (დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ და ბეჭედდასმული).

7.1.1.3. მიმწოდებელი ვალდებულია, წინასწარი ანგარიშსწორების შედეგად მიღებული თანხა გამოიყენოს მხოლოდ ხელშეკრულებასთან დაკავშირებული ვალდებულებების შესასრულებლად.

7.1.1.4. იმ შემთხვევაში თუ მიმწოდებელი შემსყიდველის მოთხოვნის მიუხედავად არ წარმოადგენს აუთვისებელი თანხის 100%-ის ოდენობის გარანტიას 2025 წლის 20 დეკემბრის ვადაში, შემსყიდველი უფლებამოსილია შეწყვიტოს ხელშეკრულება.

7.2.1. მიმწოდებელთან ანგარიშსწორება განხორციელდება ეტაპობრივად ან ერთიანად, ფაქტიურად მიწოდებული შესყიდვის ობიექტის შესაბამისად, გაფორმებული მიღება-ჩაბარების აქტისა და შესაბამისი საგადასახადო დოკუმენტაციის წარმოდგენის საფუძველზე.

7.2.2. წინასწარი ანგარიშსწორების შემთხვევაში: ანგარიშსწორება მოხდება, საბანკო ან სადაზღვევო კომპანიის მიერ გაცემული გარანტიის საფუძველზე.

7.3.1. მიმწოდებელთან ანგარიშსწორება განხორციელდება ეტაპობრივად ან ერთიანად, ფაქტიურად მიწოდებული შესყიდვის ობიექტის შესაბამისად, გაფორმებული მიღება-ჩაბარების აქტისა და შესაბამისი საგადასახადო დოკუმენტაციის წარმოდგენის საფუძველზე 10 (ათი) სამუშაო დღის ვადაში.

7.3.2. გარანტიის შემთხვევაში: ანგარიშსწორება მოხდება, საბანკო ან სადაზღვევო კომპანიის მიერ გაცემული გარანტიის წარმოდგენიდან არაუგვიანეს 10 (ათი) სამუშაო დღის ვადაში.

ნინო ნათენაძე, 577140858, Nino.Natenadze@nea.gov.ge

10.1.1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.4. პრეტენდენტს არა აქვს უფლება წარმოადგინოს ალტერნატიული წინადადება.
10.1.5. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
10.1.6. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
10.1.7. ანგარიშსწორება მოხდება უნაღდო ანგარიშსწორებით ლარში.
10.1.8. სახელმწიფო შესყიდვის დაფინანსების წყარო: 2025 წლის - სახელმწიფო მიზნობრივი ქვეპროგრამა "გეოლოგიური მონიტორინგი"
10.1.9. სატენდერო დოკუმენტაციაში შესყიდვის ობიექტის აღწერილობაში, სადაც მითითებული არის სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში), იგულისხმება „მსგავსი“, „ეკვივალენტური“. ამასთან, სატენდერო დოკუმენტაციით განსაზღვრული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული სატენდერო წინადადება.

10.1.10. პრეტენდენტის მიერ ერთიან ელექტრონულ სისტემაში ასატვირთი მონაცემები:

ა) ფასების ცხრილი დანართი №1-ის მიხედვით;

ბ) EN ISO 20347 (მოქმედი) სერტიფიკატი სატენდერო დოკუმენტაციის 2.7.1 პუნქტის შესაბამისად;

გ) სატენდერო დოკუმენტაციის 2.7.1 პუნქტის შესაბამისად - შემოთავაზებული საქონლის ტექნიკური დოკუმენტაცია, რომლითაც დადასტურდება შემსყიდველის მიერ მოთხოვნილი პარამეტრების შესაბამისობა შემოთავაზებულ პროდუქციასთან (მაგ: data sheet); ან/და ელექტრონული მისამართი - მწარმოებლის ოფიციალური ვებ-გვერდის ბმული ,,ლინკი”, რომლის მიხედვითაც შემსყიდველს ექნება საშუალება მოიძიოს ინფორმაცია შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის მიზნით; ან/და მწარმოებლის მიერ ხელმოწერით დადასტურებული შემოთავაზებული საქონლის ტექნიკური დოკუმენტაცია, რომლის მიხედვითაც შემსყიდველს საშუალება ექნება შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის.