Ремонт и техническое обслуживание строительных сооружений (Грузия - Тендер #67230120)

სსიპ - ღვინის ეროვნული სააგენტოს ადმინისტრაციული შენობებისა და მის მიმდებარე ტერიტორიაზე არსებული მოწყობილობების შეკეთება და ტექნიკური მომსახურება.

1.2.1. ტექნიკური დავალების ფარგლებში მიმწოდებელი ვალდებულია უზრუნველყოს სსიპ ღვინის ეროვნული სააგენტოს ადმინისტრაციული შენობებისა და მის მიმდებარე ტერიტორიაზე (მისამართი: თბილისი, მარშალ გელოვანის გამზირი №32) არსებული მოწყობილობების შეკეთება და ტექნიკური მომსახურება პრეისკურანტ(ებ)ის საფუძველზე.
1.2.2 მიმწოდებელი ვალდებულია დანართი №1-ით(პრეისკურანტი) განსაზღვრული მომსახურების ფარგლებში, უზრუნველყოს შენობისა და მიმდებარე ტერიტორიის ელექტრომომარაგების სისტემისა და გათბობის 24 საათიანი ტექნიკური მომსახურება, სისტემაში გაზის, წყლის, წნევისა და ტემპერატურის კონტროლი და რეგულირება საჭიროების შემთხვევაში და ელექტრომომარაგების ალტერნატიული წყაროს (გენერატორის) გამართული მუშაობა.
1.2.3. მიმწოდებელი ასევე ვალდებულია დანართი №1 -ის (პრეისკურანტი) ცხრილი №1-ში მითითებული საქონლის შეცვლასთან დაკავშირებული მომსახურების ღირებულება გაითვალისწინოს საქონლის ფასში (ანუ, მითითებული საქონლის შეცვლასთან დაკვშირებულ მომსახურებაზე შემსყიდველი არ გასწევს დამატებით ხარჯს, შემყიდველი აანაზღაურებს მხოლოდ საბოლოო პრეისკურანტში დაფიქსირებულ საქონლის ფასს).
1.2.4. მიმწოდებელი ვალდებულია ტენდერითა და ხელშეკრულებით გათვალისწინებული ვალდებულებების ფარგლებში დროულად უზრუნველყოს ნებისმიერი დაზიანების იდენტიფიცირება და მისი უმოკლეს ვადებში აღმოფხვრა.
1.2.5. მიმწოდებელი ვალდებულია შემსყიდველის მიერ განსაზღვრულ პირ(ებ)თან ერთად, ყოველ კონკრეტულ შემთხვევაზე, შეადგინოს დათვალიერების აქტი. აღნიშნულ აქტში დეტალურად უნდა იყოს აღწერილი გასაწევი მომსახურებისან და საჭრო საქონლის სახეობა ღირებულებები და სამუშაოების შესრულების ვადები.
1.2.6. ტექნიკური დავალების ფარგლებში გასაწევი მომსახურების ანაზღაურება განხორციელდება პრეისკურანტში მითითებული ფასების შესაბამისად.
1.2.7. მიმწოდებელმა მომსახურების გაწევის პროცესში უნდა გამოიყენოს ახალი და არა მეორადი საქონელი.
1.2.8. მიმწოდებელსა და შემსყიდველის წარმომადგენლის მიერ დათვალიერების აქტის შედგენის შემდეგ ფასების ცხრილში არ არსებული მომსახურების შესყიდვის საჭიროების შემთხვევაში, ომსახურების ფასი დგინდება მხარეთა შორის შეთანხმებით, საბაზრო ფასის გათვალისწინებით, რაზეც გაფორმდება ხელშეკრულების შესაბამისი დანართი. ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგადდაფიქსირებული პრეისკურანტის საბოლოო ჯამური ღირებულების 10%-ს.


პრეტენდენტის მიერ, შემსყიდველის სატენდერო დოკუმენტაციაში მოცემული პრეისკურანტის ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს ფასების ცხრილებში მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს ფასების ცხრილის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).

ხელშეკრულების გაფორმებიდან 2025 წლის 25 დეკემბრის ჩათვლით შემსყიდველის მოთხოვნის ესაბამისად.
მისამართი: ქ. თბილისი, მარშალ გელოვანის გამზირი №32.

1.5.1. ტექნიკური დავალების ფარგლებში მიმწოდებელი ვალდებულია უზრუნველყოს სსიპ ღვინის ეროვნული სააგენტოს ადმინისტრაციული შენობებისა და მიმდებარე ტერიტორიის მოწყობილობების შეკეთება და ტექნიკური მომსახურება თანდართული პრეისკურანტის საფუძველზე.
1.5.2. გაწეული მომსახურების მიღება-ჩაბარების აქტი ფორმდება ყოველთვიურად წერილობითი ფორმით, ორივე მხარის უფლებამოსილი წარმომადგენლების ხელმოწერით, თვის განმავლობაში შედგენილი დათვალიერების აქტების და შესრულებული სამუშაოების გათვალისწინებით.

1.7.1.1 პრეტენდენტის მიერ გაწეულმა მომსახურებამ არ უნდა გამოავლინოს ხარვეზი და იყოს ხარისხიანი, წინააღმდეგ შემთხვევაში იგი ვალდებულია საკუთარი სახსრებით თავად უზრუნველყოს არასწორი/უხარისხო მომსახურების შედეგად მიყენებული ზიანის გამოსწორება.
1.7.1.2. შეცვლილ სათადარიგო ნაწილებზე და მომსახურებაზე საგარანტიო ვადა უნდა შეადგენდეს მიღება ჩაბარების აქტის გაფორმების დღიდან არანაკლებ 6 (ექვს) თვეს.
1.7.1.3. საგარანტიო პერიოდში შეცვილილი ნაწილის მწყობრიდან გამოსვლის შემთხვევაში, პრეტენდენტი ვალდებულია საკუთარი სახსრებით შეცვალოს ახლით.

წარმოდგენილი უნდა იქნეს ინფორმაცია ბოლო სამი წლის (2022-2023-2024) განმავლობაში გაწეული ანალოგიური მომსახურების (შენობისა და მიმდებარე ტერიტორიის ტექნიკური მომსახურების) შესახებ დამკვეთების, გაწეული მომსახურების ღირებულებებისა და წლების მითითებით, ასევე შესაბამისი ხელშეკრულებები და შესაბამისი შესრულების დამადასტურებელი დოკუმენტები ან/და მითითება SPA/NAT/CMR ნომრებზე, რომელთა ჯამური ღირებულება არ უნდა იყოს 200 000 (ორასი ათასი) ლარზე ნაკლები. პრეტენდენტმა ასევე უნდა წარმოადგინოს მინიმუმ 1(ერთი) სარეკომენდაციო წერილი (სსიპ - ღვინის როვნული სააგენტოსათვის გაცემული) შენობისა და მიმდებარე ტერიტორიის ტექნიკური მომსახურების ნაწილში, მომსახურება შესრულებული უნდა ქონდეს 2022 წლის 1 იანვრიდან მოცემულ ტენდერში წინადადებების მიღების დასრულების დღემდე. სარეკომენდაციო წერილებში მითითებული უნდა იყოს: ხელშეკრულების გაფორმების თარიღი, მოქმედების ვადა და ინფორმაცია იმის შესახებ, რომ ხელშეკრულებით ნაკისრი ვალდებულებები შესრულებულია სრულად და ჯეროვნად.

2.9.1 პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
2.9.2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ექსპერტიზის ან აუდიტორის დასკვნასთან ერთად წარმოდგენილი უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი (სერთიფიკატი და სხვა) ან სახელმწიფოს მიერ აღიარებული სხვა დამადასტურებული დოკუმენტი. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექპერტო დასკვნის წარმოდგენა.

ანგარიშსწორება მოხდება ყოველთვიურად, ფაქტიურად შესრულებული მომსახურეობის შესაბამისი შესრულების დამადასტურებელი დოკუმენტის საფუძველზე.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე შედგენილი მიღება–ჩაბარების აქტის გაფორმებისა და მიმწოდებლის მიერ საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენის შემდგომ 10 სამუშაო დღის ვადაში.

თათია გელანტია, 577001197, tatia.gelantia@wine.gov.ge