Оборудование для охлаждения и вентиляции (Грузия - Тендер #67029278)

სსიპ „იუსტიციის სახლის“ ონის იუსტიციის სახლისათვის კოლონური კონდიციონერის მონტაჟით სახელმწიფო შესყიდვა.

* სატენდერო დოკუმენტაციაში, შესყიდვის ობიექტის აღწერილობაში, თუ იკითხება სასაქონლო ნიშანი, პატენტი, მოდელი, წარმოშობის წყარო ან მწარმოებელი, იგულისხმება „მსგავსი”ან „ეკვივალენტური”.
**პრეტენდენტმა დანართი № 1 - ფასების ცხრილის შესაბამის გრაფაში („შესყიდვის ობიექტის ტექნიკური მახასიათებლები“) უნდა მიუთითოს შესყიდვის ობიექტის ზუსტი ტექნიკური პარამეტრები („არაუმეტეს“ და ა.შ. სიტყვების და ტექნიკური პარამეტრების მაჩვენებლების დიაპაზონის გამოყენების გარეშე).

კოლონური კონდიციონერის ტექნიკური პარამეტრები:

კონდიციონერის ტიპი: კოლონური (Floor Standing);
რეჟიმი: გაგრილება/ გათბობა;
ცივი წარმადობა: 17 kW-დან 19 kW- მდე (59000 BTU/h-დან 62000 BTU/h-მდე);
თბო წარმადობა: 17 kW- დან 20 kW-მდე (62000 BTU/h-დან 66000 BTU/h)-მდე;
კვების ძაბვა: 380 V, 50 Hz, 3 ფაზა;
რეფრიჯერანტი: R410A;
შიდა ბლოკის ჰაერის ნაკადი:1,90 m³/h-დან 2,90 m³/h-მდე;
შიდა ბლოკის ხმაურის დონე: არაუმეტეს 55 dB(A);
კომპრესორის ტიპი: Panasonic Scroll;
კონტროლი: ინფრაწითელი პულტი.

შესყიდვის ობიექტის მიწოდება/მონტაჟი უნდა განხორციელდეს ხელშეკრულების გაფორმებიდან 15 (თხუთმეტი) კალენდარული დღის ვადაში.

შესყიდვის ობიექტების მიწოდება/მონტაჟი უნდა განხორციელდეს შემდეგ მისამართზე: ქ. ონი, ვახტანგ VI ქუჩა N8ბ, ონის იუსტიციის სახლი.

1.7.1.1. მიმწოდებელი იძლევა მიწოდებული შესყიდვის ობიექტის არსებულ სტანდარტებთან შესაბამისობის გარანტიას, რომ შესყიდვის ობიექტი იქნება ახალი, არა მეორადი, არ იქნება ქარხნულად აღდგენილი/გადამუშავებული. საქონელი შეფუთული უნდა იყოს მწარმოებლის მიერ ქარხნული წესით.
1.7.1.2. მიმწოდებლის მიერ მოწოდებულ შესყიდვის ობიექტ(ებ)ზე და სამონტაჟო სამუშაოებზე სრულფასოვანი ფუნქციონირების საგარანტიო ვადა განისაზღვრება შესყიდვის ობიექტის მიღება-ჩაბარების გაფორმებიდან არანაკლებ 2 (ორი) წლის ვადით.
1.7.1.3. საგარანტიო პერიოდში ინსპექტირება ხორციელდება ხელშეკრულების შესრულების ნებისმიერ ეტაპზე, საქონლის მიღებისას, აგრეთვე მიღების შემდეგ, მათ შორის, ხელშეკრულების მოქმედების ვადის გასვლის შემდეგ, ხელშეკრულებიდან გამომდინარე ვალდებულებების არსებობის პერიოდში.
1.7.1.4. საქონლის მიღებისას ინსპექტირების პროცესში ქარხნული წუნი/ხარვეზის აღმოჩენის შემთხვევაში მიმწოდებელი ვალდებულია შეცვალოს საქონელი ახლით წუნი/ხარვეზის დაფიქსირებიდან 10 (ათი) კალენდარული დღის ვადაში.
1.7.1.5. საგარანტიო პერიოდში ექსპლუატაციის პროცესში, მექანიკური, უხარისხო ძაბვით და/ან არასწორი მოხმარებით გამოწვეული დაზიანების გარდა, წარმოქმნილი ხარვეზების არსებობის შემთვევაში, შემსყიდველი წერილობით ან/და ელექტრონული ფორმით აცნობებს მომსახურების გაწევის საჭიროების შესახებ „მიმწოდებელს“, რის შემდეგადაც მომწოდებელი ვალდებულია ჩაანაცვლოს წუნდებული საქონელი ახლით გონივრულ ვადაში, მაგრამ არაუმეტეს 10 (ათი) კალენდარული დღისა.

2.1.1.1 პრეტენდენტი ვალდებულია წარმოადგინოს ინფორმაცია შესყიდვის ობიექტის წარმოშობის ქვეყნის, მწარმოებლისა (მწარმოებელი კომპანია ან/და ბრენდი ან/და სავაჭრო ნიშანი) და მოდელის ან სერიული ნომერის ან part number-ის შესახებ.
2.1.1.2. წარმოშობის ქვეყნის, მწარმოებელისა და მოდელის ან სერიული ნომერის ან part number-ის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

*შემოთავაზებული შესყიდვის ობიექტის (კოლონური კონდინციონერი) სატენდერო დოკუმენტაცით გათვალისწინბულ მინიმალურ ტექნიკურ მახასიათებლებთან შესაბამისობის დადგენის მიზნით, წარმოდგენილი მოდელის ან სერიული ნომერის ან part number-ის მიხედვით შემოთავაზებული შესყიდვის ობიექტ(ებ)ის მწარმოებლის ოფიციალური ინფორმაცია ტექნიკური პარამეტრების შესახებ უნდა იძებნებოდეს ინტერნეტ წყაროების საშუალებით ან/და პრეტენდენტმა უნდა წარმოადგინოს მწარმოებლის ოფიციალური ინფორმაცია ტექნიკური მახასიათებლების შესახებ (მწარმოებლის წერილი ან/და დასკანერებული ტექნიკური პასპორტი, ან/და data sheet ან/და ვებ-გვერდის მისამართი).

2,9.1. პრეტენდენტმა უნდა წარმოადგინოს შემოთავაზებული შესყიდვის ობიექტის ტექნიკური აღწერილობა სატენდერო დოკუმენტაციის 1.2 პუნქტის ტექნიკური დავალებით განსაზღვრული მოთხოვნების მიხედვით, სატენდერო დოკუმენტაციის 1.3 პუნქტში მოცემული დანართის №1 - ფასების ცხრილი შესაბამის გრაფაში მითითებით.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;
4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);
4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორება განხორციელდება უნაღდო ანგარიშსწორებით, ეროვნულ ვალუტაში – ლარში. მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.2 მიღება-ჩაბარების აქტი მხარეთა შორის გაფორმდება შესყიდვის ობიექტის მოწოდების შემდეგ, ფაქტობრივად შესრულებული სამუშაოების შესაბამისად, შემსყიდველის მიერ განსაზღვრული ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის და მიმწოდებლის მიერ წარმოდგენილი სასაქონლო ზედნადების საფუძველზე.

7.3.1. ანგარიშსწორება განხორციელდება ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

ალექსანდრე ჟვანია, 591447034, alzhvania@psh.gov.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ფასების ცხრილისა) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3 ალტერნატიული სატენდერო წინადადება არ განიხილება;
10.1.4 სატენდერო წინადადების ფასი გამოსახული უნდა იყოს ეროვნულ ვალუტაში - ლარში.
10.1.5 პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 პრეტენდენტმა სატენდერო წინადადების ფასში არ უნდა გაითვალისწინოს დღგ, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად. შემსყიდველი ორგანიზაცია ვალდებულია ხელშეკრულების ღირებულებაში გაითვალისწინოს სატენდერო წინადადების ფასის შესაბამისი დღგ-ის ოდენობა, თუ ხელშეკრულების დადების მომენტისთვის პრეტენდენტი არის დღგ-ის გადამხდელი საქართველოს კანონმდებლობის მოთხოვნათა შესაბამისად.