Ремонт и техническое обслуживание транспортных средств и оборудования и сопутствующие услуги (Грузия - Тендер #66940747)

ავტომანქანების მიმდინარე რემონტისა და ტექნიკური მომსახურების შესყიდვა.

1.2.1. მომსახურება გაწეული უნდა იქნას დაუყოვნებლივ, რიგგარეშე;
1.2.2. შესაკეთებელი ავტომანქანის ტექ-მომსახურების გაწევის ადგილზე მიყვანისთანავე შედგება შესაბამისი დოკუმენტი, რომელშიც უნდა დაფიქსირდეს ავტომანქანის რეკვიზიტები და მიყვანის თარიღი;
1.2.3. მიმწოდებელი ვალდებულია, ავტომანქანის ტექ-მომსახურების გაწევის ადგილზე მიყვანიდან 2 (ორი) სამუშაო დღის განმავლობაში, აცნობოს შემსყიდველს ავტომანქანის შეკეთებისათვის საჭირო მომსახურების ჩამონათვალი, მისი ღირებულების მითითებით (დეფექტური აქტი). თუ მომსახურების გაწევისათვის აუცილებელია დეფიციტური ნაწილის გამოყენება, აღნიშნულის თაობაზე ცალკე უნდა იქნეს მითითებული დეფექტურ აქტში;
1.2.4. მიმწოდებელი ვალდებულია თითოეულ ავტომანქანაზე, დეფექტური აქტის შედგენის შემდგომ, დაკვეთიდან 5 (ხუთი) კალენდარულ დღეში გასწიოს მომსახურება;
1.2.5. თუ ავტოტექმომსახურება ეხება ძრავის კაპიტალურ რემონტს, სამღებრო-სათუნუქე სამუშაოებს ან დეფიციტური სათადარიგო ნაწილით უზრუნველყოფას, შესაძლებელია მომსახურების გაწევის დრო გაიზარდოს, მაგრამ არაუმეტეს 30 კალენდარულ დღემდე;
1.2.6. თუ შეკეთების დროს აღმოჩნდება სხვა, ადრე გაუთვალისწინებელი დეფექტი, აღნიშნულზე ცალკე შედგება დეფექტური აქტი და ცალკე მოხდება ვადის ათვლაც;
1.2.7. სამუხრუჭე ხუნდების შეცვლისას მომსახურება გაწეულ უნდა იქნას ავტომანქანის ტექ-მომსახურების გაწევის ადგილზე მიყვანისთანავე, დეფექტური აქტის შედგენის გარეშე, ზეპირი შეთანხმების საფუძველზე;
1.2.8. მომსახურების დასრულებისთანავე, მიმწოდებელი ვალდებულია აცნობოს შემსყიდველს აღნიშნულის შესახებ, რაზეც შემდგომში შედგება მომსახურების გაწევის აქტი. თუ მომსახურების გაწევა დასრულდა არასამუშაო დღეს, მაშინ შემსყიდველისთვის ცნობება უნდა მოხდეს პირველივე სამუშაო დღეს.
1.2.9. მხარეებს შორის ამ მუხლში აღნიშნული დოკუმენტებისა და ინფორმაციის მიწოდება შესაძლებელია განხორციელდეს როგორც წერილობით ასევე ელექტრონული ფოსტის მეშვეობით;
1.2.10. ხელშეკრულების მოქმედების პერიოდში შეიძლება მოთხოვნილ იქნეს ისეთი მომსახურება, რომელიც არ არის ასახული პრეისკურანტში (ფასების ცხრილი). აღნიშნულ შემთხვევაში ანაზღაურება მოხდება ყოველ კონკრეტულ შემთხვევაში, მხარეთა შეთანხმების საფუძველზე, საბაზრო ფასის გათვალისწინებით. პრეისკურანტში ტექნიკური მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

მომსახურების გაწევის ვადა: ხელშეკრულების გაფორმებიდან 2025 წლის 25 დეკემბრის ჩათვლით, შემსყიდველის მოთხოვნის შესაბამისად.

მომსახურების გაწევის ადგილი: პრეტენდენტს უნდა გააჩნდეს სერვისცენტრი ქ. რუსთავის ტერიტორიაზე.

გაწეულ მომსახურებაზე უნდა ვრცელდებოდეს გარანტია:
1.7.1.1. ძრავზე გაწეულ მომსახურებაზე – მომსახურების გაწევიდან არანაკლებ 6 თვე;
1.7.1.2. სხვა დანარჩენ მომსახურებაზე – მომსახურების გაწევიდან არანაკლებ 3 თვე;
1.7.1.3. საგარანტიო ვადის განმავლობაში მიმწოდებელი ვალდებულია დაუყოვნებლივ, შემსყიდველისათვის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.

პრეტენდენტს ქ. რუსთავის ტერიტორიაზე არსებულ სერვისცენტრში უნდა გააჩნდეს შემდეგი მატერიალურ-ტექნიკური ბაზა: პრეტენდენტმა უნდა წარმოადგინოს სერვისცენტრ(ებ)ის ტექნიკური აღჭურვილობის ჩამონათვალი.
საჭიროების შემთხვევაში, შემსყიდველი უფლებას იტოვეს ადგილზე შეამოწმოს პრეტენდენტის სერვის ცენტრ(ებ)ის ტექნიკური აღჭურვილობა.

1) სატრანსპორტო საშუალებების არანაკლებ 3 (სამი) ამწე მექანიზმი
2) სატრანსპორტო საშუალებების საბურავის დაშლა-აწყობის და ბალანსირების დანადგარი
3) სატრანსპორტო საშუალებების კომპიუტერული დიაგნოსტიკის მოწყობილობა
4) სატრანსპორტო საშუალებების ძრავში ზეთის შეცვლის აპარატი
5) სატრანსპორტო საშუალებების დათვალიერების ორმო
6) ელექტრო მომარაგების სარეზერვო წყარო (გენერატორი)
7) სერვისცენტრში, სამუშაოს ფართობში, დაცული ჰიგიენა, სახანძრო და ტექნიკური უსაფრთხოების ნორმები.

* წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში;

* პრეტენდენტის მიერ, სისტემაში პირველად დაფიქსირებული ფასის შემცირების შემთხვევაში ფასთა კლება, პროცენტული ოდენობით თანაბარპროპორციულად უნდა აისახოს პრეისკურანტში (ფასების ცხრილი) ასახულ ერთეულ ფასებზეც.

*სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო დოკუმენტაციაში განსაზღვრულ მოთხოვნებზე

* სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. (დღგ-ს ჩათვლით)
* სატენდერო წინადადების ფასი სახელმწიფო შესყიდვების ერთიანი ელექტრონულ სისტემაში მითითებული უნდა იქნას დღგ-ს ჩათვლით.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილ უნდა იქნეს ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით მომსახურების გაწევის შესაძლებლობა.

ანგარიშსწორება იწარმოებს უნაღდო ანგარიშსწორების სახით. ანგარიშსწორება განხორცილედება ეტაპობრივად გაწეული მომსახურების მიხედვით , მიღება-ჩაბარების აქტის გაფორმების და შესაბამისი საგადახდო დოკუმენტის მოწოდების შემდეგ.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნატო ბერულავა, 577130280, rsc.sheskidvebi@gmail.com

• სახელმწიფო შესყიდვების ერთიან ელექტრონულ სისტემაში (შემდგომში - სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
• ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
• დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
• სახელმწიფო შესყიდვების ერთიან ელექტრონულ სისტემაში (შემდგომში - სისტემა) ატვირთული ყველა დოკუმენტი ან/და ინფორმაცია უფლებამოსილი პირის მიერ უნდა იყოს ხელმოწერილი ან/და ბეჭედ დასმული (ბეჭდის არსებობის შემთხვევაში). (საჭიროების შემთხვევაში ატვირთულ უნდა იქნას მინდობილობა ან რწმუნებულება).
• პრეტენდენტი ვალდებულია, სახელმწიფო შესყიდვების ერთიან ელექტრონულ სისტემაში სატენდერო წინადადების სახით წარსადგენი, მის მიერ შექმნილი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
• პრეტენდენტს არ აქვს უფლება წარმოადგინოს ალტერნატიული წინადადება.