Ремонт и техническое обслуживание транспортных средств и оборудования и сопутствующие услуги (Грузия - Тендер #66940745)

ავტომობილებისა და მათთან დაკავშირებული მოწყობილობების შეკეთება, ტექნიკური მომსახურება

ავტომანქანების ტექნიკური მომსახურება უნდა განხორცილდეს პრეისკურანტში მითითებული შესაბამისი საქონლის და მომსახურების შესაბამისად, მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.

თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი მასალები) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.


ტენდერში გამარჯვებულ პრეტენდენტთან ხელშეკრულება გაფორმდება 50000 (ორმოცდაათი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

პრეტენდენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედეგად დაფიქსირებულ ფასებს შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.

პრეტენდენტის მიერ პრეისკურანტის წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში;

მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი ორგანიზაცია (საწვავი, ევაუკატორის მომსახურება და ა.შ.).

ეტაპობრივად, ხელშეკრულების გაფორმებიდან 2025 წლის 25 დეკემბრის ჩათვლით.

შესყიდვის ობიექტის მიწოდება განხორციელდება მიმწოდებლის სერვის ცენტრ(ებ)ში ეტაპობრივად, საჭიროების შესაბამისად. ამასთან, შემსყიდველსა და მიმწოდებელს შორის ურთიერთშეთანხმებით შესაძლებელია სატრანსპორტო საშუალებებზე მომსახურება გაიწიოს შემსყიდველის მიერ მითითებულ ადგილას ქ. რუსთავის ტერიტორიაზე.

მიმწოდებელის მიერ მომსახურების გაწევისას გამოყენებული სათადარიგო ნაწილები უნდა იყოს ახალი (გარდა პრეისკურანტში მითითებული მეორადი საქონლისა), ექსპლუატაციაში არ მყოფი (გარდა პრეისკურანტში მითითებული მეორადი საქონლისა) ქარხნული, და არ ავლენდეს დეფექტებს, რაზეც მიმწოდებელმა უნდა გაავრცელოს არანაკლებ 6 (ექვსი) თვიანი გარანტია.
გამონაკლისის შემთხვევაში, ხელშეკრულებაში შესაბამისი ცვლილების საფუძველზე, დასაშვებია მეორადი ნაწილები, რომლის შესყიდვის აუცილებლობისას, ფასი დგინდება მხარეთა შორის შეთანხმებით, საბაზრო ფასის გათვალისწინებით.
მიმწოდებელი პასუხისმგებელია წუნდებული საქონლის (ასეთის არსებობის შემთხვევაში) გამოცვლაზე და შესაბამისი მომსახურების გაწევის განხორციელებაზე, შემსყიდველის მხრიდან რაიმე დამატებითი ხარჯების გაწევის გარეშე.

პრეტენდენტს, 2023-2025 წლების განმავლობაში, უნდა გააჩნდეს ანალოგიური მომსახურების გაწევის გამოცდილება. აღნიშნულის დადასტურების მიზნით, პრეტენდენტი ვალდებულია თითოეულ წელზე წარმოადგინოს შესაბამისი ხელშეკრულება და ამავე ხელშეკრულების საფუძველზე მომსახურების შესრულების დამადასტურებელი დოკუმენტ(ებ)ი. სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.
პრეტენდენტმა ასევე უნდა წარმოადგინოს დადებითი რეკომენდაცი(ები)ა კონკრეტულ ხელშეკრულებაზე ორგანიზაციისაგან უკანასკნელი 3 წლის (2023 წლის 1 იანვრიდან ტენდერის გამოცხადების თარიღამდე) განმავლობაში ანალოგიური მომსახურების გაწევის შესახებ. ამასთან, სახელშეკრულებო ღირებულებების ჯამი უნდა იყოს არანაკლებ 50000 ლარისა.

ა) მიმწოდებელს ქ. რუსთავის ტერიტორიიდან არაუმეტეს 25 კმ ფარგლებში უნდა გააჩნდეს საკუთრებაში ან/და დროებით სარგებლობაში შემდეგი მატერიალურ-ტექნიკური ბაზა:
ბ) წინამდებარე შესყიდვით გათვალისწინებული სატრანსპორტო საშუალებების არანაკლებ 3 (სამი) ამწე მექანიზმი;
გ) წინამდებარე შესყიდვით გათვალისწინებული სატრანსპორტო საშუალებების კომპიუტერული დიაგნოსტიკისთვის საჭირო მოწყობილობ(ებ)ი;
დ) ელექტრო მომარაგების სარეზერვო წყარო (გენერატორი);
ე) თვლების შეყრის კომპიუტერული დანადგარი (რაზვალი);
ვ) წინამდებარე შესყიდვით გათვალისწინებული სატრანსპორტო საშუალებების საბურავის დაშლა აწყობისა და ბალანსირების დანადგარი;
ზ) კონდიციონერის სისტემაში ფრეონის ჩასატუმბი აპარატი;
თ) საყრდენი დისკის გასაჩარხი მოწყობილობა;
ი) ცენტრის წარმომადგენლისთვის უნდა გამოყოს სამუშაო კუთხე;
კ) სერვის-ცენტრ(ებ)ში დაცული უნდა იყოს ჰიგიენური და სახანძრო უსაფრთხოების
ნორმები მოქმედი კანონმდებლობის შესაბამისად;
ლ) ზეთის შემცვლელი ვაკუუმური ბალონით;
მ) დიზელის სისტემის გამწმენდი სპეციალური აპარატი;
ნ) მაღალი წნევის შლანგების აღსადგენი დანადგარი;
ო) მიმწოდებელმა უნდა უზრუნველყოს სერვის-ცენტრების ვიდეო-კამერებით აღჭურვა,
რომლებიც საშუალებას მისცემს შემსყიდველს რეალურ დროში დააკვირდეს მუშაობის
პროცესს (კამერების ხედვის არეალში მოქცეული უნდა იყოს ყველა „ბოქსი“) და ამასთან,
არანაკლებ 30 დღიანი ჩანაწერის უზრუნველყოფა, რომლის მიწოდება შემსყიდველის
მოთხოვნის შემთხვევაში უნდა განხორცილდეს არაუგვიანეს 2 სამუშაო დღის ვადაში;
პ) ძრავის ამოსაღები ამწეებით.

პრეტენდენტი ვალდებულია სატენდერო წინადადების ფარგლებში წარმოადგინოს ზემოაღნიშნულ მოთხოვნებთან შესაბამისობის დამადასტურებელი ინფორმაცია.

აღნიშნული ინფორმაციის წარმოდგენის შემდეგ შემსყიდველი ორგანიზაციის მიერ მოხდება პრეტენდენტის სერვის ცენტრში ვიზიტი, რა დროსაც მოხდება წარმოდგენილი ინფორმაციის ნამდვილობის დადასტურება

შესყიდვის ობიექტის მიწოდება (მომსახურების გაწევა) უნდა განხორციელდეს რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - 3 (სამი) კალენდარულ დღეს;
• ელექტროობისათვის - 3 (სამი) კალენდარულ დღეს;
• იმ შემთხვევაში, თუ საჭირო გახდა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს გონივრულ ვადაში, შემსყიდველთან შეთანხმებით

* წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში;

* პრეტენდენტის მიერ, სისტემაში პირველად დაფიქსირებული ფასის შემცირების შემთხვევაში ფასთა კლება, პროცენტული ოდენობით თანაბარპროპორციულად უნდა აისახოს პრეისკურანტში (ფასების ცხრილი) ასახულ ერთეულ ფასებზეც.

*სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო დოკუმენტაციაში განსაზღვრულ მოთხოვნებზე

* სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. (დღგ-ს ჩათვლით)
* სატენდერო წინადადების ფასი სახელმწიფო შესყიდვების ერთიანი ელექტრონულ სისტემაში მითითებული უნდა იქნას დღგ-ს ჩათვლით.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილ უნდა იქნეს ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით მომსახურების გაწევის შესაძლებლობა.

ანგარიშსწორება იწარმოებს უნაღდო ანგარიშსწორების სახით. ანგარიშსწორება განხორცილედება ეტაპობრივად გაწეული მომსახურების მიხედვით , მიღება-ჩაბარების აქტის გაფორმების და შესაბამისი საგადახდო დოკუმენტის მოწოდების შემდეგ.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნატო ბერულავა, 577130280, rsc.sheskidvebi@gmail.com

• სახელმწიფო შესყიდვების ერთიან ელექტრონულ სისტემაში (შემდგომში - სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
• ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
• დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
• სახელმწიფო შესყიდვების ერთიან ელექტრონულ სისტემაში (შემდგომში - სისტემა) ატვირთული ყველა დოკუმენტი ან/და ინფორმაცია უფლებამოსილი პირის მიერ უნდა იყოს ხელმოწერილი ან/და ბეჭედ დასმული (ბეჭდის არსებობის შემთხვევაში). (საჭიროების შემთხვევაში ატვირთულ უნდა იქნას მინდობილობა ან რწმუნებულება).
• პრეტენდენტი ვალდებულია, სახელმწიფო შესყიდვების ერთიან ელექტრონულ სისტემაში სატენდერო წინადადების სახით წარსადგენი, მის მიერ შექმნილი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
• პრეტენდენტს არ აქვს უფლება წარმოადგინოს ალტერნატიული წინადადება.