Отделочные строительные работы (Грузия - Тендер #66767236)

სსიპ საზღვაო ტრანსპორტის სააგენტოს ადმინისტრაციული შენობის სარემონტო სამუშაოები.

ტენდერში გამარჯვებულმა ორგანიზაციამ საკუთარი მასალებითა და ხარჯებით უნდა უზრუნველყოს სსიპ საზღვაო ტრანსპორტის სააგენტოს ადმინისტრაციული შენობის სარემონტო სამუშაოების შესრულება, სატენდერო დოკუმენტაციით გათვალისწინებული მოთხოვნებისა და მოცულობის შესაბამისად, კერძოდ:

- კედლებისა და ჭერის დაგრუნტვა, შებათქაშება და მაღალხარისხოვანი დამუშავება;
- კედლების შეფუთვა და შეღებვა წყალემულსიური საღებავით;
- კედლებზე პლასტმასის პანელების მოწყობა;
- ლამინირებული იატაკის მოწყობა;
- ლითონის კონსტრუქციების დაზუმფარება, გაწმენდა, დაგრუნტვა და შეღებვა ანტიკოროზიული საღებავით;
- ფანჯრებზე შუშის შეცვლა მინაპაკეთით;
- ფანჯრის ძირებზე ჰიდროიზოლაციის მოწყობა;
- ტერასის იატაკზე ფუგის მოწყობა.

სამუშაოები უნდა შესრულდეს ფასების ცხრილში (ხარჯთაღრიცხვაში) განსაზღვრული მოცულობისა და პირობების სრული დაცვით.

ა) ტენდერში გამარჯვებულმა კომპანიამ სამუშაოების შესრულებისას უნდა იხელმძღვანელოს სამუშაოების საერთაშორისო და ადგილობრივი სტანდარტებით და ნორმებით;
ბ)სამუშაოები უნდა განხორციელდეს შემსყიდველის მიერ წარმოდგენილი საპროექტო დოკუმენტაციის შესაბამისად (იხ. მიბმული ფაილ(ებ)ი.
გ) ტენდერში გამარჯვებულმა კომპანიამ სარემონტო სამუშაოები უნდა აწარმოოს სატენდერო პირობების 1.3 პუნქტით გათვალისწინებული ხარჯთაღრიცხვის დანართის შესაბამისად;
დ) ყველა გამოყენებული მასალა უნდა შეათანხმოს შემსყიდველთან. გამოყენებული მასალა უნდა იყოს ახალი და მაღალხარისხიანი, აკმაყოფილებდეს საქართველოში მოქმედ ყველა სამშენებლო ნორმასა და სტანდარტს;
ე) ხელშეკრულების მოქმედების პერიოდში, სამუშაოს მოცულობის გაზრდის შემთხვევაში ცვლილება განხორციელდება ხარჯთაღრიცხვაში განსაზღვრული ფასების შესაბამისად, ხოლო სამუშაოს ახალი პოზიცი(ებ)ის წარმოქმნის შემთხვევაში, შემსყიდევლის მხრიდან ცვლილება (ახალი პოზიციის დამატება) განხორციელდება მშენებლობის შემფასებელთა კავშირის „სამშენებლო რესურსების ფასებით“ განსაზღვრული ფასების ან გამონაკლის შემთხვევაში საბაზრო ფასების ფარგლებში, ხოლო ანაზღაურება განხორციელდება ფაქტობრივი დანახარჯების მიხედვით, მაგრამ არაუმეტეს ხარჯთაღრიცხვაში მოცემული ერთეულის ღირებულებებისა;
ვ)მიმწოდებელი ვალდებულია უზრუნველყოს ოთახებიდან საოფისე ავეჯისა და საოფისე ინვენტარის გამოტანა და შემსყიდველის მიერ მითითებულ ადგილზე განთავსება, ხოლო დასრულების შემდგომ პირვანდელ ადგილზე განთავსება.
ზ)ტენდერში გამარჯვებულმა ორგანიზაციამ საკუთარი მასალებითა და ხარჯებით უნდა განახორციელოს სამუშაოს დასრულების შემდეგ რემონტის შემდგომი კაპიტალური დასუფთავება;
თ) მიმწოდებელმა უნდა უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების, სამუშაოებით გამოწვეული ხმაურის, ვიბრაციის და მტვრის გავლენის მინიმუმამდე დაყვანა;
ი) სამუშაოების დასრულების შემდეგ შემსრულებელი თავისი ძალებით და სახსრებით 2 დღის განმავლობაში ვალდებულია გაათავისუფლოს სამუშაო ადგილი სამშენებლო მოწყობილობა-დანადგარებისაგან, მასალებისაგან და ა.შ;
კ) სამუშაოების მიმდინარეობის პერიოდში, მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი;
ლ) ჯარიმის გადახდა მიმწოდებელს არ ათავისუფლებს დარღვევის აღმოფხვრის ვალდებულებისაგან.

1.4.1 სამუშაოები უნდა შესრულდეს ხელშეკრულების გაფორმებიდან 40 (ორმოცი) კალენდარული დღის ვადაში.

1.5.1 სამუშაოების შესრულების ადგილი - ქ. ბათუმი, ბაქოს ქუჩა N50 - სსიპ საზღვაო ტრანსპორტის სააგენტოს ადმინისტაციული შენობა.

1.6.1 საგარანტიო პერიოდი შეადგენს საბოლოო მიღება-ჩაბარების აქტის გაფორმებიდან არანაკლებ 1 (ერთი) წელს.
1.6.2 საგარანტიო პერიოდის განმავლობაში ხარვეზების გამოვლენის შემთხვევაში, მიმწოდებელი ვალდებულია შემსყიდველის მიერ დადგენილ ვადაში აღმოფხვრას გამოვლენილი ხარვეზები საკუთარი ხარჯებით ისე, რომ შესრულებული სამუშაოები სრულ შესაბამისობაში იყოს ხელშეკრულებით გათვალისწინებულ პირობებთან.
1.6.3 გარანტიის პერიოდში აღმოჩენილი დეფექტების აღმოფხვრის ვადა (ოპერატიულობა) შეადგენს შეტყობინების მიღებიდან 10 (ათი) კალენდარულ დღეს.
1.6.4 შეტყობინება შეიძლება განხორციელდეს სატელეფონო ან ელექტრონული ფორმით — ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე. ასევე, შეტყობინება შესაძლებელია მხარეთა მიერ შეთანხმებული სხვა ნებისმიერი ფორმით.
1.6.5 თუ საგარანტიო ვადის ამოწურვის მომენტისათვის შემსყიდველს აქვს გაგზავნილი შეტყობინება საგარანტიო ვალდებულების შესრულების საჭიროების შესახებ, ან თუ მოცემულ დროს მიმდინარეობს გამოვლენილი დეფექტების/გაუმართაობების აღმოფხვრის სამუშაოები, შესრულებული სამუშაოების საგარანტიო ვადა გაგრძელდება შესაბამისი დეფექტების/გაუმართაობების აღმოფხვრამდე.

2.2.1.1 ტენდერში მონაწილე პრეტენდენტს, 2023 წლის 1 იანვრიდან ტენდერში წინადადებების მიღების დასრულების დღის ჩათვლით პერიოდში, შესრულებული უნდა ჰქონდეს შენობის სარემონტო-სამშენებლო სამუშაოები საერთო ღირებულებით არანაკლებ 64,000 (სამოცდაოთხი ათასი) ლარის ოდენობით.
2.2.1.2 იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო ან სახელმწიფო შესყიდვასთან დაკავშირებულ ქვეკონტრაქტის ხელშეკრულებებსა და მათი შესრულების დოკუმენტაციას, იგი ვალდებულია დამატებით წარმოადგინოს აღნიშნული სამუშაოების შესრულების დამადასტურებელი დოკუმენტაცია — შესრულებულ სამუშაოებზე გაფორმებული მიღება-ჩაბარების აქტ(ებ)ი და შესაბამისი საგადასახადო ანგარიშ-ფაქტურა.
2.2.1.3 სახელმწიფო შესყიდვის შემთხვევაში, თუ პრეტენდენტის მიერ მითითებული იქნება NAT/SPA/CMR... ნომრები და ხელშეკრულების შესრულების მიმდინარეობის ანგარიშში ატვირთული იქნება ყველა ის შესრულების დამადასტურებელი დოკუმენტი, რაც გათვალისწინებულია სატენდერო დოკუმენტაციით, დამატებით სხვა დოკუმენტების წარმოდგენა აღარ არის საჭირო.

2.4.1.1 სამუშაოების შესრულების პერიოდში პრეტენდენტს უნდა ჰყავდეს არანაკლებ ერთი კვალიფიციური შრომის უსაფრთხოების სპეციალისტი, რომელიც დასაქმებული იქნება სამუშაოების დასრულების ვადის ამოწურვამდე.

მისი არსებობის დასადასტურებლად, პრეტენდენტმა სისტემის საშუალებით უნდა წარმოადგინოს (ატვირთოს სისტემაში) შემდეგი დოკუმენტაცია:
ა) სპეციალისტის პირადობის დამადასტურებელი დოკუმენტის ასლი;
ბ) დიპლომის ან/და სერტიფიკატის ასლი, რომელიც ადასტურებს მის განათლებასა და კვალიფიკაციას შრომის უსაფრთხოების სფეროში, საქართველოს კანონმდებლობით დადგენილი მოთხოვნების შესაბამისად;
გ) წარმოდგენილ პირთან გაფორმებული შრომითი ხელშეკრულების ასლი, ან/და დამსაქმებლის ბრძანების ასლი, ან/და შესაბამისი ცნობა, რომელიც ადასტურებს პრეტენდენტთან მისი მუშაობის ფაქტს. შრომითი ხელშეკრულება უნდა იყოს ძალაში სამუშაოების შესრულების ვადის ამოწურვამდე.

2.9.1 პრეტენდენტის მიერ ხარჯთაღრიცხვა ატვირთული უნდა იქნას Excel-ის ფორმატის ფაილის სახით.
2.9.2 შესასრულებელი სამუშაოების ფასი უნდა შეიცავდეს მიმწოდებლის ყველა ხარჯს, დაკავშირებულს სამუშაოების შესრულებასთან (მათ შორის სამუშაოების შესრულებისთვის საჭირო მასალების გათვალისწინებით) და საქართველოს კანონმდებლობით დადგენილ ყველა გადასახადს;
2.9.3 შესასრულებელი სამუშაოების ფასის წარმოდგენა დასაშვებია მხოლოდ ლარში;
2.9.4 პრეტენდენტის მიერ შესასრულებული სამუშაოების ღირებულებები მითითებულ უნდა იქნას სატენდერო პირობების 1.3 პუნქტით გათვალისწინებულ დანართში, ამავე დანართით გათვალისწინებული რაოდენობებისა და მოცულობების შესაბამისად (დანართი ატვირთულ უნდა იქნას ერთიან ელექტრონულ სისტემაში);
2.9.5 ხარჯთაღრიცხვის წარმოუდგენლობის, განუფასებლად წარმოდგენის ან იმ შემთხვევაში,თუ სატენდერო დოკუმენტაციის მოთხოვნ(ებ)ის შესაბამისად, წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, ხარჯთაღრიცხვა არ ექვემდებარება დაზუსტებას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 27-ე მუხლის მე-3 პუნქტის შესაბამისად;
2.9.6 „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით;
2.9.7 შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში; დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე;
2.9.8 პრეტენდენტს არ აქვს უფლება წარმოადგინოს ალტერნატიული წინადადება.

4.1.1.1 სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობის დასადასტურებლად პრეტენდენტმა უნდა წარმოადგინოს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის მიერ გაცემული დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი);
4.1.1.2 ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადენილებით დამტკიცებული "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდის" მოთხოვნების შესაბამისად;
4.1.1.3 ექსპერტიზისათვის საჭირო ხარჯები უნდა გაიღოს პრეტენდენტმა;
4.1.1.4 პრეტენდენტის მიერ წარმოდგენილი ექსპერტიზის დასკვნა უნდა პასუხობდეს კონკრეტულად დასმულ კითხვას: პრეტენდენტის მიერ წარმოდგენილი ხარჯთაღრიცხვით შესაძლებელია თუ არა საპროექტო-სახარჯთაღრიცხვო დოკუმენტაციით გათვალისწინებული სამუშაოების შესრულება.

7.2.1 მიმწოდებელთან ანგარიშსწორება განხორციელდება უნაღდო ფორმით, ეროვნულ ვალუტაში – ლარში;
7.2.2 დაფინანსების წყარო: 2025 წლის საკუთარი სახსრები;
7.2.3 შესყიდვის ობიექტის ღირებულება მოიცავს სამუშაოების შესრულებასთან დაკავშირებულ ყველა ხარჯს, დღგ-ს გათვალისწინებით;
7.2.4 ანგარიშსწორება განხორციელდება საბოლოო მიღება-ჩაბარების აქტის გაფორმების შემდეგ. საბოლოო მიღება-ჩაბარების აქტი გაფორმდება მიმწოდებლის მიერ წარმოდგენილი ფორმა #2 და სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის მიერ გაცემული დადებითი დასკვნისა და ინსპექტირების ჯგუფის დასკვნის საფუძველზე, რითაც დადასტურდება მიმწოდებლის მიერ ხელშეკრულებით ნაკისრი ვალდებულებების შესრულება. დასკვნასთან ერთად წარმოდგენილი უნდა იყოს დასკვნის გამცემი პირის აკრედიტაციის დამადასტურებელი დოკუმენტის ასლი;
7.2.5 თუ ანგარიშსწორება უნდა განხორციელდეს არასამუშაო დღეს, იგი შესაძლებელია მომდევნო სამუშაო დღეს, რაც არ ჩაითვლება გადახდის ვადის გადაცილებად;
7.2.6 იმ შემთხვევაში, თუ მიმწოდებლის მიერ შესრულებული სამუშაოების ღირებულებამ არ შეადგინა ხელშეკრულებით გათვალისწინებული თანხა, შემსყიდველი აუნაზღაურებს მხოლოდ ფაქტიურად შესრულებული სამუშაოების ღირებულებას ხარჯთაღრიცხვის მიხედვით. აღნიშნულის საფუძველზე, მიმწოდებელს არ ექნება პრეტენზია აუთვისებელი სამუშაოების მოცულობისა ან სახეობის შესრულებისა და მათთვის გადახდის მოთხოვნაზე.

7.3.1 შესრულებულ სამუშაოებზე ანგარიშწორება მოხდება საბოლოო მიღება–ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

თამარ მჟავანაძე, 571919101, t.mzhavanadze@mta.gov.ge

ა) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
ბ) ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
გ) სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
დ) სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
ე)ნებისმიერ ცვლილება, რომელსაც მოჰყვება ხელშეკრულების ფასის გაზრდა ან შემსყიდველისათვის პირობების გაუარესება, დაუშვებელია გარდა საქართველოს სამოქალაქო კოდექსის 398-ე მუხლით გათვალისწინებული შემთხვევებისა.
ვ) მიმწოდებელმა უნდა უზრუნველყოს სსიპ ლევან სამხარაულის სასამართლო ექსპერტიზის ეროვნული ბიუროს ან აკრედიტირებული ინსპექტირების ორგანოს მიერ (აკრედიტაციის სფეროს უნდა წარმოადგენდეს: ობიექტზე შესრულებული სამუშაოების ინსპექტირება (მათ შორის ფორმა N2 -ის მიხედვით)) დადასტურებული საშემსრულებლო დოკუმენტაციის (შესრულებული სამუშაოს აქტის (ფორმა N2) წარმოდგენა.
აღნიშნულის უზრუნველყოფასთან დაკავშირებული ხარჯები უნდა გაიღოს მიმწოდებელმა.