Молочные продукты (Грузия - Тендер #66767235)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მიერ ეკონომიკური საქმიანობიდან მიღებული შემოსავლების დაფინანსების ფარგლებში თსუ კაფეტერიისთვის რძის პროდუქტების სახელმწიფო შესყიდვა.

სატენდერო წინადადების წარმოდგენისას პრეტენდენტმა უნდა გაითვალისწინოს შემდეგი: ფასების ცხრილში მოცემული რაოდენობები წარმოადგენს საორიენტაციო ციფრს, რომლის მიხედვითაც და საჭიროების ფარგლებშიც მოხდება მიმწოდებლისათვის შეკვეთის წარდგენა. შესაბამისად, შემსყიდველი ვალდებული არ არის სრულად აითვისოს ცხრილში მოცემული საქონლის რაოდენობა.

მიმწოდებელის მიერ წარმოდგენილ ფასების ცხრილში მითითებული ერთეულის ღირებულება არ უნდა აღემატებოდეს შემსყიდველის მიერ შესაბამის გრაფაში მითითებული ერთეულის სავარაუდო ღირებულებას, წინააღმდეგ შემთხვევაში მოხდება ხარჯთაღრიცხვის დაზუსტება კლებადობის პრინციპით არასწორად განფასებულ პოზიციაზე.

შესყიდვის ობიექტის მინიმალური ტექნიკური მახასიათებლები ან "მსგავსი", "ეკვივალენტური".

1.2.1. სულგუნი - 700 კგ. ერთეულის (კგ.) ზღვრული უმაღლესი ფასი - 22.00 ლარი
CPV15542000
დამზადებული ნედლი რძისაგან, სუნი – სასიამოვნო, დამახასიათებელი ამ ტიპის ყველისათვის. სუფთა, რძემჟავური დამახასიათებელი გემო, ზომიერად მარილიანი. მკვრივი, ელასტიური, ფენოვანი. უნასვრეტებოდ, დასაშვებია სიცარიელე ფენებს შორის; შემადგენლობა 100 გრამ პროდუქტში: ცხიმის შემცველობა არანაკლებ 15გ-ისა, მარილის შემცველობა - 4გ-6გ;
დაფასოებული საკვებისთვის განკუთვნულ შეფუთვაში (სითხის გარეშე).რომელზეც დატანილი უნდა იყოს ინფორმაცია მწარმოებელის, შემადგენლობის და ვადის შესახებ;
მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 70%.

1.2.2. ყველი (იმერული სახაჭაპურედ) - 200 კგ. ერთეულის (კგ.) ზღვრული უმაღლესი ფასი - 17.00 ლარი.
CPV15542000
დამზადებული პასტერიზებული რძისაგან, ნაკლებად მარილიანი, მცენარეული ცხიმის გარეშე. ქარხნული წარმოების, წათხის რბილი ყველი, არადამახასიათებელი ფერის, სუნის და გემოს გარეშე,; დაჭრის დროს არ უნდა იფშვნებოდეს;
შემადგენლობა 100 გრამ პროდუქტში: ცხიმის შემცველობა არანაკლებ 15გ-ისა, მარილის შემცველობა - 0,5-1,5%; ყველი დაფასოებული უნდა იყოს ვაკუუმპარკებში, რომელზეც დატანილი უნდა იყოს ინფორმაცია მწარმოებელის, შემადგენლობის და ვადის შესახებ; პაკეტში წყლის მასური წილი არ უნდა აღემატებოდეს 1.5%-ს (შრატის გამოსვლა). მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 70%.

1.2.3. ჰოლანდიური ყველი (Gouda) (ან მსგავსი, ეკვივალენტური) - 25 კგ. ერთეულის (კგ.) ზღვრული უმაღლესი ფასი - 25.00 ლარი.
CPV15544000
სენდვიჩებისთვის, ოთხკუთხედი ფორმის, დამზადებული ნატურალური რძისგან, ქარხნული წესით; ცხიმიანობა არა ნაკლებ 45 %. კვებითი ღირებულება 100 გრ-ზე: ცილები - 23 გრ, ცხიმები - 31 გრ. ენერგეტიკული ღირებულება: 367 კკალ. დაფასოებული და ეტიკეტირებული ქარხნული წესით. შესაბამისი მარკირებით, ვარგისიანობის ვადის, შენახვის პირობების შემადგენლობისა და მწარმოებელი ქვეყნის მითითებით.
მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 60%.

1.2.4. მაწონი - 100 ცალი, ერთეულის (ცალი) ზღვრული უმაღლესი ფასი - 3.00 ლარი.
CPV15550000
დამზადებული პასტერიზებული, ნორმალიზებული რძისგან, ქარხნული წესით, კონსისტენცია ერთგვაროვანი, ფერი, სუნი, გემო უნდა შეესაბამებოდეს ორგანოლეპტიკურ მაჩვენებლებს; ცხიმიანობა 3,2%, არ უნდა იყოს დამზადებული მცენარეული ცხიმისა ან მოხდილი (გაუცხიმოებული) რძისგან;
არ უნდა ჰქონდეს მომჟავო/მძაფრი გემო და სუნი, ფერი უნდა იყოს თეთრი;
არ უნდა შეიცავდეს მავნე ქიმიურ მაჩვენებლებს; შეფუთვა: ქარხნული და სათანადოდ ეტიკეტირებული 400-500გრ. ჰერმეტულად დახურულ შეფუთვაში. შესაბამისი მარკირებით, ვარგისიანობის ვადის, შენახვის პირობების შემადგენლობისა და მწარმოებელი ქვეყნის მითითებით. მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 80%,

1.2.5. კარაქი - 50 კგ., ერთეულის (კგ.) ზღვრული უმაღლესი ფასი - 30.00 ლარი.
CPV15530000
კარაქი (5-25 კგ-მდე) შეფუთვაში.
• თითოეული მოწოდებული პარტია დამზადებული უნდა იყოს ძროხის რძის პასტერიზებული ნაღებისგან (რძის სეპარირების შედეგად მიღებული მაღალი ცხიმშემცველობის ძროხის რძის თხევადი ნაწარმი, რძის პლაზმისა და ცხიმის ემულსია). დაუშვებელია, წარმოებაში გამოყენებულ იქნას მცენარეული ან სხვა ცხიმი, გარდა რძის ცხიმისა.
• უნდა იყოს არადამახასიათებელი სუნის და გემოს გარეშე.
• რძის ცხიმის შემცველობა კარაქში უნდა იყოს არანაკლებ 80%.
• წყლის შემცველობა არაუმეტეს 16%.
• გაუცხიმოებული (მოხდილი) რძის მშრალი ნაშთის შემცველობა არაუმეტეს 2%.
• დაფასოება 5 კგ-დან 25 კგ-მდე ბრიკეტებად (შემსყიდველის მოთხოვნის შესაბამისად).
• კარაქის ეტიკეტზე მითითებულ უნდა იქნეს წარწერა - „ნაღების კარაქი“.
• მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 70%.

1.2.6. არაჟანი - 30 კგ., ერთეულის (კგ.) ზღვრული უმაღლესი ფასი - 8.00 ლარი.
CPV15550000
დამზადებული პასტერიზებული, ნორმალიზებული რძისგან, ქარხნული წესით, კონსისტენცია ერთგვაროვანი, ფერი, სუნი, გემო უნდა შეესაბამებოდეს ორგანოლეპტიკურ მაჩვენებლებს, არ უნდა იყოს დამზადებული მცენარეული ცხიმისა ან მოხდილი (გაუცხიმოებული) რძისგან. არ უნდა ჰქონდეს მომჟავო/მძაფრი გემო და სუნი, ფერი უნდა იყოს თეთრი. არ უნდა შეიცავდეს მავნე ქიმიურ მაჩვენებლებს, შეფუთვა: ქარხნული და სათანადოდ ეტიკეტირებული. ჰემეტულად დახურულ შეფუთვაში. შესაბამისი მარკირებით, ვარგისიანობის ვადის, შენახვის პირობების შემადგენლობისა და მწარმოებელი ქვეყნის მითითებით. მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 80%.

1.2.7. ხაჭო - 30 კგ., ერთეულის (კგ.) ზღვრული უმაღლესი ფასი - 12.00 ლარი.
CPV15542100
დამზადებული პასტერიზებული, ნორმალიზებული რძისგან, ქარხნული წესით, კონსისტენცია ერთგვაროვანი, ფერი, სუნი, გემო უნდა შეესაბამებოდეს ორგანოლეპტიკურ მაჩვენებლებს, ცხიმიანობა არანაკლებ 3%, არ უნდა იყოს დამზადებული მცენარეული ცხიმისა ან მოხდილი (გაუცხიმოებული) რძისგან. არ უნდა ჰქონდეს მომჟავო/მძაფრი გემო და სუნი, ფერი უნდა იყოს თეთრი. არ უნდა შეიცავდეს მავნე ქიმიურ მაჩვენებლებს, შეფუთვა: ქარხნული და სათანადოდ ეტიკეტირებული. ჰემეტულად დახურულ შეფუთვაში. შესაბამისი მარკირებით, ვარგისიანობის ვადის, შენახვის პირობების შემადგენლობისა და მწარმოებელი ქვეყნის მითითებით. მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 80%.

1.2.8. კრემყველი (მასკარპონე) - 10 კგ., ერთეულის (კგ.) ზღვრული უმაღლესი ფასი - 40.00 ლარი.
CPV15545000
არადამახასიათებელი გემოს გარეშე, დაფასოებული და ეტიკეტირებული ქარხნული წესით ჰერმეტულად დახურულ შეფუთვაში. დაფასოებული საკვებისთვის განკუთვნილ არანაკლებ 1 კგ-იან შეფუთვაში. მოწოდებული საქონლის დარჩენილი ვარგისიანობის ვადა უნდა იყოს საერთო ვადის 70%,

1.2.9. ნაღები - 20 კგ., ერთეულის (კგ.) ზღვრული უმაღლესი ფასი - 20.00 ლარი.
CPV15512000
დამზადებული ქარხნული წესით. კონსისტენცია ერთგვაროვანი, ცხიმის მასიური წილი 35%. არადამახასიათებელი გემოს გარეშე. დაფასოებული და ეტიკეტირებული ქარხნული წესით ჰერმეტულად დახურულ შეფუთვაში. მოწოდებული საქონლის დარჩენილი ვარგისიანობის ვადა უნდა იყოს საერთო ვადის 70%;

1.2.10. შესქელებული რძე - 100 ცალი, ერთეულის (ცალი) ზღვრული უმაღლესი ფასი - 3.00 ლარი.
CPV15511600
ძროხის ნატურალური რძე, უმაღლესი ხარისხის, ქარხნული წარმოების. ცხიმიანობა არანაკლებ 8.5%-ისა. დაფასოებული და ეტიკეტირებული ქარხნული წესით ჰერმეტულად დახურულ არანაკლებ 250 გრ. შეფუთვაში. მოწოდებული საქონლის დარჩენილი ვარგისიანობის ვადა უნდა იყოს საერთო ვადის 70%;

1.2.11. შესქელებული რძე მოხარშული - 100 ცალი, ერთეულის (ცალი) ზღვრული უმაღლესი ფასი - 3.00 ლარი.
CPV15511600
ძროხის ნატურალური რძე, უმაღლესი ხარისხის, ქარხნული წარმოების. ცხიმიანობა არანაკლებ 8.5%-ისა. დაფასოებული და ეტიკეტირებული ქარხნული წესით ჰერმეტულად დახურულ არანაკლებ 250 გრ. შეფუთვაში. მოწოდებული საქონლის დარჩენილი ვარგისიანობის ვადა უნდა იყოს საერთო ვადის 70%;

1.2.12. რძე - 40 ლიტრი, ერთეულის (ლიტრი) ზღვრული უმაღლესი ფასი - 4.00 ლარი.
CPV15511000
პასტერიზირებული, ქარხნული წარმოების. ცხიმიანობა 2,5-3,0%. არადამახასიათებელი გემოს გარეშე, დაფასოებული და ეტიკეტირებული ქარხნული წესით ჰერმეტულად დახურულ შეფუთვაში. მოწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 70%;

შესყიდვის ობიექტის მიწოდება უნდა განხორციელდეს ეტაპობრივად ხელშეკრულების გაფორმებიდან 2025 წლის 20 დეკემბრის ჩათვლით.

1.5.1. შესყიდვის ობიექტის მიწოდება განხორციელდება ხელშეკრულების გაფორმებიდან ეტაპობრივად, 2025 წლის 20 დეკემბრის ჩათვლით, შემსყიდველის მოთხოვნის შესაბამისად. კვირაში ერთხელ, მოთხოვნიდან 1-2 კალენდარული დღის განმავლობაში;
1.5.2. შემსყიდველი ხელშეკრულების დანართ N1-ში „ფასების ცხრილი“ მითითებულ მისაწოდებელ საქონელზე მოთხოვნას, საქონლის შესაბამისი სახეობებისა და რაოდენობის მითითებით ადგენს და წერილობით ან ელექტრონული ფოსტის მეშვეობით გადასცემს/უგზავნის მიმწოდებელს;
1.5.3. საქონლის მიწოდება უნდა განხორციელდეს დღის განმავლობაში არაუგვიანეს 12:00 სთ-ისა.
1.5.4. მიმწოდებელმა საკუთარი ხარჯებით უნდა უზრუნველყოს შესყიდვის ობიექტის მიწოდება ქ.თბილისი უნივერსიტეტის ქ. N2, (თსუ მაღლივი კორპუსი), ი. ჭავჭავაძის გამზ. N1, თსუ კაფეტერია.
1.5.5. ხელშეკრულების დამდებ არცერთ მხარეს არა აქვს უფლება შეიტანოს გრაფიკში ცვლილებები მეორე მხარესთან შეთანხმების გარეშე.

1.7.1. შემოთავაზებული საქონელი უნდა იყოს მაღალი ხარისხის, ვარგისიანობის ვადების დაცვით პროდუქტის ტრანსპორტირება უნდა განხორციელდეს სანიტარულ–ჰიგიენური ნორმების და პირობების შესაბამისად.
1.7.2. სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათშორის:
1.7.2.1.სურსათისუვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედსტანდარტებს.
1.7.2.2.ქარხნული წარმოების თითოეული მოწოდებული პარტია უნდა იყოს სათანადოდ ეტიკეტირებული საქართველოს მთავრობის 2016 წლის 01 ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად;
1.7.2.3.პროდუქტი უნდა აკმაყოფილებდეს საქართველოს მთავრობის 2015 წლის 10 ნოემბრის N581 დადგენილებით დამტკიცებული „სურსათის მიკრობიოლოგიური მაჩვენებლების შესახებ“ ტექნიკური რეგლამენტით დადგენილ მოთხოვნებს, ადამიანის სიცოცხლისა და ჯანმრთელობის უზრუნველყოფის მიზნით, სურსათის უვნებლობასთან და მიკრობიოლოგიურ რისკებთან მიმართებაში.
1.7.2.4.პროდუქტი უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის;
1.7.3.პროდუქტი პოტენციურად საშიში ქიმიური ნაერთებისა და ბიოლოგიური ობიექტების შემცველობით, უნდა შეესაბამებოდეს კანონმდებლობით დასაშვებ და პროდუქტისათვის დამახასიათებელ მაჩვენებლებს.
1.7.4. მოწოდებული საქონლის ვარგისიანობის ვადა უნდა შეესაბამებოდეს დანართი N1 ფასების ცხრილში მითითებული პოზიციების მიხედვით განსაზღვრულ პირობებს.
1.7.5. შემსყიდველი უფლებამოსილია საკუთარი ხარჯებით ხელშეკრულებ(ებ)ის მოქმედების განმავლობაში ხარისხის დადგენილ სტანდარტებთან შესაბამისობის განსაზღვრის მიზნით, განახორციელოს საქონლის ნიმუშის აღება და სსიპ „ლევან სამხარაულის სახელობის სასამართლო ექსპერტიზის ეროვნული ბიუროში" ან სხვა აკრედიტირებული ორგანიზაციაში შემოწმება.

პრეტენდენტმა ფასების ცხრილი, დანართი N1-ის სახით უნდა წარმოადგინოს შემდეგი ინფორმაცია:
შესყიდვის ობიექტის დასახელება, აღწერილობა, წარმოების ქვეყანა და მწარმოებელი.

1. წარმოების ქვეყანა - ქვეყანა სადაც პროდუქტი იწარმოება.
2. მწარმოებელი - მწარმოებელი კომპანია ან/და მწარმოებელი სუბიექტი ან/და ინდ.მეწარმე ან/და ფიზიკური პირი.

წარმოების ქვეყნის და მწარმოებლის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

წინადადების წარდგენის დროს „ფასების ცხრილი - დანართი N1“ ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

2.7.1.1. წინამდებარე ტენდერის სტატუსის - „წინადადებების მიღება მთავრდება“ თარიღში, პრეტენდენტი და ასევე, შემოთავაზებული პროდუქტის მწარმოებელი რეგისტრირებული უნდა იყოს ეკონომიკურ საქმიანობათა რეესტრში, საქართველოს კანონმდებლობით დადგენილი წესით (მათ შორის, რეგისტრაციის თაობაზე გადაწყვეტილება არ უნდა იყოს ძალადაკარგული), სადაც „გამოყენებული ეკონომიკური საქმიანობის სახეების ცნობარ“-ში/საქმიანობის აღწერაში მითითებული იქნება საკვებ პროდუქტებთან დაკავშირებული საქმიანობის სახე/სახეები. პრეტენდენტმა უნდა წარმოადგინოს ამონაწერი ეკონომიკურ საქმიანობათა რეესტრიდან.
2.7.1.1.1. თუ პრეტენდენტი (ან შემოთავაზებული პროდუქტის მწარმოებელი) წინამდებარე ტენდერის სტატუსის -„წინადადებების მიღება მთავრდება“ თარიღში რეგისტრირებული იყო ეკონომიკურ საქმიანობათა რეესტრში 2.7.1.1. პუნქტის შესაბამისად და შერჩევა-შეფასების მიმდინარეობისას დოკუმენტის ვადის გასვლამ გამოიწვია რეგისტრაციის თაობაზე გადაწყვეტილების ძალადაკარგულობა, სატენდერო კომისია უფლებამოსილია მოსთხოვოს პრეტენდენტს განახლებული ამონაწერი ან რეგისტრაციის ვადის გაგრძელების მოთხოვნის წარმოდგენა.
2.7.1.1.2. თუ შემოთავაზებული პროდუქტი იმპორტირებულია მაშინ 2.7.1.1. პუნქტის მოთხოვნები არ ვრცელდება შემოთავაზებული პროდუქტის მწარმოებელზე.
2.7.1.2 თუ შემოთავაზებული საქონელი იწარმოება საქართველოში, პრეტენდენტმა სატენდერო წინადადებასთან ერთად უნდა წარმოადგინოს შემოთავაზებული პროდუქტის მწარმოებელზე საქართველოს მთავრობის 2014 წლის 26 დეკემბრის №722 დადგენილებით დამტკიცებული „ბიზნესოპერატორის აღიარების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ მინიჭებული აღიარების/პირობითი აღიარების დამადასტურებელი დოკუმენტი ან საქართველოს მთავრობის 2015 წლის 16 ოქტომბრის №533 დადგენილებით დამტკიცებული „სურსათის/ცხოველის საკვების უვნებლობის სახელმწიფო კონტროლის განხორციელების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ გაცემული შესაბამისობის შეფასების სერტიფიკატი.
2.7.1.2.1. თუ ზემოაღნიშნული დოკუმენტი გაცემულია 2024 წლის 1 ნოემბრამდე, პრეტენდენტი აგრეთვე ვალდებულია წარმოადგინოს საწარმოზე 2024 წლის 1 ნოემბრის შემდეგ უკანასკნელად განხორციელებული ინსპექტირების დამადასტურებელი შესაბამისობის შეფასების აქტი, რომელიც შევსებული და ხელმოწერილი იქნება სურსათის ეროვნული სააგენტოს უფლებამოსილი პირის-ინსპექტორის მიერ, ასევე შესაძლებელია აქტი დამოწმებული იყოს კვალიფიციური ელექტრონული ხელმოწერით ან/და შტამპით. აღნიშნული აქტიდან უნდა დგინდებოდეს, რომ საწარმოს არ აქვს შეუსაბამობა (არც კრიტიკული და არც არაკრიტიკული).

შემოთავაზებული სატენდერო წინადადების/ტექნიკური დოკუმენტაციის, სატენდერო განცხადებითა და ტექნიკური დავალებით განსაზღვრულ მოთხოვნებთან შესაბამისობის დადგენის მიზნით. დაბალი ფასის წარმომდგენი პრეტენდენტი ვალდებულია შემსყიდველის მოთხოვნის შესაბამისად იურიდიულ მისამართზე წარმოადგინოს ფასების ცხრილის 1, 2, 3, 5, 6, 7, 8 და 9 პოზიციით შემოთავაზებული შესყიდვის ობიექტის თითო ნიმუში;

წარმოდგენილი ნიმუში გადაეცემა თსუ კაფეტერიას და მხოლოდ დადებითი დასკვნის წარმოდგენის საფუძველზე ჩაითვლება პრეტენდენტის მიერ წარმოდგენილი წინადადება მისაღებად.

ნიმუშის წარმოუდგენლობა ან მისი შეუსაბამობა სატენდერო განცხადების ან/და სატენდერო დოკუმენტაციის მოთხოვნებთან, ან სისტემის მეშვეობით პრეტენდენტის მიერ წარმოდგენილ ტექნიკურ დოკუმენტაციასთან, გამოიწვევს მის დისკვალიფიკაციას. წარმოდგენილი შესყიდვის ობიექტის ნიმუში დაზუსტებას არ ექვემდებარება.

ქ.თბილისი, ი.ჭავჭავაძის გამზ.N1 , თსუ-ს პირველი კორპუსი, ოთახი N016, შესყიდვების განყოფილება.
ნიმუშები წარმოდგენილი უნდა იქნეს სამუშაო საათების (9:00 საათიდან 18:00 საათამდე) განმავლობაში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული, როგორც ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი ქნას „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

7.2. 1.ანგარიშსწორება მიმწოდებელთან განხორციელდება უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად, ინსპექტირებაზე უფლებამოსილი პირ(ებ)ი დადებითი დასკვნის, მიმწოდებლის მიერ საქართველოს კანონმდებლობით დადგენილი შესაბამისი დოკუმენტების (სასაქონლო ზედნადები ან/და საგადასახადო ანგარიშფაქტურა) საფუძველზე შედგენილი მიღება-ჩაბარების აქტის საფუძველზე.
7.2.2. ანაზღაურება „მიმწოდებელთან“ განხორციელდება შემსყიდველის მიერ წარდგენილი შეკვეთით, ფაქტობრივად მოწოდებული საქონლის ღირებულების მიხედვით, შესაბამისად ხელშეკრულებით გათვალისწინებული საქონლის მოწოდების ვადის ამოწურვის მომენტისათვის, ხელშეკრულების საერთო ღირებულებიდან დარჩენილი/ასათვისებელი თანხა დარჩება „შემსყიდვეთან“ და იგი არ წარმოშობს მხარეებს შორის რაიმე დამატებით ვალდებულებებს „ხელშეკრულების მხარეების“ შორის;

ანგარიშსწორება მიმწოდებელთან განხორციელდება უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად, მიმწოდებლის მიერ წარმოდგენილი საქართველოს კანონმდებლობით დადგენილი შესაბამისი დოკუმენტების (სასაქონლო ზედნადები ან/და საგადასახადო ანგარიშფაქტურა) და ინსპექტირებაზე უფლებამოსილი პირ(ებ)ის დადებითი დასკვნის საფუძველზე მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

დინარა ტიკარაძე, 577943999, dinara.tikaradze@tsu.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.