Инженерные услуги (Грузия - Тендер #66767191)

ბორჯომის მუნიციპალიტეტის სოფელ ჭობისხევში მდებარე ეროვნული მნიშვნელობის კატეგორიის კულტურული მემკვიდრეობის ძეგლის - გოგიჩაანთ ღელის ქვის დარბაზების კომპლექსი ეკლესიით - კონსერვაციის საპროექტო-სახარჯთაღრიცხვო დოკუმენტაციის მომზადება

 პრეამბულა

ეროვნული მნიშვნელობის კატეგორიის კულტურული მემკვიდრეობის ძეგლი, გოგიჩაანთ ღელის ქვის დარბაზების კომპლექსი, მდებარეობს ბორჯომის მუნიციპალიტეტში, ჭობისხევის ჩრდილო-აღმოსავლეთით, 1 კმ დაშორებით (GPS N 41. 794877 – E 043.310152).
ძეგლის შესახებ ისტორიული წყაროები არ შემოგვრჩა. ტერიტორია XX საუკუნის 60-იან წლებში გაითხარა ჯერ საქართველოს მეცნიერებათა აკადემიის ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის, ხოლო 1977 წლიდან არქეოლოგიური კვლევის ცენტრის, თორი-ლიკანის არქეოლოგიური ექსპედიციის მიერ.
2020-2021 წლებში, საქართველოს ეროვნულ მუზეუმსა და საქართველოს კულტურული მემკვიდრეობის დაცვის ეროვნულ სააგენტოს შორის დადებული ხელშეკრულებების საფუძველზე, ძეგლზე საველე არქეოლოგიური სამუშაოები ჩატარდა (ხელმძღვანელი ი. ღამბაშიძე). ნამოსახლარი სრულად გაიწმინდა და მომზადდა საიტი ტურისტული მიზნებისთვის. გოგიჩაანთ ღელის გათხრების შედეგად სულ გამოვლენილი არტეფაქტები, შესაბამისი პროცედურების შემდეგ, ბორჯომის მხარეთმცოდნეობის მუზეუმს ჩაბარდა.
არქეოლოგიური კომპლექსი სამხრეთ-დასავლეთით მთის ფერდზე ტერასულადაა აგებული და კარგად შემორჩენილ საცხოვრებელ კომპლექსს წარმოადგენს. იგი შედგება რამდენიმე ნაგებობისგან, სათავსის, სამლოცველოს, მიწისქვეშა ნაგებობისა და ეზოსგან, სადაც დომინანტია დიდი ერდოიანი სახლი. კომპლექსი მშენებლობის ორ ეტაპს მოიცავს: წინაქრისტიანულსა და ქრისტიანულს. მიუხედავად ორი ეპოქის თანაარსებობისა, კომპლექსში ერთ ორგანიზმადაა შენარჩუნებული სივრცით-გეგმარებითი სტრუქტურა.
ერდოიანი ნაგებობა მშრალი წყობით დიდი ლოდის კვადრებით მთლიანად მიწაშია ნაგები. მხოლოდ ნაგებობის საფასადო ნაწილია ხილული. იგი კონუსურ ცრუგუმბათიან და ღიობიან (საკვამურისათვის) მრგვალ სადგომს წარმოადგენს, რომელიც ზედა ნაწილში ვიწროვდება და ერდოთი მთავრდება. კედლები შებოლილია. იატაკი კი მიწატკეპნილი. სავარუდოდ აქ კერა იყო მოწყობილი. ნაგებობის სამხრეთ-აღმოსავლეთ ნაწილში არსებული გასაძრომი გვირაბის არსებობაზე მიანიშნებს. ჩრდილო-აღმოსავლეთი კი მცირე სათავსია.
ერდოიანი ნაგებობის წინ არსებული ეზოს ტერიტორიაზე რამდენიმე ნაგებობაა. ყველა მათგანის კარი ეზოში გამოდის. ეზოს სამხრეთ-დასავლეთით ოვალური გეგმარების ნაგებობაა, ჩრდილო-დასავლეთით გრძელი, ვიწრო მიწისქვეშა სტრუქტურაა. სავარაუდოდ, იგი მაცივარს წარმოადგენდა. ეზოს აღმოსავლეთ კუთხესთან არსებული ხარო მოსავლის შესანახი უნდა ყოფილიყო. ხაროს ჩრდილო-დასავლეთ მხარეს ქვის ნიშია. მისგან ერთი მეტრის მოშორებით სწორკუთხა სტრუქტურის მქონე გაურკვეველი ფუნქციის ნაგებობაა. ერდოიან ნაგებობას ჩრდილო-აღმოსავლეთიდან მცირე ზომის დაზიანებული ეკლესია, ხოლო ჩრდილო-დასავლეთიდან კვადრატული გეგმის ნაგებობა ეკვრის. 2020 წლის არქეოლოგიური ანგარიშში გამოთქმულია ვარაუდი, რომ ეკლესიის ადგილას უნდა ყოფილიყო საცხოვრებელი შენობები თავისი დამხმარე სამეურნეო სათავსებით, რომელთა ნაწილი ეკლესიის საკურთხეველში მოექცა. შედარებით უკეთაა შემორჩენილი სამხრეთ-აღმოსავლეთი კედელი, რომელიც ნაშენია კირხსნარზე ბაზალტის ქვებით, რომლის წყობაშიც ალაგ-ალაგ ტუფის გათლილ-დამუშავებული ქვებია ჩართული. ბოლოდროინდელი კვლევების საფუძველზე ირკვევა, რომ ეკლესია IX-X სს. ადრეული არ უნდა იყოს. ეკლესიას ჩრდილოეთიდან ეკვრის პატარა ნაგებობა. მის ჩრდილო-დასავლეთი კედლის ჩრდილოეთ ნაწილში შემორჩენილია ქვითა და კირხსნარით ამოშენებული სამეურნეო ხარო. ერდოიანი ნაგებობიდან სამხრეთ-დასავლეთით 1,30 მ-ის დაშორებით, ზედა ტერასაზე გაითხარა კვადრატული ნაგებობა, რომელსაც ბანიანი გადახურვა უნდა ჰქონოდა.
გოგიჩაანთ ღელის ნამოსახლარის მონუმენტური კომპლექსი XII-XIII სს. საერო არქიტექტურის ბრწყინვალე ნიმუშია. გამოთქმულია ვარაუდი, რომ იგი მდიდარ ფეოდალს ეკუთვნოდა. კომპლექსი თითქმის პირვანდელი სახითაა შემორჩენილი. მშენებლობის ხასიათით, მონუმენტურობით, სტრუქტურით და არტეფაქტებით გამორჩეულ ძეგლი შესაძლოა გადაიქცეს შემეცნებით-სანახაობრივ ღირშესანიშნაობად, სადაც ორგანულად იქნება წარმოდგენილი საცხოვრებელი, სამეურნეო, მარცვლეული, მევენახეობისა და ვაზის კულტურების კულტურული ფენები.
მიუხედავად 2020-21 წლებში ჩატარებული არქეოლოგიური სამუშაოებისა, ობიექტი სისტემატურად საჭიროებს ხე-მცენარეების საფუძვლიან შეწამვლას, გაწმენდასა და კონსერვაციას. ზოგიერთი ნაგებობა ჩამოშლის პირასაა და ზოგან მისი ნაწილები საფუძველგამოცლილია. ამასთან, ხე-მცენარეთა ფესვები შეზრდილია ძეგლის საფუძველში, რაც დამატებით საფრთხეს უქმნის მის მდგრადობას. ნალექის დროს დაგროვილი წყალი კომპლექსის საფუძველს რეცხავს.
ძეგლის ეროვნული, მაღალმხატვრული და არქიტექტურული მნიშვნელობიდან გამომდინარე, საჭიროა მისი რეაბილიტაცია-კონსერვაცია, რისთვისაც შესადგენია შესაბამისი საპროექტო-სახარჯთაღრიცხვო დოკუმენტაცია.

 ზოგადი სახელმძღვანელო პრინციპები
საქართველოს ტერიტორიაზე არსებული კულტურული ფასეულობების მოვლა-პატრონობა და მათი შენარჩუნება უმნიშვნელოვანესი ფაქტორია სახელმწიფოს განვითარების პროცესში. მძიმე მდგომარეობაში მყოფი ძეგლებისათვის აუცილებელია სარეაბილიტაციო სამუშაოების ჩატარება, რისთვისაც შესადგენია შესაბამისი საპროექტო დოკუმენტაცია, რომელიც განსაზღვრავს რეაბილიტაციის მიმართულებებს.
 მიზანი და ძირითადი პირობები

 ძეგლის რეაბილიტაციისთვის საპროექტო დოკუმენტაციის შედგენის მიზანია მისი მდგრადი განვითარების, ერთიანობის ურღვევობის, აუთენტურობის შენარჩუნების, კონსერვაციის, ინტერპრეტაციის და დაცულობის უზრუნველყოფა.
 ტენდერის მიზანია გოგიჩაანთ ღელის ქვის დარბაზების კომპლექსი ეკლესიით, კვლევითი სამუშაოების განხორციელებისა და რეაბილიტაციის საპროექტო-სახარჯთაღრიცხვო დოკუმენტაციის მომზადება, რაც სამომავლოდ გახდება ფიზიკური სამუშაოების განხორციელების საფუძველი.
 კვლევითი და საფიქსაციო სამუშაოების განხორციელებისთვის ტერიტორიის მწვანე საფარისგან (ხე-ბუჩქნარი) გაწმენდის აუცილებლობის შემთხვევაში, სამუშაოები უნდა განხორციელდეს შესაბამისი ტექნოლოგიების გამოყენებით.
 ჩასატარებელმა სამუშაოებმა უნდა უზრუნველყოს ძეგლზე არსებული მდგომარეობის აუცილებელი ყველა ასპექტის გამოსწორება, რომელიც გამორჩეულად ფაქიზ მიდგომას მოითხოვს, კარგად გამართულ მეთოდოლოგიურ ხელმძღვანელობას, სწორ კონსტრუქციულ და მაღალპროფესიულ მხატვრულ გადაწყვეტას.
 ძეგლის გაწმენდითი და კვლევითი სამუშაოები უნდა განხორციელდეს არქიტექტორ-რესტავრატორისა და არქეოლოგის ზედამხედველობით.
 საპროექტო დოკუმენტაციაში გასათვალისწინებელია შემდეგი:
• 2020-21 წლებში გათხრილი და გამოვლენილი ნაგებობების კონსერვაცია-რესტავრაცია;
• ფუძე-გრუნტების გამაგრება;
• ატმოსფერული ნალექების კომპლექსის ტერიტორიიდან გადაყვანა;
• კომპლექსის ტერიტორიის განათება, ბილიკების, ორენოვანი საინფორმაციო ბანერის და ტურისტული სხვა ინფრასტრუქტურის მოწყობა.
 კვლევითი და გაწმენდითი სამუშაოების განხორციელების პროცესში ნაგებობის გარკვეული ნაწილების/ფრაგმენტების გადაწყობის აუცილებლობის შემთხვევაში, სამშენებლო მასალა უნდა დაფიქსირდეს, მოიხსნას და დასაწყობდეს არქიტექტორ-რესტავრატორის ზედამხედველობით.
 ძეგლზე ჩასატარებელი მიწის სამუშაოები და ობიექტის ხე-მცენარეებისგან გაწმენდა უნდა განხორციელდეს არქეოლოგიური ზედამხედველობით.
 მიწის და მიწასთან დაკავშირებული ფიზიკური სამუშაოების შესრულების შემთხვევაში, სამუშაოები განხორციელდეს ხელით. მიწის სამუშაოთა მიმდინარეობის დროს არქეოლოგიური ახალი ობიექტის აღმოჩენის შემთხვევაში, „კულტურული მემკვიდრეობის შესახებ“ საქართველოს კანონის მე-10 მუხლის თანახმად, სამუშაოები უნდა შეწყდეს და ამის შესახებ დაუყოვნებლივ ეცნობოს საქართველოს კულტურული მემკვიდრეობის დაცვის ეროვნულ სააგენტოს.
 სამუშაოთა მიმდინარეობისას გამოვლენილი ახალი არქეოლოგიური მასალა მიმწოდებელმა სათანადოდ უნდა დაიცვას დაზიანებისგან, განადგურებისგან და დაკარგვისგან, ასევე გარემო პირობებისა და არასასურველი ზემოქმედებისგან.
 კვლევის მიზნით ძეგლზე განსახორციელებელი ფიზიკური სამუშაოები უნდა შესრულდეს კულტურული მემკვიდრეობის ძეგლზე კვლევითი სამუშაოების ნებართვის საფუძველზე.
 კვლევით ნაწილში დაფიქსირებული უნდა იყოს ყველა დაზიანება თუ რღვევა. რეაბილიტაციის პროექტმა უნდა მოიცვას ძეგლის არსებული მძიმე მდგომარეობის გამოსწორების აუცილებელი ყველა ღონისძიება.
 საყოველთაოდ აღიარებული პრინციპების დაცვით, ზემოთ ჩამოთვლილი მიზნების მისაღწევად ნებისმიერი ჩარევა უნდა იყოს:
- შეძლებისდაგვარად მინიმალური და ადვილად უკუქცევადი;
- ჩარევა არ უნდა უქმნიდეს საფრთხეს ძეგლის რომელიმე კულტურულ ღირებულებას;
- გამოყენებული უნდა იქნას ორიგინალთან თავსებადი, მაღალი ხარისხის, ხანგრძლივ ექსპლუატაციაზე გათვლილი მასალები;
- ყველა ჩარევა უნდა იყოს მკაცრად და დეტალურად დოკუმენტირებული.

 პროექტირებისას აუცილებლად გასათვალისწინებელია, რომ:

 საპროექტო დოკუმენტაციის მოსამზადებლად უნდა ჩამოყალიბდეს რეკომენდაციები ძეგლზე ჩასატარებელი სამუშაოების მეთოდოლოგიის თაობაზე და შესრულდეს ძეგლის რეაბილიტაცია-კონსერვაციის შესაბამისი საპროექტო-სახარჯთაღრიცხვო დოკუმენტაცია;
 საპროექტო დოკუმენტაცია უნდა დამუშავდეს საქართველოს კანონმდებლობისა და კანონქვემდებარე ნორმატიული დოკუმენტების მოთხოვნების გათვალისწინებით, თანამედროვე ტექნოლოგიების გამოყენებით, მათ შორის პროექტით გათვალისწინებული სარეაბილიტაციო სამუშაოები და მეთოდოლოგია უნდა დაისახოს საქართველოს კანონის „კულტურული მემკვიდრეობის შესახებ“ მოთხოვნებისა და ძეგლთა დაცვითი საერთაშორისო გამოცდილების გათვალისწინებით, საქართველოს მთავრობის 2007 წლის 28 მარტის №62 დადგენილების „მშენებლობის უსაფრთხოების წესების“ მოთხოვნათა შესაბამისად;
 შემსყიდველი იტოვებს უფლებას საპროექტო სამუშაოების მიმდინარეობის პერიოდში დააზუსტოს ისეთი ტექნიკური პირობები, რომლებიც არ გამოიწვევენ სამუშაოების მოცულობებისა და შინაარსის მნიშვნელოვან ცვლილებებს. აგრეთვე, შემსყიდველი იტოვებს უფლებას სატენდერო დავალებისა და სატენდერო წინადადების საფუძველზე დააზუსტოს მოთხოვნები მისაღები (დასამუშავებელი) პროექტის მიმართ;
 გრაფიკული მასალა უნდა მომზადდეს ციფრულ (ვექტორული DWG, DXF, PLN გაფართოების ფაილი - Autocad, Archicad) პროგრამული უზრუნველყოფის გამოყენებით;
 გასაწევი მომსახურება ორეტაპიანია. შესრულებული სამუშაოების ჩაბარების საბოლოო ვადა განისაზღვრება ხელშეკრულების გაფორმებიდან არაუგვიანეს 7 (შვიდი) კალენდარული თვით;
 გასაწევი მომსახურება (მიმდინარე სამუშაოები) პერიოდულად გაკონტროლდება შემსყიდველთან შეთანხმებული, შესასრულებელი სამუშაოების კალენდარული გეგმა-გრაფიკის გათვალისწინებით.
 შესასრულებელი სამუშაოების კალენდარული გეგმა-გრაფიკი მიმწოდებელმა შემსყიდველს უნდა წარუდგინოს ხელშეკრულების გაფორმებიდან, არაუგვიანეს 5 (ხუთი) სამუშაო დღეში.

შენიშვნა: სრულყოფილი ტექნიკური დავალება იხილეთ მიმაგრებულ ფაილებში.

ხელშეკრულების გაფორმებიდან არაუგვიანეს 7 (შვიდი) კალენდარული თვე

ბორჯომის მუნიციპალიტეტის სოფელ ჭობისხევში მდებარე ეროვნული მნიშვნელობის კატეგორიის კულტურული მემკვიდრეობის ძეგლის - გოგიჩაანთ ღელის ქვის დარბაზების კომპლექსი

ხოლო საპროექტო დოკუმენტაცია წარმოდგენილ უნდა იქნას: ქ. თბილისი, აღმაშენებლის გამზირი #79.

 პრეტენდენტს 2017 წლიდან დღემდე უნდა გააჩნდეს მინიმუმ ერთი საზოგადოებრივი შენობა-ნაგებობის რეაბილიტაციის საპროექტო დოკუმენტაციის შედგენის გამოცდილება, რომლის ღირებულება ლარებში უნდა შეადგენდეს არანაკლებ 120,000.00 ლარს საქართველოს კანონმდებლობით დადგენილი ყველა გადასახადის ჩათვლით.

 ინფორმაცია წარმოდგენილი უნდა იქნას ჩამონათვალის სახით (არსებობის შემთხვევაში CMR/SPA/NAT ნომრის მითითებით), რომელსაც თან უნდა ერთვოდეს აღნიშნულის დამადასტურებელი დოკუმენტები: დამკვეთსა და შემსრულებელს (ქვეკონტრაქტორს) შორის გაფორმებული ხელშეკრულების და მიღება-ჩაბარების აქტების ასლების და/ან სხვა დოკუმენტების სახით.

 იმ შემთხვევაში, თუ სამუშაოები შესრულებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ სამუშაოების შესრულების ამსახველი ფინანსური დოკუმენტაცია: დადასტურებული საგადასახადო ანგარიშფაქტურები (არსებობის შემთხვევაში) და/ან გადახდის დამადასტურებელი დოკუმენტები და შემსყიდველის მოთხოვნის შემთხვევაში ამონაწერი საბანკო ანგარიშებიდან.

 გამოცდილების ამსახველი CMR/SPA/NAT განცხადებების შესაბამის ველში სამუშაოს შესრულების სრულყოფილი დოკუმენტების არსებობის შემთხვევაში დამადასტურებელი დოკუმენტაციის წარმოდგენა სავალდებულო არ არის.

 პრეტენდენტს 2021 წლიდან ტენდერის გამოცხადების დღემდე, არ უნდა ჰქონდეს სსიპ საქართველოს კულტურული მემკვიდრეობის დაცვის ეროვნული სააგენტოსთან ვალდებულებების შეუსრულებლობის ან/და არაკეთილსინდისიერად შესრულებული სამუშაოების მიზეზით შეწყვეტილი ხელშეკრულება.

 პრეტენდენტმა უნდა წარმოადგინოს პროექტის მომზადების პროცესში მონაწილე პირების შესახებ ინფორმაცია, კერძოდ: არქიტექტორი, არქიტექტორ-რესტავრატორი, ინჟინერ-კონსტრუქტორი, ინჟინერ-გეოლოგი, არქეოლოგი, ხელოვნებათმცოდნე, სამშენებლო მასალების ტექნოლოგი და სერტიფიცირებული შრომის უსაფრთხოების სპეციალისტი.
 არქიტექტორს, არქიტექტორ-რესტავრატორს, ინჟინერ-კონსტრუქტორს, ინჟინერ-გეოლოგს, ხელოვნებათმცოდნეს და სამშენებლო მასალების ტექნოლოგს, 2017 წლიდან დღემდე, უნდა გააჩნდეთ მინიმუმ 3 კულტურული მემკვიდრეობის ძეგლზე, კერძოდ ისტორიულ შენობა-ნაგებობაზე რეაბილიტაციის საპროექტო დოკუმენტაციის მომზადების გამოცდილება. ხოლო არქეოლოგს, ანალოგიურ პერიოდზე მინიმუმ 3 შენობა-ნაგებობის რეაბილიტაციის საპროექტო დოკუმენტაციის მომზადებაში მონაწილეობის გამოცდილება.
 გამოცდილების ამსახველ ინფორმაციაში წარმოდგენილი უნდა იყოს: პროექტის (სამუშაოს) დასახელება, განხორციელების ვადა თარიღების მითითებით, დამკვეთი (ორგანიზაციის დასახელება, ს/კ) და პერსონალის პოზიცია (დანართის შესაბამისად).
 დოკუმენტი (CV) წარმოდგენილიო უნდა იყოს 2.4.1 პუნქტში ატვირთული ფაილის მიხედვით, სრულყოფილად შევსებული, ხელმოწერილი დასაქმებული პერსონალის მიერ და დათარიღებული არაუადრეს ტენდერის გამოცხადების დღისა. დოკუმენტი ასევე დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით პრეტენდენტის მიერ.
 წარმოდგენილი უნდა იყოს არქიტექტორის, არქიტექტორ-რესტავრატორის, ინჟინერ-კონსტრუქტორის, არქეოლოგის, ხელოვნებათმცოდნის და სამშენებლო მასალების ტექნოლოგის დიპლომის ასლი.
შენიშვნა: წარმოდგენილი ინფორმაციის გადამოწმების მიზნით, სააგენტო იტოვებს უფლებას მოითხოვოს პრეტენდენტის მიერ მითითებული, პერსონალის შესრულებულ სამუშაოთა შესახებ ანგარიშები, მიღება-ჩაბარების აქტები, ხელშეკრულებები, პროექტები.

შესასრულებელი სამუშაოების კალენდარული გეგმა-გრაფიკი მიმწოდებელმა შემსყიდველს უნდა წარუდგინოს ხელშეკრულების გაფორმებიდან, არაუგვიანეს 5 (ხუთი) სამუშაო დღეში.

მიმწოდებელი ვალდებულია:
ხელშეკრულების გაფორმების შემდეგ, სამუშაოების დაწყებამდე გადაიხადოს სანებართვო მოსაკრებელი კულტურული მემკვიდრეობის ძეგლზე სამუშაოების ნებართვის მისაღებად 50 (ორმოცდაათი) ლარის ოდენობით, მიმართოს სააგენტოს და აიღოს შესაბამისი ნებართვა არაუგვიანეს 10 (ათი) კალენდარული დღის ვადაში, წინააღმდეგ შემთხვევაში შემსყიდველი იტოვებს უფლებას ცალმხრივად შეწყვიტოს ხელშეკრულება.

მომსახურების სპეციფიკიდან გამომდინარე (ვინაიდან შესყიდვა მოიცავს ინტელექტუალურ მომსახურებას), ტენდერში არ გამოიყენება ფასწარმოქმნის ადეკვატურობის დასაბუთების ვალდებულება.

2 Процентов

5 Процентов

ხელშეკრულების უზრუნველყოფის საბანკო გარანტიის მოქმედების ვადა 90 კალენდარული დღით უნდა აღემატებოდეს შესყიდვის ობიექტის მიწოდების ვადას.

ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში).

საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).
გარანტია უნდა იყოს უპირობო და შემსყიდველს უნდა აძლევდეს უფლებას გარანტიის გამცემი დაწესებულებისგან პირველი მოთხოვნისთანავე, ყოველგვარი დასაბუთების გარეშე, მიიღოს შესაბამისი თანხა.

მიმწოდებლის მიერ წარმოდგენილი, ხელშეკრულების შესრულების უზრუნველყოფის უპირობო საბანკო გარანტია გამოიყენება მიმწოდებლის მიერ ხელშეკრულების პირობების შეუსრულებლობის, ან არაჯეროვნად შესრულების გამო, აგრეთვე შემსყიდველის მიერ პირგასამტეხლოს გამოყენებისა და ხელშეკრულებით გათვალისწინებულ სხვა შემთხვევებში.

მიმწოდებლის მიერ ხელშეკრულების შეწყვეტის შემთხვევაში შემსყიდველს უფლება აქვს აამოქმედოს ხელშეკრულების შესრულების უზრუნველყოფის საბანკო გარანტია სრული ოდენობით.

მიმწოდებლის მიერ ხელშეკრულების შეუსრულებლობის ან არაჯეროვნად შესრულების გამო, შემსყიდველის მიერ ხელშეკრულების ცალმხრივად შეწყვეტის შემთხვევაში, შემსყიდველი უფლებამოსილია აამოქმედოს ხელშეკრულების შესრულების უზრუნველყოფის მიზნით მიმწოდებლის მიერ წარმოდგენილი უპირობო საბანკო გარანტია სრული ოდენობით. ამ შემთხვევაში საბანკო გარანტიის ამოქმედება მიმწოდებელს არ ათავისუფლებს შემსყიდველისთვის მიყენებული ზიანის ანაზღაურებისგან.

წინასწარი ანგარიშსწორების შემთხვევაში მიმწოდებელი ვალდებულია, წარმოადგინოს ავანსის სახით გადასახდელ თანხაზე (ხელშეკრულებით შესაბამისი წლისთვის გათვალისწინებული ღირებულების არაუმეტეს 30%) საავანსო საბანკო გარანტია, რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

ყოველი წლის 10 დეკემბრამდე ხელშეკრულების შესაბამისი წლის ღირებულების სრულად აუთვისებლობის შემთხვევაში მიმწოდებელი ვალდებული იქნება წარმოადგინოს ყოველი მიმდინარე წლის ღირებულებიდან აუთვისებელი თანხის 100% საავანსო საბანკო გარანტია, რომლის მოქმედების ვადაც 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას. აღნიშნული ვადის დარღვევის შემთხვევაში, შემსყიდველი უფლებამოსილია შეწყვიტოს ხელშეკრულება და მიმწოდებელს დააკისროს პირგასამტეხლო ხელშეკრულების ჯამური ღირებულების 5%-ის ოდენობით.

საავანსო თანხის გადახდა მოხდება შესაბამისი საბანკო გარანტიის წარმოდგენის დღიდან არაუგვიანეს 10 (ათი) სამუშაო დღის ვადაში.

ანგარიშსწორება განხორციელდება ეტაპობრივად, ყოველი ეტაპის დასრულებიდან და მიღება-ჩაბარების აქტის გაფორმებიდან (არსებობის შემთხვევაში საგადახდო დოკუმენტის წარმოდგენიდან) 10 (ათი) სამუშაო დღეში.

მეორე ეტაპის მიღება და ანგარიშსწორება განხორციელდება სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან აკრედიტირებული პირის მიერ გაცემული დადებითი დასკვნის საფუძველზე.

შენიშვნა: ექსპერტიზაზე პროექტს წარადგენს და ანაზღაურებას ახორციელებს შემსყიდველი.

ანგარიშსწორება მოხდება ეტაპობრივად, მიღება-ჩაბარების აქტ(ებ)ის გაფორმებისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან არაუგვიანეს 10 (ათი) სამუშაო დღის ვადაში.

წლების მიხედვით განაწილება მოხდება შემდეგი სახით:
2025 წელს 120000.00 (ას ოცი ათასი) ლარის, ხოლო 2026 წელს -120000.00 (ას ოცი ათას