Цистерны, резервуары и контейнеры, радиаторы центрального отопления и котлы (Грузия - Тендер #66699583)

შესყიდვის ობიექტს წარმოადგენს 25 ცალი 1100 ლიტრიანი ლითონის ნაგავშემკრები კონტეინერის შესყიდვა

მისაწოდებელი საქონელი არანაკლები ან მსგავსი უნდა იყოს აღნიშნული პარამეტრებისა.

1. ტევადობა - 1100 ლიტრი;
2. სიგრძე: არანაკლებ - 1150მმ და არაუმეტეს - 1400 მმ;
3. სიმაღლე: არანაკლებ -1200 მმ და არაუმეტეს-1500 მმ;
4. სიგანე: არანაკლებ - 870 მმ და არაუმეტეს - 1100 მმ;
5.სანაგვე კონტეინერებს უნდა გააჩნდეს თავსახურის ფეხით ასახდელი მექანიზმი, ლითონის გადასაწევი ოვალური ან ბრტყელი თავსახური, ოვალურ თავსახურიანი კონტეინერის თავსახური დამაგრებული უნდა იყოს მოძრავ მკლავებზე.
6. ოვალურ თავსახურიან კონტეინერის თავსახურს უნდა გააჩნდეს დამჭერი ფიქსატორები, რომლებიც დააფიქსირებენ თავსახურს ღია მდგომარეობაში.
7. სანაგვე კონტეინერს უნდა გააჩნდეს 4 ცალი ,,კრონშტეინი“ რომლებზეც მაგრდება ბორბლები.
8. სანაგვე კონტეინერს უნდა გააჩნდეს ღერძის გარშემო, საკისარზე თავისუფლად მბრუნავი მეტალის გულიანი რეზინის 4 ცალი ბორბალი , მათგან : 2 ცალი მუხრუჭიანი(წინა მხარეს), ხოლო ორი ცალი უმუხრუჭო.
9. კოროზიამედეგობის მიზნით, კონტეინერის ლითონის ზედაპირი (შიდა და გარე ზედაპირი) დამუშავებული უნდა იყოს ცხლად მოთუთიების ტექნოლოგიით .
10. კონტეინერს მდგრადობისთვის ზედაპირზე უნდა გააჩნდეს სიხისტის ჩაღრმავებები;
11. კონტეინერს გვერდებზე უნდა გააჩნდეს სტანდარტული ნაგავმზიდის დამცლელ სისტემასთან თავსებადი ყურები, რომლებიც განთავსებულია მიწის ზედაპირიდან 1000-1100 მმ სიმაღლეზე;
12. კონტეინერის ძირი აღჭურვილი უნდა იყოს საწრეტი ხვრელის (არანაკლებ 40 მმ) დამხშობი საცობით;

საქონლის მიწოდება უნდა განხორციელდეს ეტაპობრივად ან ერთიანად, ხელშეკრულების გაფორმებიდან 60 კალენდარული დღის განმავლო

საქონლის მიწოდების ადგილი: ქ. ხონი, თავისუფლების მოედანი N6.

პრეტენდენტმა შემოთავაზებულ საქონელზე, მიღება-ჩაბარების აქტის გაფორმების დღიდან უნდა გაავრცელოს არანაკლებ 12 (თორმეტი) თვიანი გარანტია სრულ კონტეინერზე, მათ შორის მექანიზმებზე და გორგოლაჭებზე, სწორი ექსპლუატაციის პირობებში. საგარანტიო პერიოდში, საქონლის დაზიანების ან ქარხნული წუნის აღმოჩენის შემთხვევაში, მიმწოდებელი ვალდებულია, საკუთარი ხარჯებით, შემსყიდველი ორგანიზაციის შესაბამისი მიმართვის წარმოდგენიდან არაუგვიანეს 30 (ოცდაათი) კალენდარული დღის განმავლობაში, უზრუნველყოს წუნდებული ან დაზიანებული საქონლის შეცვლა ან შეკეთება.

საგარანტიო პირობების შესახებ პრეტენდენტმა ერთიან ელექტრონულ სისტემაში უნდა წარმოადგინოს ინფორმაცია.

1. შემოთავაზებული საქონელი უნდა იწარმოებოდეს ევროკავშირის ან/და ეკონომიკური თანამშრომლობისა და განვითარების ორგანიზაციის (OECD) წევრ ქვეყანაში.

2. პრეტენდენტმა შესყიდვის ობიექტის წარმოების ქვეყანა, მწარმოებელი კომპანია და შემოთავაზებული საქონლის მოდელი (ასეთის არსებობის შემთხვევაში), ასევე ერთეულის ფასი და ჯამური ღირებულება უნდა მიუთითოს დანართი N1-ის შესაბამისად.

3. იმ შემთხვევაში, თუ პრეტენდენტი არ მიუთითებს მწარმოებელ ქვეყანას, მწარმოებლის დასახელებას და შემოთავაზებული საქონლის მოდელს (ასეთის არსებობის შემთხვევაში), პრეტენდენტი დაზუსტების გარეშე დაექვემდებარება დისკვალიფიკაციას.

პრეტენდენტმა ერთიან ელექტრონულ სისტემაში უნდა წარმოადგინოს ძალაში მყოფი სერტიფიკატები:

• EN 840-5 და EN 840-6
• EN ISO 1461 (გაცემული მაგალვანიზირებელ ქარხანაზე ან ქარხნის მიერ);
• ISO 9001 სერტიფიკატი- მოქმედი, (აღნიშნული სერთიფიკატი გაცემული უნდა იყოს მწარმოებელზე )
• EN 10204 (აღნიშნული სერტიფიკატი დასაშვებია, რომ იყოს გაცემული მეტალის მწარმოებელი ქარხნის მიერ)

1. პრეტენდენტმა უნდა წარმოადგინოს შემოთავაზებული პროდუქტის ვიზუალი - რომელიშიც მოცემული იქნება წინხედი, გვერდხედი, ზედხედი და უკანა მხარე. აღნიშნული შესაძლებელია წარმოდგენილი იქნეს ფერადი ფოტოსურათ(ებ)ის ან/და მწარმოებლის ვებ გვერდის ბმულის მეშვეობით. პროდუქტი უნდა შეესაბამებოდეს სატენდერო დოკუმენტაციის 1.2 პუნქტის მოთხოვნებს.

2. პრეტენდნეტმა აგრეთვე უნდა წარმოადგინოს პროდუქტის ვიზუალი, რომელზეც დატანილი იქნება აბსოლიტური ზომები (მაქსიმალური სიმაღლე, მაქსიმალური სიგანე (გადახდილი სახურავი), მაქსიმალური სიგრძე) თანდართული ნიმუშის შესაბამისად (იხილეთ ნიმუში - კონტეინერის ზომების შესახებ).

3. წინამდებარე ტენდერის ამ მუხლის მე-2 პუნქტის შესაბამისად წარმოდგენილი ზომები უნდა შეესაბამებოდეს წინამდებარე სატენდერო დოკუმენტაციის 2.7.1 პუნქტის შესაბამისად წარმოდგენილ სერტიფიკატში მითითებულ ზომებს (თუ აღნიშნულ ინფორმაციას შეიცავს სერტიფიკატი).

- თუ სერტიფიკატში მითითებულია ზომები, თუმცა არ ასახავს წინამდებარე ტენდერში მოთხოვნილი პარამეტრებს, რომელიც მოცემულია ნიმუშში, მაშინ პრეტენდენტი ვალდებულია წარმოადგინოს მასერთიფიცირებლის ან მწარმოებლის მიერ გაცემული ინფორმაცი/დოკუმენტი, რომელშიც მითითებული იქნება კონტეინერის რა ზომებია მითითებული სერტიფიკატში

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

1) მოთხოვნის შემთხვევაში შესაძლებელია განხორციელდეს წინასწარი (საავანსო) ანგარიშსწორება, ხელშეკრულების ღირებულების არაუმეტეს 20%-ის ოდენობით, რაზეც წარმოდგენილი უნდა იქნეს სსიპ - საქართველოს ეროვნული ბანკის ან სსიპ - საქართველოს დაზღვევის სახელმწიფო ზედამხედველობის სამსახურის მიერ ლიცენზირებული საბანკო დაწესებულების ან სადაზღვევო ორგანიზაციის მიერ გაცემული წინასწარ გადასახდელი თანხის იდენტური ოდენობის გარანტია;

2) წარმოდგენილი გარანტიის მოქმედების ვადა 60 (სამოცი) კალენდარული დღით უნდა აღემატებოდეს სამუშაოების დასრულების ვადას;

3) გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისგან, პირველივე მოთხოვნისთანავე, მიიღოს შესაბამისი თანხა;

4) წინასწარ მიღებული თანხა გამოყენებულ უნდა იქნეს ხელშეკრულებასთან დაკავშირებული ვალდებულებების შესასრულებლად;

5) წინასწარ გადახდილი თანხის გაქვითვა მოხდება პროპორციულად, ფაქტობრივად შესრულებული სამუშაოს ღირებულების იმ პროცენტის ოდენობით, რა პროცენტული ოდენობითაც გაიცა ავანსი. ეტაპობრივი ანგარიშწორების შემთხვევაში, ანგარიშწორების ბოლო ეტაპზე წინასწარ გადახდილი თანხის გაქვითვა მოხდება იმ მოცულობით, რა მოცულობაც საჭიროა ავანსის სრულყოფილად გასაქვითად;

1. ანგარიშსწორება შესაძლოა განხორციელდეს ეტაპობრივად, ფაქტიურად მოწოდებული საქონლის მიხედვით, ეროვნულ ვალუტაში, უნაღდო ანგარიშსწორების ფორმით, მიღება-ჩაბარების აქტის და სასაქონლო ზედნადების/ანგარიშ-ფაქტურის (ელექტრონული ფორმით) საფუძველზე.

2. მიღება - ჩაბარების აქტს თან უნდა ერთვოდეს შემოთავაზებულ ტექნიკაზე სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული დასკვნა, რომელიც უნდა ადასტურებდეს პრეტენდენტის მიერ წარმოდგენილი ტექნიკის ტექნიკური მახასიათებლების შესაბამისობას სატენდერო დოკუმენტაციით გათვალისწინებულ მოთხოვნებთან (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი).

მიღება–ჩაბარების აქტის გაფორმებიდან 10 (ათი) სამუშაო დღეში.

გიორგი ჯანელიძე, 598309250, tinatinpailodze@gmail.com

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
2.სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
3. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით. (საჭიროების შემთხვევაში, წარმოდგენილი უნდა იქნას წარმომადგენლობაზე უფლებამოსილების დამადასტურებელი დოკუმენტი).
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი ფასების ცხრილი ან ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. ყველგან, თუ სადმე მითითებულია სასაქონლო ნიშანი, მოდელი, წარმოშობის წყარო ან მწარმოებელი იგულისხმება "მსგავსი" ან "ექვივალენტური".
9.სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.