Различные коммерческие услуги и связанные с ними услуги (Грузия - Тендер #66520671)

„თბილისობის“ ღონისძიების ფარგლებში, ფესტივალის „გაუსინჯე თბილისს გემო“ ორგანიზების მომსახურების სახელმწიფო შესყიდვა.

1.2.1 პროექტის მიზანს წარმოადგენს ადგილობრივი მეწარმეობის ხელშეწყობა და საქართველოში მოღვაწე, მიკრო და მცირე მეწარმეების პროდუქციის პოპულარიზაცია.
1.2.2 პროექტის აღწერა: მითითებულ პერიოდში გაიმართება პროდუქციის გამოფენა-გაყიდვა, რომელშიც წარმოდგენილი იქნება ხელნაკეთი ნივთები და საკვები პროდუქტები.
1.2.3 "გაუსინჯე თბილისს გემო" პროექტის ფარგლებში შემსყიდველი უზრუნველყოფს არანაკლებ 20 და არაუმეტეს 30 ჯიხურის, აგრეთვე, არანაკლებ 40 და არაუმეტეს 50 საგამოფენო დახლის განთავსებას.
1.2.4 "გაუსინჯე თბილისს გემო" პროექტის ფარგლებში მიმწოდებელმა უნდა უზრუნველყოს:
1.2.4.1 მეწარმეთა შერჩევა, რასაც განახორციელებს შემსყიდველის მიერ მიწოდებული სიებიდან;
1.2.4.2 ღონისძიების სრული კონტროლი, რაც გულისხმობს წინასწარ შედგენილი გრაფიკისა და მონაწილეთა სამუშაო საათების კონტროლს, რომელიც განისაზღვრება შემსყიდველის მიერ წერილობითი დავალებით და აგრეთვე, პროექტის როგორც ტექნიკური ისე, ვიზუალური გამართულობის უზრუნველყოფას;
1.2.4.3 თითოეული ლოკაციის მონიტორინგი არანაკლებ 1 (ერთი) სივრცის მენეჯერის მეშვეობით;
1.2.4.4 მეწარმეების განთავსება სტრატეგიულად;
1.2.4.5 მონაწილეების (მეწარმეების) თავდაპირველი განთავსება არსებულ ჯიხურებში და დახლებთან;
1.2.4.6 ღონისძიების გზამკვლევის შედგენა და მიწოდება მეწარმეებისთვის, რაზეც დატანილი იქნება მეწარმეთა განლაგების რუკები და პროექტის სრული ინსტრუქცია;
1.2.4.7 ობიექტების იდენტიფიკაციისთვის, ყველა ჯიხურის და დახლის ინდივიდუალური დანომრვა. აგრეთვე, თითოეული ჯიხურის აღჭურვა ბოქლომით;
1.2.4.8 ლოკაციაზე, უსაფრთხოების საშუალებების, კერძოდ, არანაკლებ თითო ცალი ჰაერქაფოვანი და ნახშიროჟანგოვანი ცეცხლმაქრების განთავსება ყოველ 8 (რვა) მეწარმეზე;
1.2.4.9 თითოეული ლოკაციაზე, არანაკლებ 1 (ერთი) საველე ექიმით და პირველადი გადაუდებელი დახმარებისათვის საჭირო შესაბამისი ინვენტარით;
1.2.4.10 სანიტარული ნორმების დაცვა და მონიტორინგი;
1.2.4.11 ჯიხურების დასუფთავება პროექტის დასაწყისში - მეწარმის შესვლისას და პროექტის დასრულების შემდგომ;
1.2.4.12 შემსყიდველის დავალების შესაბამისად, „პვხ“-ს მასალისგან, ზომით 21 სმ x 30 სმ (± 5სმ), არანაკლებ 60 და არაუმეტეს 80 აბრის დამზადება, რომელზეც უნდა გადაეკრას მეწარმის ლოგოტიპიანი გარე მოხმარებისთვის განკუთვნილი სტიკერი;
1.2.4.13 სტიკერის დიზაინის დამუშავება, ბეჭდვა, აბრაზე გაკვრა და აბრის მონტაჟი.

1.4.1 მომსახურების გაწევის ვადა: ხელშეკრულების ძალაში შესვლიდან 2025 წლის 21 სექტემბრის ჩათვლით.
1.4.2 ღონისძიების თარიღი: 2025 წლის 20 და 21 სექტემბერი.

ქ. თბილისი, ორბელიანის მოედნის მიმდებარე ტერიტორია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის (საშემფასებლო) დასკვნა (დასკვნასთან ერთად წარმოდგენილ უნდა იქნას შესაბამისი უფლებამოსილების დამადასტურებელი დოკუმენტი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის 1-ელი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, 2025 წლის ადგილობრივი ბიუჯეტის სახსრებით.

გაწეული მომსახურების შემდეგ, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

ლელა ჭინჭარაძე, 598131119, l.chincharadze@yahoo.com , ტექნიკურ საკითხებთან დაკავშირებით საკონტაქტო პირი - ნინო მიქელაძე, მობილური ტელეფონი - 577 07 00 22; ელ-ფოსტა: n.mikeladze@tbilisi.gov.ge.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 მომსახურების ხარჯთაღრიცხვა(დანართი N1) MS Excel-ის ფორმატის ფაილის სახით.