Кино услуги и видео услуги (Грузия - Тендер #66520669)

ვიდეორგოლის გადაღების მომსახურების შესყიდვა

პერსონალურ მონაცემთა დაცვის სამსახურს საზოგადოების ცნობიერების ამაღლების მიზნით, ესაჭიროება ერთი ერთეული (ქრონომეტრაჟი 4-5 წთ) ვიდეორგოლის დამზადება, რომლის მიზანიც არის შეზღუდული შესაძლებლობების მქონე პირთა პერსონალური მონაცემების დაცვის მნიშვნელობის შესახებ ინფორმაციის გაზიარება.

ვიდეორგოლში სამსახურის წარმომადგენელი მონოლოგის რეჟიმში მარტივი და გასაგები ენით გააზიარებს ინფორმაციას შშმ პირთა უფლებების შესახებ.

აუცილებელია, რომ ვიდეო დატვირთული იყოს გრაფიკული ჩანართებით, რაც გულისხმობს ტექსტის პარალელურად ბულეტების სახით მნიშვნელოვანი ინფორმაციის ეკრანზე გამოტანას და სხვა თემატური "აიქონების" გამოყენებას, ასევე, ვიდეოებისთვის შესაბამისი ქუდის და გამოსაყვანი კადრის (სადაც დატანილი იქნება სამსახურის საკონტაქტო ინფორმაცია) გრაფიკულად დამზადებას. ასევე, შესაძლებელია საჭირო გახდეს ვიდეოებისთვის შესაბამისი პრეზენტაციების მომზადება (მხოლოდ ვიზუალური ნაწილი) და მისი ვიდეოში ინტეგრირება.

ვიდეოების ჩაწერა მოხდება პერსონალურ მონაცემთა დაცვის სამსახურის ოფისში.

ვიდეო მასალის გარდა საჭიროა ამორენდერებული აუდიო ვერსია Spotify - ზე განსათავსებლად და შესაბამისი ზომის ქავერ ფოტოების დამზადება სოციალურ ქსელებში განსათავსებლად (Youtube, Facebook, Spotoify.)

ვიდეომასალა წარმოდგენილი უნდა იყოს - FULL HD ფორმატში;

მიმწოდებელმა უნდა უზრუნველყოს ვიდეორგოლისთვის სივრცის მოწყობა, დეკორაციების მომზადება (საჭიროების შემთხვევაში), განათება, მონტაჟი, ფერთა კორექცია, გრაფიკული ჩანართების მომზადება, პოსტ ფროდაქშენი და უშუალოდ გადაღების პროცესის ორგანიზება შემსყიდველთან შეთანხმებით;

ვიდეოებს სრულად უნდა დაედოს სუბტიტრები ქართულ ენაზე.

ვიდეოებს უნდა ახლდეს შშმ პირთათვის ხელმისაწვდომი - სურდო თარგმანი.

ვიდერგოლებში გამოყენებული მასალა გადაღებული უნდა იყოს 2 ვიდეოკამერით,
გადაღებული ვიდეოს ხარისხი: 4K ;
პიქსელები რაოდენობა - 3840 × 2160; Frame – 25;
ინტერიერის განათება 150 w, 350w, 600w, 2000w
სამკერდე მიკროფონები
კამერის ობიექტივები - 24mm T1.5, 135mm T2.2, 85mm T1.3, 35mm T1.5, 50mm T1.3, 200mm F 2
მონტაჟისთვის და პოსტპროდაქშენისთვის მოთხოვნადი პროგრამები: After effects, Adobe Premiere Pr
ვიდეორგოლი გაფორმებული უნდა იყოს მუსიკალურად და გამოყენებული მუსიკა დაცული უნდა იყოს საავტორო უფლებებით.
საბოლოო პროდუქტის დასრულებამდე სავალდებულოა ვიდეოების საცდელი/საჩვენებელი ვერსიის წარმოდგენა შესაძლო შესწორებების შეტანის მიზნით.

ხელშეკრულების გაფორმებიდან არაუგვიანეს 2025 წლის 19 სექტემბრისა.

მიწოდება უნდა განხორციელდეს მისამართზე: ქ. თბილისი, ვაჩნაძის ქ. N7. შემსყიდველის ადმინისტრაციული შენობა.

2.2.1.1 პრეტენდენტს 2020 წლის 1 იანვრიდან ტენდერის გამოცხადების თარიღამდე უნდა გააჩნდეს ვიდეო-რგოლების (არანაკლებ 5 გრაფიკული ჩანართით) გადაღების მომსახურების გაწევის გამოცდილება, რის დასადასტურებლადაც წარმოდგენილი უნდა იქნეს არანაკლებ 3 დასრულებული ვიდეო-რგოლი (სისტემაში ატვირთულ იქნეს ვებ-მისამართის ან/და სხვა სახის ხელმისაწვდომი ელექტრონული ფორმის სახით), ასევე, წარმოდგენილ იქნეს აღნიშნული ვიდეო-რგოლების დამზადების თაობაზე გაფორმებული შესაბამისი ხელშეკრულებები და მიღება-ჩაბარების აქტები ან/და ნებისმიერი სხვა გადახდის დამადასტურებელი დოკუმენტი.

2.2.1.2 იმ შემთხვევაში, თუ მომსახურება გაწეულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ანგარიშსწორების დამადასტურებელი ფინანსური დოკუმენტაცია: დადასტურებული საგადასახადო ანგარიშ-ფაქტურები, ხოლო აღნიშნულის არარსებობის შემთხვევაში, ამონაწერი საბანკო ანგარიშიდან ან/და ჩეკი ან/და ჩეკთან გათანაბრებული სხვა დოკუმენტი.

2.2.1.3 იმ შემთხვევაში, თუ სატენდერო დოკუმენტაციის 2.2.1.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან შესყიდვის ობიექტი წარმოადგენს ინტელექტუალურ მომსახურებას, რომლის ძირითადი დანახარჯები მოიცავს ადამიანური რესურსის შრომით ანაზღაურებას, მიმწოდებელს აქვს შესაძლებლობა, აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. აქედან გამომდინარე, „ელექტრონული ტენდერის ჩატარების წესის“ მე-18 მუხლის მე-5 პუნქტის შესაბამისად, ამ კონკრეტული შესყიდვის თავისებურების გათვალისწინებით, სატენდერო დოკუმენტაციაში არ იქნება გათვალისწინებული ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება უნაღდო ანგარიშსწორებით ლარში, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე.

ფაქტობრივად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 სამუშაო დღის განმავლობაში.

გვანცა სისოშვილი, 595331403, gsisoshvili@pdps.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ ფასების ცხრილზე სავალდებულოა უფლებამოსილი პირის კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა (საჭიროების შემთხვევაში ატვირთულ უნდა იქნეს მინდობილობა ან რწმუნებულება). ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად. . ამასთან, აღნიშნულ ხელშეკრულებასთან ერთად გაფორმდება შეთანხმება უფლებამოსილ პირთან, რომელიც უზრუნველყოფს მონაცემთა დამუშავებისთვის პასუხისმგებელ პირსა და დამუშავებაზე უფლებამოსილ პირს შორის ურთიერთობის შესაბამისობას "პერსონალურ მონაცემთა დაცვის შესახებ" კანონთან.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება, წარმოადგინოს ალტერნატიული სატენდერო წინადადება.
10.1.8 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - "კითხვა/პასუხის" მეშვეობით ან/და სატენდერო კომისიის აპარატში, ქ. თბილისი, ნ.ვაჩნაძის №7.