Различные коммерческие услуги и связанные с ними услуги (Грузия - Тендер #66433005)

გურჯაანის ღვისნის ფესტივალის ორგანიზების მომსახურების შესყიდვა.

გურჯაანის ღვინის ფესტივალს, რომელსაც უკვე 9 წლიანი ისტორია აქვს წარმოადგენს საქართველოს, შავი ზღვის რეგიონისა და აღმოსავლეთ ევროპის ყველაზე მასშტაბურ და მრავალფეროვან ღვინის ფესტივალს.
2024 წელს ფესტივალმა 450-ზე მეტი მონაწილე და 25000-ზე მეტი სტუმარი მიიღო, რაც მის მზარდ პოპულარობაზე მეტყველებს.

ფესტივალზე წარმოდგენილია, როგორც გლეხის მიერ ქვევრში დაყენებული, დიდი და მცირე მარნების მიერ წარმოებული სხვადასხვა ტიპის, ფერისა და ასაკის ღვინო, ჭაჭა და სხვა სასმელები, ასევე, IWSC Wine Judging in Georgia -ის გამარჯვებული ღვინოები.
ფესტივალის მიზანია ქვევრის ღვინის, როგორც UNESCO-ს არამატერიალური კულტურული მემკვიდრეობის პოპულარიზაცია და ღვინის ტურიზმის განვითარება.

გურჯაანის ღვინის ფესტივალი ხელს უწყობს მცირე მეწარმეების განვითარებას, ადგილობრივი ეკონომიკის გაძლიერებას და ქართული ღვინის კულტურის პოპულარიზაციას როგორც ადგილობრივ, ისე საერთაშორისო დონეზე.
აღსანიშნავია, რომ 2022 წელს, ფესტივალმა, საერთაშორისო წარმატებასაც მიაღწია და ღვინისა და ალკოჰოლური სასმელების საერთაშორისო კონკურსის (IWSC) ოფიციალური პარტნიორი გახდა, რაც რა თქმა უნდა ღვინის გლობალურ ბაზარზე უფრო მეტი ქართველი მწარმოებლის წვდომას ნიშნავს.

მიმდინარე წელს, ფესტივალი, 11 ოქტომბერს, 14:00 საათზე, ქ. გურჯაანში, ახტალის პარკში გაიმართება. იმისთვის რომ ღონისძიება გახდეს უფრო მასშტაბური და მოხდეს ტურისტული პროდუქტების და რეგიონების პოპულარიზაცია ღონისძიებების ორგანიზებაში ჩართულია სსიპ საქართველოს ტურიზმის ეროვნული ადმინისტრაცია.

დანართის სახით იხილეთ ღონისძიების შესასყიდი მომსახურებების ჩამონათვალი და ტექნიკური დავალება.
მტექნიკური დავალების პირველი პუნქტის 4,5,6 ქვეპუნქტებით, მე-2 პუნქტის 1,2,3 ქვეპუნქტებითა და მე-3 პუნქტის ყველა ქვეპუნქტით განსაზღვრული მომსახურება შემსყიდველს გაუწიოს ხელშეკრულების გაფორმებიდან შვიდ კალენდარულ დღეში.

მომწოდებელი ვალდებულია, თითოეული პუნქტი შეათანხმოს შემსყიდველთან, ასევე ვალდებულია წარმოადგინოს უშუალოდ მომსახურების გამწევ პირთან გაფორმებული ხელშეკრულებები, ადმინისტრაციასთან ხელშეკრულების გაფორმებიდან 3-5 კალენდარული დღის ვადაში.

მიმდინარე წლის 11 ოქტომბერი, 14:00 საათი.

ქ. გურჯაანში, ახტალის პარკი.

1. პრეტენდენტმა უნდა წარმოადგინოს ღონისძიების ორგანიზების გამოცდილება 2022 წლიდან 1 იანვრიდან, ჯამში არანაკლებ 300 000.00 ლარის ღირებულების, რომელიც უნდა მოიცავდეს არანაკლებ ერთ პროექტს ღირებულებით 100 000.00 ლარი;
2. ინფორმაცია გამოცდილების შესახებ წარმოდგენილი უნდა იყოს თანდართული ცხრილის შესაბამისად;
3. პრეტენდენტი ვალდებულია წარმოადგინოს, საანგარიშო პერიოდში გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები და სხვა დამადასტურებელი დოკუმენტები; სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP და ა.შ.) მითითება თანდართული ცხრილის შენიშვნის გრაფაში.
4. შემსყიდველი უფლებამოსილია ანალოგიური სამუშაოების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადექვატურობა საექსპერტო ან/და აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც პრეტენდენტის მიერ დაფიქსირებული წინადადების ფასთან (ფასების ცხრილის/ხარჯთაღრიცხვის ჯამურ ღირებულებასთან), ასევე ფასების ცხრილის/ხარჯთაღრიცხვის ერთეულებთან მიმართებით.

დასკვნასთან ერთად დამატებით წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ანგარიშსწორება მოხდება უნაღდო ანგარიშსწორებით ლარში;
ანგარიშსწორება მოხდება მიღება–ჩაბარების აქტის გაფორმებისა და შესაბამისი საგადასახადო დოკუმენტების წარმოდგენის შემდეგ;
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მოხდება მიღება–ჩაბარების აქტის გაფორმებიდან და შესაბამისი საგადასხადო დოკუმენტების წარმოდგენიდან 10 სამუშაო დღის განმავლობაში.

ნანა დოლაკიძე, 577929777, n.dolakidze@gnta.ge

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია დაამოწმოს/დაადასტუროს კვალიფიციური ხელმოწერით/კვალიფიციური შტამპით უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია გამოცდილების შესახებ და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.