Архитектурные и сопутствующие услуги (Грузия - Тендер #66265725)

სს „საქართველოს რკინიგზა“-ს ფილიალ „მგზავრთა გადაყვანა“-ს ბალანსზე რიცხული ქუთაისი I-ის პირველი მაღალი სამგზავრო ბაქანისა და მასზე განთავსებული გადახურვის რეკონსტრუქცია/მოწყობისათვის საჭირო სამუშაოების საპროექტო-სახარჯთაღრიცხვო დოკუმენტაციის შედგენის მომსახურების შესყიდვა

სადგურ ქუთაისი I-ის პირველი მაღალი სამგზავრო ბაქნისა (საინვ. N34859) და მასზე განთავსებული გადახურვის (საინვ. N2140/15152) რეკონსტრუქცია/მოწყობისათვის საჭირო სამუშაოების საპროექტო-სახარჯთაღრიცხვო დოკუმენტაციის შედგენის მომსახურება

გასაწევ მომსახურებაზე განსაკუთრებული მოთხოვნები:
1. მიმწოდებელმა უნდა უზრუნველყოს სს „საქართველოს რკინიგზა“-ს ფილიალ „მგზავრთა გადაყვანა“-ს ბალანსზე რიცხული სადგურ ქუთაისი I-ის პირველი მაღალი სამგზავრო ბაქნისა (საინვ. N34859) და მასზე განთავსებული გადახურვის (საინვ. N2140/15152) (შემდგომში - „სარეკონსტრუქციო ობიექტები“) რეკონსტრუქცია/მოწყობისათვის საჭირო სამუშაოების საპროექტო-სახარჯთაღრიცხვო დოკუმენტაციის მომზადება;
2. აღნიშნული ბაქნის სიგანე უნდა იყოს ბაქნის არსებული სტანდარტით განსაზღვრული ზომების შესაბამისად, ხოლო სიგრძე - 250 მეტრამდე (შემსყიდველთან შეთანხმებით).
3. მიმწოდებელმა უნდა უზრუნველყოს „სარეკონსტრუქციო ობიექტებზე“ განსახორციელებელი სამუშაოებისათვის საჭირო ყველა შესაბამისი კვლევის ჩატარებას (მათ შორის გეოლოგიურ კვლევას, რომელსაც უნდა დაესწროს შემსყიდველის წარმომადგენელი);
4. მიმწოდებელმა უნდა უზრუნველყოს „სარეკონსტრუქციო ობიექტების“ რეკონსტრუქცია/მოწყობის საპროექტო დოკუმენტაციის არქიტექტურული ნაწილი (დიზაინი და რენდერები არანაკლებ 2 ალტერნატიული ვარიანტი) წერილობით უნდა იქნეს შეთანხმებული შემსყიდველთან. ამასთან გასათვალისწინებელია, რომ აღნიშნული შეთანხმებ(ებ)ის დროს მომსახურების განხორციელების ვადის ათვლა არ ჩერდება;
5. პროექტებში გათვალისწინებული უნდა იყოს:
• ანტი ვანდალური მოსაცდელი სკამები და ნაგვის ურნები (შემსყიდველთან შეთანხმებული ადგილებისა და ესკიზების მიხედვით);
• „სარეკონსტრუქციო ობიექტების“ ელ. ენერგიითა და განათებით (ლამპიონები, სენსორული ლედ განათების ნათურებით და სხვა) უზრუნველყოფა;
• წყლის არიდების სისტემით უზრუნველყოფა;
• „სარეკონსტრუქციო ობიექტების“ ჰიდროიზოლაციის მოწყობა იმგვარად, რომ მაქსიმალურად თავიდან იქნას არიდებული ქუთაისის ვაგზლის შენობაში წყლის შეღწევის შესაძლებლობა;
• „სარეკონსტრუქციო ობიექტები“ ადაპტირებული უნდა იყოს შშმ პირთა მოთხოვნილებებზე (შესაბამისი პანდუსებით, მოაჯირებითა, უსინათლოთა ბილიკებითა და სხვა), საქართველოში მოქმედი სამშენებლო ნორმების და სხვა ნორმატიულ-ტექნიკური დოკუმენტაციით განსაზღვრული სტანდარტების შესაბამისად;
• შესაბამისი მანიშნებლებით აღჭურვა (ბაქნებზე უწყვეტი ყვითელი უსაფრთხოების ზოლების მონიშვნა, მიმართულებებისა და უსაფრთხოების მანიშნებელი სტიკერები, ობიექტის დასახელების აღმნიშვნელი აბრ(ებ)ითა და სხვა) (საჭიროების შემთხვევაში);
• ბაქნის თავზე არსებული გადახურვის შეკეთება.
6. საპროექტო-სახარჯთაღრიცხვო დოკუმენტაცია შედგენილი უნდა იქნეს საქართველოში მოქმედი სამშენებლო ნორმების, “სეისმედეგი მშენებლობის“ წესების და სხვა ნორმატიულ-ტექნიკური დოკუმენტაციით განსაზღვრული სტანდარტების, ასევე, საქართველოს სარკინიგზო ტრანსპორტის ტექნიკური ექსპლუატაციის წესების 5.3 პუნქტით განსაზღვრული პირობების შესაბამისად;
7. საპროექტო-სახარჯთაღრიცხვო დოკუმენტაცია უნდა შედგეს მიმდინარე საბაზრო ფასებით და შესაბამისი ობიექტური, ლოკალური და კრებსითი ხარჯთაღრიცხვების გამოცემით;
8. პროექტ(ებ)ი უნდა მოიცავდეს: საინჟინრო-გეოდეზიურ აზომვებს, საინჟინრო-გეოლოგიურ კვლევებს (საჭიროების შემთხვევაში), არქიტექტურულ, დიზაინერულ და კონსტრუქციულ ნაწილს, ელექტროტექნიკურ ნაწილს (განათების სისტემების მოწყობა), შენობა-ნაგებობის რკინაბეტონის კონსტრუქციების მოწყობას მოქმედი ნორმატიულ-ტექნიკური დოკუმენტაციით განსაზღვრული პარამეტრებით, შრომის უსაფრთხოების ნორმებს, სხვა ყველა საჭირო კვლევებს, სამუშაოთა ორგანიზაციის პროექტს, მოძრავი შემადგენლობ(ებ)ისა და მგზავრების უსაფრთხოების ნორმების/წესების დაცვას, ყველა სამუშაო ადგილზე უზრუნველყოფილი უნდა იქნას შრომის პირობების შესატყვისობა მოქმედ სანიტარულ-ჰიგიენურ ნორმებთან და წესებთან, საქართველოს კანონმდებლობით განსაზღვრული სხვა ნორმების დაცვას;
9. საპროექტო-სახარჯთაღრიცხვო დოკუმენტაცია წერილობით უნდა იქნეს შეთანხმებული შემსყიდველთან. ამასთან გასათვალისწინებელია, რომ აღნიშნული შეთანხმებ(ებ)ის დროს მომსახურების განხორციელების ვადის ათვლა არ ჩერდება;
10. საპროექტო-სახარჯთაღრიცხვო დოკუმენტაცია დამუშავებული უნდა იქნეს რესურსული მეთოდით მიმდინარე ფასებში საქართველოს მთავრობის 2014 წლის 14 იანვრის N55 დადგენილების შესაბამისად;
11. მიმწოდებელმა შემსყიდველს უნდა წარუდგინოს ექსპერტიზისათვის გადასაცემად პროექტ(ებ)ის, მოცულობათა უწყისის, კონსტრუქციული ნაწილის, შესაბამისი კვლევითი დოკუმენტაციისა და ხარჯთაღრიცხვის (ობიექტური, ლოკალური და კრებსითი) თითო-თითო ბეჭდური და ელ. (CD-დისკი) ვერსია. პირველადი ექსპერტიზის ხარჯები ეკისრება შემსყიდველს, ხოლო საპროექტო დოკუმეტაციაში ხარვეზის აღმოჩენის შემთხვევაში, ყოველი შემდგომი ექსპერტიზის ხარჯ(ებ)ს გაიღებს მიმწოდებელი. ამასთან, პირველადი ექსპერტიზის შედეგად უარყოფითი დასკვნის გაცემის შემთხვევაში, მიმწოდებელი ვალდებულია საკუთარი ძალებით განახორციელოს ექსპერტიზა იმავე აკრედიტებულ საექსპერტო დაწესებულებაში, სადაც შემსყიდველმა განახორციელა პირველადი ექსპერტიზა;
12. ექსპერტის (ექსპერტთა ჯგუფის) მიერ ხარვეზის არსებობის აღმოჩენის შემთხვევაში, მიმწოდებელი ვალდებულია შემსყიდველის წერილობითი შეტყობინების მიღებიდან დაუყოვნებლივ დაიწყოს მუშაობა ხარვეზის აღმოსაფხვრელად და უმოკლეს ვადაში გამოასწოროს ხარვეზი (ხარვეზები) საკუთარი ხარჯებით.
13. პროექტის ექსპერტიზის დროს წარმოქმნილი საპროექტო გადაწყვეტილებების კორექტირებას მიმწოდებელი ასრულებს დამატებითი ანაზღაურების გარეშე.
14. მომსახურების განხორციელების ვადის ათვლა ჩერდება მხოლოდ მაშინ, როდესაც მიმწოდებელი წერილობითი ფორმით ექსპერტიზისათვის გადასცემს შემსყიდველს დამუშავებულ საპროექტო, კვლევით და სახარჯთაღრიცხვო დოკუმენტაციას. ექსპერტის (ექსპერტთა ჯგუფის) მიერ ხარვეზის აღმოჩენის შემთხვევაში მიმწოდებელს დაერიცხება პირგასამტეხლო (ექსპერტიზის პერიოდზეც), ხოლო დარიცხვა შეწყდება ექსპერტის მიერ დადებითი დასკვნის გაცემის დღეს.
15. მიმწოდებელმა უნდა წარმოადგინოს შესაბამისი შეთანხმებული პროექტ(ებ)ის, რენდერების, მოცულობითი უწყისის, შესასრულებელი სამუშაოების გეგმა-გრაფიკი და ხარჯთაღრიცხვის ნაბეჭდი ვერსია 4-4 ეგზემპლარად (ალბომების სახით) და CD დისკზე ჩაწერილი სამუშაო ფაილების ელექტრონული ვერსია (PDF, EXСEL, DWG და სხვა ფორმატი) 4 ეგზემპლარად.

მიმწოდებელმა სატენდერო დოკუმენტაციით განსაზღვრული მომსახურების შესრულება უნდა უზრუნველყოს ხელშეკრულების გაფორმებიდან 60 კალენდარული დღის განმავლობაში

მომსახურების მიღება განხორციელდება საექსპერტო ბიუროს მიერ გაცემული დადებითი დასკვნის შესაბამისად, რომლის საფუძველზე მხარეთა შორის გაფორმებულ იქნება მიღება-ჩაბარების აქტი. საექსპერტო ბიუროს მიერ უარყოფითი დასკვნის გაცემის შემთხვევაში, მიმწოდებელს დაერიცხება პირგასამტეხლო მომსახურების დასრულების ვადიდან ექსპერტიზის როგორც პირველ ისე შემდგომ პერიოდზე სანამ მხარეთა შორის არ იქნება გაფორმებული მიღება ჩაბარების აქტი.

ქ. ქუთაისი, სადგურის მოედანი N5 (სადგური ქუთაისი I)

პრეტენდენტს 2022 წლის 01 იანვრიდან უნდა გააჩნდეს შენობა-ნაგებობების საპროექტო-სახარჯთაღრიცხვო დოკუმენტაციის შედგენის მომსახურების გაწევის გამოცდილება, რის დასადასტურებლადაც სისტემის მეშვეობით წარმოდგენილი უნდა იყოს მინიმუმ ერთი ხელშეკრულება. წარმოდგენილ ხელშეკრულებაში უნდა იკვეთებოდეს შენობა-ნაგებობების საპროექტო-სახარჯთაღრიცხვო დოკუმენტაციის შედგენის მომსახურების განხორციელების გამოცდილება. შესაბამისად, სისტემის მეშვეობით პრეტენდენტმა უნდა წარმოდგინოს შემდეგი დოკუმენტ(ებ)ი: ხელშეკრულებ(ები)ა და ამავე ხელშეკრულებ(ებ)ის სრულად შესრულების მიღება-ჩაბარების დამადასტურებელი დოკუმენტ(ებ)ი ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: SPA, NAT, CMR, MEP, DAP). აგრეთვე, პრეტენდენტმა უნდა წარმოადგინოს წარმოდგენილი ხელშეკრულებ(ებ)ის ფარგლებში გაცემული დადებითი სარეკომენდაციო წერილ(ებ)ი.

შენიშვნა: იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებს (კერძო სამართლის სუბიექტთან გაფორმებული) და მათი შესრულების დოკუმენტაციას, პრეტენდენტმა დამატებით უნდა წარმოადგინოს გადახდის დამადასტურებელი დოკუმენტ(ებ)ი, რომელიც უნდა ედრებოდეს მიღება-ჩაბარების დამადასტურებელ დოკუმენტ(ებ)ში დაფიქსირებულ ფაქტობრივად შესრულებული სამუშაოების ჯამურ ღირებულებას.(არარეზიდენტი პირის შემთხვევაში, გადახდის დადასტურებულ დოკუმენტთან გათანაბრებული დოკუმენტი).

პრეტენდეტის მიერ ერთიან ელექტრონულ სისტემაში ასატვირთი მონაცემები:
1. ფასების ცხრილი დანართი N1-ის შესაბამისად (პუნქტი 1.3),
შენიშვნა:
- სასურველია პრეტენდენტის მიერ განფასება (ფასების ცხრილი) წარმოდგენილ იქნას „MS Excel“ ფორმატით;
2. გამოცდილების დამადასტურებელი დოკუმენტები (პუნქტი 2.2.1).


შენიშვნა:
1) სატენდერო დოკუმენტაციით მოთხოვნილი,ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა). გარდა იმ შემთხვევისა, როდესაც სატენდერო დოკუმენტაციის 2.9 პუნქტის პირველი ქვეპუნქტით მოთხოვნილი ფასების ცხრილი (დანართი N1), პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
2) ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება N24, 15.01.2021წ.).

2. წინადადების ფასი:
2.1 სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2.2 წინადადების ფასი გამოსახული და დაფიქსირებული უნდა იყოს ეროვნულ ვალუტაში (ელექტრონული ტენდერის შესაბამის ველში) საქართველოს კანონმდებლობით განსაზრვრული ყველა გადასახდელის გათვალისწინებით. წინადადების ფასი შესყიდვების ერთიან ელექტრონულ სისტემაში (შემდგომში – სისტემა) მითითებული უნდა იქნეს დღგ-ს გარეშე.
2.3 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
2.4 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება);
2.5 გამარჯვებულ პრეტენდენტთან ხელშეკრულება გაფორმდება აშშ დოლარში, შემსყიდველის მიერ სისტემაში ატვირთული წერილობითი მოთხოვნით პრეტენდენტის მიერ წარმოდგენილი წინადადების მიღების დასრულების დღეს ეროვნული ბანკის მიერ დაფიქსირებული ოფიციალური გაცვლითი კურსის შესაბამისად დაკორექტირებული ფასების ცხრილის (აშშ დოლარში) მიხედვით, ხოლო ანგარიშწორება განხორციელდება ეროვნულ ვალუტაში (რეზიდენტი პირების შემთხვევაში) მიღება-ჩაბარების დღეს ეროვნული ბანკის მიერ დაფიქსირებული ოფიციალური გაცვლითი კურსის შესაბამისად;
2.6 ფასების ცხრილის აშშ დოლარში დაზუსტებისას, პრეტენდენტი ვალდებულია შესყიდვის ობიექტის ერთეულის ფასი დაამრგვალოს მეასედამდე, ცენტების სიზუსტით (მძიმის შემდეგ ორი ციფრი).

ვინაიდან აღნიშნული ტენდრით განსაზღვრული შესყიდვის ობიექტი არის ინტელექტუალური მომსახურება, რომლის შეფასების კრიტერიუმები და ფასწარმოქმნის დასაბუთების სტანდარტი რთული დასადგენია, სატენდერო კომისიამ მიზანშეწონილად მიიჩნია არ მოითხოვოს ფასწარმოქმნის ადეკვატურობის დასაბუთების დოკუმენტი, თუ ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

დაიშვება ეტაპობრივი ანგარიშსწორება

ანგარიშსწორება განხორციელდება საბოლოო მიღება-ჩაბარების აქტის საფუძველზე, მიმწოდებლის მიერ შემსყიდველისთვის ანგარიშ-ფაქტურის წარმოდგენიდან 10 საბანკო დღის ვადაში (იმ შემთხვევაში, თუ მიმწოდებელი არ წარმოადგენს დღგ-ს გადამხდელს, ანგარიშსწორება განხორციელდება მიღება-ჩაბარების აქტის გაფორმებიდან 10 საბანკო დღის ვადაში).

ელენა მურადოვა, 593144721, elena.muradova@railway.ge .
სატენდერო კომისიის აპარატის უფროსი:
გიორგი გურგენიძე ტელ: (995 32) 219-90-14, ელ_ფოსტა: Giorgi.Gurgenidze@railway.ge;

მთავარი სპეციალისტი: ელენა მურადოვა ტელ: (995 32) 219-98-27; 593-14-47-21
მთავარი სპეციალისტი: ესტატე ბაინდურაშვილი ტელ: (995 32) 219-98-27; 597-77-77-29
მთავარი სპეციალისტი: კახა ბერძენიშვილი ტელ: (995 32) 219-97-75; 595-99-35-82
მთავარი სპეციალისტი: მედეა ყანჩაველი ტელ: (995 32) 219-91-04; 558-99-85-66

ტექნიკურ საკითხებთან დაკავშირებით დაუკავშირდით გიორგი ბასილაიას: 557-97-71-77

1. სხვა მოთხოვნა:
1.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
1. 2 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (პუნქტი 8.1), რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
1.3 სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების სხვა ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
1.4 ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;

2. ინფორმაცია პრეტენდენტებისთვის:
2.1 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის/მიმწოდებლის მოთხოვნის შემთხვევაში, განახორციელოს სატენდერო განცხადებასთან და დოკუმენტაცია/პირობებთან დაკავშირებით შესაბამისი დაზუსტება/განმარტება.
2.2 შემსყიდველ ორგანიზაციასა და მიმწოდებელს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.