Ремонт и техническое обслуживание транспортных средств и оборудования и сопутствующие услуги (Грузия - Тендер #66065350)

შპს სახელმწიფო კვებითი უზრუნველყოფას ბალანსზე რიცხული სხვადასხვა მარკისა და მოდელის ავტოსატრანსპორტო საშუალების ტექნიკური მომსახურება და რეცხვითი მომსახურება.

ავტოსატრანსპორტო საშუალებების (ფასების ცხრილის შესაბამისად) ტექნიკური და რეცხვითი მომსახურება.

ავტოტექმომსახურება უნდა განხორციელდეს მიმწოდებლის საკუთრებაში ან სარგებლობის უფლებით არსებულ სერვის-ცენტრებში (თბილისის ფარგლებს გარეთ შესაძლებელია შემოთავაზებული იყოს ქვეკონტრაქორები), ასევე უნდა იყოს აღჭურვილი არანაკლებ ქვემოთ ჩამოთვლილი მატერიალურ-ტექნიკური ბაზით და შესაძლებელი უნდა იყოს არანაკლებ შემდეგი სახის მომსახურების მიღება:

1. ელექტროობის დიაგნოსტირება და შეკეთება - ქვემოთხსენებულ ყველა სერვისცენტრში;
2. ამწე მექანიზმი არანაკლებ 2(ორი) ერთეული - ქვემოთხსენებულ ყველა სერვისცენტრში;
3. საყრდენი დისკის გასაჩარხი აპარატი - არანაკლებ თბილისის სერვის ცენტრში;
4. ვულკანიზაციის, ბალანსირების და დისკების გასწორების აპარატი - ქვემოთხსენებულ ყველა სერვისცენტრში;
5. თვლების შეყრის კომპიუტერული დიაგნოსტიკის აპარატი -არანაკლებ თბილისის სერვისცენტრში
6. ძრავის დიაგნოსტირება და კაპიტალური შეკეთება - არანაკლებ თბილისის სერვისცენტრში;
7. გადაცემათა კოლოფის და ხიდების კაპიტალური შეკეთება - არანაკლებ თბილისის სერვისცენტრში;
8. საწვავის სისტემის დიაგნოსტირება - არანაკლებ თბილისის სერვისცენტრში;
9. ავტომატური კოლოფის ზეთის შეცვლა აპარატით - არანაკლებ თბილისის სერვისცენტრში;


სერვის-ცენტრების ტერიტორიაზე გამოყოფილი უნდა იყოს მანქანისთვის პარკირების ადგილები.

ავტომანქანის დაზიანებული ნაწილი უნდა შეიცვალოს ახალი/არამეორადი თანამედროვე სტანდარტების შესაბამისი ხარისხის სათადარიგო ნაწილით, გარდა დეფიციტური სათადარიგო ნაწილებისა, რომელიც შეიძლება იყოს მეორადი (შემსყიდველთან შეთანხმებით).

მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

მიმწოდებელმა უნდა უზრუნველყოს წინამდებარე ტენდერის სატენდერო პირობებით განსაზღვრული (პრეისკურანტი) ტექ-მომსახურების გაწევა როგორც ქ. თბილისში, ასევე რეგიონებში არსებულ, მის მიერ ტექნიკური დოკუმენტაციით წარმოდგენილ სერვის-ცენტრებში (ადგილმდებარეობის მიხედვით - მითითებულ მისამართზე). მხოლოდ გამონაკლის შემთხვევაში, შემსყიდველის თანხმობის შემდეგ იქნება შესაძლებელი ავტომანქანის შესაკეთებლად მისი სხვა სერვის-ცენტრში გადაყვანა მიმწოდებლის ხარჯებით.

სერვის-ცენტრებს უნდა გააჩნდეს საჭირო ფართი იმისათვის, რომ უზრუნველყოს ზემოაღნიშნული რაოდენობების ფარგლებში შემსყიდველის ავტომობილების განთავსება ბოქსებში ან/და შესაბამის სადგომზე (დაცულ ტერიტორიაზე).

ავტომანქანის სერვის ცენტრში მიყვანიდან, მიმწოდებელმა შემსყიდველის მოთხოვნიდან არაუგვიანეს მომდევნო კალენდარული დღისა უნდა ჩაატაროს ავტომობილების დათვალიერება და წარუდგინოს შემსყიდველს დეფექტური აქტი ხელმოსაწერად, რომელშიც აღნიშნული იქნება გასაწევი მომსახურების ან/და ასეთი მომსახურებისათვის სათადარიგო ნაწილების/საცხებ-საპოხი მასალის დეტალური აღწერა, თარიღი და პასუხისმგებელი პირის ხელმოწერა. იმ შემთხვევაში, თუ ვერ ხერხდება ავტოსატრანსპორტო საშუალების ავტომომსახურების ცენტრში მიყვანა, მიმწოდებელი ვალდებულია აღნიშნულ მანქანას ტექ. მომსახურება გაუწიოს ადგილზე, დამატებითი საფასურის გადახდის გარეშე (განფასების ცხრილის შესაბამისად), ხოლო იმ შემთხვევაში თუ ვერ ხერხდება ავტოსატრანსპორტო საშუალების ადგილზე შეკეთება მიმწოდებელი ვალდებულია აღნიშნულ მანქანა საკუთარი ხარჯებით ევაკუატორის საშუალებით გადაიყვანოს სერვის ცენტრში შესაკეთებლად, დამატებითი საფასურის გადახდის გარეშე. მომსახურების გაწევის შემდეგ მიმწოდებელმა შემსყიდველს უნდა წარუდგინოს ასევე შესრულებული სამუშაოს აქტი, რომელშიც აღნიშნული იქნება გაწეული მომსახურების ან/და ასეთი მომსახურებისათვის გახარჯული სათადარიგო ნაწილების/საცხებ-საპოხი მასალის დეტალური აღწერა, თარიღი და პასუხისმგებელი პირის ხელმოწერა. ამასთან, ავტომანქანების ტექმომსახურება უნდა განხორციელდეს, დეფექტურ აქტში მოცემულ მხოლოდ იმ პოზიციებზე, რომლებზეც იქნება შემსყიდველის უფლებამოსილი პირის თანხმობა-დასტური.

* პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
* ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი N1) და არ უნდა აღემატებოდეს პრეისკურანტში შესაბამის პოზიციებზე დაფიქსირებულ ზღვრულ ერთეულის ფასებს. ერთეულის ღირებულებების ჯამურმა ოდენობამ არ უნდა გადააჭარბოს პრეისკურანტის ჯამურ ღირებულებას.
* პრეისკურანტით განსაზღვრული რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს პრეისკურანტის საბოლოო ჯამური ღირებულების 10%-ს.
* პრეტენდენტის მიერ სისტემის მეშვეობით წარმოდგენილ პირვანდელ და ელექტრონული ვაჭრობის შედეგად დაფიქსირებულ საბოლოო პრეისკურანტის ღირებულების სხვაობის არსებობის შემთხვევაში, პრეისკურანტით განსაზღვრული ერთეულის ღირებულებების დაანგარიშება მოხდება მიღებული სხვაობის პროცენტული მაჩვენებლის თანაბრად დაკლების პრინციპით (კლების პროცენტად შესაძლებელია გამოყენებული იყოს არანაკლებ მიღებული რიცხვი მეასედამდე სიზუსტით (დამრგვალების გარეშე), მხოლოდ იმ პირობით, რომ მიღებული ჯამი არ უნდა აღემატებოდეს სისტემის შესაბამის ველში დაფიქსირებულ საბოლოო ფასს). აღნიშნულ შემთხვევაში პრეტენდენტმა კორექტირებული პრეისკურანტი უნდა წარმოადგინოს აღნიშნული პრინციპით დაანგარიშებული ერთეულის ფასების მიხედვით.
* პრეტენდენტის მიერ „წინადადების მიღება დასრულებულია“ ეტაპზე, პრეისკურანტის წარმოუდგენლობა, განუფასებლად წარმოდგენა ან არსებითად შეუსაბამო ფასების წარმოდგენა (თუ ერთეულის ფასი აღემატება შემსყიდველის მიერ შესაბამის გრაფაში მითითებულ ერთეულის სავარაუდო ზღვრულ ფასს), გამოიწვევს პრეტენდენტის დისკვალიფიკაციას აღნიშნულ ტენდერიდან დაზუსტების გარეშე.

1. ხელშეკრულების გაფორმებიდან ეტაპობრივად, 2025 წლის 31 დეკემბრის ჩათვლით.
2. ავტომობილების ტექნიკური და რეცხვითი მომსახურება გაწეული უნდა იქნას დაუყოვნებლივ, რიგგარეშედ. მომსახურებისას გაწევის ვადა თითოეულ შემთხვევაში არ უნდა აღემატებოდეს:

ა. სამუხრუჭე ხუნდის შეცვლა არაუმეტეს 3სთ;
ბ. სავალი ნაწილების შეცვლა/აღდგენა მოთხოვნიდან არაუმეტეს 2 (ორი) სამუშაო დღე;
გ. ძრავის, გადაცემათა კოლოფის და ხიდების ძირეული შეკეთება მოთხოვნიდან არაუმეტეს 5(ხუთი) სამუშაო დღე. დეფიციტური (იმპორტირებული) ნაწილის შემთხვევაში 40 (ორმოცი) კალენდარული დღე.
გ. ელექტრული დეტალების შეცვლა/აღდგენა მოთხოვნიდან 2 (ორი) სამუშაო დღე.
დ. სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა არაუმეტეს 40 (ორმოცი) კალენდარული დღე;
ე. ევაკუატორით მომსახურება - მოთხოვნის დღეს, შემსყიდველის მოთხოვნის მიხედვით.
ვ. რეცხვითი მომსახურება უნდა განხორციელდეს მიმწოდებლის საკუთრებაში ან სარგებლობის უფლებით ან მომსახურების/ქვეკონტრაქტის ხელშეკრულებით არსებულ სერვის-ცენტრ(ებ)ში ქ. თბილისში (ასევე შესაძლებელია აღნიშნული მომსახურება მიმწოდებლის მხრიდან დამატებით გაწეულ იქნას ქ.ქუთაისში ან/და ქ. ბათუმში).

3. რეცხვითი მომსახურება მიმწოდებელმა უნდა განახორციელოს ურიგოდ და შეასრულოს/დაასრულოს ავტოსატრანსპორტო საშუალების წარდგენიდან არაუგვიანეს 90 (ოთხმოცდაათი) წუთისა.

ავტოსატრანსპორტო საშუალებების ტექნიკური მომსახურების გაწევის ადგილია 3 ქალაქი: ქ.თბილისი, ქ. ბათუმი და ქ. ქუთაისი.

რეცხვითი მომსახურება ქ. თბილისში (ასევე შესაძლებელია აღნიშნული მომსახურება მიმწოდებლის მხრიდან დამატებით გაწეულ იქნას ქ. ქუთაისში ან/და ქ. ბათუმში).

1.7.1.1 მიმწოდებლის მიერ გაწეულ მომსახურებას და გამოყენებულ სათადარიგო ნაწილებს უნდა გააჩნდეს გარანტია არანაკლებ 6 (ექვსი) თვე, ხოლო ძირითად აგრეგატებზე (ძრავზე, გადაცემათა კოლოფზე და ხიდებზე) არანაკლებ 1 (ერთი) წელი ან არანაკლებ 25 000 (ოცდახუთი ათასი) კმ (რომელიც ადრე შესრულდება) და ელექტრულ მოწყობილობებზე (გარდა ელ.მცველებისა და ნათურებისა) არანაკლებ 1 (ერთი) წელი, გარდა სწრაფცვეთადი დეტალებისა (ნათურები (მათ შორის გახურების ნათურები), ანთების სანთლები, გახურების სანთლები, დამცველები, გადაბმულობის ამყოლი და მიმყოლი რგოლები (ფრიქციონები), ზეთის, კონდიციონერის, ჰაერისა და საწვავის ფილტრები, მინის მწმენდები, ანთების საკონტაქტო ერთეულები და მტვერდამცავები (პილნიკები)). ასევე, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციითა და გარეგანი ზემოქმედების შედეგად.
1.7.1.2 წინა და უკანა სამუხრუჭე ხუნდებზე სწორი ექსპლუატაციის პირობებში გარანტია განისაზღვრება კილომეტრაჟით - არანაკლებ 5000 (ხუთი ათასი) კმ (შეცვლილი (ახალი) წინა და უკანა სამუხრუჭე ხუნდები არ უნდა გამოსცემდეს ხმებს.).
1.7.1 პუნქტში დაფიქსირებული საგარანტიო პირობები უცვლელად აისახელბა მომწოდებელთან გაფორმებულ ხელშეკრულებაში. (გარდა იმ შემთხვევისა თუ პრეტენდენტი შემსყიდველს შესთავაზებს უკეთეს საგარანტიო პირობებს. ასეთ შემთხვევაში ხელშეკრულებაში აისახება შემოთავაზებული პირობები).

* საგარანტიო პერიოდში, ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში მიმწოდებელი ვალდებულია შეტყობინების მიღებისთანავე, მაგრამ არაუგვიანეს სატენდერო დოკუმენტაციის 1.4 პუნქტში მითითებული ვადებისა, დეფექტის/ნაკლის/წუნის/ხარვეზის გამოსწორების მიზნით აღმოფხვრას იგი - შემსყიდველის მხრიდან დამატებითი დანახარჯების გაწევის გარეშე. ხოლო, საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, შემსყიდველი უფლებამოსილია მოსთხოვოს მიმწოდებელს ჩაატაროს ავტოტექნიკური ექსპერტიზა აკრედიტებულ საექსპერტო დაწესებულებაში-სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, - შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება შემსყიდველის მიმართვიდან 10 (ათი) სამუშაო დღე. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია თავად ჩაატაროს ექსპერტიზა და მოსთხოვოს მიმწოდებელს შესაბამისი ხარჯების ანაზღაურება.

1. ტენდერში მონაწილე პრეტენდენტს 2023 წლის 1 იანვრიდან მიმდინარე ტენდერის გამოცხადების თარიღამდე უნდა გააჩნდეს არანაკლებ 250 000 (ორას ორმოცდაათი ათასი) ლარის ღირებულების ავტოსატრანსპორტო საშუალებების ტექნიკური მომსახურების გაწევის გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს ტექ.მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული ტექ-მომსახურების ამსახველი მიღება-ჩაბარების აქტ(ებ)ი, ან/და შესრულების დამადასტურებელი სხვა დოკუმენტაცია. იმ შემთხვევაში, თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, მითითებული უნდა იქნას სისტემის მიერ მინიჭებული SPA/CMR/NAT ნომერი და ხელშეკრულებას უნდა ქონდეს მინიჭებული სტატუსი „შესრულებული ხელშეკრულება“ ან/და სისტემაში ატვირთული უნდა იყოს საქონლის მიწოდებასთან დაკავშირებული მიღება ჩაბარების აქტები, იმ შემთხვევაში თუ ხელშეკრულებას ექნება მინიჭებული სტატუსი „მიმდინარე ხელშეკრულება“.

2. პრეტენდენტმა უნდა წარმოადგინოს არანაკლებ 1 (ერთი) სარეკომენდაციო წერილი. სარეკომენდაციო წერილი გაცემული უნდა იყოს საბიუჯეტო ორგანიზაციიდან, არანაკლებ 100 000 (ასი ათასი) ლარის ღირებულების ანალოგიური მომსახურების გაწევის შესახებ. წერილები გაცემული უნდა იყოს 2024 ან/და 2025 (კონკრეტულ ერთ წელში) წელს გაწეული მომსახურების შესახებ.

პრეტენდენტმა უნდა წარმოადგინოს ინფორმაცია საკუთრებაში/სარგებლობაში არსებული სერვის ცენტრების შესახებ, სადაც განხორციელდება მომსახურების გაწევა. (პრეისკურანტის შესაბამისად).

შენიშვნა N1: მიმწოდებელს საკუთრებაში ან სარგებლობის უფლებით უნდა გააჩნდეს არანაკლებ 1 ავტოტექმომსახურების ცენტრი (ქ.თბილისში). სარგებლობის უფლების შემთხვევაში მიმწოდებლმა უნდა წარმოადგინოს აღნიშნულის დამადასრურებელი დოკუმენტ(ებ)ი, რომლის მოქმედების ვადაც უნდა აღემატებოდოს ტექ. მომსახურების გაწევის ვადას) თითოეული ქალაქის/ქალაქების მიხედვით ავტოტექმომსახურების ცენტრ(ებ)ს უნდა გააჩნდეს შესაბამისი მატერიალურ-ტექნიკური ბაზა ერთდროულად არანაკლებ 5 (ხუთი) ერთეული ავტოსატრანსპორტო საშუალების მომსახურებისა.

შენიშნვნა N2: პრეტენდენტმა უნდა წარმოადგინოს ინფორმაცია მის საკუთრებაში ან სარგებლობის უფლებით ან მომსახურების/ქვეკონტრაქტის ხელშეკრულებით არსებული სერვის-ცენტრების შესახებ, შესაბამისი მისამართების მითითებით (ქვეკონტრაქტორები შესაძლებელია შემოთავაზებული იყოს ქ. ბათუმში ან/და ქ. ქუთაისში);

პრეტენდენტმა საკუთრება / სარგებლობა / მომსახურება/ ქვეკონტრაქტი უნდა დაადასტუროს (სისტემაში ატვირთოს) დოკუმენტურად, რომლიდანაც უნდა იკვეთებოდეს მომსახურების გაწევის ვადა არანაკლებ 2025 წლის 31 დეკემბრისა.

1. მიმოწოდებელმა უნდა წარმოადგინოს ინფორმაცია ქვეკონტრაქტორების შესახება (არსებობის შემთხვევაში).
2. ქვეკონტრაქტორები შესაძლებელია შემოთავაზებული იქნას რეგიონებში (ქ. ბათუმი და ქ. ქუთაისი), ხოლო თბილისის შემთხვევაში მხოლოდ რეცხვითი მომსახურებაზე.

შენიშვნა 2: ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტრირებული.

3. სერვისის გამწევი ქვეკონტრაქტორ(ებ)ის არსებობის შემთხვევაში წარმოდგენილ უნდა იქნეს გაფორმებული მოქმედი ხელშეკრულებ(ებ)ი (წარმოდგენილ ხელშეკრულებებში გარკვევით უნდა იკითხებოდეს (ტექსტის შინაარსიდან ირკვეოდეს)):

ა) ხელშეკრულების საგანი - შესყიდვის ობიექტის ტიპები:

• ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
• საცხებ–საპოხი მასალების შეცვლა;
• საჭიროების შემთხვევაში ევაკუატორით მომსახურება.

ან/და

ბ) რეცხვითი მომსახურების გაწევის შესახებ ინფორმაცია.

1. ფასთა ცხრილში არ არსებული მომსახურების, დეტალის ფასი დგინდება მხარეთა შორის შეთანხმებით (საბაზრო ფასის გათვალისწინებით).
2. ავტოსატრანსპორტო საშუალების ტექ. მომსახურება უნდა განხორციელდეს მიმწოდებლისა და შემსყიდველის წარმომადგენლის მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების აქტის შედგენის შემდეგ.
3. რეცხვითი მომსახურება მიმწოდებელმა უნდა შეასრულოს/დაასრულოს ავტოსატრანსპორტო საშუალების წარდგენიდან არაუგვიანეს 90 (ოთხმოცდაათი) წუთისა.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის ან/და ორგანიზაციის შესაბამისი უფლებამოსილების დამადასტურებელი დოკუმენტი). დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი მომწოდებლის დისკვალიფიკაციას.

1. ,,შემსყიდველი’’ იღებს ვალდებულებას გადაუხადოს ,,მიმწოდებელს’’ მიწოდებული საქონლის და გაწეული მომსახურების ღირებულება, ყოველი წარმოდგენილი ინვოისის/ზედნადების/ანგარიშფაქტურის საფუძველზე, მხარეთა შორის ყოველი თვის ბოლოს შედგენილი მომსახურების ან/და საქონლის მიღება-ჩაბარების აქტის ხელმოწერიდან 10 (ათი) სამუშაო დღის ვადაში.
2. ანგარიშსწორება ხორციელდება უნაღდო ანგარიშსწორების ფორმით.

ყოველი თვის ბოლოს, შედგენილი მომსახურების ან/და საქონლის მიღება-ჩაბარების აქტის ხელმოწერიდან 10 (ათი) სამუშაო დღის ვადაში.

შოთა ზაზაძე, 571119085, shzazadze@scs.gov.ge

1. პრეტენდენტმა ვაჭრობა უნდა განახორციელოს პრეისკურანტის ჯამურ ღირებულებაზე.
2. პრეტენდენტის მიერ ტენდერში წინადადების მიღების ვადის დასრულებამდე ან/და ვაჭრობის შედეგად დაფიქსირებული საბოლოო ფასი განფასების (პრეისკურანტი) ცხრილში თითოეული პოზიციის მიხედვით არ შეიძლება აღემატებოდეს შემსყიდველის მიერ საწყის განფასების ცხრილში დაფიქსირებულ ანალოგიური პოზიციის მომსახურების/ავტოსატრანსპორტო საშუალების სათადარიგო ნაწილის ფასს.
3. პრეტენდენტის მიერ ტენდერში მონაწილეობის მიღება (წინადადების წარმოდგენა) ნიშნავს, რომ იგი სრულად ეთანხმება შემსყიდველის სატენდერო დოკუმენტაციით გათვალისწინებულ მოთხოვნებს.
4. პრეისკურანტში დაფიქსირებული ფასების შეცვლა დაუშვებელია თუ ამ ცვლილების შედეგად იზრდება პრეისკურანტის ღირებულება ან უარესდება ხელშეკრულების პირობები.
5. პრეტენდენტი ვალდებულია ფასთა ცხრილი (დანართი N1 (პრეისკურანტი)) სისტემაში წარმოადგინოს Excel ფაილის სახით.
6. შემსყიდველი უფლებამოსილია აღნიშნული ტენდერის შედეგად გაფორმებული ხელშეკრულება ცალმხრივად შეწყვიტოს ნებისმიერ დროს. აღნიშნული გადაწყვეტილება უნდა ეცნობოს „მიმწოდებელს“.
7. ხელშეკრულების ცალმხრივად, ვადაზე ადრე შეწყვეტა, არ ათავისუფლებს შემსყიდველს შეწყვეტამდე ნაკისრი ვალდებულების შესრულებისგან.