Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #65292631)

მიწისქვეშა ნაგავშემკრები კონტეინერების აღდგენა-შეკეთების სახელმწიფო შესყიდვა

1.2.1 ნაგავშემკრები კონტეინერების აღდგენა-შეკეთების სახელმწიფო შესყიდვა;

1.2.2 მიწისქვეშა ნაგავშემკრები კონტეინერის დაზიანებული ნაწილები უნდა შეიცვალოს ახალი სათადარიგო ნაწილებით, რომლებიც უნდა შეესაბამებოდეს პრეტენდენტის მიერ წარმოდგენილ პრეისკურანტი დანართი N1 ცხრილში მითითებულ დასახელებას და ფასს;
1.2.3 თუ მომსახურება, მიმწოდებლის მიერ შესრულებული არ არის სრულყოფილად ან შეცვლილი ნაწილი აღმოჩნდა წუნდებული, მიმწოდებელი კომპანია ვალდებულია ხარვეზი აღმოფხვრას საკუთარი ხარჯებით;
1.2.4 მომსახურების გაწევის პროცესში მიმწოდებლის ბრალეულობით მიწისქვეშა ნაგავშემკრები კონტეინერის დაზიანების ხარჯებს სრულად ანაზღაურებს მიმწოდებელი;
1.2.5 მიმწოდებელი ვალდებულია მოამზადოს დაზიანებული კონტეინერების დეფექტური აქტი შემსყიდველის მოთხოვნის შესაბამისად, მისი წარმომადგენლის თანდასწრებით;
1.2.6 მიწისქვეშა ნაგავშემკრები კონტეინერის დაზიანებული ნაწილის პრეისკურანტში არ არსებობის შემთხვევაში, მისი აუცილებელი შესყიდვისთვის ფასი დგინდება შემსყიდველი და მიმწოდებელი კომპანიების შეთანხმებით საბაზრო ღირებულების გათვალისწინებით. ასეთ შემთხვევაში პრეისკურანტში კონტეინერის შესაცვლელი დეტალების/სახარჯი მასალების თანმდევი ტექნიკური მომსახურების ერთეულის არ არსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს. ხოლო პრეისკურანტში დამატებული ნაწილისა და მომსახურების ჯამური ღირებულება არ შეიძლება გამოყენებულ იქნეს სახელშეკრულებო ღირებულების 10%-ზე მეტით;
1.2.7 ელექტრონული ვაჭრობა გაიმართება ცხრილში მოცემული საქონლისა და მომსახურების ერთეულის ფასების ჯამურ ღირებულებაზე;

1.2.8 პრეისკურანტის სავარაუდო ღირებულების კლების შემთხვევაში, პრეტენდენტის მიერ წარმოდგენილ ფასების ცხრილში პრეისკურანტის მოცემული ერთეულის ფასების კლება უნდა განხორციელდეს სატენდერო დოკუმენტაციის ფასების ცხრილით (პრეისკურანტით) განსაზღვრული ზღვრული ერთეულის ფასებიდან, არანაკლებ სატენდერო განცხადებაში მოცემულ პრეისკურანტის სავარაუდო ღირებულებასა და პრეტენდენტის მიერ სისტემაში დაფიქსირებულ პრეისკურანტის საბოლოო ფასს შორის არსებული პროცენტული სხვაობით, რომელიც დამრგვალებულ უნდა იქნას მეასედის სიზუსტით;
1.2.9 შესყიდვის ობიექტის დეტალური ტექნიკური მახასიათებლები იხილეთ სატენდერო დოკუმენტაციის 1.3 პუნქტში ატვირთული პრეისკურანტი დანართი N1-ში;
1.2.10 პრეტენდენტმა წინდადებასთან ერთად უნდა წარმოადგინოს პრეისკურანტი დანართი N1 Excel-ის ფორმატის სახით;
1.2.11 პრეტენდენტი ვალდებულია " პრეისკურანტი დანართი N1 Excel-ში პრეტენდენტის მიერ დაფიქსირებული ბოლო შეთავაზება"-ის გრაფაში მიუთითოს შესყიდვის ობიექტის შემოთავაზებული ჯამური ღირებულება. რის შემდგომ ფორმულა ავტომატურად გადაანაწილებს შესყიდვის ობიექტის ყველა პოზიციაზე როგორც ერთეულის ფასს, ასევე ჯამურ ღირებულებას მე-4 სვეტში;
1.2.12 პრეისკურანტი დანართი N1-ის წარმოუდგენლობის ან განუფასებლად წარმოდგენის შემთხვევაში პრედენდენტი ექვემდებარება დისკვალიფიკაციას;

1.4.1 მიმწოდებელი ვალდებულია, დაზიანებული კონტეინერების დეფექტური აქტი მოამზადოს შემსყიდველის მოთხოვნიდან არაუგვიანეს 10 (ათი) კალენდარული დღის ვადაში;
1.4.2 მიმწოდებელი ვალდებულია, მომზადებული დეფექტური აქტის საფუძველზე, შემსყიდველის მოთხოვნის შესაბამისად, უზრუნველყოს მიწისქვეშა ნაგავშემკრები კონტეინერის დაზიანებული ნაწილ(ებ)ის შეცვლა მოთხოვნიდან არაუგვიანეს 60 კალენდარული დღის ვადაში;
1.4.3 მომსახურების გაწევა განხორციელდება 2025 წლის 31 დეკემბრის ჩათვლით. ბოლო მოთხოვნა შესაძლებელია გაკეთდეს არაუგვიანეს 2025 წლის 20 ოქტომბერს.

1.5.1 მომსახურება განხორციელდება შემდეგ მისამართებზე დამონტაჟებულ მიწისქვეშა ნაგავშემკრებ კონტეინერებზე:

1.5.1.1 ჭავჭავაძის გამზირი (90 ერთეული კონტეინერი);
1.5.1.2 ყიფშიძის ქუჩა (47 ერთეული კონტეინერი);
1.5.1.3 მელიქიშვილის გამზირი (34 ერთეული კონტეინერი);
1.5.1.4 ქეთევან წამებულის გამზირი (66 ერთეული კონტეინერი);
1.5.1.5 ბოჭორმის ქუჩა (22 ერთეული კონტეინერი);
1.5.1.6 წერეთლის გამზირი (160 ერთეული კონტეინერი);
1.5.1.7 კედიას ქუჩა (5 ერთეული კონტეინერი);
1.5.1.7 გორის ქუჩა (3 ერთეული კონტეინერი);
1.5.1.8 ბაგები (60 ერთეული კონტეინერი);

1.7.1.1 მიმწოდებლის მიერ შეცვლილ სათადარიგო ნაწილებზე ვრცელდება ქარხნული გარანტია, 1 (ერთი) წლის განმავლობაში;
1.7.1.2 მიმწოდებლის მიერ მიწისქვეშა ნაგავშემკრები კონტეინერების შემოწმება და დაზიანების აღრიცხვა, უნდა მოხდეს ხელშეკრულების გაფორმებიდან თვეში ერთხელ,
შენიშვნა: ბოლო აღრიცხვა განხორციელდება არაუგვიანეს 2025 წლის 27 ოქტომბრისა;
1.7.1.3 დაზიანებული და გამოცვლილი ნაწილები რჩება შემსყიდველთან.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემის უფლებამოსილების დამადასტურებელი დოკუმენტი და დასკვნაზე ხელმომწერი ქონების შემფასებელი პირის (საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული) ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

5 Процентов

10 Процентов

მიმწოდებლის მიერ წარმოდგენილი ხელშეკრულების შესრულების უზრუნველყოფის გარანტიის მოქმედების ვადა, მინიმუმ 60 (სამოცი) კალენდარული დღით უნდა აღემატებოდეს შესყიდვის ობიექტის საბოლოო მიწოდების ვადას;

ტენდერში გამოიყენება ხელშეკრულების შესრულების უპირობო და გამოუთხოვადი საბანკო ან/და სადაზღვევო გარანტია, ხელშეკრულების ღირებულების 5%–ის ოდენობით, (იმ შემთხვევაში თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესაბამისი ტენდერის შესყიდვის ობიექტის სავარაუდო ღირებულებაზე, შემსყიდველ ორგანიზაციას უფლება აქვს გამარჯვებულ პრეტენდენტს მოსთხოვოს ხელშეკრულების შესრულების უზრუნველყოფის საბანკო გარანტია 10%-მდე ოდენობით). საბანკო ან/და სადაზღვევო გარანტიის მოქმედების ვადა არანაკლებ 60 დღით უნდა აღემატებოდეს შესყიდვის ობიექტის მოწოდების საბოლო ვადას. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება - ჩაბარების აქტის შესაბამისად.

7.3.1 ანგარიშსწორება განხორციელდება ანგარიშ-ფაქტურის გამოწერისა და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში. გარდა წინამდებარე მუხლის „ 7.3.2“ პუნქტის შემთხვევისა.
7.3.2 იმ შემთხვევაში, თუ ჯარიმის/პირგასამტეხლოს გამოყენებასთან დაკავშირებით შეტყობინების მიღებიდან 7.3.1 პუნქტით გათვალისწინებულ ანგარიშსწორებამდე მიმწოდებლის მიერ არ იქნა წარმოდგენილი საჯარიმო სანქციით დაკისრებული თანხის გადახდის დამადასტურებელი დოკუმენტი, შემსყიდველი უფლებამოსილია მიღება-ჩაბარების აქტით განსაზღვრული მოწოდებული შესყიდვის ობიექტის ღირებულების ანაზღაურებისას, ხელშეკრულების პირობების დარღვევის გამო ჯარიმის/პირგასამტეხლოს თანხა დაუქვითოს მიმწოდებელს, რის შემდეგაც მიმწოდებელს ჩაერიცხება დარჩენილი თანხა.

ქეთევან გოგიბერიძე, 551526284, q.gogiberidze@tbsg.ge ტექნიკურ საკითხებთან დაკავშირებით: ანა გელიაშვილი 599 851 554;

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის 1.3. პუნქტით გათვალისწინებული დანართ(ებ)ი შესაძლებელია წარმოდგენილ იქნეს MS Excel-ის ფორმატის ფაილის სახით, რაც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ექვივალენტური“;
10.1.5 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 სატენდერო დოკუმენტაციის 1.3 პუნქტით გათვალისწინებული ფასების ცხრილი პრეისკურანტი (დანართი N1) MS Excel-ის ფორმატის სახით.