Инженерные услуги (Грузия - Тендер #65263662)

ქ. ქობულეთში მდებარე მიწის ნაკვეთზე საკადასტრო კოდით (ს/კ 20.42.08.188) “ჩელე არენა”-ს სტადიონის რეაბილიტაციის დეტალური საპროექტო-სახარჯთაღრიცხვო დოკუმენტაციის და საპროექტო/ანაზომი ნახაზების მომზადება.

1.2.1. მომსახურების საგანია ქ. ქობულეთში მდებარე მიწის ნაკვეთზე საკადასტრო კოდით (ს/კ 20.42.08.188) “ჩელე არენა”-ს სტადიონის რეაბილიტაციის დეტალური საპროექტო-სახარჯთაღრიცხვო დოკუმენტაციის და საპროექტო/ანაზომი ნახაზების მომზადება.
1.2.2. პროექტის ნაწილები უნდა შედგებოდეს დეტალური ნახაზებისა და სპეციფიკაციებისაგან.
1.2.3. გასაწევი მომსახურების სრული აღწერილობა და მოცულობა მოცემულია სატენდერო დოკუმენტაციის დანართი №1-ში - ტექნიკური დავალება.
1.2.4. საპროექტო-სახარჯთაღრიცხვო დოკუმენტაცია შედგენილი უნდა იყოს საქართველოში მოქმედი ნორმატიული აქტების, სტანდარტების, ნორმებისა და ტექნიკური რეგლამენტების (მათ შორის საქართველოს მთავრობის 2016 წლის 28 იანვრის №41 დადგენილებით დამტკიცებული ტექნიკური რეგლამენტის „შენობა-ნაგებობის უსაფრთხოების წესები“-ს) მოთხოვნათა დაცვით.

1.4.1. მომსახურება უნდა განხორციელდეს ხელშეკრულების გაფორმებიდან 2 თვეში.

1.5.1. შემსყიდველს უნდა წარედგინოს სამშენებლო დოკუმენტის პროექტისა და სახარჯთაღრიცხვო დოკუმენტაციის 3 სრული ნაბეჭდი ეგზემპლარი და ელექტრონული ვერსია. ელექტრონული ვერსია უნდა მოიცავდეს სრულ პროექტს წარმოდგენილს Auto Cad პროგრამის ციფრული (ელექტრონული) ვერსიის სახით და ხარჯთაღრიცხვას ჩაწერილს Microsoft Office Excel პროგრამის ციფრულ (ელექტრონული) ვერსიის სახით. ასევე, სრულ პროექტს ჩაწერილს Adobe Acrobat პროგრამის PDF ფორმატში, ერთი ფაილის მოცულობა არაუმეტეს 16 მგბ-სა. ელექტრონული ვერსია წარმოდგენილი უნდა იყოს დისკის სახით.
1.5.2. სამშენებლო დოკუმენტის პროექტი და სახარჯთაღრიცხვო დოკუმენტაცია შედგენილი უნდა იყოს ქართულ ენაზე.
1.5.3. მომსახურების გაწევის ადგილია ქ. ქობულეთში საფეხბურთო კლუბ „ჩელე არენა“-ს სტადიონის მიწის ნაკვეთი (საკადასტრო კოდით 20.42.08.188).
1.5.4. საპროექტო-სახარჯთაღრიცხვო დოკუმენტაციის მიწოდების ადგილია ქალაქი ბათუმი, ჟიული შარტავას გამზირი N13.
1.5.5. მომსახურების გაწევის დეტალური აღწერილობა მოცემულია სატენდერო დოკუმენტაციის დანართი №1-ში - ტექნიკური დავალება.
1.5.6. საპროექტო-სახარჯთაღრიცხვო დოკუმენტაციის საბოლოო მიღება-ჩაბარება განხორციელდება მისი საექსპერტო შეფასებების დადებითი დასკვნების მიღების შემდგომ.

2.2.1.1. პრეტენდენტს 2019 წლის 01 იანვრიდან ტენდერი გამოცხადებულია სტატუსის მინიჭებამდე პერიოდში უნდა გააჩნდეს არანაკლებ 90მ * 60მ ზომის ხელოვნური ან/და ბუნებრივი საფარის სტადიონის მოწყობის საპროექტო მომსახურების გამოცდილება, რომელიც ასევე უნდა მოიცავდეს არანაკლებ 350 ლუქსის სპორტული განათების მოწყობის პროექტსაც.
2.2.1.2. სატენდერო დოკუმენტაციის 2.2.1.1. ქვეპუნქტით გათვალისწინებული გამოცდილების დადასტურების მიზნით პრეტენდენტმა უნდა წარმოადგინოს:
2.2.1.2.1. მომსახურების მიწოდებაზე გაფორმებული ხელშეკრულების ასლი;
2.2.1.2.2. გაწეული მომსახურების თაობაზე წარმოდგენილი ხელშეკრულების ფარგლებში შედგენილი მიღება-ჩაბარების აქტ(ებ)ი ან სხვა სახის დოკუმენტი, რომელიც დამოწმებული უნდა იყოს ხელშეკრულების მხარეების უფლებამოსილი წარმომადგენლების მიერ და უნდა შეიცავდეს ხელშეკრულების მხარეების, რეკვიზიტების, მომსახურების სრული დასახელების, ღირებულების და მიწოდების დასრულების თარიღის შესახებ ინფორმაციას;
2.2.1.2.3. არანაკლებ 350 ლუქსის განათების მოწყობის პროექტი ან სხვა რაიმე დამადასტურებელი დოკუმენტი.

2.9.1. პრეტენდენტი სატენდერო წინადადებას წარადგენს დღგ-ის გარეშე, მიუხედავად იმისა, არის თუ არა იგი დღგ-ის გადამხდელი;
2.9.2. შემსყიდველი ორგანიზაცია ხელშეკრულების ღირებულებაში ითვალისწინებს წინადადების ფასის შესაბამის დღგ-ის ოდენობა, თუ გამარჯვებული პრეტენდენტი ხელშეკრულების დადების მომენტისთვის, საქართველოს კანონმდებლობის შესაბამისად, არის დღგ-ის გადამხდელი;
2.9.3. პრეტენდენტმა ერთიანი ელექტრონული სისტემის მეშვეობით უნდა წარმოადგინოს დანართი N1 - ტექნიკური დავალება, დანართი N2 - ფასების ცხრილი და სატენდერო დოკუმენტაციის 2.2.1 პუნქტით განსაზღვრული დოკუმენტაცია/ინფორმაცია.

4.1.3.1. წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის მომსახურების შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

7.2.1. ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
7.2.2. ანგარიშსწორება განხორციელდება 2 ეტაპად:
7.2.2.1. I ეტაპი - მოქმედი კანონმდებლობის შესაბამისად დეტალური სამშენებლო დოკუმენტის პროექტის და სახარჯთაღრიცხვო დოკუმენტაციის დამუშავება, სახარჯთაღრიცხვო დოკუმენტაციის ექსპერტიზა საქართველოს მთავრობის 2014 წლის 14 იანვრის №55 დადგენილებით დამტკიცებული ტექნიკური რეგლამენტის - „სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესთან“ შესაბამისობაზე, ფასთა წარმოქმნის ადექვატურობის ექსპერტიზა - სახელშეკრულებო ღირებულების 90 %-ი;
7.2.2.2. II ეტაპი - სამშენებლო სამუშაოების საავტორო ზედამხედველობა - სახელშეკრულებო ღირებულების 10 %-ი.

7.3.1. I ეტაპის ღირებულების ანაზღაურება განხორციელდება მხარეებს შორის მიღება-ჩაბარების აქტის გაფორმებიდან და საგადასახადო დოკუმენტაციის წარმოდგენიდან, ხოლო II ეტაპის დაპროექტებული შენობა-ნაგებობის ექსპლუატაციაში შესვლის შემდგომ, მხარეებს შორის მიღება-ჩაბარების აქტის გაფორმებიდან და საგადასახადო დოკუმენტაციის წარმოდგენიდან 10 (ათი) სამუშაო დღის ვადაში.

ილია ქამადაძე, 593343633, ajarapmc@gmail.com მირზა ბოლქვაძე; მობ: 593 50 40 31;

0.1.1. ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.
10.1.2. სატენდერო წინადადების ღირებულება უნდა მოიცავდეს ამ ტენდერით გათვალისწინებულ სამუშაოებთან დაკავშირებულ ყველა ხარჯსა და საქართველოს კანონმდებლობით გათვალისწინებულ გადასახადებს და გადასახდელებს, გარდა დღგ-სა
10.1.3. სავალდებულოა ხარჯთაღრიცხვაში ერთეულისა და საერთო ფასების გამოსახვა და გამოანგარიშება ლარის მეასედის - თეთრების სიზუსტით (მძიმის შემდეგ ორი ციფრი).
10.1.4. ყველა ინფორმაცია თუ დოკუმენტი, რომელიც აიტვირთება სახელმწიფო შესყიდვების ერთიან ელექტრონულ სისტემაში, შედგენილი უნდა იყოს ქართულ ენაზე.
10.1.5. უცხო ენაზე შედგენილი დოკუმენტებს თან უნდა ერთვოდეს თარჯიმნის მიერ შესრულებული ქართული თარგმანი.
10.1.6. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად დამოწმებული უნდა იყოს შესაბამისი უფლებამოსილი პირის ელექტრონული ხელმოწერით ან პრეტენდენტის კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.7. არარეზიდენტი პირის ან წარმომადგენლობა/ფილიალის, მათ შორის ამხანაგობის წევრი არარეზიდენტი პირის ან არარეზიდენტი პირის წარმომადგენლობა/ფილიალის შემთხვევაში:
10.1.7.1 სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ, ასევე, წარმოდგენილი უნდა იყოს ხელისმომწერი პირის უფლებამოსილების დამადასტურებელი დოკუმენტი;
10.1.7.2. სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბამისობა დამოწმებული უნდა იყოს ნოტარიულად.
10.1.8. დაზუსტებას არ ექვემდებარება ტექნიკური დოკუმენტაცია, თუ, პრეტენდენტის მიერ:
10.1.8.1. საერთოდ არ არის წარმოდგენილი ხარჯთაღრიცხვა, ან წარმოდგენილია განუფასებელი ხარჯთაღრიცხვა.
10.1.9. ტენდერში ამხანაგობის მონაწილეობის შემთხვევაში პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.1.10. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.11. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ "ანალოგიური" და „ეკვივალენტური“. ამასთან, სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას კონკრეტული სასაქონლო ნიშნის, მოდელის, პატენტის ან მწარმოებელი კომპანიის გამოყენება, ზემოაღნიშნული დათქმის მიუხედავად, არ ათავისუფლებს პრეტენდენტს მათი მოწოდების ვალდებულებისგან, თუ ეს აუცილებელია სამუშაოს ხარისხიანი ან/და სრულყოფილი შესრულებისთვის.