Услуги в области бухгалтерского учета, аудита и налогообложения (Грузия - Тендер #65263660)

შპს „ვარდნილჰესების კასკადი“-ს მიერ 2024-2025 წლების ფინანსური ანგარიშგების აუდიტის მომსახურება.

1. ფულადი სახსრების მოძრაობის აუდიტი:
1.1 საკასო ოპერაციების აუდიტი;
1.2 ანგარიშსწორების ანგარიშის ოპერაციათა აუდიტი;
1.3 სავალუტო ანგარიშის ოპერაციათა აუდიტი;
1.4 ფულადი სახსრების შემოსავლების და ხარჯების აუდიტი;

2. სასაქონლო-მატერიალურ ფასეულობათა აუდიტი:
2.1 სასაქონლო-მატერიალურ ფასეულობათა შესყიდვისა და შემოსავალში აღების აუდიტი;
2.2 საწყობში არსებული მატერიალურ-ფასეულობათა აღრიცხვის აუდიტი;
2.3 მასალების ხარჯვისა და ჩამოწერის სისწორის აუდიტი;

3. ძირითად საშუალებებთან დაკავშირებულ ოპერაციათა აუდიტი:
3.1 ძირითადი საშუალებების კატეგორიაზე მატერიალური ფასეულობების მიკუთვნების სისწორის აუდიტი, მათი კლასიფიკაცია კუთვნილებისა და საწარმოო ხასიათის მიხედვით;
3.2 ბუღალტრულ აღრიცხვაში ძირითადი საშუალებების განსაზღვრისა და მოძრაობის ამსახველ ოპერაციათა აუდიტი;
3.3 ცვეთის დარიცხვის სისწორის აუდიტი;
3.4 ძირითადი საშუალებების რემონტზე დახარჯული სახსრების აუდიტი;
3.5 ძირითადი საშუალებების და საწყობში არსებული მასალების ჩატარებული ინვენტარიზაციის შესწავლა და შერჩევითი წესით საინვენტარიზაციო აღწერის მონაცემთა ადგილზე გადამოწმება.

4. განხორციელებული ინვესტიციების აუდიტი:
4.1 ახალი საინვესტიო პროექტების განხორციელების შედეგად ძირითადი საშუალებების ღირებულებებზე ზემოქმედების აუდიტი;
4.2 100% წლის მქონე პარტნიორის - შპს "ენგურჰესის" მიერ განხორციელებული ინვესტიციების, რეაბილიტაციის პროგრამით საგარეო საკრედიტო რესურსებიდან მიღებული სესხების გამოყენების და მომსახურების აუდიტი.

5. ანგარიშსწორების აუდიტი:
5.1 მომწოდებლებთან და მოიჯარეებთან ანგარიშსწორების აუდიტი, კონტრაქტორების მიერ შესრულებულ სამუშაოებზე გაფორმებული პირველადი აღრიცხვის საბუთების სისწორე;
5.2 შრომის ანაზღაურების გაანგარიშების აუდიტი;
5.3 ანგარიშვალდებულ პირებთან ანგარიშსწორების აუდიტი;
5.4 ბიუჯეტთან ანგარიშსწორების აუდიტი, წარდგენილი დეკლარაციების სისწორე, ბუღალტრული აღრიცხვის პროგრამაში წარმოებული გატარებების შესაბამისობა საგადასახადო ბარათზე არსებულთან;
5.5 სხვა ვალდებულებების მომსახურების აუდიტი.
5.6 მოკლევადიანი და გრძელვადიანი სესხების, მიღებული გრანტებისა და მათი გამოყენების აუდიტი.
5.7 საკურსო სხვაობათა დარიცხვის აუდიტი.
5.8 რეალიზაციის და სხვა შემოსავლების აუდიტი.
5.9 დანახარჯების აუდიტი, მათ შორის ერთობლივი შემოსავლებიდან გამოუქვითავი ხარჯების აუდიტი.
5.10 სხვა დანარჩენი საბალანსო და მოგება-ზარალის მუხლების აუდიტი.
5.11 საწარმოს კაპიტალის ფორმირებისა და მასში განხორციელებული ცვლილებების აუდიტი.
5.12 ფინანსური შედეგებით წლიური მოგება-ზარალის გაანგარიშების აუდიტი.
5.13 ფინანსური ანგარიშგების აუდიტის ფარგლებში საწარმოს შიდა კონტროლის სისტემის შესწავლა და რეკომენდაციის გაცემა.
5.14 ძირითადი საშუალებების და არამატერიალური აქტივების გაუფასურება, ფინანსური, საკრედიტო, კაპიტალური, გეოპოლიტიკური და სხვა რისკების მართვის აუდიტი;
5.15 შესაძლო, მოსალოდნელი შემთხვევები, რომელიც რაიმე პირობის მოხდენის ალბათობაზეა დამოკიდებული.

მომსახურების გაწევის ვადაა 2024 წლის ფინანსურ აუდიტზე 2025 წლის 20 სექტემბერი, ხოლო 2025 წლის ფინანსურ აუდიტზე 2026 წლის 30 ივნისი.

შპს ,,ვარდნილჰესების კასკადი’’ - გალის რაიონი დასახლება რეჩხი.

პრეტენდენტს ჩატარებული უნდა ჰქონდეს არანაკლებ 2 (ორი) აუდიტორული შემოწმება ენერგეტიკული პროფილის მქონე, პირველი კატეგორიის, არანაკლებ 2 (ორ) სხვადასხვა საწარმოში. ინფორმაცია უნდა იყოს წერილობითი, რომელიც აუდირებული (შემოწმებული) პირ(ებ)ისგან იქნება დადასტურებული, მოქმედ კანონმდებლობის შესაბამისად.

2.4.1. გარიგების პარტნიორს (იგულისხმება სსიპ „ბუღალტრული აღრიცხვის, ანგარიშგებისა და აუდიტის ზედამხედველობის სამსახურის“ საიტზე დარეგისტრირებული გარიგების პარტნიორი, რომელის გადამოწმებაც მოხდება https://saras.gov.ge/ka/Companies საიტის მეშვეობით) .

2.4.2. პრეტენდენტმა სახელმწიფო შესყიდვების ერთიან ელექტრონულ სისტემაში ასევე უნდა წარმოადგინოს ინფორმაცია აუდიტორულ ფირმაში დასაქმებული არანაკლებ 1 (ერთი) აუდიტორის შესახებ (სახელ(ებ)ი და გვარ(ებ)ი), რომელიც დარეგისტრირებული იქნება ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ოფიციალურ ვებ-გვერდზე, სადაც მითითებული იქნება სამუშაო ადგილი (ტენდერში მონაწილე აუდიტორული ფირმა) და მათზე არ უნდა ფიქსირდებოდეს არანაირი შესზღუდვა.


შენიშვნა: ხელშეკრულების მოქმედების პერიოდში სერტიფიკატ(ებ)ის მოქმედების ვადის გასვლის შემთხვევაში, პრეტენდენტი ვალდებულია წარმოადგინოს პერსონალის ახალი სერთიფიკატ(ებ)ი ან შემსყიდველთან შეთანხმებით ჩაანაცვლოს პერსონალი სხვა, არანაკლები კვალიფიკაციის და გამოცდილების მქონე სერტიფიცირებული აუდიტორ(ებ)ით.

პრეტენდენტს უნდა გააჩნდეს პროფესიული პასუხისმგებლობის დაზღვევის პოლისი, ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსის 2016 წლის 17 ოქტომბრის ბრძანება N12-ის მიხედვით.

2.7.1 პრეტენდენტს, სსიპ „ბუღალტრული აღრიცხვის, ანგარიშგებისა და აუდიტის სამსახურის“ მიერ მინიჭებული უნდა ჰქოდეს საზოგადოებრივი დაინტერესების პირის (სდპ) აუდიტის ჩატარების უფლებამოსილება. ამასთანავე, პრეტენდენტს სსიპ „ბუღალტრული აღრიცხვის, ანგარიშგებისა და აუდიტის სამსახურის“ მიერ გავლილი უნდა ჰქონდეს მონიტორინგი, რის საფუძველზეც, ბოლო შემოწმების შედეგად, მინიჭებული ექნებათ სავალდებულო უფლებამოსილების სტატუსის მქონე აუდიტორული კომპანიის სტატუსი (ინფორმაციის/მონაცემების გადამოწმება მოხდება სსიპ „ბუღალტრული აღრიცხვის, ანგარიშგებისა და აუდიტის სამსახურის“ ვებ-გვერდის (www.saras.gov.ge)
მეშვეობით).

შენიშვნა: იმ შემთხვევაში, თუ მიმწოდებელს, წინამდებარე ტენდერის ფარგლებში გაფორმებული ხელშეკრულების მოქმედების ვადაში, შეუწყდება საზოგადოებრივი დაინტერესების პირის (სდპ) შემოწმების უფლებამოსილება ან/და სავალდებულო უფლებამოსილების მქონე აუდიტორული ფირმის სტატუსი, რაც შესაძლებელია გახდეს შემსყიდველის მხრიდან, ხელშეკრულების ცალმხრივად შეწყვეტის საფუძველი. აღნიშნული არ ვრცელდება ისეთ შემთხვევაზე, როდესაც ამავე პუნქტში განსაზღვრული საზოგადოებრივი დაინტერესების პირის (სდპ) შემოწმების უფლებამოსილებისა ან/და სავალდებულო უფლებამოსილების აუდიტორული ფირმის სტატუსის შეწყვეტა გამოწეული იქნება საკანონდებლო ცვლილებების შედეგად.

ვინაიდან აღნიშნული ტენდერით განსაზღვრული მომსახურება არის ინტელექტუალური, რომლის შეფასების კრიტერიუმები და ფასწარმოქმნის დასაბუთების სტანდარტი რთული დასადგენია, სატენდერო კომისიამ მიზანშეწონილად მიიჩნია არ მოითხოვოს ფასწარმოქმნის ადეკვატურობის დასაბუთების დოკუმენტი თუ ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

1. ანგარიშსწორება განხორციელდება უნაღდო ანგარიშსწორების წესით ეროვნულ ვალუტაში - ლარში;
2. მიმწოდებელთან განხორციელდება ეტაპობრივი ანგარიშსწორება თითოეული ეტაპის დასრულებაზე შესაბამისი აუდიტორული დასკვნის წარდგენისა და მიღება-ჩაბარების აქტის გაფორმებისა და ფინანსური დოკუმენტაციის წარმოდგენის საფუძველზე.

ანგარიშსწორება განხორციელდება მიღება-ჩაბარების აქტისა და ფინანსური დოკუმენტაციის წარმოდგენიდან - 10 კალენდარული დღის განმავლობაში.

ილია ჯიშკარიანი, 591508825, i.jishkariani@vardnilhesi.ge

1) ყველა დოკუმეტაცია, რომელიც იქნება პრეტენდენტის მიერ ატვირთული, უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული;
2) ალტერნატიული სატენდერო წინადადება არ მიიღება;
3) სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
4) ხარჯთაღრიცხვის წარმოუდგენლობა ან განუფასებლად წარმოდგენა (თუ განუფასებელი პოზიციების რაოდენობა აღემატება განსაფასებელი პოზიციების 1%-ს) დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.