Аренда машин и оборудования для строительства и общественных работ с оператором (Грузия - Тендер #65178429)

ა(ა)იპ „საქართველოს ეროვნული ბოტანიკური ბაღი“-სთვის საჭირო სამშენებლო და სამოქალაქო მშენებლობის/ინჟინერიის მანქანა-დანადგარების დაქირავების შესყიდვა

1. ექსკავატორ დამტვირთველი - ექსკავატორ დამტვირთველის გაბარიტული ზომები უნდა იყოს სიგრძე არანაკლებ - 5 500 მმ; სიმაღლე არანაკლებ 3 550 მმ; სიგანე არაუმეტეს 2 440 მმ; სატვირთი ციცხვის მოცულობა არანააკლებ 1.1 კუბური მეტრი. აღჭურვილი უნდა იყოს არაუმეტეს 350 მმ და არაუმეტეს 600 მმ-იანი ციცხვებით, არანაკლებ 380 კგ კოდალით. ამოთხრის მაქსიმალური სიღრმე უნდა იყოს არანაკლებ - 5 800 მმ. ექსკავატორ დამტვირთველი უნდა იყოს საბურავებზე.
2. მინი დამტვირთველი - მინი დამტვირთველის გაბარიტული ზომები უნდა იყოს სიგრძე არაუმეტეს 3 630 მმ; სიგანე არაუმეტს 1 830 მმ; სიმაღლე არაუმეტეს 2 100 მმ; მასა არაუმეტეს 3 600 კგ; დანის სიგანე არაუმეტეს 2 000 მმ; ტვირთი აწევის სიმაღლე არანაკლებ 3 100 მმ. კოდალა არანაკლებ 280 კგ და ჩანგლები (პალეტების ასაწევად).
3. დამტვირთველი - დამტვირთველის ზომები უნდა იყოს სიგრძე არანაკლებ 3 600 მმ; სიგანე არანაკლებ 1 800 მმ; სიმაღლე არანაკლებ 2 100 მმ; მასა არანაკლებ 3 800 კგ; დანის სიგანე არანაკლებ 2 100 მმ, ტვირთის აწევის წონა არანაკლებ 1 350 კგ; ტვირთის აწევის სიმაღლე არანაკლებ 3 000 მმ. უნდა უყენდებოდეს კოდალა არანაკლებ 280კგ-იანი და ჩანგლები (პალეტების ასაწევად), ექსკავატორის ციცხვი, რომლის ამოთხრის სიღმე უნდა იყოს არანაკლებ 1 500 მმ.
4. ამწე კალათი - ამწე კალათის გაბარიტული ზომები უნდა იყოს სიგრძე არაუმეტეს 4 500 მმ; სიგანე არაუმეტეს 3 300 მმ; სიმაღლე არაუმეტეს 3 300 მმ; აღჭურვილობა არანაკლებ 13 მეტრიანი, ორ ადგილიანი კალათით, (დატვირთვის მაქსიმალური წონა 200 კგ), გვერდითი გაწევა არაუმეტეს 10 მეტრი.
5. მაღალი ტევადობის თვითმცლელი - მაღალი ტევადობის თვითმცლელი სიგრძე უნდა იყოს არანაკლებ 7 000 მმ ;სიგანე არანაკლებ 2 300 მმ; სიმაღლე არანაკლებ 3300 მმ, ძარის მოცულობა არანაკლებ 20 კუბური მეტრი.
6. ფრეზი - ფრეზი უნდა იყოს მრავალმხრივი კომპაქტური ბენზინზე მომუშავე, რომელიც უნდა ჭრიდეს ასფალტის საფარს. ფრეზს უნდა ქონდეს წყლის სარწყვავი, რომელიც უზრუნველყოფს ჭრის შედეგად წარმოქმნილ მტვრის ნაწილაკების შემცირებას და შექმნის ჯანსაღ სამუშაო პირობებს.

მომსახურების გაწევის ვადა: ხელშეკრულების გაფორმების შემდეგ 2025 წლის 25 დეკემბრის ჩათვლით, შემსყიდველის მოთხოვნის შესაბამისად.

1.5.1. მომსახურების ადგილია ქ. თბილისი, ბოტანიკურის ქ. #1.
1.5.2. მომსახურების გაწევის ადგილზე ტექნიკის მობილიზება, მოყვანა უნდა მოახდინოს მიმწოდებელმა შემსყიდველის მოთხოვნიდან არაუგვიანეს 5 (ხუთი) კალენდარული დღის ვადაში.
1.5.3. მომსახურების გაწევა უნდა განხორციელდეს ბოტანიკური ბაღის ტერიტორიაზე შემსყიდველის მიერ მითითებულ ადგილას.
1.5.4. მომსახურების გაწევა უნდა განხორციელდეს სამუშაო საათებში ბოტანიკური ბაღის წარმომადგენელთან შეთანხმებით.

მოცემული ტექნიკის კერძო საკუთრებაში არსებობის შემთხვევაში წარმოდგენილი უნდა იქნას ტექნიკის სარეგისტრაციო მოწმობის (ტექნიკური პასპორტების) ასლები, რომელიც ადასტურებს ტექნიკის საკუთრებაში არსებობას, ხოლო იჯარის შემთხვევაში, როგორც საიჯარო ხელშეკრულებების, ასევე სარეგისტრაციო მოწმობის ასლები. საიჯარო ხელშეკრულებით იჯარის ვადა განისაზღვროს არანაკლებ 2025 წლის 31 დეკემბრისა.

ტექნიკური მოთხოვნები
სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო დოკუმენტაციაში განსაზღვრულ მოთხოვნებზე
• სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით (მ.შ დღგ-ს გათვალისწინებით).
• პრეტენდენტმა ელექტრონული ვაჭრობა უნდა განახორციელოს პრეისკურანტის სავარაუდო ჯამურ ღირებულებაზე. პრეისკურანტის სავარაუდო ღირებულება დღგ-ს გათვალისწინებით შეადგენს - 6 618.00 (ექვსი ათას ექვსასთვრამეტი ლარი და 00 თეთრი) ლარი.
• პრეტენდენტის მიერ სატენდერო წინადადების ფასის შემცირების შემთხვევაში ფასთა კლება პროპორციულად და თანაბარი პროცენტული ოდენობით უნდა აისახოს ფასების ცხრილებში მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს ფასების ცხრილის ჯამური ღირებულებაც.
• პრეტენდენტის მიერ დაფიქსირებული საბოლოო ფასის შესაბამის ფასების ცხრილში მითითებული ერთეულის მომსახურების ღირებულება არ უნდა აღემატებოდეს შემსყიდველის მიერ შესაბამის გრაფაში მითითებული მომსახურების ერთეულის სავარაუდო ღირებულებას, წინააღმდეგ შემთხვევაში მოხდება პრეტენდენტის დისკვალიფიკაცია.
• იმ შემთხვევაში, თუ ხელშეკრულების მოქმედების პერიოდში აღმოჩნდება, რომ პრეისკურანტის დანართში არ არის გათვალისწინებული იმ მომენტისათვის საჭირო მომსახურება, აღნიშნული ერთეულ(ებ)ის ფასი დადგინდება საბაზრო ღირებულების გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
• პრეტენდენტთან სახელმწიფო შესყიდვის შესახებ ხელშეკრულება გაფორმდება სატენდერო განცხადებაში მითითებული ღირებულების ფარგლებში და იგი მოიცავს ხელშეკრულების მოქმედების პერიოდში შემსყიდველის საჭიროებისამებრ მიმწოდებლის მიერ გასაწევი მომსახურების ღირებულებათა ჯამს. შესაბამისად, შესმყიდველი ვალდებულებას იხსნის განახორციელოს სახელშეკრულებო თანხის სრულად ათვისება.

იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით.

ანგარიშსწორება განხორციელდება ეტაპობრივად, ფაქტიურად გაწეული მომსახურების მიხედვით, შესაბამისი მიღება-ჩაბარების აქტის გაფორმებისა და მასთან დაკავშირებული საგადასახადო დოკუმენტაციის (არსებობის შემთხვევაში) წარმოდგენის საფუძველზე

ეტაპობრივი ან/და საბოლოო ანგარიშსწორება განხორციელდება შესაბამისი დოკუმენტაციის წარმოდგენიდან 10 (ათი) სამუშაო დღეში

გვანცა ჟღენტი, 599156117, jgentigvanca@gmail.com

პრეტენდენტმა უნდა წარმოადგინოს:
1. მომსახურების პრეისკურანტი დანართი N2-ის მიხედვით;
2. თანხმობა შესყიდვის ობიექტის ტექნიკური დავალების შესახებ დანართი N1–ის მიხედვით;
3. ტექნიკის ფლობის (საკუთრების, იჯარის, სარეგისტრაციო მოწმობის ასლები) დამადასტურებელი დოკუმენტები;