Услуги в области лесного хозяйства (Грузия - Тендер #65178405)

ქალაქ თბილისის მუნიციპალიტეტის ტერიტორიაზე არსებული მწვანე ნარგავების წინასწარი აღრიცხვის ჩატარების, ზეხმელი, ხმობადი და ავარიული ხეების მოჭრის, გატანის და კუნძის ამოღების მომსახურების სახელმწიფო შესყიდვა.

1.2.1 მიმწოდებელმა უნდა უზრუნველყოს ქალაქ თბილისის მუნიციპალიტეტის ტერიტორიაზე არსებული მწვანე ნარგავების წინასწარი აღრიცხვის ჩატარება, რაც მოიცავს მწვანე ნარგავების უწყისის შედგენას, მოსაჭრელი ხეების უბნის მოსაზღვრე ტერიტორიისაგან გამიჯვნას, ზეხმელი და ხმობადი ხეების ძირობრივ აღრიცხვას (სახეობის და დიამეტრის) და მონიშვნას. ასევე, მაღალი საზოგადოებრივი ინტერესის გამო, საჭიროების შემთხვევაში, მიმწოდებელმა უნდა უზრუნველყოს ხმელი და ხმობადი ხეების ჭრა შიდაკვარტალურ ტერიტორიებზე, ბინათმესაკუთრეთა ამხანაგობების და სხვა ტერიტორიებზე.
1.2.2 მიმწოდებლის მიერ უწყისები შედგენილი უნდა იყოს დანართი N2-ის შესაბამისად, ზეზემდგომი ხის მოცულობითი ცხრილების გამოყენებით.
1.2.3 ქალაქ თბილისის ადმინისტრაციულ საზღვრებში მოვლითი ღონისძიებების უზრუნველყოფის მიზნით ხეების მონიშვნა უნდა განხორციელდეს მოსაჭრელი ხეების ერთეულად მონიშვნის გზით. მოსაჭრელი ხეების უბნის მონიშვნისას ერთეულად აღრიცხვას ექვემდებარება 8 სმ და მეტი ტაქსაციური დიამეტრის ხეები. ჭრაში დანიშნულ ხეებზე თვალთახედვის არეში მიწის ზედაპირიდან დაახლოებით 1.5 მ-მდე სიმაღლეზე უნდა გაკეთდეს მონიშვნა მკვეთრი ყვითელი ფერის საღებავით.
1.2.4 მოსაჭრელი უბნის ადგილმდებარეობა განსაზღვრული უნდა იყოს საწყისი და საბოლოო წერტილის GPS კოორდინატებით (ბოძზე ან ჭრას დაუქვემდებარებელ, ზეზემდგომ ხეზე 1.5 მ-მდე სიმაღლეზე საღებავით გაკეთდება ნიშანი (მონიშვნის ფორმა უნდა შეთანხმდეს ქალაქ თბილისის მუნიციპალიტეტის მერიის გარემოს დაცვის საქალაქო სამსახურთან).
1.2.5 მიმწოდებელმა უნდა უზრუნველყოს ძირნაყარი მწვანე ნარგავების განთავსების ტერიტორიების დაფიქსირება GPS კოორდინატებით.
1.2.6 ქალაქ თბილისის ტერიტორიაზე ზეხმელი, ხმობადი და ავარიული ხეების მოჭრის მომსახურება ხორციელდება „ქ. თბილისის მუნიციპალიტეტის ტერიტორიაზე მწვანე ნარგავების დაცვის, მოვლისა და აღდგენის წესის დამტკიცების შესახებ“ ქალაქ თბილისის მუნიციპალიტეტის საკრებულოს 2022 წლის 11 ივნისის N11-58 დადგენილების შესაბამისად.
1.2.7 ავტოტრანსპორტის მოძრაობის შეუფერხებლად გადაადგილებისა და საცობის თავიდან აცილების მიზნით მომსახურება შესაძლებელია განხორციელდეს ღამის საათებშიც - 00:00 საათიდან 06:00 საათამდე.
1.2.8 მომსახურების გაწევის დროს მცენარეების, შენობა-ნაგებობების ან სხვა საგნების დაზიანების შემთხვევაში, მიმწოდებელი ვალდებულია დაუყონებლივ აცნობოს აღნიშნულის შესახებ ტექნიკურ ზედამხედველს და შესაბამის ორგანოებს. ზარალი ანაზღაურდება მიმწოდებლის მიერ.
1.2.9 მომსახურების ხარჯთაღრიცხვაში (დანართი N1) მოცემული რაოდენობები არის სავარაუდო და ხელშეკრულების მოქმედების პერიოდში შესაძლებელია შეიცვალოს შემსყიდველის საჭიროების შესაბამისად, მხარეთა შეთანხმების საფუძველზე.
1.2.10 მიმწოდებელი ვალდებულია საჭიროების შემთხვევაში უზრუნველყოს ობიექტზე დამცავი ბარიერების, საინფორმაციო დაფისა და გამაფრთხილებელი საგზაო ნიშნების (მოციმციმე) მოწყობა.
1.2.11 მიმწოდებელი ვალდებულია წინასწარ შეატყობინოს და შეათანხმოს შესაბამის სამსახურებთან მომსახურებები, რომლებიც იწვევს მოძრაობის შეფერხებას.
1.2.12 ყოველ კონკრეტულ ობიექტზე მომსახურების გაწევის ადგილი უნდა შემოიფარგლოს თვალსაჩინო ნიშნებით (ზოლიანი ზონარი), ხოლო მომსახურების გაწევის შემდეგ მიმწოდებელი ვალდებულია საკუთარი სახსრებით გაათავისუფლოს მომსახურების გაწევის ადგილი მომსახურების შედეგად წარმოქმნილი ნარჩენებისაგან (მათ შორის წიწვების/ფოთლების დახვეტა და გატანა).
1.2.13 ხის მოჭრილი მასა უნდა დაიკოტროს არაუმეტეს 0.4 მ-ისა და დასაწყობდეს ქალაქ თბილისის მუნიციპალიტეტის მერიის გარემოს დაცვის საქალაქო სამსახურის მიერ მითითებულ ადგილას. ჭრის შედეგად დატოვებული კუნძის სიმაღლე არ უნდა აღემატებოდეს 0.1მ-ს.
1.2.14 ხის კუნძის ამოღება მოიცავს: მოჭრილი ხეების კუნძების (კუნძების ამოსაძირკვი სპეც-ტექნიკით) ამოღებას და ადგილის მომზადებას ახალი ნერგის დარგვისათვის.
1.2.15 მიმწოდებელს უნდა შეეძლოს ერთდროულად დღეში არანაკლებ 5 ლოკაციაზე მომსახურების გაწევა. შემსყიდველის დავალების შემთხვევაში, მიმწოდებელი ვალდებულია უზრუნველყოს შემსყიდველის დავალებით განსაზღვრულ თითოეულ ლოკაციაზე დღეში არანაკლებ 12 ხის მოჭრა-გატანა და 4 კუნძის ამოღება.
1.2.16 მიმწოდებელს უნდა შეეძლოს ერთდროულად არანაკლებ 5 ლოკაციაზე მონიშვნის მომსახურების გაწევა. მონიშვნის მომსახურება გაწეულ უნდა იქნეს მეტყევე-ინჟინერ(ებ)ის მიერ (თითოეულ ლოკაციაზე ჯგუფის შემთხვევაში, არანაკლებ 1 მეტყევე-ინჟინერი).
1.2.17 მიმწოდებელი ვალდებულია მიღება-ჩაბარების აქტის გაფორმებისას შემსყიდველს წარმოუდგინოს სსიპ „ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ (სხვა აკრედიტირებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), ან დარგობრივი ორგანიზაციის (შპს, სსიპ, ა(ა)იპ) ან სამეცნიერო-კვლევითი ინსტიტუტის მიერ გაცემული შესაბამისი დასკვნა მოჭრილი მცენარეების რაოდენობის (მათ შორის პარამეტრების და ფიტოსანიტარული მდგომარეობის შესახებ) თაობაზე.

1.2.18 გასაწევი მომსახურების დასახელება და მოცულობები მითითებულია მომსახურების ხარჯთაღრიცხვაში (დანართი N1), რომელიც ატვირთულია სატენდერო დოკუმენტაციის 1.3 პუნქტში.

1.4.1 ხელშეკრულების ძალაში შესვლიდან 2026 წლის 25 დეკემბრის ჩათვლით, ეტაპობრივად, შემსყიდველის წერილობითი დავალების შესაბამისად.
1.4.2 სატენდერო დოკუმენტაციის 1.4.1 პუნქტით გათვალისწინებულ შემსყიდველის დავალებაში მითითებული იქნება ინფორმაცია მომსახურების გაწევის სახეობის, რაოდენობების, მომსახურების გაწევის ადგილისა და ვადების შესახებ.

ქ. თბილისის მუნიციპალიტეტის ტერიტორია.

პრეტენდენტს 2022 წლის 01 იანვრიდან უნდა გააჩნდეს შესყიდვის სავარაუდო ღირებულების არანაკლებ 100%-ის ღირებულების მწვანე ნარგავების (ხეების) მოჭრის ან/და გატანის ან/და კუნძების ამოღების მომსახურების გაწევის გამოცდილება. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

პრეტენდენტს უნდა ჰყავდეს არანაკლებ 5 მეტყევე-ინჟინერი, რომელთა მიერაც მოხდება მომსახურების გაწევა. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას დასაქმებულ პირ(ებ)თან პრეტენდენტის მიერ გაფორმებული ხელშეკრულება ან პრეტენდენტის მიერ გამოცემული ბრძანება ან პრეტენდენტის მიერ გაცემული სხვა დამადასტურებელი დოკუმენტაცია და მეტყევე-ინჟინრების კვალიფიკაციის დამადასტურებელი დოკუმენტები (დიპლომი).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის (საშემფასებლო) დასკვნა (დასკვნასთან ერთად წარმოდგენილ უნდა იქნას შესაბამისი უფლებამოსილების დამადასტურებელი დოკუმენტი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის 1-ელი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების შესრულების უზრუნველყოფის გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული მომსახურების გაწევის დასრულების ვადას.

6.4.1 ტენდერში გამოყენებულ იქნება ხელშეკრულების შესრულების უზრუნველყოფის გარანტია, სატენდერო დოკუმენტაციის 6.1 ან 6.2 პუნქტის შესაბამისად, დანართი N3–ის მიხედვით.
6.4.2 უპირობო, გამოუთხოვადი ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.3 იმ შემთხვევაში თუ პრეტენდენტის მიერ ერთიან ელექტრონულ სისტემაში დაფიქსირებული სატენდერო წინადადება შეადგენს 200 000 ლარზე ნაკლებს, გარანტიის მექანიზმი არ გამოიყენება.

ანგარიშსწორება მოხდება უნაღდო ანგარიშსწორებით ლარში, 2025 (15 %) და 2026 (85 %) წლების ადგილობრივი ბიუჯეტის სახსრებით.

ეტაპობრივად, გაწეული მომსახურების შემდეგ, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

სოფიკო ცუხიშვილი, 598340929, s.tsukhishvili@tbilisi.gov.ge , ტექნიკურ საკითხებთან დაკავშირებით საკონტაქტო პირი - მათე სოხაძე, მობილური ტელეფონის ნომერი 579260636, ელექტრონული ფოსტა: m.sokhadze@tbilisi.gov.ge.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 მომსახურების ხარჯთაღრიცხვა (დანართი N1) MS Excel-ის ფორმატის ფაილის სახით;
10.1.7.2 პრეტენდენტის გამოცდილების დამადასტურებელი დოკუმენტაცია, სატენდერო დოკუმენტაციის 2.2.1 პუნქტის შესაბამისად;
10.1.7.3 პრეტენდენტთან დასაქმებული პერსონალის კვალიფიკაციის დამადასტურებელი დოკუმენტაცია, სატენდერო დოკუმენტაციის 2.4.1 პუნქტის შესაბამისად.