Компьютерное оборудование и принадлежности (Грузия - Тендер #65041494)

მულტიფუნქციური შავ-თეთრი ლაზერული პრინტერების და მათთვის განკუთვნილი კარტრიჯების შესყიდვა

1.2.1 მისაწოდებელი პრინტერების და მათი შესაბამისი კარტრიჯების მინიმალური ტექნიკური მახასიათებლები და რაოდენობა მოცემულია დანართ N1-ში.
1.2.2 შესყიდვის ობიექტი უნდა იყოს პირველადი ქარხნული, არ უნდა იყოს ექსპლუატაციაში ნამყოფი და ქარხნულად აღდგენილი.
1.2.3 პრინტერი შეფუთული უნდა იყოს მწარმოებლის ბრენდირებულ ყუთში. უნდა მოყვებოდეს ინსტრუქცია, ინსტალაციისთვის და ექსპლუატაციისთვის საჭირო ყველა მაკომპლექტებელი დეტალი.
1.2.4 კარტრიჯები უნდა იყოს ახალი, ქარხნული ორიგინალი (ორიგინალი გულისხმობს პრინტერის მწარმოებლის მიერ დამზადებულ, ან ამავე მწარმოებლის მიერ რეკომენდირებულ პროდუქტს) შეფუთული უნდა იყოს ბრენდირებულ გაყალბებისაგან დაცულ ჰოლოგრამიან კოლოფში (ბრენდირებულ კოლოფში იგულისხმება კარტრიჯის მწარმოებლის ლოგოტიპით ქარხნულად დაბეჭდილი კოლოფი). უნდა იყოს ბეჭდვის მაღალი ხარისხით; ბეჭდვის პროცესში არ უნდა ტოვებდეს ზედმეტ წერტილებს, ლაქებს, უნდა იმუშაოს შეფერხების გარეშე, კარტრიჯიდან არ უნდა იბნეოდეს საღებავი პრინტერში, არ უნდა იწვევდეს პრინტერის დეტალების დაზიანებას. აღნიშნული წუნის შემთხვევაში გავრცელდება საგარანტიო პირობები.

შესყიდვის ობიექტის მიწოდების ვადა: ხელშეკრულების გაფორმებიდან 45 კალენდარული დღის განმავლობაში.

ქ. თბილისი, გორგასლის N24, საქართველოს გენერალური პროკურატურის ადმინისტრაციურლი შენობა.

1.7.1.1 პრინტერებს და კარტრიჯებს უნდა გააჩნდეს არანაკლებ 1 წლიანი გარანტია, რომლის მოქმედების ვადა აითვლება მიღება-ჩაბარების აქტის გაფორმების დღიდან..
1.7.1.2 საგარანტიო პერიოდის განმავლობაში სწორი ექსპლუატაციის პირობებში პრინტერის წუნის (დეფექტის) ან/და დაზიანების შემთხვევაში, მიმწოდებელმა საკუთარი ხარჯებით უნდა უზრუნველყოს აღნიშნული დეფექტის აღმოფხვრა, ან იგივე ან გაუმჯობესებული ტექნიკური მახასიათებლების მქონე პრინტერით შეცვლა, შემსყიდველის მოთხოვნიდან არაუგვიანეს 30 კალენდარული დღის განმავლობაში. პრინტერის შეცვლის შემთხვევაში, ხელშეკრულებით გათვალისწინებული კარტრიჯების შეუთავსებლობის შემთხვევაში, მიმწოდებელმა ასევე საკუთარი ხარჯებით უნდა უზრუნველყოს შესაცვლელი პრინტერისთვის განკუთვნილი შემსყიდველისთვის უკვე მიწოდებული თუ მისაწოდებელი რაოდენობის კარტრიჯების შეცვლა, რომლებიც (კარტრიჯები) თავსებადი იქნება შეცვლილ პრინტერთან და შესაბამისობაში იქნება ტენდერის მოთხოვნებთან, შემსყიდველის მოთხოვნიდან არაუგვიანეს 30 კალენდარული დღის განმავლობაში..
1.7.1.3 საგარანტიო პერიოდის განმავლობაში სწორი ექსპლუატაციის პირობებში კარტრიჯების წუნის (დეფექტის) ან/და დაზიანების შემთხვევაში, მიმწოდებელმა საკუთარი ხარჯებით უნდა უზრუნველყოს იგივე ან გაუმჯობესებული მახასიათებლების კარტრიჯებით შეცვლა, შემსყიდველის მოთხოვნიდან არაუგვიანეს 30 კალენდარული დღის განმავლობაში.

1.7.1.4 პრინტერების საგარანტიო ვალდებულების შესრულების შემთხვევაში, მიმწოდებელმა დეფექტის აღმოფხვრის მომსახურება უნდა განახორციელოს ხელშეკრულებით გათვალისწინებული პრინტერების მწარმოებლის მიერ ლიცენზირებული პერსონალის საშუალებით ან/და სერვისცენტრში.

1.7.1.5 მიმწოდებელმა სატენდერო წინადადებასთან ერთად უნდა წარმოადგინოს შესყიდვის ობიექტის ექსპლუატაციისა და საგარანტიო პირობების შესახებ არანაკლებ შემდეგი ინფორმაცია: მწარმოებლის მიერ განსაზღვრული გარკვეული ნორმების დაცვა, გარკვეული გარემო პირობების შექმნა, გარკვეული მომსახურების ჩატარება (პრინტერის ექსპლუატაციისთვის განსაზღვრული გეგმიური და ცვეთადი/სახარჯი ნაწილების შეცვლის მომსახურების დეტალური ჩამონათვალი და პირობები), დამატებითი მოწყობილობების დაყენება (იმის მიუხედავად, ტექნიკურ დავალებაში, თუ ფასების ცხრილში მითითებულია ისინი თუ არა) თუ სხვა. წინააღმდეგ შემთხვევაში, მიმწოდებლის უარი საგარანტიო მომსახურებაზე ექსპლუატაციის პირობების დაუცველობის მოტივით არ მიიღება.

1.7.1.6 საგარანტიო პირობებში, შესყიდვის ობიექტის შეცვლის შემთხევაში, მასზე ვრცელდება იგივე საგარანტიო პირობები, რაც მოცემულია 1.7.1.1-1.7.1.5 პუნქტებში.

1.7.1.7 მიმწოდებლის მიერ საგარანტიო ვალდებულების შეუსრულებლობის შემთხვევაში, შემსყიდველს უფლება აქვს საკუთარი ხარჯებით აღმოფხვრას ექსპლუატაციის პროცესში გამოვლენილი დეფექტები და მოსთხოვოს მიმწოდებელს შესაბამისი/ზიანის ხარჯების სრულად ანაზღაურება.

მიმწოდებელმა ფასების ცხრილის შესაბამის გრაფაში უნდა დააფიქსიროს მოსაწოდებელი საქონლის მარკა/მარკები, მოდელი/მოდელები და მწარმოებელი ქვეყანა/ქვეყნები (არსებობის შესაბამისად). იმ შემთხვევაში, თუ სატენდერო წინადადებით წარმოდგენილ ფასების ცხრილის შესაბამის გრაფაში არ იქნება მითითებული შემოთავაზებული საქონლის მარკა/მოდელის და მწარმოებელი ქვეყნის შესახებ ინფორმაცია, პრეტენდენტი დაექვემდებარება დისკვალიფიკაციას. აღნიშნული ინფორმაციის ცვლილება შემდგომი დაზუსტების დროს დაუშვებელია, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას.

პრეტენდენტს ბოლო სრული სამი წლის განმავლობაში (27.06.2022 - 27.06.2025 წ.) უნდა გააჩნდეს, ამ ტენდერის გამოცხადების თარიღამდე დასრულებული ანალოგიურიანალოგიური საქმიანობის გამოცდილება (პრინტერების და კარტრიჯების მიწოდების გამოცდილება), რომლის ღირებულებაც ჯამში უნდა შეადგენდეს არანაკლებ 300 000.00 (სამასი ათასი) ლარს საქართველოს კანონმდებლობით დადგენილი ყველა გადასახადის ჩათვლით, რისთვისაც პრეტენდენტმა შესყიდვების ერთიან ელექტრონულ სისტემის საშუალებით უნდა წარმოადგინოს ინფორმაცია შესყიდვების ელექტრონულ სისტემაში მოცემული შესყიდვის განცხადებისა და/ან ხელშეკრულების რეგისტრაციის ნომრების მითითებით, ან/და შესაბამისი ხელშეკრულებები, მიღება-ჩაბარების აქტები და შესრულებასთან დაკავშირებული სხვა დოკუმენტები სრულად, ან/და ამ ტენდერისთვის შემსყიდველი სახელმწიფო ორგანიზაციის მიერ გაცემული დოკუმენტი, საიდანაც შესაძლებელი იქნება შესაბამისი გამოცდილების შინაარსის და ღირებულების იდენტიფიცირება.

პრეტენდენტმა სისტემის საშუალებით უნდა წამროდაგინოს ინფორმაცია შემოთავაზებული პრინტერების თბილისის არსებული სერვის-ცენტრ(ებ)ის შესახებ, სადაც საგარანტიო პერიოდში უნდა განხორციელდეს შესყიდვის ობიექტის შეკეთება და ტექნიკური მომსახურება. ინფორმაცია უნდა მოიცავდეს სერვის-ცენტრის დასახელებას, საიდენტიფიკაციო კოდს, სერვისის განხორციელების მისამართს და საკონტაქტო ინფორმაციას.

2.9.1.შემოთავაზებული საქონელის იდენტიფიცირებისთვის პრეტენდენტმა სისტემის მეშვეობით უნდა წარმოადგინოს ინფორმაცია/დოკუმენტაცია (მწარმოებლის ოფიციალური ვებ-ბმული ან/და მწარმოებლის წერილი ან/და ტექნიკური პასპორტი), რომელიც დაადასტურებს შემოთავაზებული საქონელის ტექნიკური მახასიათებლების შესაბამისობას სატენდერო დოკუმენტაციით განსაზღვრულ შესყიდვის ობიექტის მახასიათებლებთან.

2.9.2 დოკუმენტების უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხევაში თუ პრეტენდენტის მიერ შემოთავაზებული საქონელის ტექნიკური პარამეტრების იდენტიფიცირებისთვის წარმოდგენილი იქნება მწარმოებლის ოფიციალური ვებ-გვერდის მისამართი, სადაც მოცემული ინფორმაცია იქნება უცხოურ ენაზე, აღნიშნული არ საჭიროებს თარგმანს.

2.9.3 პრეტენდენტის მიერ ერთიან ელექტრონულ სისტემაში ატვირთული შესაბამისი დოკუმენტები უნდა იყოს უფლებამოსილი პირის მიერ კვალიფიციური ელექტრონული შტამპით ან კვალიფიციური ელექტრონული ხელმოწერით დამოწმებული, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება განხორციელდება უნაღდო ანგარიშსწორებით ეროვნულ ვალუტაში.

ანგარიშსწორება განხორციელდება ეტაპობრივად ან/და საბოლოო ანგარიშსწორებით, მიღება–ჩაბარების აქტის და საქართველოს კანონმდებლობით დადგენილი შესაბამისი ფინანსური დოკუმენტაციის წარმოდგენის საფუძველზე. ყველა დოკუმენტი ხელმოწერილი უნდა იყოს მხარეთა უფლებამოსილი წარმომადგენლ(ებ)ის მიერ.

ანგარიშსწორება განხორციელდება მიღება–ჩაბარების აქტის გაფორმებიდან და შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში.

ნიკოლოზ ბურდული, 599848474, nburduli@pog.gov.ge