Техническое обслуживание и ремонт (Грузия - Тендер #64563309)

ა(ა)იპ ბათუმის მუნიციპალური ინსპექციის ბალანსზე არსებული კომპიუტერებისა და პრინტერების შეკეთება და ტექნიკური მომსახურების სახელმწიფო შესყიდვა.

1.2.1 მიმწოდებელმა უნდა უზრუნველყოს ა(ა)იპ ბათუმის მუნიციპალური ინსპექციის ბალანსზე არსებული კომპიუტერული და პერიფერიული მოწყობილობების შეკეთება/ტექნიკური მომსახურება სატენდერო დოკუმენტაციის დანართი N1-ში მოცემული შესაკეთებელი ტექნიკის დასახელების, სათადარიგო ნაწილებისა და მომსახურების ჩამონათვალის, რაოდენობისა და ერთეულის ფასების შესაბამისად. პრეტენდენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში (დანართი N1) შესაბამის პოზიციებზე დაფიქსირებულ ზღვრულ ღირებულებებს.
1.2.2 შეკეთება და ტექნიკური მომსახურება გულისხმობს ა(ა)იპ ბათუმის მუნიციპალური ინსპექციის ბალანსზე არსებული საოფისე ტექნიკის დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ტექნიკის ნაწილების შეკეთებას და/ან გამოცვლას შემსყიდველის მოთხოვნიდან 5 (ხუთი) კალენდარული დღის განმავლობაში შემსყიდველის ადმინისტრაციულ მისამართზე;
იმ შემთხვევაში თუ კომპიუტერული ტექნიკის გარეგანი ვიზუალური დათვალიერებით შეუძლებელია სადეფექტო აქტის შედგენა და დაზიანებული ტექნიკის შეკეთება შემსყიდველის ადმინისტრაციულ მისამართზე (ქ. ბათუმი: გალაკტიონ ტაბიძის ქუჩა N56; ქ. ბათუმი, ლეონიძის ქუჩა N2 (რაგბის სტადიონის მიმდებარედ)) მიმწოდებელი ვალდებულია მოახდინოს შესაკეთებელი კომპიუტერული ტექნიკის ტრანსპორტირება საკუთარ სერვის ცენტრში და შემდგომ უკვე შეკეთებული ტექნიკის ტრანსპორტირება უკან შემსყიდველის მისამართზე მისივე ხარჯებით.
- შეცვლა-გამოცვლა მოიცავს როგორც მომსახურებას, ასევე, სათადარიგო ნაწილით უზრუნველყოფას.
1.2.3 ყველა დაზიანებული ნაწილი უნდა შეიცვალოს ახალი, ქარხნული წესით დამზადებული და მაღალი ხარისხის შესაბამისი ნაწილით;
1.2.4 პრეტენდენტის მიერ მომსახურების გაწევის დროს გამოყენებული უნდა იქნას ახალი (არამეორადი) სათადარიგო ნაწილები. მეორადი სათადარიგო ნაწილების გამოყენება დასაშვებია მხოლოდ შემსყიდველთან შეთანხმებით და მათი ღირებულება განსაზღვრული იქნება ურთიერთშეთანხმების საფუძველზე (მეორადი სათადარიგო ნაწილის ღირებულება ნაკლები უნდა იყოს ახალი სათადარიგო ნაწილის ფასზე).
1.2.5 მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი.
1.2.6 მიმწოდებელი ვალდებულია მომსახურების გაწევის შემდგომ გაფუჭებული შეცვლილი დეტალი წარუდგინოს შემსყიდველს.
1.2.7 პრეტენდენტის მიერ პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად (უცვლელი პროცენტული მნიშვნელობით) უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.
1.2.8 ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით.
1.2.9 წინამდებარე ტენდერში - „წინადადების მიღება დასრულებულია“ ეტაპზე, პრეისკურანტის (ფასების ცხრილის) წარმოუდგენლობა ან არსებითად შეუსაბამო პრეისკურანტის წარმოდგენა (თუ ერთეულის ფას(ებ)ი აღემატება შემსყიდველისაგან შესაბამის გრაფაში მითითებულ ერთეულის სავარაუდო ფას(ებ)ს), გამოიწვევს პრეტენდენტის დისკვალიფიკაციას აღნიშნულ ტენდერში.

მომსახურების გაწევის ვადა: ხელშეკრულების გაფორმებიდან 2025 წლის 31 დეკემბრის ჩათვლით, შემსყიდველის მოთხოვნიდან (ოფიციალური წერილის მეშვეობით ან/და ელექტრონული ფოსტით) არაუგვიანეს 3 (სამი) კალენდარული დღის ვადაში უნდა უზრუნველყოს თითოეულ კონკრეტულ შემთხვევაში ტექნიკური დათვალიერება და დეფექტური აქტის შედგენა, ხოლო დეფექტური აქტის შედგენიდან 5 (ხუთი) კალენდარული დღის განმავლობაში მან უნდა უზრუნველყოს შესაბამისი მომსახურების გაწევა.

მომსახურების გაწევის ადგილი: პრეტენდენტის მიერ შემოთავაზებული მისამართი (ქ. ბათუმი).

- შემსყიდველის მოთხოვნის შესაბამისად მიმწოდებელმა (ქ. ბათუმი, შემსყიდველის მიერ მითითებული მისამართ(ებ)იდან) უნდა უზრუნველყოს შესაკეთებელი ტექნიკის ტრანსპორტირება სერვის ცენტრში და შეკეთების შემდგომ შეკეთებული ტექნიკის უკან დაბრუნება შემსყიდველის მისამართზე.

1.7.1.1 შეცვლილ დეტალებზე საგარანტიო ვადა (დანართის თითოეული პოზიციისთვის): მიღება-ჩაბარების აქტის გაფორმებიდან არანაკლებ 1 (ერთი) წელი. (პრეტენდენტი ვალდებულია ერთიანი ელექტრონული სისტემის მეშვეობით წარმოადგინოს ინფორმაცია საგარანტიო ვადის შესახებ).
1.7.1.2 საგარანტიო პერიოდში დაზიანების, ხარვეზების გამოვლენის შემთხვევაში, მიმწოდებელმა საკუთარი ხარჯებით უნდა უზრუნველყოს ნაკლის (ხარვეზის) აღმოფხვრა (საჭიროების შემთხვევაში შესაცვლელი/შესაკეთებელი დეტალის ტრანსპორტირება, შეკეთება ან კვლავ ახლით შეცვლა), შეტყობინებიდან (წერილობითი ან ელექტრონული ფოსტის მეშვეობით) არაუგვიანეს 10 (ათი) კალენდარული დღის ვადაში.

შენიშვნა: საგარანტიო პერიოდში მიმწოდებელმა შემსყიდველის მიერ მითითებული მისამართ(ებ)იდან (ქ. ბათუმი) უნდა უზრუნველყოს შესაკეთებელი ტექნიკის ტრანსპორტირება სერვის ცენტრში და შეკეთების შემდგომ შეკეთებული ტექნიკის უკან დაბრუნება.

პრეტენდენტმა უნდა წარმოადგინოს ინფორმაცია, ქ. ბათუმში სარგებლობაში (ქირავნობა, იჯარა და ა.შ.) ან საკუთრებაში არსებული მომსახურების სერვის ცენტრის ადგილმდებარეობის შესახებ. საკუთრების შემთხვევაში ამონაწერი საჯარო რეესტრიდან, ხოლო სარგებლობის (ქირავნობის, იჯარის და ა.შ.) შემთხვევაში გაფორმებული ხელშეკრულება, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით.

პრეტენდენტმა უნდა უზრუნველყოს:

ა) სატენდერო დოკუმენტაციით განსაზღვრული დოკუმენტების ატვირთვა სახელმწიფო შესყიდვების ერთიან ელექტრონულ სისტემაში: 1.3; 1.7.1; 2.3.1 - პუნქტების გათვალისწინებით.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

7.2.1 მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.

7.2.2 ანგარიშსწორება განხორციელდება ხელშეკრულებით გათვალისწინებულ გაწეულ მომსახურებაზე შესაბამისი მიღება-ჩაბარების აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ.

7.3.1 ანგარიშსწორება განხორციელდება მიღება-ჩაბარების აქტისა და შესაბამისი საგადასახადო დოკუმენტების წარმოდგენიდან არაუგვიანეს 10 (ათი) სამუშაო დღის განმავლობაში.

სალომე ჩხარტიშვილი, 597531818, procurementinspection@gmail.com

10.1.1 სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
10.1.3 სახელმწიფო შესყიდვების ერთიან ელექტრონულ სისტემაში ატვირთული საქონლისა და მომსახურების ფასების ცხრილი (პრეისკურანტი) წარმოდგენილი უნდა იყოს Excell ის ფორმატით.
10.1.4 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
10.1.7 სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.