Отделочные строительные работы (Грузия - Тендер #64563304)

სურსათის ეროვნული სააგენტოს რეგიონული ოფისის - ქალაქ ბორჯომის შენობის სარემონტო სამუშაოები

1.2.1. მიმწოდებელი ვალდებულია სამუშაოები შეასრულოს მოქმედი სამშენებლო ნორმებისა და წესების დაცვით;

1.2.2. სამუშაოების წარმოება უნდა განხორციელდეს საქართველოს მთავრობის 2007 წლის 28 მარტის №62 დადგენილებით დამტკიცებული “მშენებლობის უსაფრთხოების წესების” სრული დაცვით;

1.2.3. ყველა გამოყენებული მასალა/მოწყობილობა უნდა იყოს მაღალი ხარისხის. შესმყიდველს უფლება აქვს მოითხოვოს აღნიშნულის დამადასტურებელი საერთაშორისო სტანდარტის სერტიფიკატი. მასალის/მოწყობილობის ტიპი და მახასიათებლები თანხმდება შემსყიდველთან. იმ შემთხვევაში თუ მიმწოდებლის მიერ წარმოდგენილი მასალა/მოწყობილობა ან შესრულებული სამუშაო არ იქნება მოწონებული შემსყიდველის მიერ, მიმწოდებელი ვალდებულია გამოასწოროს ან წარმოადგინოს სხვა, შემსყიდველისათვის მისაღები მასალა/მოწყობილობა ან სამუშაო;

1.2.4. მიმწოდებელი პასუხისმგებელია შეასრულოს სამუშაო უსაფრთხო, ეკოლოგიურად მისაღები გზით და ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციისა და მტვრის გავლენა;

1.2.5. სამუშაოების დასრულების შემდეგ, მიმწოდებელი ვალდებულია თავისი ძალებითა და სახსრებით, ერთი კვირის განმავლობაში გაათავისუფლოს სამუშაო ადგილი სამშენებლო ნარჩენებისაგან, მოწყობილობა-დანადგარებისაგან, დროებითი ნაგებობებისაგან და ა.შ.

1.4.1. ტენდერით გათვალისწინებული სარემონტო სამუშაოები უნდა განხორციელდეს ხელშეკრულების გაფორმებიდან 60 კალენდარული დღის ვადაში.

1.4.2. ზემოაღნიშნულ ვადაში იანგარიშება სამუშაოს საბოლოო ჩაბარების აქტზე (ფორმა №2) საექსპერტო დასკვნის შედგენის დროც;

1.4.3. პრეტენდენტმა უნდა დაიცვას მის მიერ წარმოდგენილი, სამუშაოთა შესრულების გეგმა-გრაფიკი;

1.5.1. სარემონტო სამუშაოები უნდა ჩატარდეს შემდეგ მისამართზე - ქ. ბორჯომი,ახალი უბნის დასახლება, მდინარე მტკვრის მარჯვენა სანაპირო.

1.5.2 ობიექტზე მთლიანი ან ნაწილობრივი სამუშაოს შესრულების თაობაზე მიმწოდებელი ადგენს შესრულებული სამუშაოს აქტს (ფორმა №2), რომლის ხარჯთაღრიცხვასთან შესაბამისობას შეამოწმებს და ადასტურებს შემყიდველის მიერ განსაზღვრული, სამუშაოზე ზედამხედველობის განმახორციელებელი პირ(ებ)ი.

1.5.3 სამუშაოზე ზედამხედველობის განმახორციელებელი პირ(ებ)ის მხრიდან შესრულებული სამუშაოების უარყოფითად ან წუნით შეფასების შემთხვევაში, შესაბამის სამუშაოთა შესრულების შესახებ დოკუმენტაცია გაფორმდება მხოლოდ მითითებული დეფექტების და წუნის აღმოფხვრის შემდეგ.

1.5.4 დასრულებულ სამუშაოზე (საბოლოოდ და არა შუალედურზე) უნდა შედგეს სათანადო უფლებამოსილებისა და კვალიფიკაციის მქონე ექსპერტიზის დასკვნა (A კატეგორია). ექსპერტიზის დასკვნა უნდა ადასტურებდეს შესრულებული სამუშაოების აქტში (ფორმა №2) ასახული გახარჯული მასალებისა და შესრულებულ სამუშაოთა მოცულობების ნამდვილობას. ექსპერტის დასკვნის მოპოვება წარმოადგენს მომწოდებლის ვალდებულებას.

1.6.1. შესრულებულ სარემონტო სამუშაოებზე ვრცელდება საგარანტიო პირობები 36 თვის განმავლობაში;

1.6.2. საგარანტიო ვადის ათვლა იწყება შესრულებულ სამუშაოებზე გაფორმებული საბოლოო მიღება-ჩაბარების აქტის გაფორმების თარიღიდან;

1.6.3. საგარანტიო მომსახურება უნდა ვრცელდებოდეს საგარანტიო პერიოდში გამოვლენილ ნებისმიერ ხარვეზსა და დეფექტზე (გარდა შემსყიდველის ბრალეულობით გამოწვეული მექანიკური დაზიანებებისა). მიმწოდებელმა ხარვეზისა და დეფექტის აღმოფხვრა უნდა დაიწყოს შესაბამისი შეტყობინების მიღებიდან 5 სამუშაო დღის მანძილზე და დაასრულოს გონივრულ ვადაში

2.2.1.1. პრეტენდენტს უნდა ჰქონდეს მსგავსი/ანალოგიური სამუშაოების (CPV:45200000 და/ან CPV:45400000) შესრულების გამოცდილება 2021-2025 წლების მანძილზე. აღნიშნული უნდა დასტურდებოდეს პრეტენდენტის მიერ, ელექტრონულად წარმოდგენილი, შესაბამისი ხელშეკრულებებითა და მიღება-ჩაბარების აქტებით, ან აღნიშნული ინფორმაცია უნდა წარმოადგინოს ცხრილის სახით, სადაც მითითებული იქნება შესაბამისი CMR/SPA/NAT ნომრები.

2.2.1.2. პრეტენდენტმა ასევე ელექტრონულად უნდა წარმოადგინოს სულ მცირე ერთი სახელმწიფო ორგანიზაციის სარეკომენდაციო წერილი. რეკომენდატორ ორგანიზაციებთან პრეტენდენტს უნდა გააჩნდეს სახელშეკრულებო ურთიერთობა და წარმოდგენილი უნდა იყოს 2.2.1.1 ქვეპუნქტის ჩამონათვალში;

2.2.1.3.სატენდერო დოკუმენტაციის 2.2.1.1. ქვეპუნქტის შესაბამისად წარმოდგენილი ხელშეკრულებებისა და მათი შესრულების დამადასტურებელი დოკუმენტების ჯამური ღირებულება არ უნდა იყოს 45,000 (ორმოცდახუთი ათასი) ლარზე ნაკლები.

2.2.1.4 იმ შემთხვევაში თუ პრეტენდენტი, ანალოგიური მომსახურების ფარგლებში ერთხელ მაინც იყო სახელშეკრულებო ურთიერთობაში შემსყიდველთან და შესრულებული აქვს სამუშაოები, მისთვის არ არის სავალდებულო სატენდერო დოკუმენტაციის 2.2.1.2. ქვეპუნქტით მოთხოვნილი დოკუმენტის წარმოდგენა.

პრეტენდენტმა, საამშენებლო სამუშაოთა შესრულების გეგმა-გრაფიკი უნდა წარმოადგინოს ხელშეკრულების გაფორმებიდან 5 სამუშაო დღის განმავლობაში.

ხარჯთაღრიცხვა დაზუსტებას არ ექვემდებარება და პრეტენდენტი დისკვალიფიცირებული იქნება, თუ სატენდერო დოკუმენტაციის მოთხოვნის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
პრეტენდენტის მიერ, წარმოდგენილი ხარჯთაღრიცხვა შედარდება ხარჯთაღრიცხვის ავტორის მიერ წარმოდგენილ ხარჯთაღრიცხვასთან.

ტექნიკური რეგლამენტის – „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ დამტკიცების თაობაზე, საქართველოს მთავრობის 2017 წლის 26 სექტემბერის №439 დადგენილების შესაბამისად, პრეტენდენტმა, შემსყიდველის მიერ მითითებულ ვადებში უნდა წარმოადგინოს, შესაბამისი საექსპერტო დაწესებულების მიერ გაცემული დადებითი დასკვნა, რომელშიც ერთმნიშვნელოვნად იქნება დადასტურებული პრეტენდენტის მიერ წარმოდგენილი და საჭიროების შემთხვევაში დაკორექტირებული ხარჯთაღრიცხვით (ერთეულების გათვალისწინებით) სამუშაოების გაწევის შესაძლებლობა.

7.2.1. ანგარიშსწორება მიმწოდებელთან განხორციელდება მხარეთა მიერ, სატენდერო დოკუმენტაციის 1.5.2 და 1.5.4. პუნქტების მოთხოვნათა შესაბამისად, მიღება-ჩაბარების აქტის გაფორმების საფუძველზე;

7.2.2. შუალედური ანგარიშსწორება დასაშვებია მხოლოდ შესრულებულ სამუშაოთა აქტის (ფორმა №2) საფუძველზე, რომელიც დადასტურებული უნდა იყოს ზედამხედველის მიერ;

7.2.3. საბოლოო ანგარიშსწორება განხორციელდება მხოლოდ ექსპერტის დასკვნის საფუძველზე შედგენილი მიღება-ჩაბარების აქტის გაფორმების შემდგომ;

7.2.4. შემსყიდველის მხრიდან მიღება-ჩაბარების აქტზე ხელს აწერენ ხელშეკრულების პირობების შესრულებაზე კონტროლის განმახორციელებელი ჯგუფის წევრები;

7.2.5. ანგარიშსწორება განხორციელდება ეროვნულ ვალუტაში - ლარში, ანგარიშსწორების ფორმა იქნება უნაღდო, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნატო თოთიაური, 591503827, Nato.Totiauri@nfa.gov.ge დამატებითი ინფორმაციისათვის მიმართეთ თამარ აბაშიძეს ტელ: 599 266 762

10.1.1. სატენდერო წინადადების ფასი გამოსახული უნდა იყოს ეროვნულ ვალუტაში - ლარში.

10.1.2. პრეტენდენტის მიერ წარმოდგენილი ხარჯთაღრიცხვის ღირებულება არ უნდა აღემატებოდეს შესყიდვის სავარაუდო ღირებულებას.

10.1.3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;

10.1.4. სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული დოკუმენტები ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად;

10.1.5. სატენდერო წინადადების ფასში პრეტენდენტმა ასევე უნდა გაითვალისწინოს, ექსპერტის დასკვნის ღირებულება;

10.1.6. სატენდერო წინადადების ფასში პრეტენდენტმა უნდა გაითვალისწინოს, ტექნიკური დავალების შესაბამისად, შემსყიდველისათვის საქონლის მიწოდებასთან დაკავშირებული ყველა ხარჯი (მათ შორის ტრანსპორტირება და დაცლა/დასაწყობება) და ყველა შესაბამისი გადასახადი გარდა დამატებითი ღირებულების გადასახადისა (დღგ);

10.1.7. პრეტენდენტმა სატენდერო წინადადების ფასში არ უნდა გაითვალისწინოს დღგ მიუხედავად იმისა, არის თუ არა იგი დ.ღ.გ-ს გადამხდელი საქართველოს კანონმდებლობის შესაბამისად;

10.1.8. თუ ხელშეკრულების დადების მომენტისათვის, პრეტენდენტი არის დამატებითი ღირებულების გდამხდელი საქართველოს კანონმდებლობის მოთხოვნათა შესაბამისად, შემსყიდველი ვალდებულია ხელშეკრულების ღირებულებაში გაითვალისწინოს სატენდერო წინადადების საბოლოო ფაისის შესაბამისი დ.ღ.გ-ს ოდენობა (ანუ, დღგ-ს შესაბამისი თანხა დაემატება სატენდერო წინადადების საბოლოო ფასს);