Осветительное оборудование и электрические лампы (Грузия - Тендер #64233167)

სტუდიური, გარე განათების მოწყობილობები და აქსესუარები

სტუდიური, გარე განთების მოწყობილობები და აქსესუარები, რომლებსაც გააჩნიათ შემდეგი მახასიათებლები:
1 - ორი ცალი ფერის სრული დიაპაზონის LED (RGBAL) ERS ტიპის განათების მოწყობილობა:
ფერის სრული დიაპაზონის LED (RGBAL) ERS ტიპის განათების მოწყობილობა თეატრის, კინოსა და სატელევიზიო წარმოებისთვის.
ძირითადი დიმერის და ცალკეული ფერების ულტრა გლუვი 16-ბიტიანი დაბნელება.
ვირტუალური ფერის ბორბალი, რომელიც შეესაბამება პოპულარულ ფილტრების ფერებს.
ფერის ტემპერატურის წინასწარ დაყენება 2800 K-დან 6500 K-მდე.
არანაკლებ შემდეგი ტექნიკური პარამეტრები:
სინათლის წყარო: არანაკლებ 90 LED (წითელი, მწვანე, ლურჯი, ქარვისფერი, ლაიმისფერი მწვანე). არანაკლებ 3 W და 6030 K.
50,000 სთ სიცოცხლის ხანგრძლივობა.
CRI (3200 K): არანაკლებ 86.
სხივის კუთხე (ლინზა 36°) 28°; სხივის კუთხე (ლინზა 25°-50° ვიწრო) 23°; სხივის კუთხე (ლინზა 25°-50° ფართო)36°.
ველის კუთხე (ლინზა 36°) 34°; ველის კუთხე (ლინზა 25°-50° ვიწრო) 26°; ველის კუთხე (ლინზა 25°-50° ფართო) 50°.
ლუმენი (ლინზა 36°) არანაკლებ 3900; ლუმენების დიაპაზონი სხვა და სხვა ლინზებით: არანაკლებ 1807-7260.
განათებულობა (ლინზა 36°): 5მ-ზე არანაკლებ 1000 ლუქსი; განათება (ლინზა 25°-50° ვიწრო) 5მ-ზე არანაკლებ 1770 ლუქსი; განათება (ლინზა 25°-50° ფართო) 5მ-ზე არანაკლებ 820 ლუქსი.
არჩევადი პულსის სიგნალის მოდულაცია (PWM) სხვა და სხვა ბიჯით 600 Hz - 25,000 Hz დიაპაზოში.
დიმერი: ელექტრონული; ჩამკეტი/სტრობი: ელექტრონული; ფოკუსი: ხელის; სტრობის სიხშირე არანკლებ 0 დან 25 Hz-მდე;
მოწყობილობას უნდა გააჩნდეს არანაკლებ შემდეგი შესაძლებლობები: დამოუკიდებელი ფერის შერევა; ფერის ტემპერატურის წინასწარ დაყენება; ჩაშენებული ავტომატური პროგრამები; ჩაბნელების რეჟიმები: მინიმუმ x4.
ზომები(მხოლოდ მოწყობილობა): არაუმეტეს 500 x 300 x 500 მმ; წონა(მხოლოდ მოწყობილობა): არაუმეტეს 7.2 კგ; კონსტრუქციას უნდა გააჩნდეს შესაბამისი ზომის ლინზისთვის და აქსესუარებისთვის დამჭერები და გელის ჩარჩოები.
დენის შემავალი/გამომავალი: Seetronic Powerkon IP65; მონაცემთა კონექტორები: 5-პინი XLR; კაბელის სიგრძე (ძალოვანი): არანაკლებ 1,5მ; პროგრამული კავშირი: USB.
პროტოკოლი: DMX, RDMDMX; DMX არხები: 1 დან 16 მდე სხვა და სხვა ბიჯით ან HSV.
შემავალი ძაბვა 100 დან 240 VAC. 50/60 Hz.
სერთიფიკატები: არანაკლებ CE, MET, FCC;
ხმაურის დონე(ჩართული): 29,6 dB(A) @ 1 მ.
მოწყობილობას უნდა მოყვებოდეს დენის კაბელი Seetronic Powerkon IP65 და თავსებადი 36°-ანი ობიექტივი/ ლინზა იგივე ბრენდის.

2 - სამი Bi-Color LED განათების კომპლექტი :
კომპაქტური და მსუბუქი, Bi-Color განათების კომლექტი ბორბლებიანი ჩანთით.
ძირითადი მონაცემები: საკონტროლო განყოფილება უნდა იყოს კომპაქტური, ვენტილატორის გარეშე, მუშაობის შესაძლებლობა როგორც ელექტრო ქსელიდან ასევე 1 ან 2 V-Mount ბატარეაზე, უზრუნველყოფს სიკაშკაშეს: არანაკლებ 67300 Lux 1 მეტრზე, რეგულირებადი ფერის ტემპერატურით 2700-6500K დიაპაზონში.
Bluetooth პირდაპირი კონტროლისთვის უფასო აპლიკაციით iOS და Android-ისთვის.
ტექნიკური პარამეტრები:
SSI (სპექტრალური მსგავსების ინდექსი): 3200K: არანაკლებ -82; 5600K: არანაკლებ -72;
CRI (ფერის გადაცემის ინდექსი): საშუალოდ არანაკლებ 96;
TLCI (სატელევიზიო განათების თანმიმდევრულობის ინდექსი): საშუალოდ 96;
ფერის ტემპერატურა დიაპაზონი : არანაკლებ 2700K-6500K; დიმერი 0-100%;
დაშორებული მართვის თავსებადობა - არანაკლებ APP, WS-RC-C2;
დაშორებული კონტროლის ტიპი: 2.4GHz, Bluetooth, DMX/RDM;
სინათლის მოდიფიკატორი ბაიონეტის სამაგრი: Bowens Mount;
დენის წყარო: DC (ბატარეა) 14.4V-26V/12A - AC100-240V 50Hz;
მაქსიმალური ენერგიის მოხმარება: არაუმეტეს 590 ვატი.
კომპლექტაცია უნდა შედგებოდეს:
2x ორფერი LED პროჟექტორები; 2x საკონტროლო ერთეული V-Mount ფირფიტებით; 2x სათავე კაბელი - სიგრძით მინიმუმ 2,9 მ; 2x დენის კაბელი - სიგრძით მინიმუმ 6 მ; 2x 55-გრადუსიანი Bowens-ის ამრეკლები; 2x სწრაფი დაჭერის სადგამის დამჭერები; 2x დამცავი ხუფი; ბორბლებიანი ჩანთა დასაკეცი სახელურით.

3 - ერთი ცალი 4x150W სიმძლავრის, ფოკუსირებადი დღის სინათლის მოწყობილობების კომპლექტი:
150W/24V ყვითელი შუქის განათების მოწყობილობების კომპლექტი , ელექტრონული ტრანსფორმატორის დიმერით, მსუბუქი მყარი კეისით .
კვების წყაროს უნდა გააჩნდეს ჩაშენებული 3-პინიანი XLR კაბელი და 5-პინიანი XLR შეყვანის და გამომავალი სლოტები, რომლებიც მხარს უჭერენ DMX კონტროლს 512 არხზე. შტორებით, ჩაჩოებით, ფილტრებით, დღის შუქის გარდამქნელი შუშებით, და გრადუირებული ფილტრებით სინათლის უფრო ზუსტი კონტროლისთვის.
ტექნიკური პარამეტრები:
სხივის კუთხე 4.5-დან 40°-მდე; ფერის ტემპერატურა 3400K;
კომპლექტაცია:
4 x 150W ფოკუსირებული ნათურის თავი , კვების წყარო In-Line Dimmer და DMX კონტროლით;
4x 24 ვოლტიანი კვების წყარო;
4 x 8-ფოთლიანი შტორის კომპლექტი(სხივის განაწილების შემცირებისთვის), ფილტრების სამაგრებით;
4 x ბადე;
4 х სინათლის ფარის რგოლი;
4 x დღის სინათლის გარდამქნელი ფილტრი;
გრადუირებული ნეიტრალური სიმკვრივის ფილტრი;
4 x ფილტრის დამჭერი;
შესაბამისი დიამეტრის ფილტრების ნაკრები;
პროექციული თაურა 85mm ობიექტივით;
M ზომის Gobo სამაგრი;
18 ფრთიანი რეგულირებადი დიაფრაგმა;
ჩარჩოს ჩამკეტი 4 ფოთლით;
სამონტაჟო ფირფიტა 5/8"" საყრდენით;
მსუბუქი დამჭერი;
ვაკუუმის სამაგრი;
4 x კომპაქტური განატების სადგამი (არანაკლებ 2მ სიმაღლე);
2 x მოქნილი მსუბუქი სადგამის გაფართოება;
10 x ნათურა (150W/24V);
მყარი ქეისი.

4 - ორი ცალი RGB LED განათების პანელი (3-სანათიანი ნაკრები):
RGB LED განათების პანელი (სამოგზაურო 3-სანათიანი ნაკრები)
პორტატულ განათების პანელს უნდა გააჩნდეს 2800-8000K CCT დიაპაზონი და 0-100% ცვლადი განათების ინტენსივობა. მინიმ 120 ვტ, მოწყობილობა უნდა იყოს ალუმინის კორპუსში გამძლეობისთვის, და გააჩნდეს V-სამაგრი ბატარეის ფირფიტა გარე გამოყენებისთვის.
უნდა მოყვებოდეს დიფუზიური ფილტრი, რომელიც გამოიმუშავებს რბილ შუქს და დაკომპლეატებული 5/8" Baby Pin მიმღებით მონტაჟის გასამარტივებლად. ასევე უნდა გააჩნდეს CCT, RGB, HSI და სპეციალური ეფექტების არჩევის საშუალება. განათების მოწყობილობის მართვა შესაძლებელი უნდა იყოს როგორც მასზე ინტეგრირებული პანელიდან ასევე მობილური აპლიკაციის საშუალებით.
მინიმალური ტექნიკური პარამეტრები:
ფერის ტემპერატურის დიაპაზონი 2800-დან 8000 კელვინი;
ფერის რეჟიმები არანაკლებ RGB; დღის შუქი;
ფერის სიზუსტის სტანდარტი არანაკლებ CRI 96;
ბატარეის სამაგრის ტიპი 1x V- (ჩაშენებული);
ენერგიის მოხმარება - არაუმეტეს 125 ვტ;
ინტერფეისები: 1x XLR 5-პინიანი DMX –in , 1x XLR 5-Pin DMX out;
მოწყობილობის წონა - არაუმეტეს 3.7 kg. ზომები - არაუმეტეს 51.5 x 31 cm
კომპლექტაცია:
3 x RGB LED განათების პანელი - დენის ადაპტერით; დიფუზიური ფილტრი;
3 x მსუბუქი სადგამი;
3x 4ფრთიანი შტორი;
მყარი ქეისი.

5 - სამი ცალი RGB LED განათების პანელი (3-სანათიანი ნაკრები):
მსუბუქი, პორტატული, RGB ლედ განათების პანელი აღჭურვილი უნდა იყოს 5/8 " baby pin სამონტაჟო სამაგრით შესაბამის სადგამებზე სწრაფი დაყენებისთვის, უნდა გააჩნდეს RGB სრული სპექტრი და თეთრის რეგულირებადი ტემპერატურის დიაპაზონი 2800-დან 8000K. განათების მოწყობილობების მართვა შესაძლებელი უნდა იყოს როგორც მართვის პანელიდან ასევე მობილური აპლიკაციის გამოყენებით. განათების მოწყობილობის კვება შესაძლებელი უნდა იყოს როგორც ცვალებადი დენის ადაპტორით ასევე ელემენტის საშუალებით
მინიმალური ტექნიკური პარამეტრები:
256 SMD LED ჩიპი 16x16 განლაგებით;
ფერის სიზუსტის სტანდარტი არანაკლებ CRI 96;
დიმინგი - 0 to 100%;
ფერის ტემპერატურის დიაპაზონი 2800K – 8000K;
HSI და RGB კონტორილი;
NPF ელემენტის ინტეგრირებული სამაგრი ფირფიტა;
კომპლექტაცია:
3 x RGB LED განათების პანელი - დენის ადაპტერით; დიფუზიური ფილტრი;3 x 4 ფრთიანი შტორი; 3 x მსუბუქი სადგამი; 1 რბილი ქეისი კომპლექტისთვის.

6 - ოთხი ცალი სრული ფერის ტემპერატურის (Full Color Temperature) ცისფერი ფილტრი:
სრული ფერის ტემპერატურის (Full Color Temperature) ცისფერი ფილტრი (ზომები არანაკლებ: 60სმx7მ გრაგნილი (Roll);
გადაყავს 3200K ფერის ტემპერატურა 5700K ფოტოგრაფიულ დღის სინათლემდე. გამტარიანობა არანაკლებ 34%; ფერის ტემპერატურა 3200-5700K;

7 - დიფუზიური ფირის ფილტრის ფურცელი:
დიფუზიური ფირის ფილტრის ფურცელი 15.7x19.6 ინჩი/40x50 სმ (6 პაკეტის ნაკრები) ჩრდილის მახასიათებლების ან სინათლის სხივის ფორმის შესაცვლელად. გამოყენების შესაძლებლობა პორტრეტული ფოტოგრაფიისთვის, ვიდეოს წარმოებისთვის.

8 - სამი კომპლექტი: 3x C- ტიპის სადგამი:
კომპლექტი: 3x C ტიპის სადგამი , უნდა შედგებოდეს 2.5" სამაგრი თაურისგან და არანაკლებ 35" გაფართოების მკლავი, სადგამს უნდა გააჩნდეს დაბალი სიმძიმის ცენტრი რადგან დაცული იყოს მასიური მოწყობილობების მონტაჟის შემთხვევაში ვარდნისაგან-წაქცევისგან.
განათების სადგამის მაქსიმალური სამუშაო სიმაღლე - არანაკლებ 3.3მ;
მიმიმალური არაუმეტეს 1.6მ;
ტვირთამწეობა არანაკლებ 9.8 კგ;
სამაგრის ტიპი 5/8";
სადგამის წონა - არაუმეტეს 8.8 კგ.
კომპლექტაცია: 3x კომპლექტი სადგამის; თითო არანაკლებ 35" იანი გაფართოვების მკლავით, სამაგრი თაურით; 1x შესაბამისი თავსებადი ნახევრად ხისტი ქეისი.

9 - ათი ცალი სანათის სამაგრის ძირი:
განათების კომპაქტური სამაგრის ძირი, 5/8" ხრახნიანი სამაგრით ძელის ან სანათის დასამონტაჟებლად.
სადგამის სამუშაო სიმაღლე დაახლოებით 10.8 სმ;
ტვრთამწეობა არანაკლებ 14 კგ;
წონა არაუმეტეს 1,6 კგ;
ხრახნი 5/8" Receiver.

10 - ორფეროვანი (Bi-Color) სანათის ორი კომპლექტი:
ორფეროვანი (Bi-Color), ფოკუსირებადი, კომპაქტური ლედ სანათს შესაძლებლობა უნდა გააჩნდეს როგორც ფოკუსის ასევე სიმძლავრის რეგულირების, მისი გამოყენება შესაძლებელი უნდა იყოს როგორც სტუდიურ ასევე საველე პირობებში, რისთვისაც სანათი აღჭურვილი უნდა იყოს როგორც ცვალებადი დენის კვების ბლოკით, ასვე NP-F ტიპის აკუმულატორის დასაერთებელი ადაპტორით.
სანათის მინიმალური ტექნიკური პარამეტრები:
სანათის ტიპი - Fresnel;
ფერის ტემპერატურის დიაპაზონი 3200 დან 5600K მდე;
15° 3200K ზე - არანაკლებ 6600 Lux 1 მ-ზე; 75° 5600K ზე: არანაკლებ 2700 Lux 1 მ-ზე;
CRI არანაკლებ 95-3200K- ზე; TLCI არანაკლებ 98 -3200K-ზე;
1 - 100% დიმინგის შესაძლებლობა;
სხივის კუთხე 15°-75°;
კომპლექტი უნდა შედგებოდეს :
3x ორფეროვანი (Bi-Color) ფოკუსირებული სანათი დენის კაბელით და ადაპტორით; D-tap კაბელი; ფილტრით, შტორებით, უღელითა და ჩანთით;
3x ბოუნსის ადაპტორი ამრეკლის, სოფთბოქსის და სხავა და სხვა ტიპის აქსესურების დასამაგრებლად;
3x კვადრატული ფორმის სოფთბოქსის კომპლექტი (შიდა და გარე დიფუზორებით; სამაგრი აქსესუარებით;
3x Beauty Dish ტიპის ადაპტერი;
3x განათების სადგამი. მაქსიმალური სამუშაო სიმაღლე არანაკლებ 240სმ, ტვირთამწეობა არანკლებ 3კგ, სამაგრი 5/8" და 1/4" ხრახნით;
კომპლექტის ტრანსპორტრებისთვის შესაბამისი, ბორბლებიანი, ნახევრადხისტი ჩანთა.

შენიშვნა:
მოსაწოდებელი საქონელი უნდა იყოს ზემოთ მითითებული პარამეტრების მსგავსი ან არანაკლები.

გამარჯვებულმა პრეტენდენტმა საქონლის მოწოდება უნდა განახორციელოს შესაბამისი ხელშეკრულების გაფორმებიდან 80 (ოთხმოცი) კალენდარული დღის განმავლობაში.

საქონლის მიწოდებას მიმწოდებელი უზრუნველყოფს საკუთარი ხარჯებით.
საქონლის მიწოდების ადგილია - ქალაქი ბათუმი, მემედ აბაშიძის გამზირი #41

1.7.1.1 მიმწოდებელი იღებს ვალდებულებას, რომ მიწოდებული საქონლის ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.7.1.2 შემოთავაზებული საქონელი უნდა იყოს ახალი და უნაკლო.
1.7.1.3 შესყიდვის ობიექტის საგარანტიო ვადა შეადგენს მიღება-ჩაბარების აქტის ან/და სხვა საგადახდო დოკუმენტის გაფორმებიდან არანაკლებ 1 (ერთი) წელს.
1.7.1.4 საგარანტიო ვადის განმავლობაში შესყიდვის ობიექტის დაზიანების შემთხვევაში შემსყიდველის მოთხოვნიდან არაუგვიანეს 20 კალენდარულ დღეში უნდა შეკეთდეს, ხოლო თუ შეკეთებას არ ექვემდებარება - შეიცვალოს ახლით არაუგვიანეს 80 კალენდარულ დღეში.
1.7.1.5 წუნის/დეფექტის/ხარვეზის გამო შეკეთების ან ახლით შეცვლის შემთხვევაში, შესყიდვის ობიექტის ტრანსპორტირება უნდა უზრუნველყოს მიმწოდებელმა.

- პრეტენდენტმა უნდა წარმოადგინოს ინფორმაცია შემოთავაზებული საქონლის სასაქონლო ნიშნის ან/და პატენტის ან/და მოდელის შესახებ.
- პრეტენდენტი ვალდებულია მოთხოვნილი ინფორმაცია მიუთითოს ფასების ცხრილის შესაბამის ველში.
- ინფორმაციის წარმოუდგენლობის ან არასწორად წარმოდგენის შემთხვევაში მოხდება პრეტენდენტის დისკვალიფიკაცია.
- შერჩევა-შეფასების ეტაპზე, იმ შემთხვევაში თუ შემსყიდველი ორგანიზაცია ვერ მოიპოვებს/ვერ გადაამოწმებს ინფორმაციას პრეტენდენტის მიერ შემოთავაზებულ საქონის შესახებ, მოთხოვნის შემთხვევაში პრეტენდენტი ვალდებულია წარმოადგინოს შესყიდვის ობიექტის მწარმოებელი კომპანიის მიერ გაცემული ცნობა/წერილი ან/და სხვა ინფორმაცია (მოთხოვნის შესაბამისად), რომელიც დაადასტურებს წინამდებარე სატენდერო დოკუმენტაციით მოთხოვნილი შესყიდვის ობიექტის მახახსითებლების თანხვედრას პრეტენდენტის მიერ "ფასების ცხრილში" მითითებულ ობიექტთან. იმ შემთხვევაში თუ დოკუმენტი წარმოდგენილი იქნება უცხოურ ენაზე თან უნდა ახლდეს თარგმანი ქართულ ენაზე, რომელიც კანონით დადგენილი წესით უნდა იყოს ნოტარიულად დამოწმებული. აღნიშნული ინფორმაციის წარმოუდგენლობა გამოიწვევს პრეტენდენტის დისკვალიფიკაციას.

პრეტენდენტს, 2022 წლის 01 იანვრიდან ტენდერის გამოცხადების დღემდე, არანაკლებ 117000 ლარის (დღგ-ს გათვალისწინებით) სატელევიზიო ტექნიკის/აპარატურის (ვიდეოკამერები, მიკროფონები, შტატივები, ხმის პულტი, განათების სისტემები, ინფორმაციული ტექნოლოგიები, სატელევიზიო ტექნიკის/აპარატურის აქსესუარები) მიწოდების გამოცდილება. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია.

იმ შემთხვევაში, თუ აღნიშნულის დამადასტურებელი დოკუმენტები ატვირთულია ერთიან ელექტრონულ სისტემაში (შესყიდვების ოფიციალური პორტალი https://tenders.procurement.gov.ge), საკმარისია მხოლოდ მითითება შესაბამის რეგისტრაციის ნომრებზე (მაგ: NAT/CMR/SPA და ა.შ).

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე.
3. პრეტენდენტს არ აქვს უფლება წარმოადგინოს ალტერნატიული წინადადება;
4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
6. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს;
7. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულება ან/და ანგარიშფაქტურა ან/და ინვოისი, რომლებშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასის და ჯამური ღირებულების ადეკვატურობა. ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტის ან/და შესაბამისი საგადასახადო დოკუმენტაციის (კანონმდებლობით დადგენილ შემთხვევაში) წარმოდგენის შემდეგ არაუგვიანეს 10 სამუშაო დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ია გოგოლაშვილი, 595028001, gogolashvili.iako.tv@gmail.com