Молочные продукты (Грузия - Тендер #64233147)

შესყიდვის ობიექტს წარმოადგენს, წინამდებარე სატენდერო დოკუმენტაციით განსაზღვრული პარამეტრების მქონე, რძის პროდუქტები (რძე, არაჟანი, ხაჭო და მაწონი) (შემდგომში - საქონელი/პროდუქტი/სურსათი).

რძე

• თითოეული მოწოდებული პარტია უნდა იყოს დამზადებული პასტერიზებული ან ულტრაპასტერიზებული ნორმალიზირებული რძისაგან, ქარხნული წესით.
• კონსისტენცია ერთგვაროვანი, არადამახასიათებელი გემოს გარეშე.
• ცხიმის მასიური წილი არანაკლებ 3.2%.
• რძე უნდა იყოს 1 ლიტრი შეფუთვით (ტეტრაპაკი, პეტი ან პოლიმერული მასალის პაკეტი, ასეპტიკური ჩამოსხმით) და სათანადოდ ეტიკეტირებული;
• მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 80%, მაგრამ არანაკლებ 7 დღე.


მაწონი

• თითოეული მოწოდებული პარტია დამზადებული უნდა იყოს ძროხის ნორმალიზებული და პასტერიზებული რძისგან, ქარხნული წესით.
•კონსისტენცია ერთგვაროვანი; უნდა იყოს არადამახასიათებელი ფერის, სუნის და გემოს გარეშე.
• არ უნდა შეიცავდეს მცენარეულ ცხიმს.
• ცხიმის მასიური წილი არანაკლებ 3,2%.
• დაფასოება შემსყიდველის მოთხოვნის შესაბამისად 1კგ-დან 5 კგ-მდე (შემსყიდველმა 2კგ-ზე ნაკლები დაფასოება შეიძლება მოითხოვოს არაუმეტეს ჯამურად მოთხოვნილი რაოდენობის 20%-ისა, თუ შემსყიდველი და მიმწოდებელი სხვა რამეზე არ შეთანხმდებიან).
• მაწონი შეფუთული უნდა იყოს ჰერმეტულად და სათანადოდ ეტიკეტირებული.
• მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 90%, მაგრამ არანაკლებ 7 დღე.


ხაჭო

• თითოეული მოწოდებული პარტია დამზადებული უნდა იყოს ძროხის ნორმალიზებული და პასტერიზებული რძისგან, ქარხნული წესით.
• თეთრი, მოყვითალო ფერის. სიმჟავის და არადამახასიათებელი კონსისტენციის, ფერის, სუნის, გემოს გარეშე.
• არ უნდა შეიცავდეს მცენარეულ ცხიმს.
• ცხიმის მასური წილი არანაკლებ 6%.
• დაფასოება შემსყიდველის მოთხოვნის შესაბამისად 1კგ-დან 5 კგ-მდე (შემსყიდველმა 2კგ-ზე ნაკლები დაფასოება შეიძლება მოითხოვოს არაუმეტეს ჯამურად მოთხოვნილი რაოდენობის 20%-ისა, თუ შემსყიდველი და მიმწოდებელი სხვა რამეზე არ შეთანხმდებიან).
• ხაჭო შეფუთული უნდა იყოს ჰერმეტულად და სათანადოდ ეტიკეტირებული.
• მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 90%, მაგრამ არანაკლებ 10 დღე.


არაჟანი

• თითოეული მოწოდებული პარტია დამზადებული უნდა იყოს ძროხის ნორმალიზებული და პასტერიზებული რძისგან, ქარხნული წესით.
• არადამახასიათებელი კონსისტენციის, ფერის, სუნის და გემოს გარეშე.
• არ უნდა შეიცავდეს მცენარეულ ცხიმს.
• ცხიმის მასური წილი არანაკლებ 20%.
• დაფასოება შემსყიდველის მოთხოვნის შესაბამისად 1კგ-დან 5 კგ-მდე (შემსყიდველმა 2კგ-ზე ნაკლები დაფასოება შეიძლება მოითხოვოს არაუმეტეს ჯამურად მოთხოვნილი რაოდენობის 20%-ისა, თუ შემსყიდველი და მიმწოდებელი სხვა რამეზე არ შეთანხმდებიან).
• არაჟანი შეფუთული უნდა იყოს ჰერმეტულად და სათანადოდ ეტიკეტირებული.
• მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 90%, მაგრამ არანაკლებ 10 დღე.


- ტრანსპორტირება უნდა განხორციელდეს სპეციალიზირებული მანქანა-რეფრეჟერატორით (მაცივარი), სადაც უნდა იყოს დაცული ტემპერატურული რეჟიმი, სანიტარულ–ჰიგიენური ნორმები და პირობები.

სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის:

სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს.

ორგანოლეპტიკური, მიკრობიოლოგიური და ფიზიკო-ქიმიური მაჩვენებლების მიხედვით უნდა აკმაყოფილებდეს აღნიშნულ სფეროში არსებული მარეგულირებელი კანონმდებლობით დასაშვებ ნორმებსა და ზღვრებს.

თითოეული მოწოდებული პარტია უნდა იყოს ქარხნული წარმოების, სათანადოდ ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად;

პროდუქტი უნდა აკმაყოფილენდეს საქართველოს მთავრობის 2015 წლის 3 აპრილის N152 დადგენილებით დამტკიცებული „რძისა და რძის ნაწარმის შესახებ“ ტექნიკური რეგლამენტით დადგენილ მოთხოვნებს, რომელიც აწესრიგებს ბიზნესოპერატორის მიერ რძის, რძის ნაწარმისა და რძის შემცველი პროდუქტის წარმოებისა და ბაზარზე განთავსების პირობებს.

პროდუქტი უნდა აკმაყოფილებდეს საქართველოს მთავრობის 2015 წლის 10 ნოემბრის N581 დადგენილებით დამტკიცებული „სურსათის მიკრობიოლოგიური მაჩვენებლების შესახებ“ ტექნიკური რეგლამენტით დადგენილ მოთხოვნებს, ადამიანის სიცოცხლისა და ჯანმრთელობის უზრუნველყოფის მიზნით, სურსათის უვნებლობასთან და მიკრობიოლოგიურ რისკებთან მიმართებაში.

უნდა აკმაყოფილებდეს საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით დამტკიცებული „სასურსათო ნედლეულისა და კვების პროდუქტების ხარისხისა და უსაფრთხოების სანიტარიული წესებისა და ნორმების დამტკიცების შესახებ“ განსაზღვრულ ნორმებს.

პროდუქტი უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის;

პროდუქტი უნდა აკმაყოფილებდეს საქართველოს მთავრობის 2012 წლის 7 მარტის N90 დადგენილებთ დამტკიცებული „ცხოველური წარმოშობის სურსათის ჰიგიენის სპეციალური წესით“ დადგენილ მოთხოვნებს ბიზნესოპერატორისათვის, რომელიც ეწევა ცხოველური წარმოშობის სურსათის წარმოებას, გადამუშავებასა და დისტრიბუციას;

პროდუქტი უნდა აკმაყოფილებდეს საქართველოს მთავრობის 2010 წლის 25 ივნისის N173 დადგენილებით დამტკიცებული ,,სურსათის/ცხოველის საკვების ჰიგიენის ზოგადი წესისა“ და ,,სურსათის/ცხოველის საკვები ჰიგიენის გამარტივებული წესის“ შესახებ ტექნიკური რეგლამენტით დადგენილ მოთხოვნებს, სურსათის/ცხოველის საკვების წარმოების მათ შორის პირველადი წარმოების, გადამუშავებისა და დისტრიბუციის ყველა ეტაპზე.

პროდუქტი უნდა შეესაბამებოდეს პროდუქტის უსაფრთხოებისა და თავისუფალი მიმოქცევის კოდექსით განსაზღვრულ მოთხოვნებს.

პროდუქტი პოტენციურად საშიში ქიმიური ნაერთებისა და ბიოლოგიური ობიექტების შემცველობით, უნდა შეესაბამებოდეს კანონმდებლობით დასაშვებ და პროდუქტისათვის დამახასიათებელ მაჩვენებლებს.


- პრენდენტმა დანართი N1 - ფასთა ცხრილი უნდა წარმოადგინოს ექსელის ფორმატში (პრეტენდენტი ავსებს მხოლოდ ცხრილის პირველ გვერდს „პრეტენდენტის განფასება“).

1.4.1. საქონლის მიწოდება ხორციელდება ეტაპობრივად, 2025 წლის 10 სექტემბრიდან 2026 წლის 31 ივლისის ჩათვლით, დანართი N1-ის, დანართი N2-ისა და შემსყიდველი ორგანიზაციების მოთხოვნების შესაბამისად.

1.4.2. დანართ N1-ში მითითებული რაოდენობები საორიენტაციო ხასიათისაა და ემსახურება პრეტენდენტის ინფორმირებას და მიწოდების პირობების (ლოჯისტიკის შესაძლებლობების) შეფასებას.

მიწოდების ადგილია დანართი N1-ით განსაზღვრულ მისამართებზე განთავსებული არასამეწარმეო (არაკომერციული) იურიდიული პირები - ქალაქ თბილისის სკოლამდელი აღზრდის დაწესებულებები (საბავშვო ბაგა- ბაღები).

2.1.1.1. პრეტენდენტმა უნდა მიუთითოს შესყიდვის ობიექტის წარმოების ქვეყანა და მწარმოებელი დანართი N1-ის შესაბამისად.

2.1.1.2. პრეტენდენტი უფლებამოსილია მიუთითოს ერთზე მეტი მწარმოებელი (შესაბამისად წარმოების ქვეყანაც), მაგრამ არაუმეტეს 2 მწარმოებლისა. ასეთ შემთხვევაში, თითოეული მწარმოებელი უნდა აკმაყოფილებდეს წინამდებარე სატენდერო დოკუმენტაციით განსაზღვრულ მოთხოვნებს.

2.1.1.2. იმ შემთხვევაში, თუ პრეტენდენტი არ მიუთითებს მწარმოებელ ქვეყანასა და მწარმოებლის დასახელებას დანართ N1-ში, პრეტენდენტი დაზუსტების გარეშე დაექვემდებარება დისკვალიფიკაციას. მწარმოებელი ქვეყნისა და მწარმოებლის შესახებ ინფორმაცია (მათ შორის მწარმოებლის ოდენობა) არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას. ამასთან, თუ წარმოების ქვეყნისა და მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის წარმოების ქვეყნისა და მწარმოებლის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.

კონსოლიდირებულ ტენდერში მონაწილე პრეტენდენტს 2023 წლის 01 იანვრიდან წინამდებარე ტენდერის გამოცხადების თარიღამდე უნდა გააჩნდეს წინამდებარე ტენდერის სავარაუდო ღირებულების ოდენობის არანაკლებ ნახევრის (არანაკლებ 50%) ღირებულების (ლარის) ადამიანისათვის საკვებად ვარგისი პროდუქტების მიწოდების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები:
ა)აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი ან წარმოდგენილი უნდა იყოს "ბუღალტრული აღრიცხვის, ანგარიშგებისა და აუდიტის ზედამზედველობის სამსახურის ბრძანება აუდიტერების სახელმწიფო რეესტრში რეგისტრაციის თაობაზე. ამასთან, დასკვნის გამცემი პირი უნდა იძებნებოდეს https://www.saras.gov.ge ვებ-გვერდზე შესაბამის რეესტრში) რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების ადამიანისათვის საკვებად ვარგისი პროდუქტების მიწოდების გამოცდილება.
ან
ბ) - ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი (თუ მხოლოდ მიღება-ჩაბარების დამადასტურებელი დოკუმენტიდან ირკვევა ადამიანისათვის საკვებად ვარგისი პროდუქტების მიწოდება, მაშინ აუცილებელი არ არის ხელშეკრულების წარმოდგენა) ან/და
- სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები ან/და ინფორმაცია) (ასეთ შემთხვევაში პრეტენდენტის წარმოდგენილი დოკუმენტი, აღნიშნული მონაცემების შესახებ, დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით) ან/და
- საგადასახადო დოკუმენტები, სასაქონლო ზედნადები ან საგადასახადო ანგარიშფაქტურა.

შესყიდვის ობიექტის მიწოდება განხორციელდება დანართი N2-ის შესაბამისად.

2.7.1.1. წინამდებარე ტენდერის სტატუსის - „წინადადებების მიღება მთავრდება“ თარიღში, პრეტენდენტი და ასევე, შემოთავაზებული პროდუქტის მწარმოებელი რეგისტრირებული უნდა იყოს ეკონომიკურ საქმიანობათა რეესტრში, საქართველოს კანონმდებლობით დადგენილი წესით (მათ შორის, რეგისტრაციის თაობაზე გადაწყვეტილება არ უნდა იყოს ძალადაკარგული), სადაც „გამოყენებული ეკონომიკური საქმიანობის სახეების ცნობარ“-ში/საქმიანობის აღწერაში მითითებული იქნება საკვებ პროდუქტებთან დაკავშირებული საქმიანობის სახე/სახეები. პრეტენდენტმა უნდა წარმოადგინოს ამონაწერი ეკონომიკურ საქმიანობათა რეესტრიდან.
2.7.1.1.1. თუ პრეტენდენტი (ან შემოთავაზებული პროდუქტის მწარმოებელი) წინამდებარე ტენდერის სტატუსის -„წინადადებების მიღება მთავრდება“ თარიღში რეგისტრირებული იყო ეკონომიკურ საქმიანობათა რეესტრში 2.7.1.1. პუნქტის შესაბამისად და შერჩევა-შეფასების მიმდინარეობისას დოკუმენტის ვადის გასვლამ გამოიწვია რეგისტრაციის თაობაზე გადაწყვეტილების ძალადაკარგულობა, სატენდერო კომისია უფლებამოსილია მოსთხოვოს პრეტენდენტს განახლებული ამონაწერი ან რეგისტრაციის ვადის გაგრძელების მოთხოვნის წარმოდგენა.
2.7.1.1.2. თუ შემოთავაზებული პროდუქტი იმპორტირებულია მაშინ 2.7.1.1. პუნქტის მოთხოვნები არ ვრცელდება შემოთავაზებული პროდუქტის მწარმოებელზე.

2.7.1.2 თუ შემოთავაზებული საქონელი იწარმოება საქართველოში, პრეტენდენტმა სატენდერო წინადადებასთან ერთად უნდა წარმოადგინოს შემოთავაზებული პროდუქტის მწარმოებელზე საქართველოს მთავრობის 2014 წლის 26 დეკემბრის №722 დადგენილებით დამტკიცებული „ბიზნესოპერატორის აღიარების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ მინიჭებული აღიარების/პირობითი აღიარების დამადასტურებელი დოკუმენტი.
2.7.1.2.1. თუ ზემოაღნიშნული დოკუმენტი გაცემულია 2024 წლის 1 ნოემბრამდე, პრეტენდენტი აგრეთვე ვალდებულია წარმოადგინოს საწარმოზე 2024 წლის 1 ნოემბრის შემდეგ უკანასკნელად განხორციელებული ინსპექტირების დამადასტურებელი შესაბამისობის შეფასების აქტი, რომელიც შევსებული და ხელმოწერილი იქნება სურსათის ეროვნული სააგენტოს უფლებამოსილი პირის-ინსპექტორის მიერ, ასევე შესაძლებელია აქტი დამოწმებული იყოს კვალიფიციური ელექტრონული ხელმოწერით ან/და შტამპით. აღნიშნული აქტიდან უნდა დგინდებოდეს, რომ საწარმოს არ აქვს შეუსაბამობა (არც კრიტიკული და არც არაკრიტიკული).

2.7.1.3. პრეტენდენტმა ერთიან ელექტრონულ სისტემაში უნდა წარმოადგინოს მწარმოებლის მიერ ხელმოწერილი დოკუმენტი, რითაც მწარმოებელი დაადასტურებს რომ პრეტენდენტის გამარჯვების შემთხვევაში, იგი თანახმაა მიაწოდოს გამარჯვებულს წინამდებარე კონსოლიდირებული ტენდერით გათვალისწინებული შესყიდვის ობიექტი, ამავე ტენდერით გათვალისწინებული პირობების შესაბამისად (მითითებული უნდა იყოს ტენდერის ნომერი და შესყიდვის ობიექტის რაოდენობა). თუ პრეტენდენტი არის შემოთავაზებული პროდუქტის მწარმოებელი, იგი არ არის ვალდებული ამ პროდუქტზე წარმოადგინოს ზემოაღნიშნული დოკუმენტი (ვინაიდან, წინადადების წარდგენით პრეტენდენტი ეთანხმება სატენდერო დოკუმენტაციის ყველა პირობას).

2.7.1.4. პრეტენდენტმა უნდა წარმოადგინოს შემოთავაზებული პროდუქციის დამამზადებელ საწარმოზე ან მწარმოებელზე გაცემული, ძალაში მყოფი, რომელიმე სერტიფიკატი: ISO22000, FSSC 22000, HACCP, IFS FOOD, BRCGS, SQF. სერტიფიკატის გამცემი უნდა იძებნებოდეს საერთაშორისო აკრედიტაციის ფორუმის (IAF) ვებ-გვერძე https://www.iafcertsearch.org/. ასევე, შესაძლებელია სერტიფიკატის გამცემი არ იძებნებოდეს აღნიშნულ ვებ-გვერძე, თუმცა იგი აკრედიტებული/ავტორიზებული იყოს საერთაშორისო აკრედიტაციის ფორუმის (IAF) წევრი აკრედიტაციის ორგანოს ან რეგიონალური აკრედიტაცის ჯგუფის ან ასოცირებული წევრის მიერ, აღნიშნული მიკვლევადი უნდა იყოს საერთაშორისო აკრედიტაციის ფორუმის ვებ-გვერდის მეშვეობით https://iaf.nu/en/home/.

2.9.1. პრეტენდენტმა უნდა გაითვალისწინოს, რომ ხელშეკრულებების გაფორმების შემდეგ:

2.9.1.1 თითოეულ მოწოდებულ პარტიას თან უნდა ახლდეს მწარმოებლის მიერ ან მწარმოებლის დაკვეთით გაცემული ლაბორატორიის გამოცდის ოქმი.

2.9.1.2. მიმწოდებელი ვალდებულია ყველა მიწოდებულ პარტიას თან დაურთოს „დეკლარაცია შესაბამისობის შესახებ“.

2.9.1.3. პროდუქტი პოტენციურად საშიში ქიმიური ნაერთებისა და ბიოლოგიური ობიექტების შემცველობით, უნდა შეესაბამებოდეს კანონმდებლობით დასაშვებ და პროდუქტისათვის დამახასიათებელ მაჩვენებლებს. (ორგანოლეპტიკური, ფიზიკურ-ქიმიური, მიკრობიოლოგიური, პარაზიტოლოგიური და რადიოლოგიური მაჩვენებლები), რის დამადასტურებლადაც მიმწოდებელი ვალდებულია მოწოდების დაწყების წინ და შემდეგ, თვეში ერთხელ, თითოეულ შემსყიდველ ორგანიზაციას და თბილისის საბავშვო ბაგა-ბაღების მართვის სააგენტოს წარუდგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს" ან სხვა აკრედიტირებული პირის მიერ გაცემული ლაბორატორიული დასკვნა/წერილი (გამოცდის ოქმით) თითოეული საქონლის ორგანოლეპტიკური, ფიზიკურ-ქიმიური, მიკრობიოლოგიური და სანიტარულ-ჰიგიენურ პარამეტრებზე კვლევის შესახებ. რძეზე, მაწონზე, არაჟანზე, ხაჭოზე გამოცდის ოქმში აუცილებლად მითითებული უნდა იყოს ინფორმაცია პროდუქტის ცხიმიანობის შესახებ.

2.9.1.4. მიმწოდებელი ვალდებულია მიწოდების დაწყების წინ და შემდეგ, თვეში ერთხელ, თითითოეულ შემსყიდველ ორგანიზაციას და თბილისის საბავშვო ბაგა-ბაღების მართვის სააგენტოს წარუდგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს" ან სხვა აკრედიტირებული პირის მიერ გაცემული ლაბორატორიული დასკვნა (გამოცდის ოქმით), რომლითაც დასტურდება, რომ პროდუქტი არ შეიცავს რძის ცხიმის გარდა სხვა ცხიმს (მ.შ. მცენარეული ცხიმი), რაც უნდა დადასტურდეს ცხიმოვან ფაზაში რძის ცხიმის მასური წილით ან რძის ცხიმის სისუფთავით.

2.9.1.4.1. თუ მიმწოდებელს, წინამდებარე ტენდერის ფარგლებში შემოთავაზებული აქვს 2 მწარმოებლის პროდუქცია, იგი ვალდებულია 2.9.1.3. და 2.9.1.4. პუნქტებში მითითებული დოკუმენტები წარადგინოს ორივე მწარმოებლის საქონელზე. თუ პრეტენდენტმა მიწოდება დაიწყო მხოლოდ ერთი მწარმოებლის პროდუქციით, მას მხოლოდ ამ საქონელზე მოეთხოვება დოკუმენტების წარდგენა. ხოლო, თუ იგი დაიწყებს მეორე მწარმოებლის წარმოებული პროდუქციის მიწოდებას, იგი ვალდებული იქნება წარადგინოს ამ მწარმოებლის საქონელზე გაცემული დოკუმენტებიც, 2.9.1.3. და 2.9.1.4. პუნქტების მოთხოვნების დაცვით.

2.9.1.5. ხარისხის დადგენილ სტანდარტებთან შესაბამისობის განსაზღვრის მიზნით, თბილისის საბავშვო ბაგა-ბაღების მართვის სააგენტო უფლებამოსილია, წინამდებარე ტენდერის ფარგლებში თითოეულ პროდუქტზე, არაუმეტეს ოთხჯერ განახორციელოს საქონლის ნიმუშის აღება (საბავშო-ბაღის შერჩევის უფლებამოსილება გააჩნია თბილისის საბავშვო ბაგა-ბაღების მართვის სააგენტოს) და სსიპ „ლევან სამხარაულის სახელობის სასამართლო ექსპერტიზის ეროვნულ ბიუროში" ან სხვა აკრედიტირებულ ორგანიზაციაში შემოწმება. შემოწმებას უზრუნველყოფს მიმწოდებელი (მათ შორის ხარჯების ანაზღაურებას). ლაბორატორიული შემოწმების ოქმებში მითითებული მაჩვენებლებით უნდა დგინდებოდეს ხელშეკრულების ტექნიკური სპეციფიკაციით მოთხოვნილი მაჩვენებლები და პროდუქცია უნდა აკმაყოფილებდეს საქართველოში მოქმედი შესაბამისი სტანდარტებით განსაზღვრულ ხარისხის და უსაფრთხოების მაჩვენებლებს. თუ პროდუქტის შენახვის პირობებმა შესაძლოა გავლენა მოახდინოს კონკრეტული გამოცდის შედეგებზე, საქონლის ნიმუშის აღება უნდა განხორციელდეს პროდუქტის მიწოდების მომენტში. ასეთ შემთხვევაში, შემსყიდველი ორგანიზაცია უფლებამოსილია მოითხოვოს პროდუქციის შესაბამისობის შემოწმება კონკრეტულ თარიღში (საქონლის ვარგისიანობის ვადაში).

2.9.1.6. შემსყიდველი ორგანიზაცია ან/და თბილისის საბავშვო ბაგა-ბაღების მართვის სააგენტო უფლებამოსილია, საკუთარი სახსრებით, ნებისმიერ დროს ჩაატაროს კვლევა თავისი შეხედულებისამებრ.

2.9.1.7. შემსყიდველი ორგანიზაცია ან/და თბილისის საბავშვო ბაგა-ბაღების მართვის სააგენტო უფლებამოსილია მოსთხოვოს მიმწოდებელს ყველა იმ ინფორმაციის, ჩანაწერის ან/და დოკუმენტის წარმოდგენა, რომლის ქონის ვალდებულებაც ეკისრება ბიზნესოპერატორს მიკვლევადობის განსახორციელებლად, საქართველოს მთავრობის 2015 წლის 10 ნოემბრის N577 დადგენილების “სურსათის/ცხოველის საკვების უვნებლობის, ვეტერინარიისა და მცენარეთა დაცვის სფეროებში მიკვლევადობის ზოგადი პრინციპების და მოთხოვნების დამტკიცების შესახებ” შესაბამისად.

2.9.2. პრეტენდენტმა უნდა გაითვალისწინოს, რომ შერჩევა-შეფასების ეტაპზე სატენდერო კომისია უფლებამოსილია, მიმართოს სსიპ სურსათის ეროვნულ სააგენტოს, რათა ამ უკანასკნელმა განახორციელოს შესაბამისი კონტროლი. კომისია უფლებამოსილია პრეტენდენტს მიანიჭოს დისკვალიფიკაცია, თუ სსიპ სურსათის ეროვნული სააგენტოს შედგენილი დოკუმენტიდან ირკვევა, რომ:
ა) საწარმოში ვერ განახორციელა კონტროლი მწარმოებლისგან გამოწვეული მიზეზით ან
ბ) საწარმოს დაუდგინდა არაკრიტიკული შეუსაბამობა (საწარმოს უფლება აქვს გამოასწოროს აღნიშნული არაკრიტიკული შეუსაბამობა(ები) და საწარმოს კონტროლის განხორციელებიდან 5 სამუშაო დღის ვადაში მიმართოს სსიპ სურსათის ეროვნულ სააგენტოს და მოითხოვოს განმეორებითი შემოწმების ჩატარება, განმეორებითი შემოწმების შედეგად უნდა დადგინდეს, რომ საწარმოს აღარ აქვს არაკრიტიკული შეუსაბამობა) ან
გ) საწარმოს დაუდგინდა კრიტიკული შეუსაბამობა.

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მიწოდების შესაძლებლობა.

91725

5

10

ხელშეკრულების უზრუნველყოფის საბანკო გარანტიის მოქმედების ვადა საქონლის მიწოდების საბოლოო ვადას უნდა აღემატებოდეს არანაკლებ 60 კალენდარული დღით.

6.2.4.1 ტენდერში გამოყენებულ იქნება საბანკო ან სადაზღვეო კომპანიის მიერ გაცემული ხელშეკრულების შესრ