Гостиничные услуги (Грузия - Тендер #64105257)

ა(ა)იპ "თბილისის სპორტისა და ახალგაზრდობის ცენტრი"-ს მიერ მცხეთის მუნიციპალიტეტში დაგეგმილი აქტივობების ჩატარება 2 (ორ) ეტაპად, თითოეული ეტაპის მონაწილე 45 პირი, სულ მონაწილე 90 პირი.

სასტუმროს მომსახურებისა და მასთან დაკავშირებული მომსახურებების პირობები/მოთხოვნები:

მოთხოვნები სასტუმროს მიმართ:

1.2.1 სასტუმრო უნდა მდებარეობდეს - მცხეთის მუნიციპალიტეტში.
1.2.2 სასტუმრო არ უნდა მდებარეობდეს სხვა საქმიანობის დამხმარე საწარმოს ან საცხოვრებელი სახლის ნაწილში, რესტორანსა და მის კუთვნილ ტერიტორიაზე, ასევე სხვადასხვა საოფისე შენობაში.
1.2.3 სასტუმრო არ უნდა იყოს საოჯახო ტიპის და სასტუმროს ისეთ სივრცეებში რითაც ისარგებლებენ სტუმრები უნდა მუშაობდეს გათბობა/გაგრილების სისტემა.
1.2.4 სასტუმროში უზრუნველყოფილი უნდა იყოს სანიტარული ნორმების დაცვა და ჯანმრთელობისათვის უსაფრთხო გარემო.
1.2.5 სასტუმროში შესაძლებელი უნდა იყოს ერთდროულად 45 მონაწილე პირის 5 (ხუთი) დღით და 4 (ოთხი) ღამით დაბინავება/განთავსება, ერთ შენობაში ორ, სამ, ოთხ ან ხუთ ადგილიან ნომრებში.
1.2.6 სასტუმროს ინფრასტრუქტურა უნდა ითვალისწინებდეს შშმ პირების საჭიროებებს - გარე სივრციდან მასში შესასვლელად მოწყობილი უნდა იყოს პანდუსი ან სხვა ალტერნატიული საშუალება. თუ სასტუმრო არის არანაკლებ 2 სართულიანი, შიდა სივრცეებში ვერტიკალურად გადასაადგილებლად იგი აღჭურვილი უნდა იყოს შიდა ან გარე ლიფტით ან კიბის წერტილებზე გააჩნდეს პანდუსები.
1.2.7 სასტუმრო უნდა იყოს კეთილმოწყობილი, მის ტერიტორიაზე ვრცელდებოდეს უფასო უსადენო ინტერნეტი (WI-FI).
1.2.8 სასტუმროს შენობაში განთავსებული უნდა იყოს არანაკლებ 45 პირისთვის რესტორნის ტიპის სასადილო ოთახი. სასადილო ოთახში უნდა იყოს გამართული ვენტილაციის სისტემა ან შესაძლებელი უნდა იყოს სივრცის განიავება და დაცული უნდა იყოს სანიტარული ნორმები.
1.2.9 სასტუმროში უნდა იყოს ალტერნატიული ელ. ენერგიის კვების წყარო (გენერატორი).
1.2.10 სასტუმროში უნდა იყოს ალტერნატიული წყლით მომარაგების სისტემა (ავზი).

მოთხოვნები ფიზიკურ უსაფრთხოებაზე:

1.2.11 სასტუმროს პერიმეტრი უნდა კონტროლდებოდეს შესაბამისი დაცვის სისტემით - პატრულირებით ან/და ხორციელდებოდეს 24 საათიანი ვიდეო მონიტორინგი.
1.2.12 ადმინისტრაციის სამსახური (ადმინისტრატორი) უნდა იყოს 24 საათის განმავლობაში ხელმისაწვდომი.
1.2.13 სასტუმროში განთავსებული უნდა იყოს სახანძრო უსაფრთხოების მოწყობილობები/სისტემა/სისტემები, რომელიც უნდა შეესაბამებოდეს უსაფრთხოების დადგენილ ნორმებს - ტექნიკურ რეგლამენტს სახანძრო უსაფრთხოების წესების და პირობების შესახებ და საქართველოში მოქმედ სახანძრო უსაფრთხოების წესებს.
1.2.14 სასტუმროში ყოფნის პერიოდში სასტუმროს პერსონალმა უნდა უზრუნველყოს სტუმრების ტვირთის უსაფრთხოება.
1.2.15 მიმწოდებელმა უნდა უზრუნველყოს შრომის უსაფრთხოების კანონმდებლობით დადგენილი პირობებისა და მოთხოვნების ზედმიწევნით შესრულება.
1.2.16 სასტუმროში ხელმისაწვდომი უნდა იყოს პირველადი გადაუდებელი დახმარებისთვის საჭირო სამედიცინო ჩანთა.

მოთხოვნები ნომრების მიმართ:

1.2.17 სასტუმროს თითოეული ნომერი აღჭურვილი უნდა იყოს: ხელმისაწვდომი უფასო უსადენო ინტერნეტით, მაგიდით, სკამით, კონდიციონერით ან გათბობა-გაგრილების სისტემით და მისი ინდივიდუალურად მართვის საშუალებით ან განიავების შესაძლებლობით, ინდივიდუალური სველი წერტილით, ცივი და ცხელი წყლით, თითოეული სტუმრისთვის ინდივიდუალური ინვენტარითა და ჰიგიენური საშუალებებით.
1.2.18 სასტუმროს მინიმუმ 2 ნომრის სველი წერტილი, უნდა იყოს შშმ პირის საჭიროებებზე ადაპტირებული.
1.2.19 ნომრებში თითოეულ სტუმარზე უნდა იყოს არანაკლებ 1.0 ლიტრი (ქარხნული ბოთლი) სასმელი წყალი დღეში.
1.2.20 სასტუმროში დაცული უნდა იყოს სისუფთავე და ნომრები უნდა დალაგდეს ყოველდღიურად. თეთრეული და პირსახოცები უნდა იყოს გარეცხილი. ნომრებში თეთრეული უნდა იცვლებოდეს ყოველ მეორე დღეს, ხოლო პირსახოცები უნდა იცვლებოდეს ყოველდღიურად.
1.2.21 სასტუმროს ოთახებში მინი ბარის არსებობის შემთხვევაში არ უნდა იყოს ხელმისაწვდომი ალკოჰოლური სასმელი და თამბაქო.
1.2.22 აუცილებელია, რომ საწოლები იყოს ცალ-ცალკე, ინდივიდუალური, არა გასაშლელი. გარდა ამისა, საჭიროების შემთხვევაში სასტუმრომ უნდა უზრუნველყოს რამდენიმე სტუმრის ინდივიდუალური განთავსება 1 ადგილიან ნომერში (არაუმეტეს 5 პირისთვის).

მოთხოვნები საკონფერენციო დარბაზზე:

1.2.23 სასტუმროში უნდა იყოს მინიმუმ ორი სატრენინგო/საკონფერენციო სივრცე, საერთო ფართით მინიმუმ 60 კვ.მ, რომელიც გათვლილი იქნება არანაკლებ 45 პერსონაზე, რომელიც სტუმრებს უნდა მოემსახუროს 8 დღის განმავლობაში (ყველა დღეს).
1.2.24 სატრენინგო/საკონფერენციო სივრცე აღჭურვილი უნდა იყოს: განათებით, ინტერნეტით, ვენტილაციით ან განიავების შესაძლებლობით, შესაბამისი ზომის პროექტორით და ეკრანით, მონაწილეთა შესაბამისი რაოდენობის სკამებით და სამუშაო მაგიდებით.
1.2.25 მიმწოდებელმა უნდა უზრუნველყოს სატრენინგო/საკონფერენციო სივრცეში ტრენინგის მონაწილე თითოეული პირისთვის 0.5 ლიტრი (ქარხნული ბოთლი) სასმელი წყლის მიწოდება.
1.2.26 სატრენინგო/საკონფერენციო სივრცეში შესასრულებელი სამუშაოდან გამომდინარე, შესაძლებელი უნდა იყოს დარბაზში არსებული ინვენტარის (მაგიდები, სკამები) გადაადგილება (შეერთება ან განცალკევება).
1.2.27 საჭიროების შემთხვევაში, შესაძლებელი უნდა იყოს სასტუმროში პრინტერის გამოყენება.
1.2.28 სატრენინგო/საკონფერენციო სივრცე უნდა იყოს იზოლირებული.

მოთხოვნები გასართობ სივრცეებზე:

1.2.29 სასტუმრო უზრუნველყოფილი უნდა იყოს გარე სივრცით (იგულისხმება ეზო ).
1.2.30 სასტუმროს შიდა ტერიტორიაზე განთავსებული უნდა იყოს In-Ground ტიპის საცურაო აუზი (არა მიწისზედა), არანაკლებ 12 კვ.მ ფართობით.
1.2.31 აუზის წყალში ქლორისა და PH -ის რაოდენობა შესაბამისი ტესტერებით უნდა გაკონტროლდეს ყოველდღიურად შემსყიდველის წარმომადგენლის თანდასწრებით.
1.2.32 აუზის ფსკერის დასუფთავება უნდა მოხდეს არანაკლებ 2 დღეში ერთჯერ სიხშირით.

მოთხოვნები კვებით მომსახურებაზე:

1.2.33 კვების მომსახურების კონკრეტული დრო უნდა შეთანხმდეს შემსყიდველთან და განხორციელდეს ნაკადში შემავალი ყველა პერსონისთვის ერთდროულად .
1.2.34 კვებითი მომსახურების გაწევის დროს, მიმწოდებელმა უნდა უზრუნველყოს შესაბამისი რაოდენობის მომსახურე პერსონალის ადგილზე ყოფნა.
1.2.35 კვების მომსახურების ტიპი: შვედური მაგიდა.
1.2.36 მენიუ უნდა იყოს მრავალფეროვანი რაციონის, შეიცავდეს სამარხვო და არანაკლებ 1 ვეგეტარიანულ კერძს.
1.2.37 მისაწოდებელი კერძები და კვების პროდუქტები, თავისი საგემოვნო თვისებებით უნდა შეესაბამებოდეს შესაბამის სტანდარტებს და იყოს საკვებად ვარგისი, ჯანმრთელობისთვის უვნებელი, რაზეც მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით.
1.2.38 დაუშვებელია ვადაგასული და საკვებად უვარგისი პროდუქტების მიწოდება. ყველა კერძი უნდა იყოს ახლად მომზადებული. საკვები დამზადებული უნდა იყოს სურსათის ეროვნული სააგენტოს და ბავშვთა კვებაში გამოყენებული სტანდარტების გათვალისწინებით.
1.2.39 ჭურჭელი უნდა იყოს ერთნაირი, დაუზიანებელი, საუკეთესო სანიტარულ მდგომარეობაში. დაუშვებელია გატეხილი, გაბზარული ან სხვა მიზეზით არასათანადო ვიზუალურ და ჰიგიენურ მდგომარეობაში მყოფი ჭურჭლის გამოყენება.

1.2.40 კვებით მომსახურება: 8 დღე, 45 პერსონა, ,,შვედური მაგიდა“, სამჯერადი კვება და დღის განმავლობაში 1 ყავა-ჩაის შესვენება:

საუზმე:
არანაკლებ - 3 სახის რძის ნაწარმი, 2 სახის ძეხვეული, კვერცხი(მოხარშული, მოთხოვნის შემთხვევაში ომლეტი), 3 სახის დესერტი და 2 სახის ცომეული. რძე უნდა იყოს, როგორც ჩვეულებრივი ასევე მცენარეული (სამარხვო). სასმელი - ყავა, ჩაი, წვენი, (ჩაი და ყავა შეუზღუდავი რაოდენობით).

სადილი:
არანაკლებ - 4 სახის ცხელი კერძი (მათ შორის 2 წვნიანი 1 ხორცის შემცველი, 1 ვეგეტარიანული), 4 სახის ცივი კერძი (მათ შორის 1 ხორცის შემცველი), 3 სახის ცომეული და 3 სახის დესერტი. სასმელები - ყავა, ჩაი, 2 სახის ნატურალური წვენი, გაზიანი სასმელი, მინერალური წყალი (ჩაი და ყავა შეუზღუდავი რაოდენობით).

ვახშამი:
არანაკლებ - 4 სახის ცხელი კერძი (მათ შორის 1 ხორცის შემცველი, 1 ვეგეტარიანული), 4 სახის გარნირი, 4 სახის რძის ნაწარმი, 4 სახის დესერტი და 4 სახის ცომეული. სასმელები - ყავა, ჩაი, გამაგრილებელი სასმელი, 2 სახის ნატურალური წვენი, (ჩაი და ყავა შეუზღუდავი რაოდენობით).

ყავა-ჩაის შესვენება:
ყავა, რძე, ჩაი (მწვანე, შავი) და არანაკლებ 3 სახის ნამცხვარი. სასმელი: არაგაზირებული მინერალური წყალი და ჩვეულებრივი წყალი (ჩაი და ყავა შეუზღუდავი რაოდენობით). რძე უნდა იყოს, როგორც ჩვეულებრივი ასევე მცენარეული (სამარხვო).

მოთხოვნები შემსყიდველის მხრიდან გასაწევ კონტროლზე:

1.2.41 შემსყიდველი იტოვებს უფლებას განახორციელოს არსებული მდგომარეობის (კვების, განთავსების, ჰიგიენური ნორმების, სამუშაო პირობების) კონტროლი.
1.2.42 შემსყიდველი ორგანიზაცია არ არის ვალდებული სრულად აითვისოს ტექნიკურ დავალებასა და ფასების ცხრილში მითითებული შესყიდვის ობიექტის რაოდენობა.

2025 წლის 30 ივნისიდან 8 ივლისის ჩათვლით, 2(ორ) ეტაპად.

სასტუმრო მომსახურების გაწევა უნდა განხორციელდეს მცხეთის მუნიციპალიტეტში.

პრეტენდენტმა უნდა წარმოადგინოს:

2.3.1.1 ინფორმაცია მის მიერ შემოთავაზებული სასტუმროს შესახებ, დანართი N2-ის შესაბამისად.
2.3.1.2 წინამდებარე ტენდერით გათვალისწინებული მომსახურების გაწევისათვის განკუთვნილი სასტუმროს, საკუთრების (უძრავი ქონების ამონაწერი საჯარო რეესტრიდან) ან/და სარგებლობის დამადასტურებელი დოკუმენტი, საჯარო რეესტრის უძრავი ქონების ამონაწერთან ერთად.
2.3.1.3 სარგებლობის დოკუმენტის წარმოდგენის შემთხვევაში ხელშეკრულება დამოწმებული უნდა იყოს სანოტარო წესით (ნოტარიუსის მიერ ორივე მხარის ხელმოწერის ნამდვილობა) ან საჯარო რეესტრის ამონაწერში ასახული იყოს სარგებლობის დოკუმენტის შესაბამისი ჩანაწერი.
2.3.1.4 უძრავი ქონების ამონაწერი განახლებული (მომზადებული) უნდა იყოს საჯარო რეესტრის მიერ 2025 წელს.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2 პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
4.1.1.3 იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1 შემსყიდველი იღებს ვალდებულებას გადაუხადოს მიმწოდებელს მიღებული მომსახურების ღირებულება ეტაპობრივად, მიწოდებული მომსახურების შესაბამისად, საქართველოს კანონმდებლობით დადგენილი შესაბამისი დოკუმენტაციის წარმოდგენიდან და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში, გარდა იმ შემთხვევისა როდესაც მიმწოდებელს ხელშეკრულებით გათვალისწინებული პირობების დარღვევისთვის წარმოეშობა პირგასამტეხლო. პირგასამტეხლოს წარმოშობის შემთხვევაში ანგარიშსწორება მოხდება პირგასამტეხლოს დაფარვის საგადახდო დავალების წარმოდგენიდან 10 (ათი) სამუშაო დღის განმავლობაში. თუ კი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.
7.2.2 მიღება-ჩაბარების აქტი მხარეთა შორის გაფორმდება გაწეული მომსახურების შემდეგ, მიმწოდებლის შესაბამისი საგადასახადო დოკუმენტისა და შემსყიდველის მხრიდან ხელშეკრულების შესრულებაზე კონტროლის განმახორციელებელი პირ(ებ)ის მიერ შედგენილი დასკვნის საფუძველზე.

ეტაპობრივი ან/და საბოლოო ანგარიშსწორება განხორციელდება მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

ავთანდილ კაკულია, 599253359, procurement.tsyc@gmail.com

10.1.1 სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.3 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.4 სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი დოკუმენტები ან/და ინფორმაცია(მაგალითად: ფასების ცხრილი, დანართი N2, დანართი N3) წარმოდგენილი უნდა იქნას PDF ფორმატით, ელექტრონულად ხელმოწერილი უფლებამოსილი პირის მიერ ან დამოწმებული უნდა იყოს პრეტენდენტის კვალიფიციური ელექტრონული შტამპით კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
10.1.6 სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს);
10.1.7 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულის ფასები, გამოსახოს და შესაბამისად გაინაგარიშოს ლარის მეასედის - თეთრების სიზუსტით(მძიმის შემდეგ ორი ციფრი).
10.1.8 სატენდერო ფასების ცხრილი პრეტენდენტის მიერ წარმოდგენილი უნდა იყოს PDF ფორმატის სახით,რომელიც ელექტრონულად ხელმოწერილი უნდა იყოს უფლებამოსილი პირის მიერ ან დამოწმებული უნდა იყოს პრეტენდენტის კვალიფიციური ელექტრონული შტამპით.