Ремонт и техническое обслуживание транспортных средств и оборудования и сопутствующие услуги (Грузия - Тендер #64038507)

10 ერთეული ავტოსატრანსპორტო საშუალების ტექნიკური მომსახურება.

საქართველოს უზენაესი სასამართლოს ბალანსზე რიცხული 10 ერთეული ავტოსატრანსპორტო საშუალების hiundai IONIQ HYBRID1.6 (2020 წლის მოდელი) შეკეთება და ტექნიკური მომსახურება.

1.1. პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას – 56732 ლარს და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
1.2. ავტოსატრანსპორტო საშუალებების მომსახურების და ასეთი მომსახურებისათვის საჭირო საქონლის ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი №1) და არ უნდა აღემატებოდეს პრეისკურანტში შესაბამის პოზიციებზე დაფიქსირებულ ზღვრულ ერთეულის ფასებს. ერთეულის ღირებულებების ჯამურმა ოდენობამ არ უნდა გადააჭარბოს პრეისკურანტის სავარაუდო ღირებულებას - 56732 ლარს.
1.3. პრეტენდენტის მიერ წარმოდგენილ მომსახურების პრეისკურანტში მოცემული საქონლისა და მომსახურების ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, არანაკლებ სატენდერო განცხადებაში მოცემული პრეისკურანტის ჯამურ სავარაუდო ღირებულებასა და პრეტენდენტის მიერ სისტემაში დაფიქსირებულ საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით დამრგვალების გარეშე, ე.წ. კლების პრინციპით.
1.4. პრეტენდენტის მიერ შემოთავაზებული საპოხ-საზეთი მასალები და სათადარიგო ნაწილები უნდა იყოს მაღალი ხარისხის და შეესაბამებოდეს ავტომანქანებისათვის დადგენილ ან/და მასთან მიახლოებულ სტანდარტებს.
1.5. ხელშეკრულების მიმდინარეობის დროს შესაძლებელია ავტომანქანების ჩამონათვალში მითითებულ მოდელზე წარმოიქმნას მოთხოვნა იმ სათადარიგო ნაწილებისა
და მომსახურების შესყიდვაზე, რომლებიც არ არის გათვალისწინებული ტექნიკურ დავალებაში – პრეისკურანტში (დანართი №1), ამ შემთხვევაში, მხარეებს შორის გაფორმდება ხელშეკრულების დამატებითი შეთანხმება, სადაც შესასყიდი საქონლის და/ან გასაწევი მომსახურების ფასი არ უნდა აღემატებოდეს საბაზრო ღირებულებას. პრეისკურანტში ავტოსტრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.6. ავტომანქანების ტექნიკური მომსახურება უნდა განხორცილდეს პრეისკურანტში მითითებული შესაბამისი საქონლის და მომსახურების შესაბამისად, შემსყიდველის უფლებამოსილი პირის მიერ სატელეფონო ან/და ელ. ფოსტის საშუალებით გაკეთებული შეტყობინების საფუძველზე.

პრეტენდენტის მიერ წარმოდგენილი ერთეულების ფასები არ უნდა აღემატებოდეს პრეისკურანტში მითითებული საქონლის/მომსახურების ერთეულების ფასს. ფასები წარმოდგენილი უნდა იყოს კანონმდებლობით გათვალისწინებული ყველა გადასახადის გათვალისწინებით.

თუ პრეტენდენტი გეგმავს რომელიმე პოზიციაზე საქონელი და მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0”. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიციების რაოდენობა აღემატება განსაფასებელი პრეისკურანტის პოზიციების 1%-ს.

ხელშეკრულების გაფორმებიან 2025 წლის 31 დეკემბრის ჩათვლით.

1. მომსახურება უნდა განხორციელდეს მიმწოდებლის ტექ. მომსახურების ცენტრში/ებში.
2. მომსახურება უნდა განხორციელდეს ოპერატიულად, რიგგარეშე, ამასთან, მომსახურების ვადა თითოეულ შემთხვევაზე არ უნდა აღემატებოდეს სავალი ნაწილებისათვის და ელექტროობისათვის 2 (ორი) კალენდარულ დღეს, ხოლო,შესასრულებელი სამუშაოს სირთულიდან გამომდინარე (მაგ. ძრავის კაპიტალური შეკეთება, დეფიციტური ნაწილის მიწოდება) შემსყიდველთან შეთანხმებით გონივრულ ვადაში

1.იმ სათადარიგო ნაწილებზე, რომლებიც შეიცვლება ხელშეკრულების მიმდინარეობის პერიოდში ,,მიმწოდებლის’’ მიერ, უნდა არსებობდეს გარანტია, თითოეული მომსახურების მიხედვით, სადაც, საგარანტიო პერიოდის განმავლობაში ნაკლოვანებებს დამატებითი ანაზღაურების გარეშე აღმოფხვრის ,,მიმწოდებელი".
2.სათადარიგო ნაწილები უნდა იყოს ახალი, ქარხნული, არ უნდა ავლენდეს დეფექტებს და უნდა ვრცელდებოდეს არანაკლებ 6 (ექვსი)თვიანი გარანტია, გარდა ცვეთადი ნაწილებისა (სამუხრუჭე ხუნდები, ზეთის, ჰაერის, კონდენციონერის და საწვავის ფილტრები).

1. 2021 წლის პირველი იანვრის შემდგომ პერიოდში პრეტენდენტს უნდა გააჩნდეს ავტომობილების შეკეთებისა და ტექნიკური მომსახურების განხორციელების არანაკლებ 3 (სამი) წლიანი გამოცდილება, რისთვისაც პრეტენდენტმა უნდა წარმოადგინოს გაფორმებული და დასრულებული არანაკლებ ერთი ხელშეკრულება თითოეულ წელს ან/და მითითება სახელმწიფო შესყიდვების ერთიანი ელექტრონული სისტემის შესაბამის ნომრებზე (SPA/NAT/CMR).

2. პრეტენდენტმა უნდა წარმოადგინოს არანაკლებ 2 (ორი) სარეკომენდაციო წერილი ზ/აღნიშნულ წლებში ავტომობილების შეკეთებისა და ტექნიკური მომსახურების მიმღები ორგანიზაციიდან.

1.პრეტენდენტს ქალაქ თბილისში უნდა გააჩნდეს სერვისცენტრ(ებ)ი.
2. მოქმედი სერვისცენტრ(ებ)ის საკუთრებაში ან სარგებლობაში არსებობის დასადასტურებლად პრეტენდენტმა უნდა წარმოადგინოს მატერიალურ–ტექნიკური ბაზის შესახებ ინფორმაცია.
3. სერვის-ცენტრ(ებ)ის საკუთრებაში ფლობის შემთხვევაში ერთიან ელექტრონულ სისტემაში ატვირთულ უნდა იქნეს საკუთრების დამადასტურებელი დოკუმენტ(ებ)ი, ხოლო, სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს ელექტრონული ტენდერით გათვალისწინებული მომსახურების ვადას.
4. პრეტენდენტს უნდა შეეძლოს ერთდროულად არანაკლებ 5 ავტომანქანის მომსახურება, უნდა გააჩნდეს არანაკლებ 10 „ბოქსი”, სასაწყობე მეურნეობა პირველადი მოხმარების საპოხ-საზეთი მასალებისა და სათადარიგო ნაწილების მარაგით, ავტომანქანების მოსაცდელი არეალი და დაცული ავტოსადგომი.
5. პრეტენდენტს სერვის ცენტრში უნდა გააჩნდეს არანაკლებ შემდეგი დასახელების მოწყობილობები:
ა. ელექტრო მომარაგების ალტერნატიული წყარო (გენერატორი)
ბ. ელექტროსისტემის კომპიუტერული დიაგნოსტიკა.
გ. საყრდენი დისკის გასაჩარხი აპარატი (დისკოს მოუხსნელად).
დ. ვულკანიზაციის, ბალანსირების და დისკების გასწორების ელექტროაპარატი.
ე. თვლების შეყრის კომპიუტერული დიაგნოსტიკის აპარატი.

თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, ის ვალდებულია დაასაბუთოს ფასწარმოქმნის ადეკვატურობა.
პრეტენდენტმა უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი, კერძოდ, ექსპერტის ან აუდიტორის ან საშემფასებლო კომპანიის მიერ გაცემული დასკვნა შესყიდვის ობიექტის მიწოდებასთან დაკავშირებით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

დასკვნას თან უნდა ახლდეს დასკვნის გამცემი პირ(ებ)ის შესაბამისი უფლებამოსილების/აკრედიტაციის დამადასტურებელი დოკუმენტი.

ფასწარმოქმნის ადეკვატურობის დამადასტურებელი დასკვნის და/ან ამ დასკვნის გამცემი პირ(ებ)ის შესაბამისი უფლებამოსილების/აკრედიტაციის დამადასტურებელი დოკუმენტის წარმოუდგენლობა გამოიწვევს პრეტენდენტის დისკვალიფიკაციას.

ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის საბოლოო ღირებულებასთან), ასევე ერთეულებთან მიმართებით.

ანგარიშსწორება განხორციელდება ეტაპობრივად, მხარეთა შორის შედგენილი მიღება-ჩაბარების აქტის საფუძველზე.

არაუგვიანეს 10 სამუშაო დღე

ნათია თელია, 577282920, natia.telia@supremecourt.ge ტექნიკურ საკითხებთან დაკავშირებით 591222052 შალვა კლდეისელი

10.1.1 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.2. სატენდერო წინადადება წარმოდგენილი უნდა იყოს ლარში და ანგარიშსწორების ვალუტას ასევე წარმოადგენს ლარი.
10.1.3. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.
10.1.4. დაუშვებელია ალტერნატიული სატენდერო წინადადების წარმოდგენა.
10.1.5. სატენდერო დოკუმენტაციით მოთხოვნილი ყველა დოკუმენტი წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.6.პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
10.1.7. პრეტენდენტმა ფასების ცხრილი/ხარჯთაღრიცხვა/ პრეისკურანტი ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით; პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).