Типографские услуги и связанные с ними услуги (Грузия - Тендер #64038503)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მიერ შოთა რუსთაველის ეროვნული სამეცნიერო ფონდის მიერ დაფინანსებული საგრანტო პროექტის OTG-I-24-292 (ხელმძღვანელი: თედო დუნდუა) დაფინანსების ფარგლებში წიგნის ბეჭდვა და მასთან დაკავშირებული მომსახურების სახელმწიფო შესყიდვა.

წიგნის ბეჭდვის მინიმალური ტექნიკური მახასიათებლები:

გასაწევი მომსახურება მოიცავს:
რედაქტირება, კორექტურა, დიზაინი, დაკაბადონება, ბეჭდვა.
"Word"-ში აკრეფილი გვერდების რაოდენობა – 215 (B5), (Sylfaen, 12)
წიგნის ფორმატი – B5
წიგნის გვერდების სავარაუდო რაოდენობა – 215 (±5)
შიგთავსი – 130 გრამიანი ცარცი, გლუვი (1+1)
გარეკანი – 2.5 მმ. მუყაოზე გადაკრული 130 გრამიანი ცარცი (4+0), გლუვი ლამინაცია + შერჩევითი ლაკი, პრიალა
ფორზაცი – 170 გრამიანი ცარცი (4+0)
ყუა – მომრგვალებული
კინძვა – ძაფით ნაკერი + თერმული
ბეჭდვა – შავ-თეთრი, 22 გვერდი ფერადი სურათებით სხვადასხვა ადგილას
შიგთავსის ქაღალდი – 130 გრამიანი ცარცი, გლუვი
ტირაჟი – 250 ცალი.

მომსახურება უნდა მოიცავდეს რედაქტირებას, კორექტურას, დიზაინს, დაკაბადონებასა და ბეჭდვას;
წიგნს უნდა მიენიჭოს საერთაშორისო სტანდარტული ნომერი - ISBN;
წიგნში სავალდებულოა განთავსდეს – შოთა რუსთაველის ეროვნულ სამეცნიერო ფონდის ლოგო და ჩანაწერი, რომ პროექტი განხორციელდა შოთა რუსთაველის ეროვნულ სამეცნიერო ფონდის მხარდაჭერით (პროექტი OTG-I-24-292) – აფხაზეთი საქართველოა. ისტორიულ-ნუმიზმატიკური ნარატივი.
Project has been made possible by financial support from the Shota Rustaveli National Science Foundation (OTG-I-24-292) – Abkhazia as a Part of Georgia. Historical and Numismatic Tale.

1.4.1. მიმწოდებელი შესყიდვის ობიექტის მიწოდებას განახორციელებს შემსყიდველის მხრიდან დასაბეჭდი მასალების მიწოდებიდან 40 (ორმოცი) კალენდარულ დღეში.

მიმწოდებელმა შესყიდვის ობიექტის მოწოდება უნდა განახორციელოს შემდეგ მისამართზე: ქ.თბილისის ილია ჭავჭავაძის გამზ.#1 თსუ პირველი კორპუსი.

1.„მიმწოდებელი“ ვალდებულია განახორციელოს უფლებრივად და ნივთობრივად უნაკლო შესყიდვის ობიექტის მიწოდება მოქმედი ყველა საჭირო ნორმების, სტანდარტების, წესებისა და მოთხოვნების დაცვით.
2. მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
3. თსუ-ს მიერ საქონლის ინსპექტირების პროცესში წუნის აღმოჩენის შემთხვევაში, მიმწოდებელი ვალდებულია, განახორციელოს წუნდებული საქონლის ახლით შეცვლა შემსყიდველის მიმართვიდან არაუგვიანეს 5 (ხუთი) სამუშაო დღის ვადაში.

პრეტენდენტმა შეტყობინების შემდეგ, სატენდერო განცხადებითა და ტექნიკური დოკუმენტაციით განსაზღვრულ მოთხოვნებთან შესაბამისობის დადგენის მიზნით, შემსყიდველის მისამართზე უნდა წარმოადგინოს მის მიერ დამზადებული ნაბეჭდი წიგნის (სატენდერო დოკუმენტაციის კითხვარის 1.2 პუნქტის მიხედვით) შესყიდვის ობიექტის მინიმუმ ორი ნიმუში, რომელზეც სათანადო წესით დატანილი უნდა იყოს: ინფორმაცია, რომლითაც დადასტურდება, რომ პრეტენდენტი წარმოადგენს გამოცემაზე უფლებამოსილ პირს.

ქ.თბილისი, ი.ჭავჭავაძის გამზ.#1 , თსუ-ს პირველი კორპუსი, ოთახი #016, შესყიდვების განყოფილება

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდა იქნეს „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის, მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

7.1.1.1. „მიმწოდებელთან“ ანგარიშსწორება განხორციელდება უნაღდო ანგარიშსწორების ფორმით ეროვნულვალუტაში.
7.1.1.2. ხელშეკრულების ღირებულების ნაწილის ანგარიშსწორება განხორციელდება წინასწარი ანგარიშსწორებით, წარმოდგენილი შესაბამისი საავანსო გარანტიის საფუძველზე სახელშეკრულებო ღირებულების 100% ოდენობით. საავანსო გადახდაზე საბანკო გარანტია წარმოდგენილი უნდა იქნას სახელმწიფო შესყიდვების შესახებ ხელშეკრულების გაფორმებიდან 3 (სამი) სამუშაო დღის განმავლობაში და გარანტიის მოქმედების ვადა 30 დღით უნდა აღემატებოდეს ხელშეკრულების მოქმედების ვადას. იმ შემთხვევაში თუ მიმწოდებლის საგარანტიო ვალდებულებები სრულად შესრულდება აღნიშნულ ვადამდე, შემსყიდველი უფლებამოსილია მიმწოდებელს დაუბრუნოს გარანტია. გარანტია უკან დაუბრუნდება შესყიდვის ობიექტის მიღების შემდეგ, ხელშეკრულებით განსაზღვრული პირობების შესაბამისად 5 (ხუთი) სამუშაო დღის განმავლობაში.
7.1.1.3. გარანტია უნდა იყოს უპირობო ე.ი. გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი განმარტებისა და მტკიცებულების წარდგენის გარეშე, პირველივე მოთხოვნისთანავე. გარანტიაში არ უნდა იყოს მითითებული, რომ იგი მცირდება შესრულების პროპორციულად.
7.1.1.4. გამოუთხოვადი საავანსო გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, - ეროვნულ ვალუტაში. რომელიც წარმოადგენს ხელშეკრულების განუყოფელ ნაწილს.
7.1.1.5. სახელმწიფო შესყიდვების სააგენტოს თავმჯდომარის 2016 წლის 26 თებერვლის № 2 ბრძანებით დამტკიცებული ,,თეთრი სიის წარმოების წესისა და პირობების’’ მე-10 მუხლის პირველი პუნქტის ,,ბ“ ქვეპუნქტის შესაბამისად, კომპანია უფლებამოსილია წარმოადგინოს წინასწარ გადასახდელი თანხის ნახევარი ოდენობის საავანსო გარანტია.

,,მიმწოდებელთან’’ ანგარიშსწორება განხორციელდება უნაღდო ანგარიშსწორებით ეროვნულ ვალუტაში, წინასწარ 100%-იანი ავანსის სახით, ხელშეკრულების ღირებულების 100%-ის ოდენობის თანხაზე წარმოდგენილი საბანკო გარანტიის საფუძველზე, 7.1.1 პუნქტის თანახმად.

ანგარიშსწორება იწარმოებს უნაღდო ანგარიშსწორებით, როგორც წინასწარი ანგარიშწორებით, ასევე ფაქტიურად მოწოდებული საქონლის შესაბამისად, შემსყიდველსა და მიმწოდებელს შორის შესყიდვის ობიექტის მიღება–ჩაბარების აქტის, შესაბამისი ანგარიშ–ფაქტურის/სასაქონლო ზედნადების და ინსპექტირების ჯგუფის დადებითი დასკვნის წარმოდგენის შემდეგ 10 (ათი) სამუშაო დღის განმავლობაში.

* წინასწარი ანგარიშსწორების შემთხვევაში მიმწოდებელს საბანკო გარანტია დაუბრუნდება ხელშეკრულებით ნაკისრი ვალდებულებების სრულად შესრულების შემდეგ, მიღება-ჩაბარების აქტის, ინსპექტირების დადებითი დასკვნისა და შესაბამისი ანგარიშფაქტურის საფუძველზე, დოკუმენტაციის სრულყოფილად წარმოდგენიდან 5 (ხუთი) სამუშაო დღის ვადაში.

ლევან იობაშვილი, 593728648, levan.iobashvili@tsu.ge

10.1.1.პრეტენდენტის მიერ ერთიან ელექტრონულ სისტემაში ატვირთული დოკუმენტაცია ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. პრეტენდენტმა ერთიანი ელექტრონული სისტემის საშუალებით უნდა წარმოადგინოს: ,,ფასების ცხრილი დანართი #1-ის შესაბამისად.
10.1.4. წინადადების წარდგენის დროს „ფასების ცხრილი - დანართი N1“ ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).