Полные или частичные строительные работы и публичные работы (Грузия - Тендер #63914184)

ჩოხატაურის მუნიციპალიტეტის კურორტ ბახმაროში მდებარე მიწის ნაკვეთზე (საკ.კოდი: 28.24.22.497) სსიპ ეროვნული სატყეო სააგენტოს გურიის სატყეო სამსახურის, ჩოხატაურის სატყეო უბანის ახალი საოფისე შენობის და ეზოს ინფრასტრუქტურის მოწყობის დეტალური საპროექტო-სახარჯთაღრიცხვო დოკუმენტაციის მომზადებას და მის საფუძველზე სამშენებლო სამუშაოების სახელმწიფო შესყიდვა

დანართი N2 (ტექნიკური დავალება) განსაზღვრავს მოთხოვნებს ერთი ხელშეკრულების ფარგლებში Design-Build მეთოდით დეტალური პროექტის მოსამზადებისა და მის საფუძველზე სამშენებლო სამუშაოების წარმოებისათვის.

მიმწოდებელი ვალდებულია მოამზადოს დეტალური პროექტი, აწარმოოს სამშენებლო-სამონტაჟო სამუშაოები, ამ მოთხოვნების და თანდართული ტექნიკური სპეციფიკაციების შესაბამისად.
სამუშაოები უნდა შესრულდეს საქართველოში მოქმედი და მიღებული საერთაშორისო სამშენებლო ნორმების და სტანდარტების შესაბამისად.

საპროექტო გადაწყვეტები და შესრულებული სამუშაოების ხარისხი უნდა უზრუნველყოფდეს მოწყობილი ინფრასტრუქტურის უსაფრთხო ფუნქციონირებას, მსგავსი ნაგებობებისათვის სტანდარტებით განსაზღვრული სრული საექსპლუატაციო ვადის განმავლობაში.

ტექნიკური დავალება (დანართი N2) ატვირთულია სატენდერო დოკუმენტაციის 1.2. პუნქტში.

მიმწოდებელი ვალდებულია მის მიერ შესრულებული დამატებითი კვლევებით, ასევე ტექნიკური დავალებითა და მისი დანართებით გათვალისწინებული მოთხოვნების შესაბამისად მოამზადოს დეტალური სამშენებლო პროექტი, საკუთარი ხარჯებით უზრუნველყოს დანართით N2 (ტექნიკური დავალება) გათვალისწინებული საპროექტო დოკუმნეტაციის ნაწილებზე ექსპერტიზის ჩატარება, პროექტის შეთანხმება, როგორც შემსყიდველთან ასევე, ყველა ჩართულ მხარესთან და შეთანხმებული პროექტის შესაბამისად შეასრულოს სამშენებლო სამუშაოები.

დანართი N2 (ტექნიკური დავალება) შემდგომში განისაზღვრება ხელშეკრულების განუყოფელ ნაწილად.

დეტალური პროექტის ღირებულება არ უნდა აღემატებოდეს სამშენებლო სამუშაოების ღირებულების 3 %-ს

საპროექტო-სახარჯთაღრიცხვო დოკუმენტაციის მიწოდება (საექსპერტო მომსახურების ვადის ჩათვლით) უნდა განხორციელდეს ხელშეკრულების გაფორმებიდან არაუგვიანეს 60 კალენდარული დღის ვადაში, ხოლო სამშენებლო სამუშაოების წარმოება ხელშეკრულების გაფორმებიდან არაუგვიანეს 180 კალენდარული დღის ვადაში.

1. საპროექტო/სახარჯთაღრიცხვო დოკუმენტაცია:
საპროექტო დოკუმენტაციის მომზადების მოსახურების ყველა ეტაპის ანგარიში წარდგენილი უნდა იყოს წერილობითი სახით, მიწოდების ფორმა განსაზღვრულია ტექნიკური დავალების (დანართი #2) შესაბამისად.
სახარჯთაღრიცხვო დოკუმენტი შედგენილი უნდა იყოს რესურსული მეთოდით.
საპროექტო დოკუმენტაცია წარმოდგენილი უნდა იყოს შემსყიდველის მისამართზე ქ.თბილისი ვ.წითლანაძის პირველი შესახვევი #1 (ყოფილი გ.გულუას #6) (სსიპ ეროვნული სატყეო სააგენტო).

2.სამშენებლო სამუშაოები:
მიმწოდებელი ვალდებულია სამუშაოები შეასრულოს შემსყიდველთან შეთანხმებული დეტალური პროექტისა და საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების მიხედვით.

სამშენებლო სამუშაოები უნდა შესრულდეს შემდეგ მისამართზე: ჩოხატაურის მუნიციპალიტეტის კურორტ ბახმაროში მდებარე მიწის ნაკვეთზე (საკ.კოდი: 28.24.22.497)
მიწოდებული სამუშაოების მიღება განხორციელდება ფაქტიურად შესრულებული სამუშაოების მიხედვით, შესრულებული სამუშაოების მიღება-ჩაბარების აქტის საფუძველზე.

1. შესრულებულ სამონტაჟო სამუშაოებზე საგარანტიო ვადა შეადგენს 3 (სამი) წელს, რომლის განმავლობაშიც რაიმე წუნის (ნაკლოვანებები, დეფექტი) აღმოჩენის შემთხვევაში, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.
2. მიმწოდებელი ვალდებულია შესრულებულ სამუშაოთა საბოლოო მიღება-ჩაბარების აქტის გაფორმებისას წარმოადგინოს შესრულებული სამუშაოს სრულფასოვანი ფუნქციონირების უპირობო, გამოუთხოვადი საბანკო გარანტია სულ შესრულებული სამუშაოების ღირებულების არანაკლებ 3%-ის ოდენობით. აღნიშნული გარანტია წარმოდგენილ უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში, რომლის მოქმედების ვადა არანაკლებ 30 კალენდარული დღით უნდა აღემატებოდეს სამუშაოების საგარანტიო ვადას.
3. მიმწოდებელს მისი წერილობითი მოთხოვნის საფუძველზე დაუბრუნდება აღნიშნული საბანკო გარანტია ხარვეზების აღმოფხვრის და საგარანტიო ვადის გასვლის შემდეგ.
4. თუ მიმწოდებელი არ ასრულებს წინამდებარე მუხლის 1 და 2 პუნქტის მოთხოვნებს, ასეთ შემთხვევაში გარანტია დაბრუნებას არ ექვემდებარება.
5. თუკი ხელშეკრულების საგარანტიო პერიოდის ვადის გასვლამდე გამოვლენილი ხარვეზების შედეგად შემსყიდველს მიადგა ზარალი აღნიშნული გარანტიით განსაზღვრულ ღირებულებაზე მეტი ოდნობით, მიმწოდებელი იღებს ვალდებულებას გადაუხადოს შემსყიდველს შესაბამისი ნარჩენი ღირებულება ან აღმოფხვრას წუნი საკუთარი ხარჯებით.

ტენდერში მონაწილე პრეტენდენტს, 2020 წლის 01 იანვრიდან ერთი დასრულებული ხელშეკრულების ფარგლებში შესრულებული უნდა ჰქონდეს არანაკლებ 250 000 ლარის ღირებულების შენობების (მათ შორის თანმდევი რემონტი) სამშენებლო სამუშაოები;

პრეტენდენტმა შესრულებულ სამუშაოებზე ასევე უნდა წარმოადგინოს დადებითი სარეკომენდაციო წერილი, რომლის ფარგლებში შესრულებული სამუშაოების ღირებულება არ უნდა იყოს 50 000 ლარზე ნაკლები;

გამოცდილების დადასტურება უნდა განხორციელდეს ხელშეკრულებების, მიღება-ჩაბარებების აქტების, ფორმა-2-ების და დადასტურებული ანგარიშ-ფაქტურების სისტემაში წარმოდგენის გზით, ხოლო იმ შემთხვევაში თუკი სამუშაოები გაწეულია სახელმწიფო შესყიდვების ერთიან ელექტრონულ სისტემაში რეგისტრირებული შემსყიდველი ორგანიზაციის დაკვეთით და სისტემაში ატვირთული დოკუმენტაციით/ინფორმაციით დგინდება შესრულებული სამუშაოების სახეობა და მოცულობა პრეტენდენტმა უნდა წარმოადგინოს მხოლოდ შესაბამისი SPA/NAT/CMR/DAP (და სხვა) ნომერი.

იმ შემთხვევაში თუ წარმოდგენილი გამოცდილების ფარგლებში პრეტენდენტი წარმოადგენდა ქვეკონტრაქტორ კომპანიას, იგი ვალდებულია წარმოდგინოს ასევე ძირითადი ხელშეკრულებაც, ხოლო იმ შემთხვევაში თუ ძირითადი ხელშეკრულების (ასევე სატენდერო დოკუმენტაციით) ფარგლებში განსაზღვრული იყო ქვეკონტრაქტორის ყოლის დამკვეთთან შეთანხმების ვალდებულება, პრეტენდენტი ვალდებულია წარმოადგინოს აღნიშნული შეთანხმების არსებობის დამადასტურებელი დოკუმენტი/მასალა, წინააღმდეგ შემთხვევაში წარმოდგენილი გამოცდილების შესახებ დოკუმენტაცია არ ჩაითვლება ტენდერის მოთხოვნებთან შესაბამისად.

საზღვარგარეთ შესრულებული სამუშაოების შემთხვევაში: გამოცდილების დადასტურება უნდა განხორციელდეს მხარეთა მიერ დადასტურებული ხელშეკრულებების, მიღება-ჩაბარებების აქტების და ფორმა 2 სისტემაში წარმოდგენის გზით.

გამოცდილების დამადასტურებელი წარმოდგენილი დოკუმენტაცია მინიმუმ უნდა მოიცავდეს შემდეგ ინფორმაციას:
(ა) ხელშეკრულების დამდები მხარეები;
(ბ) ხელშეკრულების საგანი (შესყიდვის ობიექტის დეტალური აღწერილობა, მაგ: ტექნიკური დავალება ან სხვა მსგავსი დოკუმენტი, საიდანაც ნათლად უნდა იკვეთებოდეს შესყიდვის ობიექტის შინაარსი);
(გ) ხელშეკრულების ღირებულება;
(დ) ხელშეკრულების გაფორმების თარიღი, სამუშაოების შესრულების ვადები;
(ე) მხარეთა ხელმოწერები.

უცხოურ ვალუტაში შესრულებული სამუშაოების შემთხვევაში, მათი ღირებულების დაანგარიშება მოხდება ლარებში, სამუშაოების შესრულების დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

გამოცდილებად არ ჩაითვლება იმ ქვეყნის ტერიტორიაზე შესრულებული სამუშაოები, სადაც რეგისტრირებულია პრეტენდენტი.

პრეტენდენტმა უნდა წარმოადგინოს უცხო ქვეყანაში მისი კომპანიის რეგისტრაციის შესახებ დოკუმენტი.

პრეტენდენტის მიერ გამოცდილების დადასტურების მიზნით წარმოდგენილი ყველა დოკუმენტი უნდა იყოს ლეგალიზებული ან/და აპოსტილით დამოწმებული. პრეტენდენტის მიერ წარმოდგენილი ყველა უცხოენოვანი დოკუმენტი უნდა იყოს ქართულ ენაზე ნათარგმნი და ნოტარიულად დამოწმებული.

პრეტენდენტმა უნდა წარმოადგინოს ინფორმაცია იმ პირთა შესახებ, რომლებიც უშუალოდ იქნებიან ჩართული საპროექტო/სახარჯთაღრიცხვო დოკუმენტაციის შედგენის პროცესში, ხოლო აღნიშნულ პირთა ჯგუფი მინიმუმ უნდა შედგებოდეს:

კონსტრუქტორი, არქიტექტორი, გეოდეზისტი, საინჟინრო ნაწილის სპეციალისტები; წყალ-კანალიზაცია, გათბობა-ვენტილაცია-კონდეცირება, ელექტრობა, სუსტი დენები, ხარჯთაღმრიცხველი, რომელთაც უნდა გააჩნდეს შესაბამისი მომსახურების გაწევის არანაკლებ 2 წლის პროფესიული გამოცდილების სტაჟი.

პერსონალის გამოცდილების დასადასტურებლად წარმოდგენილი უნდა იქნეს შესაბამისი სპეციალისტების CV (დადასტურებული სპეციალისტის ხელმოწერით), ასევე წარმოდგენილი უნდა იქნეს დამსაქმებლის საკონტაქტო ინფორმაცია - დასახელება, ტელეფონის ნომერი და ელ.ფოსტის მისამართი.

სპეციალისტების შერჩევისას გათვალისწინებული უნდა იქნას ის გარემოება, რომ ტენდერში გამარჯვების შემთხვევაში საპროექტო-სახარჯთაღრიცხვო დოკუმენტაცია მომზადებული უნდა იქნეს მათ მიერ, რაც უნდა დასტურდებოდეს საპროექტო-სახარჯთაღრიცხვო დოკუმენტაციაზე მათი ხელმოწერით.

ტენდერში მონაწილე პრეტენდენტმა უნდა აჩვენოს, რომ მას გააჩნია ან ხელი მიუწვდება ფინანსურ რესურსებზე, როგორიცაა ლიკვიდური აქტივები, დაუგირავებელი უძრავი ქონება, საკრედიტო ხაზები და სხვა ფინანსური საშუალებები, კონტრაქტის ფარგლებში საავანსო გადახდების გარდა, რათა დააკმაყოფილოს ნაღდი ფულის მოძრაობის მოთხოვნა წინამდებარე კონტრაქტისათვის, რომლის ოდენობა უნდა იყოს არანაკლებ 50000 ლარისა.

წარმოდგენილი დოკუმენტი გაცემული უნდა იყოს ტენდერისათვის წინადადების მიღება დაწყებულია სტატუსის მინიჭების ან შემდგომ თარიღში.

სამუშაოების შესრულების პროცესში ყველა გამოყენებული მასალა და მოწყობილობა უნდა შეესაბამებოდეს ამ სფეროში აღიარებულ სტანდარტებს. ამასთანავე შემსყიდველის მოთხოვნის და ასეთის არსებობის შემთხვევაში მიმწოდებელი ვალდებულია ხელშეკრულების მიმდინარეობის ნებისმიერ ეტაპზე წარმოადგინოს შესაბამისი ხარისხის დამადასტურებელი დოკუმენტაცია (სერთიფიკატები).

აღნიშნული მოთხოვნა ძალაში შედის ხელშეკრულების გაფორმების შემდეგ და არ წარმოადგენს პრეტენდენტისათვის წინამდებარე სატენდერო დოკუმენტაციით ფარგლებში რაიმე სახის დოკუმენტების ან/და ინფორმაციის წარმოდგენის ვალდებულებას.

შესყიდვის თავისებურების (შესყიდვის ობიექტი სპეციფიკის), ასევე იმ ფაქტის გათვალისწინებით, რომ მისი ერთ-ერთ შემადგენელი ნაწილია საპროექტო მომსახურება, რომლის ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურება/სამუშაო განხორციელდეს სავარაუდო ღირებულებაზე 20%-ით ან მეტით დაბალ ფასად, წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება.

4 Процентов

8 Процентов

გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

წარმოდგენილ გარანტიაში მითითებული უნდა იყოს, რომ იგი არის უპირობო და გამოუთხოვადი. წარმოდგენილი საბანკო გარანტია უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან. ასევე მითითებული უნდა იყოს, რომ გარანტიით გათვალისწინებული თანხა შემსყიდველის მიერ განსაზღვრულ ანგარიშზე ჩაირიცხება მისი პირველივე წერილობითი მოთხოვნიდან 5 (ხუთი) სამუშაო დღეში, ყოველგვარი მტკიცებულებებისა და დოკუმენტაციის წარდგენის გარეშე.

მიმწოდებლის მოთხოვნის შემთხვევაში წინამდებარე ხელშეკრულებაში გამოიყენება წინასწარი ანგარიშსწორება შემდეგი სავალდებულო პირობებით:

წინამდებარე ტენდერში, განმოყენებულ იქნება საავანსო ანგარიშსწორება მშენებლობის ეტაპზე (გაიცემა საპროექტი-სახარჯთაღროცვო დოკუმენტაციის წარმოდგენის შემდეგ) სახელშეკრულებო ღირებულების 30% ოდენობით ლარში, საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიის მიერ გაცემული შემსყიდველთან შეთანხმებული შინაარსის უპირობო, გამოუთხოვადი წინასწარი ანგარიშსწორების (საავანსო) საბანკო გარანტიის წარმოდგენის საფუძველზე, რომლის მოქმედების ვადა მინიმუმ 30 კალენარული დღით უნდა აღემატებოდეს ხელშეკრულების მოქმედების ვადას.
ასევე გარანტიაში მითითებული უნდა იყოს, რომ გარანტიით გათვალისწინებული თანხა შემსყიდველის მიერ განსაზღვრულ ანგარიშზე ჩაირიცხება მისი პირველივე წერილობითი მოთხოვნიდან 5 (ხუთი) სამუშაო დღეში, ყოველგვარი მტკიცებულებებისა და დოკუმენტაციის წარდგენის გარეშე.

მიმწოდებელი ვალდებულია ავანსად მიღებული თანხა გამოიყენოს მხოლოდ წინამდებარე ხელშეკრულებით გათვალისწინებული საქმიანობისათვის.

მიმწოდებელს ავანსის წარმოდგენის დღისათვის ბიუჯეტის მიმართ არ უნდა გააჩნდეს 1000 ლარზე მეტი ოდენობის დავალიანება.

ავანსად მიღებული თანხის გამოქვითვა მოხდება შესრულებული სამუშაოდან სრულად.

1. ანგარიშსწორება შესაძლებელია განხორციელდეს ეტაპობრივად.
2. ანგარიშსწორება შესაძლებელია განხორციელდეს კონკრეტული ეტაპისათვის, მიმწოდებლის მიერ სრულყოფილი საპროექტო/სახარჯთაღრიცხვო დოკუმენტაციის მოწოდების, ასევე კონკრეტული სამუშაოების დასრულების შესახებ შედგენილი შუალედური მიღება-ჩაბარების აქტისა და შესაბამისი ფინანსური დოკუმენტაციის საფუძველზე.
3. შუალედური მიღება ჩაბარების აქტი გაფორმდება სამუშაოთა გარკვეული ნაწილის დასრულების შემდეგ.
3.1 შუალედური მიღება-ჩაბარების აქტის გაფორმების საფუძველს წარმოადგენს შემდეგი დოკუმენტაცია:
ა) სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამისი აკრედიტაციის მქონე ორგანოს (ასეთის შემთხვევაში მიმწოდებელი ვალდებულია წარმოადგინოს ორგანოს აკრედიტაციის მოწმობა) მიერ შესრულებულ სამუშაოთა მოცულობისა და ღირებულების დადგენის მიზნით გაცემული დასკვნა (აუცილებელი პირობა: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული ორგანოში დასკვნის მომზადების ხარჯებს ანაზღაურებს მიმწოდებელი);
ბ) ფორმა #2 რომელიც დადასტურებული იქნება სამუშაოთა შემსრულებლისა და შემსყიდველის მიერ განსაზღვრული ტექნიკური ზედამხედველის ხელმოწერით;
გ) ფარული სამუშაოების შესრულების აქტ(ებ)ი (ასეთის არსებობის შემთხვევაში) დადასტურებული შემსყიდველის წარმომადგენლის - ტექნიკური ზედამხედველის და სამუშაოთა შემსრულებლის წარმომადგენლის ხელმოწერით;
დ) შემსყიდველის მიერ განსაზღვრული ტექნიკური ზედამხედველის/ინსპექტირების განმახორციელებელი ჯგუფის დასკვნა;
ე) პროექტის ზედამხედველი (ასეთის არსებობის შემთხვევაში) კომპანიის შესაბამისობის დასკვნა;
ვ) საქართველოში მოქმედი სამშენებლო ნორმებისა და წესების სრული დაცვით შედგენილი ყველა ის დოკუმენტაცია, რომელიც საჭიროა ექსერტიზის სრულყოფილად ჩასატარებლად.
4. საბოლოო ანგარიშწორება ,,მიმწოდებელთან’’ განხორციელდება სამუშაოების დასრულების შესახებ შედგენილი საბოლოო მიღება-ჩაბარების აქტის და შესაბამისი ფინანსური დოკუმენტაციის საფუძველზე.
4.1 საბოლოო მიღება-ჩაბარების აქტის გაფორმების საფუძველს წარმოადგენს შემდეგი დოკუმენტაცია:
ა) სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამისი აკრედიტაციის მქონე ორგანოს (ასეთის შემთხვევაში მიმწოდებელი ვალდებულია წარმოადგინოს ორგანოს აკრედიტაციის მოწმობა) მიერ შესრულებულ სამუშაოთა მოცულობისა და ღირებულების დადგენის მიზნით გაცემული დასკვნა (აუცილებელი პირობა: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული ორგანოში დასკვნის მომზადების ხარჯებს ანაზღაურებს მიმწოდებელი);
ბ) ფორმა #2 რომელიც დადასტურებული იქნება სამუშაოთა შემსრულებლისა და შემსყიდველის მიერ განსაზღვრული ტექნიკური ზედამხედველის ხელმოწერით;
გ) ფარული სამუშაოების შესრულების აქტ(ებ)ი (ასეთის არსებობის შემთხვევაში) დადასტურებული შემსყიდველის წარმომადგენლის - ტექნიკური ზედამხედველის და სამუშაოთა შემსრულებლის წარმომადგენლის ხელმოწერით;
დ) შემსყიდველის მიერ განსაზღვრული ტექნიკური ზედამხედველის/ინსპექტირების განმახორციელებელი ჯგუფის დასკვნა;
ე) სამუშაოს ხარისხის დაცვის უზრუნველმყოფი საბანკო გარანტია;
ვ) პროექტის ზედამხედველი (ასეთის არსებობის შემთხვევაში) კომპანიის შესაბამისობის დასკვნა;
ზ) საქართველოში მოქმედი სამშენებლო ნორმებისა და წესების სრული დაცვით შედგენილი ყველა ის დოკუმენტაცია, რომელიც საჭიროა ექსერტიზის სრულყოფილად ჩასატარებლად.
5. ანგარიშწორება განხორციელდება ლარებში, უნაღდო ანგარიშსწორების გზით ,,მიმწოდებლის’’ საბანკო ანგარიშზე.

სატენდერო დოკუმენტაციის 7.1 ან/და 7.2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშო დღის განმავლობაში.

რეზო ფხალაძე, 555487536, Rezo.Pkhaladze@forestry.gov.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ შექმნილი და ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.